Esima 12
12
Jake ami buma, ŋa Pyere ami kwara
1Ma ntini yomankulu yia, mfumu Erode Angripa o ncomi legi kwogo yila baari ake ba Okuga ma kampa bo mpasi. 2Nde si kabuma Jake ndumu a Jan ma opara wo aworo. 3Ŋaa nde moni ndi aJife a kiigi mono ove ma maasi nde, nde si se ka kwara Pyere, ma cugu le cinda le anganga ma maaluula mpeembe. 4Amana kuara nde ŋa akangi ma ongeneŋe, Erode tumi ŋa eju ba aworo ena ŋa aworo ana ma kakyele nde. Nde asaga pama Pyere ka miizi a baari amana cinda le Pake. 5Ŋaa Pyere kiigi yiga ama akyele nca ongeneŋe, ŋaa baari ba Okuga ba kaselege bwono Njyami ma nde.
Ntuma-yulu omo vuzugi Pyere
6Nca lempiibi, Erode asaga sa kampama Pyere ka miizi a baari, Pyere kiigi ma aca tolo ka kabakari ba aworo bwele. Amaakura bila esia ba ankozo mwele. Kiigi se ŋa aworo kavuzu ba kadubugu ka ongeneŋe bo yiga ba akyele nde. 7Parabu ŋaa, ntuma Mfumu omo yi cuuga nca biri eli Pyere nca kari ongeneŋe, kawii kamo kacuugi nca biri yia. Ntuma yulu nyusu Pyere ŋa tiili nde ma le baayi. Nde dugi nde ndi: «Temeŋe ŋa asisari!» Esya ba ankozo ecyegi ma njyala e nde. 8Ŋa ntuma yulu dugi nde: «Lege nkaba le we, nkura akorogo a we.» Pyere si mva ntuma yulu ka kadugi nde. Ntuma-yulu se dugi ndi: «Lege mfa yeela e we lwono mi.» 9Pyere lwono nde, cuugi ma ongeneŋe tii nji. Ŋaa nde ki ya ndi se kalogo ka esa ntuma yulu ki syele ŋi, nde kamono ndi lworo. 10Bo ayiri ma oju wo ncomi wo aworo, amana wo ywele. Ŋa bo atoyi kadubugu ka ankozo ka ongeneŋe ka keecuuga nca kangundu. Kadubugu ka enyani komoankulu ma bo. Ŋa bo acuugi ma ongeneŋe, bo ayeni nca owonbo wo aje kacu ka kangundu. Kancinci ŋaa, ntuma yulu nyini Pyere.
11Ŋaa Pyere yi vuruga nca ecimiŋi e nde: «Yiga mi yayi ni jaajaa Mfumu ma atuma ntuma yulu, ma kavuzuga mi ma njyala ba Erode ŋa maami maabi ma si saga baari ba aJife ma mi kasa.»
12Ŋa nde kamana yuga maami maasi ma, nde yeni njo Mariya, nguugu a Jan wo ba acwolo ma Mareke. Kaŋaa, bege le ayaligi ama akuga ma kabwono. 13Pyere beeri ka kadubugu ka baanyunuŋa, ŋa onjanji omo wo okaazi, wo nkuumu Rode yi ciina ma kayuga. 14Ŋaa Rode yugi ndi jui lya le Pyere, Nde moni kase keenini, nde ki ma cimiŋa ma kanyana kadubugu ŋi. Ŋaa nde biri ciini ma kacu ka abuga ma kaje lyele ndi: «Pyere a wu ka onyua kadubugu!» 15Abuga akaali ŋa nde ndi: «We ŋa lari!» Ŋaa nde seligi dugi ndi: «Nde e wu, ŋaa syele!» Bo adugi ndi: «Ŋaa ntuma nde.»
