1 อาซามูเอน 6
6
ลอง ฌีดืก เฌาพรา วี ฌัม แคง มืง อีซาเรลัะ
1วาย อัน ตี ฌีดืก เฌาพรา กอย แคง มืง เฆ ดูอี พีลีที อาดา บู มาเฆียน. 2เฆ ดูอี พีลีที บอ แดะ ดูอี อี แมน เบดาง บอ เฆ ดูอี อี หลู ดี เฌา ดาโฆน ตึอน. เฆ บอ ดีหมอด ต็อห, “เอ โลว ปาย เหมา ดี ฌีดืก เฌาพรา นี? กาลาง แตห เอ นับ, เซ อึณ โลว ฮาว อูน โดง กอย บรีม อัน, อึณ ดี โลว ปาย เหมา?”
3เฆ วี ต็อห, “เซ เอ บอ ฮาว ตึย วีว ฌีดืก เฌาพรา ตี, แกวะ แตห อึณ ฮาว ดีโลย. อึณ โลว มึห โกรว ปี หลู เอ โดบ, แตห อี นับ, เอ โหลห หมาบ เอ. เซ เอ โบง ปาย ตี, เซา เอ มืร ดี หราย. เอ มืร ดี นับ, เหมา อึณ ปาย ปี โลว เอ กาดูห ดูก ตาง ฌึร ตี.”
4เฆ ตึอน วี ดีหมอด ต็อห, “เอ ดี ดึห มาเซ โกรว ปี ดี หลู, แตห อึณ ลึห, เอ แฮะ โหลห หมาบ เอ?” เฆ วี ต็อห, “เอ โลว ดึห ครีว, โบง อารึบ บึบ ตึอน พัน โบ็ง บอ อารึบ มาหนาย พัน โดว, แตห อึณ โดบ แคะ มึห ดา ตาง อี อึบ เอ ดูอี พีลีที. เอ โลว โบง ปาย ตี โกบ เซา ตึอน แฮะ ดึก ดี เอ บอ ดี ดา ตาง เอ. 5เอ โลว โบง อารึบ บึบ ตี, บอ ราง มาหนาย อี แฮะ โบง แตห มืง เอ บอ มืง ลึร. แฮะ ฮอต, เอ โลว อืบ มยูก เฌาพรา ปี กรึบ ดูอี อีซาเรลัะ ตี. ปัน ตี เฌาพรา มืร ดี บอ กาเว เอ, แกวะ ฮู แตห บอ เอ บอ เฌา ปี กรึบ เอ โลว คัม ดูก ตาง ตึอน. 6แกวะ แตห เอ มึห น็อห ดืร ปี คูนดีคัม พาโรว บอ เฆ ดูอี แอฆึบ ตึอน. อัน เฌา แฮะ โบง อี หมึอม โยว ดี เฆ, แตห เฆ กอ วี เบลห ดูอี อีซาเรลัะ, แตห เฆ ปึอน ดี ฮาว.
7ดอ ตี นี, อึณ โลว แรน เลา กามาย, บอ ดึห มัก อาหยาง อา โดว อี หณัม ดึอม ดาง, อี ยี แฮะ ฮอต มึห ฆอน. เอ โลว ดึห ฮับ ดี เลา ตี, ดึห ฆอน ฆาย, วี กาย็อห ดี มา ฆาย, วี แตห ฆาย กอย โดง กอย บรีม ฆาย. 8แฮะ ฮอต, เอ โลว ดึห ฌีดืก เฌาพรา ตี, ดาง แดง เลา ตึอน, บอ ดึห บอ ปี ดี หลู เอ อี มูห ราง ครีว ตึอน, อี แตห เฆ นับ, เอ โหลห หมาบ เอ. เอ โลว ดึห โกรว ตี, วี ฮับ แคง ฌีดืก ปอ อู โบ็ง, วี อูน โคบ ฌีดืก เฌาพรา ตึอน. แฮะ ฮอต, แฮะ ปึอน ตึย มัก เลา ตี, แตห อัน ฮาว ราง อัน. 9เบ ยี โลว ยอด นา ฮาว อัน. เซ ฌีดืก ตี โดบ อึณเตณ มืง เบดเซเมด อี มูห อึณเตณ บรีม อัน, แฮะ มูห อัน เฌา ตี อี โบง ดูก ตาง ดี เอ. เซ อาว ปาย ตี, เอ ดี นับ, อาว มูห อัน เฌา ตี อี โบง ดูก ดี เอ. อึณ มูห เซา ปี โลว คัม เอ ปาย ตี.”
