Popular Bible Verses from อง 2

โคว, อึณ มูห เฌาพรา อี นับ ดี ดัว อางยาน ดี อี. อัน เฌา อี ดี แตห อึณ กาหลูห ซีคยา ดี น็อห อี.

อึย ฆอน กาโณม อึย, แตห แม โทม แคะ ปี มาโนว โอว ดี แม. ปี จัร โอว แม โบง, แตห แม แฆบ อูน ซีคยา แคง น็อห แม. แตห แม โทม อางยาน นี. แตห แม โฆยวฆยา ดี นับ ซีเพา อัน. เซ แม หมาณ ดี นับ ปี ปาย แบน โมยว แบน โมยว, เซ แม หมาณ ดี มึห อางยาน, เซ แม เหรต อางยาน ตี, แตห อึณ ปี แม เหรต รึอน. เซ แม เหรต อางยาน ตี, แตห อึณ ปี แม เหรต โกรว ปี ดีบ อูน อี. เซ แม โบง ปาย ตี, แม ดี บอ นับ ปี ดี ปาย ดี โรวเซ เฌาพรา. แม ดี บอ นับ ซีคยา ลอง เฌาพรา.

อึณ บอ มูห อัน เฌา อี จอย เฆ ดูอี อี มึห น็อห ซืร น็อห หมาน. อัน บอ ฆ็อง แร เฆ อี ตู โบง นา ตู หมึอม. อัน เฌา บัร ดี ยอด เฆ อี โดบ ดารา อัน. อัน เฌา บอ ฆ็อง แร เฆ อี ซีงา บอด, อี มูห ดูอี อัน.

โคว, เฆ อี มึห น็อห บอด น็อห หมึอม, เฆ ดี บอ กอย แคง มืง ปี ดัว เฌาพรา ดี เฆ. เฆ อี ตู โบง นา ตู หมึอม, เฆ ดี บอ กอย ซีคยา แคง มืง ตี. อึณ ยี มูห เฆ ดูอี อี ตู หมึอม, เฌาพรา ดี ดึห เลห เฆ แคง มืง ตี. เฆ อี ตู โดบ ซีคยา เฌาพรา, เฌาพรา ดี แวน เฆ, แตห อึณ ปี อี รึต แวน เปต ดี กาดาย.

อึณ มูห อางยาน ตี, อัน แตห แม นับ ดี วัห อีบึณ อี มึห น็อห กืน, อีบึณ อี โหมว ดี เกา อี. อึณ มูห อีบึณ อี นับ ดี แวน อีมาย บรีม อัน, บอ ปีว โฆรห ปี ดึอม ดืง ดึอม กาแซณ อูน อัน ดี เฌาพรา.