16Okorogo Pyere aselege kabere. Bo anaana kadubugu, ka emoni e bo nde, bo aselegi bagi akimi. 17Nde si bo kaliimi ma kwogo ni bo aka pi, ŋa nde samigi bo lemigi le cuzugi Mfumu nde ma ongeneŋe. Nde dugi bo: «Lelyele ma aso ŋa Jake ŋa andumu baamo.» Amana nde cuugi, nde yeni biri lekima.
18Ŋaa vuzu oca, aworo nca ongeneŋe kiigi ŋa ngimiŋa. Bo akiigi piza Pyere ŋa kunu kaka. 19Erode tumi ma kasaga nde ebiri eso, ŋaa bo akimono nde ŋi. Ŋaa nde pizi ma aworo ba akiigi kyele Pyere, ŋa nde tumi ma kabuma bo. Amana, Erode cyegi kasi ka Zude nde yeni kangundu ka Sezare, ŋa yiga kaka kwa ma ntini mo.
Leku le mfumu Erode Angripa o ncomi
20Erode kiigi ma abira nkeri ma baari a Tire ŋa ba Sidone. Ŋaa bo akuri ojugu omo ma kaya bazaga nde. Bo akiigi lyele bila Balasetise ma kayamba bo, nde wo kiigi kyele biibi e mfumu. Bo apizi Erode aka bo baabuna sa kadusu, okorogo, biila ba Tire ŋa Sidon kaya ma kasi ka Erode. 21Cugu leto, Erode legi mfa nde ye omfumu, kiigi yiga manci kayila mbara nde, ŋa yagi mbari wobi ka miizi a baari aso. 22Baari atii jui: «Nde ŋa njyami omo alyele ŋa ki mbuuru ŋi!» 23Ŋaa ma ntini yoankulu yia, ntuma-Mfumu omo beeri Erode, mabuni nde ki mpa lekuma ma Njyami ŋi. Ŋa nde kpi ma ebiga ba eji nde.
24Ŋaa mbari a Njyami ye selege lusa. 25Barenabase bila Soole amana janja le bo ka Jeruzaleme, avurugi ŋa abiri bila bo Jan wo baacwolo ma Mareke.
Currently Selected:
Esima 12: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Esima 12
12
Jake ami buma, ŋa Pyere ami kwara
1Ma ntini yomankulu yia, mfumu Erode Angripa o ncomi legi kwogo yila baari ake ba Okuga ma kampa bo mpasi. 2Nde si kabuma Jake ndumu a Jan ma opara wo aworo. 3Ŋaa nde moni ndi aJife a kiigi mono ove ma maasi nde, nde si se ka kwara Pyere, ma cugu le cinda le anganga ma maaluula mpeembe. 4Amana kuara nde ŋa akangi ma ongeneŋe, Erode tumi ŋa eju ba aworo ena ŋa aworo ana ma kakyele nde. Nde asaga pama Pyere ka miizi a baari amana cinda le Pake. 5Ŋaa Pyere kiigi yiga ama akyele nca ongeneŋe, ŋaa baari ba Okuga ba kaselege bwono Njyami ma nde.
Ntuma-yulu omo vuzugi Pyere
6Nca lempiibi, Erode asaga sa kampama Pyere ka miizi a baari, Pyere kiigi ma aca tolo ka kabakari ba aworo bwele. Amaakura bila esia ba ankozo mwele. Kiigi se ŋa aworo kavuzu ba kadubugu ka ongeneŋe bo yiga ba akyele nde. 7Parabu ŋaa, ntuma Mfumu omo yi cuuga nca biri eli Pyere nca kari ongeneŋe, kawii kamo kacuugi nca biri yia. Ntuma yulu nyusu Pyere ŋa tiili nde ma le baayi. Nde dugi nde ndi: «Temeŋe ŋa asisari!» Esya ba ankozo ecyegi ma njyala e nde. 8Ŋa ntuma yulu dugi nde: «Lege nkaba le we, nkura akorogo a we.» Pyere si mva ntuma yulu ka kadugi nde. Ntuma-yulu se dugi ndi: «Lege mfa yeela e we lwono mi.» 9Pyere lwono nde, cuugi ma ongeneŋe tii nji. Ŋaa nde ki ya ndi se kalogo ka esa ntuma yulu ki syele ŋi, nde kamono ndi lworo. 10Bo ayiri ma oju wo ncomi wo aworo, amana wo ywele. Ŋa bo atoyi kadubugu ka ankozo ka ongeneŋe ka keecuuga nca kangundu. Kadubugu ka enyani komoankulu ma bo. Ŋa bo acuugi ma ongeneŋe, bo ayeni nca owonbo wo aje kacu ka kangundu. Kancinci ŋaa, ntuma yulu nyini Pyere.