10เฆ แฮะ ฮอต ลาย ซังคยาง, เฆ บอ โบง โดบ ปาย ตี. เฆ บอ ดึห มามัก อา โดว อี แฮะ ฮอต มึห ฆอน, บอ ชึบ ดี เลา ตึอน. เฆ บอ ดึห ฆอน อัน, คร็อง อูน แคง กาปึม ครึม กาง เฆ ตึอน. 11เฆ บอ ดึห ฌีดืก เฌาพรา บอ ฌีดืก ดีแตด ปี ฮับ เฆ ราง มาหนาย ครีว ตึอน บอ ราง บึบ ครีว ตึอน, บอ เบลห แดง เลา ตี. 12มามัก ตึอน บอ ฮาว ซืร โดบ อึณเตณ มืง เบดเซเมด ตึอน. มามัก บอ อึณปอ บอ ฮาว. ดอ ฮาว มามัก โดบ อึณเตณ ตาง ตึอน, ฆาย ยี ตู วัห นา เหมา. เฆ ดูอี พีลีที ยี โดบ ดี ปัน มามัก ตี, กอ ฌัม กาดาย มืง เบดเซเมด ตึอน.
13เฆ ดูอี อี กอย มืง เบดเซเมด ตึอน, เฆ โซะ โหงว โคบ ดีลัยะ ตี, เฆ บอ ยึร ฌีดืก เฌาพรา แฮะ ตัห, เฆ บอ โคย กาเซา. 14มัก เลา ตึอน บอ ลึบ ฮาว แคง โดง นา อาโยวซูอา อี มูห ดูอี เบดเซเมด ตึอน. มัก บอ ฮาว ฆืด, กอย โคบ มาว ตาง ดี ตี. แฮะ ฮอต, เฆ บอ ดึห เลา ตึอน, ซาโลห แตห อึณ แบน เฮ โดะ. เฆ บอ ง็อห มามัก ตึอน, แตห อึณ แบน ปี ดี หลู อี โดะ ดี เงา. ปาย ตี เฆ บอ หลู ดี เฌาพรา ดี ตี. 15ปัน ตี เฆ ดูอี ครึร อาเลวี เฆ บอ ดึห โลง ฌีดืก เฌาพรา บอ ฌีดืก ดีแตด ปี ฮับ ครึง ครีว ตึอน, วี เบลห แดง มาว ตาง ตึอน. เฆ แฮะ ฮอต เบลห โตต, เฆ ดูอี เบดเซเมด บอ กาโพรม ดี หลู ปี หลู อี โดะ ดี เงา. บอ ปี หลู ดอน โมยว เฆ บอ หลู ดี เฌาพรา ซีแง ตี อู เฌณ. 16ดา กาณา อี อึบ ดูอี พีลีที, เฆ พัน วี ตึอน บอ ยึร ลอง อัน ตี. เฆ บอ วี เวณ ดี มืง เอโครน ซีแง ตี.
17อี มูห อารึบ บึบ ครีว ปี โบง เฆ ตึอน, ปี หลู เฆ ดี เฌาพรา, ปี ต็อห เฆ, แตห อึณ ฆ็อห แวน หมาบ เฆ ตึอน, อึณ มูห อู โบ็ง อาดา มืง อาจูด, อู โบ็ง อาดา มืง ฆาซา, อู โบ็ง อาดา มืง อาซาเคโลน, อู โบ็ง อาดา มืง ฆาทัะ บอ อู โบ็ง อาดา มืง เอโครน. 18อี มูห มาหนาย ครีว ตึอน มืร ปาย ตี. เฆ ตีห โดบ มืง เฆ บอ ดา ตาง พัน กาดัง อี อึบ มืง ตึอน, บอ มูห มืง ตาง, บอ มูห เรา ดีแตด. มาว ตาง โดง ดึห เบลห เฆ ฌีดืก เฌาพรา ตึอน, อึณ ซี กอย แคง โดง นา อาโยวซูอา อี มูห ดูอี เบดเซเมด ตึอน. อึณ แฮะ แบน ลักซานา, แกวะ แตห เฆ ปีว ลอง อัน ตี.
19อัน เฌา ดัม หมาบ ดี เฆ ดูอี เบดเซเมด ตี โกบ งึอบ เฆ นา แคง ฌีดืก เฌาพรา ตี. เฆ บอ ยัม บู ฆึร วี. ดูอี เฆ ตึอน, บอ กาโพรม ดี ยาม บอ กลึร โกบ ดัม เฌาพรา หมาบ ดี เฆ แฮะ ง็อห กืน ดูอี เฆ. 20ดูอี อี กอย แคง มืง เบดเซเมด ตึอน ต็อห, “อาว มึห อาเซ อี คัม ดี กอย นา อาต เฌาพรา, อี ซีงา บอด กาเซา. เอ ดี วี แตห ฌีดืก ตี วี ฮาว กอย โดบ อาเซ?”
21เฆ บอ จัร ดูอี ฮาว มืง กีรียาดยารีม, กาลาง ดี เฆ ดูอี แคง มืง ตี ต็อห, “ดูอี พีลีที แฮะ วี ดึห ฌีดืก เฌาพรา ตัห ตึย ดี เย. หมาณ แตห เบ วี ดึห ฮาว อูน โดง กอย เบ.”
Currently Selected:
1 อาซามูเอน 6: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
