Esima 3
3
Balaga le kabuka le mi wuuma
1Tari kiigi yiga ngula ocu, Pyere bila Jan a kumi Njo Njyami ma ka bwono ma tari le otari. 2Kapaana kadubugu ka Njo Njyami ka ba acwolo ma Kave ka kadubugu, kiigi ŋa balaga le akula eli nde kabuka. Cugu ŋa cugu, ayi bila nde ŋaa asuuzi nde kaŋaa, mabuni nde kalaa ampara ŋa baari ba kiigi nyunuŋa nca Njo Njyami. 3Nde kama mono Pyere bila Jan ba aya nyunuŋa nca Njo Njyami ŋa nde laayi bo ampara. 4Ŋaa bo akesi nde nca miizi ŋaa Pyere ndi: «Kese bizi!» 5Kabuka kia ka seligi kesi bo, nde kamono ndi, lubu bo baampa nde kalogo. 6Ŋaa Pyere ŋa nde ndi: «Mi ŋa se ampara, se nore kali, ŋaa beeli ŋa mi, mi empa we, ma a Jezu Kirisite wo Nazarete saraga ŋa je!» 7Ŋaa nde kuari nde ma kwogo ka kalumu, nde sati nde. Kancinci ŋaa, miili bila nkeeŋe yiga ewami. 8Nde kata kabi lemo, nde yiga ma otele, ŋaa nde yiga ayira. Nde nyunuŋi bila bo nca Njo Njyami, yiga ayira ma kata akabi, ma kampa Njyami leve. 9Baari aso yiga amoni kayira nde, ŋaa nde mpi Njyami leve. 10Ka evuri yaa bo ndi, lo kiigi balaga le kiigi manci Kadubugu Keeve ka Njo Njyami ma kalaa ampara, ŋaa bo abagi akimi maanini bila oliliŋi ma maami ma ayiri ma nde.
Pyere ayiziga nca lebugu le Njo Njyami
11Ŋaa nde kiigi yiga njala kanyina Pyere bila Jan kali. Baari nca akimi abiri nciini ayeni mpila bo, ma kacu ka ba acwolo ma olebe Salomo. 12Pyere, kamono bwa, ŋa baari ndi: «Ye asi Ezerayele, be jaa ye lekima ma mama yira maa? Be bia ekesi yiga ba lekese bizi yiga ema, yiga ni ma mpari a bizi mankulu sikali ma bizi ba lenyima Njyami lesa balaga li kaje? 13Njyami Abarayame, wo Izake bila wo Jakobe, Njyami ankaaga a bizi a be, nde ma akusa ojanji a nde Jezu, wo be wo letege bila wo bizi a be ka miizi a Pilate wo okunji, wo dugi ndi, apisa Jezu. 14Be lebizi nde wo cece bila tele, ŋaa be le laayi ni apisa be obuma baari. 15Be lema abuma mfumu omwo, wo Njyami we kanyusa nca baari baakpa kpa, bizi a be atemi a lo. 16Ŋaa be lemoo balaga lia ŋaa be leyayi nde: ma nkuumu a Jezu nde ma wuuma kabila bizi a be le ma ayalaga ma nde. Ŋa ma lila le Jezu lempi nde kawuuma, ka miizi a be aso.
17«Ŋaa andumu a mi, mi yayi ni be bila amfumu a be lesa bwa ma andimiŋa. 18Ŋaa Njyami maasa amaami a nde ma kadugi kalakala ma enyua ba antuma-Njyami a ncye aso, ndi Kirisite aje kamono mpasi. 19Ŋaa lenyina maami maabi, ŋaa lekaala eku e be, mabuni aciezi maami a be maabi. 20Ŋaa Mfumu aje kampa antini ma kawuuma bila nde aje katuma Kirisite wo nde wo kasa swolo ma be, Jezu. 21Ma ntini ye leli yi, nde kini asa abaana ka, ka yulu tii keeya cugu eli Njyami avuta maami aso ma anyarigi, mva kadugi Njyami ma enyua ba antuma a nde a ncye akalakala. 22Moyize alyele ndi: “Mfumu wo Njyami a be aje katuma nca andumu a be ntuma nde mva mi. Be le eje kayuzuga aso ma alyele nde be. 23Ŋaa mpini mbuuru we abiza yuga ntuma Njyami wua ba acyeze nde nca baari a Njyami, ŋaa ba abuma nde.” 24Antuma aso ba awobi omo ŋa omo ka asa baana ma Samyele, ama alyele se ma ecugu bi. 25Be baana ba antuma-Njyami bila obuga baasa Njyami bila ankaaga a be, nde alyele ŋa Abarayame ndi: “Ankwono aso ancye ba abaga puga ma katagi ka we.” 26Njyami baani sa kakusa ojanji a nde ma be, nde ma atuma nde ma kampa be puga, ma kacieze mbuuru ŋa mbuuru nca maami maabi.»
Currently Selected:
Esima 3: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
