อง 24
24
1แกวะ หลัยะ เฆ อี โบง นา ตู หมึอม. แกวะ แตห แม มึห น็อห ซี แบน ฆึก กาโดบ ดี เฆ.
2แคง น็อห เฆ, เฆ คราม ดี ปยาต อี เฮา. เฆ บอ นับ ดี กาลาง โฆรห, แตห อึณ แบน ดูก ดี อี.
3เซ ดูอี มึห อางยาน, อัน บอ นับ ดี ซัม กาง. เซ อึณ กาหลูห ดี น็อห อัน, อัน บอ นับ ดี โบง แตห อึณ ซีคยา.
4เซ อัน นับ แบน โมยว แบน โมยว, อึณ แตห โกรวกราม อี ง็อห ตาง บอ อี ชีด กอ โนะ แคง โฮง อีด อัน ดอน โฮง.
5ดูอี อี มึห อางยาน, อัน มึห ปวน ตาง. อี นับ แบน โมยว แบน โมยว, อัน บอ แว มึห แฮณ กาปัว.
6โคว, อาเซ มึห อี ดัว อากยาม อางยาน ดี อัน, อัน แฮะ ปึอน กาโฆห ดี อี. เซ อึณ มึห ดูอี กืน ดัว อากยาม อางยาน, อึณ ดี แตห ดอน อี กอย ดาคึย, กอย ซีคยา.
7ดูอี รึร ตู นับ ดี กาพา ครับ อางยาน บอด. เซ ดา ตาง ฮี โลว กาลาง ลอง อาเร อี ตาง อี คึกคัม, ดูอี รึร ตี ตู ปึอน กาวึห โมต อัน.
8เซ ดูอี คราม ดี โบง นา ตู หมึอม, อี เฮา ดี ต็อห, อัน มูห ดูอี ฮาย.
9ปี คราม ดูอี รึร ดี โบง, อึณ บอ มูห หมาบ. เซ อี มึห น็อห ปีคึก, อี เฮา ดี ต็อห, อึณ หมึอม กาอีห.
10เซ น็อห แม ลึร ดอ ฌัม แม ดูก, แฮณ แม เปรต.
11เซ ดูอี อี ตู โดบ ดารา แฮะ ซูงพยาด ดี ง็อห ยัม ดูอี อู วี, แตห แม ปีครัน ดี จอย ดูอี วี ตี แตห อัน ลอด.
12แม ปี บอ ต็อห, “โอว ตู นับ ลอง อัน ตี,” เฌาพรา ยี นับ. อัน เฌา แฮะ นับ ซีคยา ปี เฌณฌา แม แคง น็อห แม. อัน เฌา ดี บัร อาซาก แม. อัน แฮะ นับ ลอง อาเร ตี. อัน ดี โบง เวียะ ดี ดูอี ดอน อี, แตห อึณ โดบ แคะ ปี โบง วี เหมา วี อัน.
13อึย ฆอน กาโณม โอว, แตห แม โฮม งาม มาเพียน. โคว, อึณ ดี หมึอม ดี แม. งาม มาเพียน อี โจห ดี อึณลาง อัน, อึณ บอ ซีแงห กาเซา.
14ปาย ตี, แม ดี บอ นับ แคะ บอด แคะ หมึอม อางยาน อี กอย แคง น็อห แม. เซ แม มึห อางยาน, นา อาต นี ฮาว แม ดี ปึอน ดี กอย ดาคึย. ปี หน็อะ อึณด็อะ แม, อึณ ดี แบน, ตู แตห แม กาลูต น็อห.
15แกวะ โบง ปี ดูอี ฮาย, อี คราม ดี โฌน ดูอี น็อห ซืร น็อห หมาน. แกวะ แตห แม ปยาต กาง โดง กอย อัน.
16โคว, ดูอี น็อห ซืร, อัน ปี บอ แฮะ เกห อาดา บู เฌณ มืร, อัน ปี วี ปึอน ดี ยีต ดอน เฌณ. อี มูห ดูอี ฮาย, อัน ยี เกห โลง ดอ กาดูห อัน อาเพ อาเร ตาง.