11Ŋaa Pyere yi vuruga nca ecimiŋi e nde: «Yiga mi yayi ni jaajaa Mfumu ma atuma ntuma yulu, ma kavuzuga mi ma njyala ba Erode ŋa maami maabi ma si saga baari ba aJife ma mi kasa.»
12Ŋa nde kamana yuga maami maasi ma, nde yeni njo Mariya, nguugu a Jan wo ba acwolo ma Mareke. Kaŋaa, bege le ayaligi ama akuga ma kabwono. 13Pyere beeri ka kadubugu ka baanyunuŋa, ŋa onjanji omo wo okaazi, wo nkuumu Rode yi ciina ma kayuga. 14Ŋaa Rode yugi ndi jui lya le Pyere, Nde moni kase keenini, nde ki ma cimiŋa ma kanyana kadubugu ŋi. Ŋaa nde biri ciini ma kacu ka abuga ma kaje lyele ndi: «Pyere a wu ka onyua kadubugu!» 15Abuga akaali ŋa nde ndi: «We ŋa lari!» Ŋaa nde seligi dugi ndi: «Nde e wu, ŋaa syele!» Bo adugi ndi: «Ŋaa ntuma nde.»
16Okorogo Pyere aselege kabere. Bo anaana kadubugu, ka emoni e bo nde, bo aselegi bagi akimi. 17Nde si bo kaliimi ma kwogo ni bo aka pi, ŋa nde samigi bo lemigi le cuzugi Mfumu nde ma ongeneŋe. Nde dugi bo: «Lelyele ma aso ŋa Jake ŋa andumu baamo.» Amana nde cuugi, nde yeni biri lekima.
18Ŋaa vuzu oca, aworo nca ongeneŋe kiigi ŋa ngimiŋa. Bo akiigi piza Pyere ŋa kunu kaka. 19Erode tumi ma kasaga nde ebiri eso, ŋaa bo akimono nde ŋi. Ŋaa nde pizi ma aworo ba akiigi kyele Pyere, ŋa nde tumi ma kabuma bo. Amana, Erode cyegi kasi ka Zude nde yeni kangundu ka Sezare, ŋa yiga kaka kwa ma ntini mo.
Leku le mfumu Erode Angripa o ncomi
20Erode kiigi ma abira nkeri ma baari a Tire ŋa ba Sidone. Ŋaa bo akuri ojugu omo ma kaya bazaga nde. Bo akiigi lyele bila Balasetise ma kayamba bo, nde wo kiigi kyele biibi e mfumu. Bo apizi Erode aka bo baabuna sa kadusu, okorogo, biila ba Tire ŋa Sidon kaya ma kasi ka Erode. 21Cugu leto, Erode legi mfa nde ye omfumu, kiigi yiga manci kayila mbara nde, ŋa yagi mbari wobi ka miizi a baari aso. 22Baari atii jui: «Nde ŋa njyami omo alyele ŋa ki mbuuru ŋi!» 23Ŋaa ma ntini yoankulu yia, ntuma-Mfumu omo beeri Erode, mabuni nde ki mpa lekuma ma Njyami ŋi. Ŋa nde kpi ma ebiga ba eji nde.
24Ŋaa mbari a Njyami ye selege lusa. 25Barenabase bila Soole amana janja le bo ka Jeruzaleme, avurugi ŋa abiri bila bo Jan wo baacwolo ma Mareke.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES