SHINGRAN 4
4
Sumsing Lamu Ningtsa E Nawku Daw Jau Ai Lam
1Dai hpang, kaga shingran langai mi hta sumsing lamu e hpaw malang nga ai chyinghka langai mi ngai mu nngai.
Ngai na hkrup ai ngai hpe tsun nga ai shawng na nsen gaw, pahtau zawn ngoi nga ai hte, “Nang de lung wa rit, htawm hpang e byin na ra ai lam hte hpe ngai nang hpe madun dan de ga,” nga nna tsun ai. 2Shaloi jang Wenyi hta ngai nawng mat wa nngai. Sumsing lamu hta e tingnyang langai mi nga nga ai rai nna, dai tingnyang hta marai langai mi dung nga ai.#Shr 17:3; 21:10; Yer 17:12; Dan 7:9. 3Shi a myi man ahpraw nsam gaw, hpu ging ai lung seng ni rai nga ai nagahtoi hte patamya zawn htoi ala nga ai rai nna, dai tingnyang grup yin e gaw, mya lungseng nsan ai n-goila-tum jung nga ai. 4Dai tingnyang a grup yin e, tingnyang hkun mali naw nga nga ai; dai tingnyang ni hta hpraw ai hpun palawng bu hpun nna, ja janmau ni gup ai salang hkun mali grup rai dung nga ma ai. 5Dai tingnyang kaw nna myihprap gala ai, ngoi agung ai nsen, mu ngoi ai zawn nga ai nsen ni ngoi pru wa ai. Dai tingnyang a man e mung, Karai Kasang a Wenyi sanit ngu ai shachyi tawn da ai wan shadaw sanit htoi tu nga ai.#Pru 19:16; Shr 8:5; 11:19; 16:18. 6Bai dai tingnyang a man e pat seng zawn san hkra san tsawm ai pat nawng langai mi ing nga ai.
Dai hta n ga, tingnyang a grup yin gade n de, shingdu aman grup ting myi tu ai dusat amyu mali nga ma ai. #Shr 15:2; Eze 1:5. 7Langai ngu na dusat amyu gaw, hkanghkyi hte bung nga ai; lahkawng ngu na dusat amyu gaw, dumsu usu hte bung nga ai; masum ngu na dusat amyu gaw, shinggyim masha a myiman hte bung nga ai; mali ngu na dusat amyu gaw, pyen nga ai langda hte bung nga ai. 8Dai dusat mali hte hta langai hte langai singkaw kru hpra hpra tu nna, shanhte a hkum kata e mung, shinggan e mung hkum grup myi hkrai pri rai nga ai. Shanhte gaw shani shana n sim n sa ai sha:
“Moi na prat e, ya na prat e, htawm hpang du na ra ai prat e dinggrin anga nga ai,
Chyahtum Chyalai n-gun Rawng ai, Madu Karai Kasang gaw, chyoi pra, chyoi pra, chyoi pra arai nga ai law!,” nga nna tsun ma ai.#Eze 1:18; 10:12.
9Dai dusat mali gaw, tingnyang hta dung nga nna htani htana prat dingsa asak hkrung nga ai Madu a hpung shingkang arawng sadang hte chyeju hpe mahkawn shakawn ai shaloi, 10dai salang hkun mali mung, tingnyang hta dung nga nna htani htana prat dingsa ahkrung nga ai wa hpe dingnyawm nawku ma ai. Shanhte gaw, dai tingnyang a man e janmau ni hpe raw tawn da nna,
11“Anhte a Madu Karai Kasang e! Nga yawng nga pra hte hpe nang hpan tawn da nna,
dai hte gaw na a myit ra ai hku sha grin nga ma ai hte asak hkrung nga ma ai.
Dai majaw nang gaw, hpung shingkang arawng sadang hte, hpung dagu lu la na gingdan nga ndai law!,” nga nna tsun ma ai.
Currently Selected:
SHINGRAN 4: JCLB
Highlight
Share
Copy
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.