17ดอ เกห รันซู แม, แม แกวะ โคย. ดอ ตา ดูห อัน ดี เปลา อัน, แกวะ แตห น็อห แม ดาคึย.
18โยว เฌาพรา ยึร, อาว ล็อะ น็อห อัน. โยว เฌาพรา ปี ตู ดัม หมาบ ดี อัน.
19แกวะ แตห อึณ แบน น็อห แหม ดี แม โกบ ดูอี ตู หมึอม. แกวะ แตห แม หลัยะ เฆ.
20โคว, นา อาต ฮาว, ดูอี ตู หมึอม ตี ตู มึห ปี หน็อะ อึณด็อะ มาเซ.
21อึย ฆอน กาโณม โอว, แตห แม โรวเซ เฌาพรา บอ โรวเซ คูนดีคัม. แกวะ แตห น็อห แม แบน ฆึก เฆ อี กาบัห ดี ฆาย.
22อู เฌณ ฆาย ดี แตห เฆ ลึร ชึม โตต. อาว มึห อาเซ อี ปึอน นับ ปี ดี โบง เฌาพรา ฆาย คูนดีคัม, แตห เฆ ชึม.
โฆรห อางยาน ปอ อึณปัว
23เฆ ดูอี อี มึห อางยาน แฮะ กาลาง อูน บอ โฆรห นี.
เซ ดา ตาง ซูงพยาด ดารา มึห โดง ร็อก โดง ฌ็อง, ปี โบง อัน อาว บอด อาว หมึอม.
24เซ อัน ซูงพยาด ดี ดูอี ตู หมึอม ต็อห, “แม ตู มึห หมาบ,” เฆ อี เฮา ดี บอ ดืง อัน. เฆ ดูอี บอ มืง ดี บอ กาอีห บอ ฌ็อง อัน.
25เซ อึณ ยี มูห ดา ตาง อี ดัม หมาบ ดี เฆ อี ตู หมึอม, อัน ดี บอ โบยว ดาคึย. อัน ดี บอ ปึอน ม็องการา ปี ดัว เฌาพรา.
26เซ ดูอี อี เวียะ โฆรห แม กาลาง โฆรห ซืร, โฆรห หมาน, อึณ ปี อู ฆึก ลาย เงียม.
27แตห แม รัณ ฆาน นา เรต ดี อาต, โบง มาน เฆ โดง นา แม แตห อึณ ฮอต. วาย อัน ตี แตห แม วี ซัม กาง แม.
28เซ อึณ ตู มึห ดีโคว, แกวะ แตห แม แบน ซักเซ ดี อี เฮา คอ อู วี. แม แกวะ กาลาง อาว มูห อาว หมาน ลอง อัน ตี.
29แม แกวะ ต็อห, “โอว ดี โบง โดบ ปี โบง อัน ดี โอว. โอว ดี โบง เวียะ ดี อัน แคะ ปี โบง อัน ดี โอว.”
30โอว แฮะ ดึอม ว็อะ ฮาว โคบ มาน มางูน ดูอี กราน, อี ตู มึห อางยาน. โอว แฮะ ดึอม ฮาว กาโลห มาน มางูน ดูอี อี ตู นับ มาเซ.
31โอว บอ ยึร, เดา มาอาต แฮะ ฮอต ปลึก โตต. แปร เฆ เปต มืร แฮะ ฮอต โนะ. มาว ปี โฆว อัน แบน โล็ง มืร, แฮะ ฮอต ดีฆล็อห โจห.
32โอว ยอด บอ กาดัวะ กาพา ลอง อัน ตี. อึณ บอ มาโนว แตห โอว นับ. เซ แม ต็อห,
33“โอว ดี อีด ปอ อู กาจัน, โอว ดี อีด ดีเหลา คอ อี แจก,”
34อาคราว ดอ อีด แม ตี, พลาน เฆ เอต ดี ตัห ปยาต แม ปี ดา โฌน. ฆีน ดี บอ ตัห ดี แม ปี ดา อี โฆ็ง ครึง กาโฆห แฮะ ตัห.
© 2021, Wycliffe Bible Translator, Inc. All rights reserved.