อง 2
2
1อึย ฆอน กาโณม อึย, แตห แม โทม แคะ ปี มาโนว โอว ดี แม. ปี จัร โอว แม โบง, แตห แม แฆบ อูน ซีคยา แคง น็อห แม.
2แตห แม โทม อางยาน นี. แตห แม โฆยวฆยา ดี นับ ซีเพา อัน.
3เซ แม หมาณ ดี นับ ปี ปาย แบน โมยว แบน โมยว, เซ แม หมาณ ดี มึห อางยาน,
4เซ แม เหรต อางยาน ตี, แตห อึณ ปี แม เหรต รึอน. เซ แม เหรต อางยาน ตี, แตห อึณ ปี แม เหรต โกรว ปี ดีบ อูน อี.
5เซ แม โบง ปาย ตี, แม ดี บอ นับ ปี ดี ปาย ดี โรวเซ เฌาพรา. แม ดี บอ นับ ซีคยา ลอง เฌาพรา.
6โคว, อึณ มูห เฌาพรา อี นับ ดี ดัว อางยาน ดี อี. อัน เฌา อี ดี แตห อึณ กาหลูห ซีคยา ดี น็อห อี.
7อึณ บอ มูห อัน เฌา อี จอย เฆ ดูอี อี มึห น็อห ซืร น็อห หมาน. อัน บอ ฆ็อง แร เฆ อี ตู โบง นา ตู หมึอม.
8อัน เฌา บัร ดี ยอด เฆ อี โดบ ดารา อัน. อัน เฌา บอ ฆ็อง แร เฆ อี ซีงา บอด, อี มูห ดูอี อัน.
9เซ แม หมาณ ดี โอว, แม ดี นับ ปี ดี ปาย ดี โบง ซืร ซืร หมาน หมาน. แม ดี บอ นับ อี โดบ ดารา. แม ดี บอ นับ ดี โบง นา มูห นา หมาน.
10แม ดี บอ แบน ดูอี อี มึห อางยาน. ปี นับ แม ตี, อึณ ดี แตห แม โบยว ดาคึย.
11โกบ นับ แม ดี กาย็อห อี หมึอม อี ตู หมึอม, อึณ ดี ฆ็อง ดี แร แม. โกบ แฮะ กาหลูห ดี น็อห แม แบน โมยว แบน โมยว, อึณ แตห แม นับ ดี ซาดีก.
12อึณ มูห อางยาน อี ดี แคร แม, แกวะ แตห แม โดบ ดูอี ตู หมึอม. อึณ ดี แตห แม ลอด ดี เฆ อี กาลาง โฆรห โฆะ แฆะ,
13แตห แม ลอด ดี เฆ อี วัห นา ซืร นา หมาน, เฆ อี กอย แคง อับ ว็อง.
14เฆ บอ โวว ดี โบง หมาบ, บอ โคย ดี โดบ นา จีจีว อี โฆะ แฆะ.
15เฆ มืร ตู มึห น็อห ซืร, แบน ดูอี ตู หมึอม หณึม.
16อึณ มูห อางยาน ตี, อัน แตห แม นับ ดี วัห อีบึณ อี มึห น็อห กืน, อีบึณ อี โหมว ดี เกา อี.
17อึณ มูห อีบึณ อี นับ ดี แวน อีมาย บรีม อัน, บอ ปีว โฆรห ปี ดึอม ดืง ดึอม กาแซณ อูน อัน ดี เฌาพรา.
18เซ แม ฮาว ดี กาง อัน, อึณ แตห แม เจว ยัม. เซ แม โดบ อึณเตณ อัน, อึณ แตห แม เจว ฌัม มืง มารานัะ.
19เฆ อี ฮาว แล ฮาว จัร อีบึณ ฌึร ตี, อาว มึห อี ลอด ยัม, อาว มึห อี วี ตัห คอ อู วี.
20อึณ มูห อางยาน ตี อี แตห แม ปึอน ดี โดบ อึณเตณ ปี โดบ ดูอี หมึอม, อึณเตณ อี โดบ นา มูห นา หมาน.
21โคว, เฆ อี มึห น็อห บอด น็อห หมึอม, เฆ ดี บอ กอย แคง มืง ปี ดัว เฌาพรา ดี เฆ. เฆ อี ตู โบง นา ตู หมึอม, เฆ ดี บอ กอย ซีคยา แคง มืง ตี.
22อึณ ยี มูห เฆ ดูอี อี ตู หมึอม, เฌาพรา ดี ดึห เลห เฆ แคง มืง ตี. เฆ อี ตู โดบ ซีคยา เฌาพรา, เฌาพรา ดี แวน เฆ, แตห อึณ ปี อี รึต แวน เปต ดี กาดาย.
© 2021, Wycliffe Bible Translator, Inc. All rights reserved.