Esima 11
11
Pyere alyele ma ayiri ka Jeruzaleme
1Antuma bila andumu baakiigi ka, ka Zude ayugi ndi baari baali ka aJife ŋi bo se ami yalaga mbari a Njyami. 2Ka eyivuruga e Pyere Jeruzaleme, ayaligi baali aJife ba katiga nde, 3ndi: «We mi je mpila baari baali ka aJife ŋi ŋa we mi ja bila bo!» 4Ŋaa Pyere ka ka alyele bo lemigi leyiri maami ma. 5Ndi: «Mi kiigi nca kangundu ka baacwolo ma Zafa ŋa mi kabwono, ŋaa mi bagi lworo. Ŋa mi moni kalogo kamon kayi mpila mi mva kalembe keenini ama akwara ancwo ana kawi yulu ŋa ko kayi mpaana mi. 6Mi kesi pii, mi moni anyama ba elami ena, anyama ankeri ŋa ba bayira ma ncye bila anyoyi. 7Ŋaa mi yugi jui lelyele mi ndi: “Pyere temeŋe, ŋa buma anyama ba, we ja!” 8Ŋaa mi kaali ndi: “Kali Mfumu, kalogo ka ngiri sikali keebi ka kini nyunuŋa nca onywa mi ŋi.” 9Jui le ewi yulu lya, levuri wobi ndi: “Ndaga kacwolo kalogo ka adugi Njyami ndi ko keeve ma kalogo keebi.” 10Ŋaa lo le wobi bwa nja tari, amana eso evurugi yulu. 11Ma ntini yoankulu yia, abalaga atari ayi njo ye ba ka bizi. Bo baawa Sezare ama atuma bo mpaana mi. 12Oduduma Cece dugi mi ndaga bwogo kabaga, je bila bo. Andumu a mi ba asyami ba emono be ba ayiri mi Sezare ŋa bizi aso le nyunuŋi nca njo balaga le ba acwolo Koreneye. 13Wua se naaŋi bizi lemigi le moni nde ntuma yulu wo cuugi mpila nde ma kalyele ndi: “Tuma abalaga ka Zafa ma kaje yaga Simon wo nkuumu Pyere. 14Nde kalyele we mbari eli ye je kavuzuga we bila njo we eso.” 15Ntini eli mi kiigi kini ebaana lyele, Oduduma Cece yi nyunuŋa nca bo mva kanyunuŋi nde nca bizi keebani. 16Ŋaa mi barigi mbari a Mfumu ye kiigi lyele ndi: “Jan ampa ateemi ma anja ŋaa be le yaga ateemi ma Oduduma Cece.” 17Ŋaa Njyami mpi bo Oduduma Cece mva nde kaasi bizi a be ba leyaligi Mfumu Jezu Kirisite, mi kiigi na, ma kabiza jaa le Njyami?» 18Bo amana yuga bwa, bo akipi, ŋa bo ampi Njyami leve ndi: «Ee jaajaa, Njyami ampa se baali ka aJife ŋi lengulu lekaala bila kabaga omwo o jaajaa.»
Okuga ka Antiyoce
19Ampasi ma ayi ma ntini ye abumi Etyene asi kacamaŋa ayaligi. Ake nca bo ayeni tii Fenisi, ŋa Cypre bila Antiyoce, bo kiigi kampa mbari a Njyami ŋa aJife atu. 20Okorogo nca bo ake ba baaka asi Cypre ŋa Sirene ayeni Antiyoce, ŋa bo asunuŋi se ŋa baari ba baalyele nGereke, bo ampi bo Ncya Yeemve e Mfumu Jezu. 21Mpari a Mfumu ekiigi bila bo, ŋa kuna le baari leenini lemo leyaligi, ŋa anyunuŋi nca njila Mfumu. 22Baari ba Okuga ba Jeruzaleme ayugi ncia yia, ŋa bo atumi Barenabase Antiyoce. 23Ntini ye etoyi nde ŋa nde kamono lemigi le Njyami kiigi ampa ayaligi puga, nde moni kase mabwa ŋa nde ŋi bo kawasi ma kaka pa ma Njyami. 24Okorogo Barenabase kiigi balaga leeve, nde kiigi maaluula ma Oduduma Cece bila lila. Bege le baari baabagi ma Mfumu. 25Amana bwa, Barenabase yeni Tarese ma kaje yaga Soole. 26Nde kamana bazaga nde, biri nde Antiyoce. Bo abwele aki kasibi kamon ka eciina nca Okuga wua, ŋa bo ba kayiziga kuna le baari nca lila. Kiigi ka Antiyoce, ma jaa le ncomi, alwoni acwoli ma akiricye. 27Ma ntini yia, antuma-Njyami aciegi Jeruzaleme ma kaje Antiyoce. 28Bo omo kiigi nkuumu Angabise, temiŋi ŋa wobi ma Oduduma Cece, nde kiigi dugi bo ndi njala yeenini yeeva kayila okiri oso. Yo eyi, okorogo ma antini ma kiigi Klode mfumu kasi ka Arome. 29Ŋaa alwoni akani ndi, mbuuru ŋa mbuuru abuna mpa kabaga ka nde, ŋa ma katuma andumu ba kiigi ka Jude. 30Bo se asi bwa, ŋa atumi biibi ŋa ankuuru a Jude ma njiala e Barenabase bila Soole.
Currently Selected:
Esima 11: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Esima 11
11
Pyere alyele ma ayiri ka Jeruzaleme
1Antuma bila andumu baakiigi ka, ka Zude ayugi ndi baari baali ka aJife ŋi bo se ami yalaga mbari a Njyami. 2Ka eyivuruga e Pyere Jeruzaleme, ayaligi baali aJife ba katiga nde, 3ndi: «We mi je mpila baari baali ka aJife ŋi ŋa we mi ja bila bo!» 4Ŋaa Pyere ka ka alyele bo lemigi leyiri maami ma. 5Ndi: «Mi kiigi nca kangundu ka baacwolo ma Zafa ŋa mi kabwono, ŋaa mi bagi lworo. Ŋa mi moni kalogo kamon kayi mpila mi mva kalembe keenini ama akwara ancwo ana kawi yulu ŋa ko kayi mpaana mi. 6Mi kesi pii, mi moni anyama ba elami ena, anyama ankeri ŋa ba bayira ma ncye bila anyoyi. 7Ŋaa mi yugi jui lelyele mi ndi: “Pyere temeŋe, ŋa buma anyama ba, we ja!” 8Ŋaa mi kaali ndi: “Kali Mfumu, kalogo ka ngiri sikali keebi ka kini nyunuŋa nca onywa mi ŋi.” 9Jui le ewi yulu lya, levuri wobi ndi: “Ndaga kacwolo kalogo ka adugi Njyami ndi ko keeve ma kalogo keebi.” 10Ŋaa lo le wobi bwa nja tari, amana eso evurugi yulu. 11Ma ntini yoankulu yia, abalaga atari ayi njo ye ba ka bizi. Bo baawa Sezare ama atuma bo mpaana mi. 12Oduduma Cece dugi mi ndaga bwogo kabaga, je bila bo. Andumu a mi ba asyami ba emono be ba ayiri mi Sezare ŋa bizi aso le nyunuŋi nca njo balaga le ba acwolo Koreneye. 13Wua se naaŋi bizi lemigi le moni nde ntuma yulu wo cuugi mpila nde ma kalyele ndi: “Tuma abalaga ka Zafa ma kaje yaga Simon wo nkuumu Pyere. 14Nde kalyele we mbari eli ye je kavuzuga we bila njo we eso.” 15Ntini eli mi kiigi kini ebaana lyele, Oduduma Cece yi nyunuŋa nca bo mva kanyunuŋi nde nca bizi keebani. 16Ŋaa mi barigi mbari a Mfumu ye kiigi lyele ndi: “Jan ampa ateemi ma anja ŋaa be le yaga ateemi ma Oduduma Cece.” 17Ŋaa Njyami mpi bo Oduduma Cece mva nde kaasi bizi a be ba leyaligi Mfumu Jezu Kirisite, mi kiigi na, ma kabiza jaa le Njyami?» 18Bo amana yuga bwa, bo akipi, ŋa bo ampi Njyami leve ndi: «Ee jaajaa, Njyami ampa se baali ka aJife ŋi lengulu lekaala bila kabaga omwo o jaajaa.»
Okuga ka Antiyoce
19Ampasi ma ayi ma ntini ye abumi Etyene asi kacamaŋa ayaligi. Ake nca bo ayeni tii Fenisi, ŋa Cypre bila Antiyoce, bo kiigi kampa mbari a Njyami ŋa aJife atu. 20Okorogo nca bo ake ba baaka asi Cypre ŋa Sirene ayeni Antiyoce, ŋa bo asunuŋi se ŋa baari ba baalyele nGereke, bo ampi bo Ncya Yeemve e Mfumu Jezu. 21Mpari a Mfumu ekiigi bila bo, ŋa kuna le baari leenini lemo leyaligi, ŋa anyunuŋi nca njila Mfumu. 22Baari ba Okuga ba Jeruzaleme ayugi ncia yia, ŋa bo atumi Barenabase Antiyoce. 23Ntini ye etoyi nde ŋa nde kamono lemigi le Njyami kiigi ampa ayaligi puga, nde moni kase mabwa ŋa nde ŋi bo kawasi ma kaka pa ma Njyami. 24Okorogo Barenabase kiigi balaga leeve, nde kiigi maaluula ma Oduduma Cece bila lila. Bege le baari baabagi ma Mfumu. 25Amana bwa, Barenabase yeni Tarese ma kaje yaga Soole. 26Nde kamana bazaga nde, biri nde Antiyoce. Bo abwele aki kasibi kamon ka eciina nca Okuga wua, ŋa bo ba kayiziga kuna le baari nca lila. Kiigi ka Antiyoce, ma jaa le ncomi, alwoni acwoli ma akiricye. 27Ma ntini yia, antuma-Njyami aciegi Jeruzaleme ma kaje Antiyoce. 28Bo omo kiigi nkuumu Angabise, temiŋi ŋa wobi ma Oduduma Cece, nde kiigi dugi bo ndi njala yeenini yeeva kayila okiri oso. Yo eyi, okorogo ma antini ma kiigi Klode mfumu kasi ka Arome. 29Ŋaa alwoni akani ndi, mbuuru ŋa mbuuru abuna mpa kabaga ka nde, ŋa ma katuma andumu ba kiigi ka Jude. 30Bo se asi bwa, ŋa atumi biibi ŋa ankuuru a Jude ma njiala e Barenabase bila Soole.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES