Esima 10
10
Lworo le Koreneye
1Kiigi ŋa balaga lemo ka Sezare nkuumu Koreneye, kiigi mfumu aworo aRome ba baacwolo ma «njiimi le Itali.» 2Balaga lya kiigi tele ŋa, bila njo nde eso, nde kaje Njyami. Nde amono ayamaŋa afuga a baari ba Ezerayele, ŋa nde kabwono Njyami cuga ŋa cuga. 3Tari le kalaga, ma kacu ka tari le otari, nde moni lworo, nde moni ntuma yulu tata nyuniŋi nca njo nde ŋa nde ndi: «Koreneye!» 4Nde kesi ntuma yulu nde aterege ŋa nde ŋa nde ndi: «Ee Mfumu jo ema?» Ntuma yulu kaali nde ndi: «Njyami ma ayalaga ebwoni e we bila lemigi le ayamaŋa we afuga, ŋa nde akalimiŋa we ŋi. 5Ŋaa yiga tuma abalaga Zafa ma kaje yaga mbuuru omo wo ba acwolo ma Simon, nkuumu Pyere. 6Nde kaka ka njo ojanji wo asa ebaana ba anyama nkuumu Simon se, nde njo mpaana lemere.» 7Ntuma yulu wo yi lyele nde kamana vuruga, Koreneye cwoli ajanji a nde bwele bila oworo nde wo tii-tii wo ajanja bila nde, mbuuru woove wo tele. 8Nde naani maami aso maakiigi yira ŋa nde tumi bo Zafa.
Lworo le Pyere
9Anyuzuga, bo ali ma njila ŋa bo yiga ba aciina Zafa, Pyere kumi yila njo yiga ka leka le njo kayulu kwa, tutuga ŋa tari ka leka yila ocu ma kabwono. 10Nde njala esi ŋa nde kiigi yiga ŋa njala kaja. Ma ntini yeeli yiga baasa nde biila, nde moni lworo. 11Nde moni yulu onaaŋi ŋa kalogo ka keewa kwa. Kiila kya kawuani kalembe keenini, amaasuga ko ma esugu ba ena ka keeya suruga ma ncye. 12Ŋaa nca kari kiigi ŋa anyama aso baali ŋa elami ena bila anyama aso ba baanaara, ŋa akaga ma anyoyi aso. 13Jui lemo ŋa nde ndi: «Pyere saraga ma otele, buma ŋa ja!» 14Ŋaa Pyere kaali ndi: «Kali! Mfumu, kabila mi nkini kawuuza ngiri ye ampi mi ŋi se kalogo keebi ŋi.» 15Jui lya le vuri dugi ndi: «Ndaga kacwolo kalogo ka adugi Njyami ndi ko keeve ma kalogo keebi.» 16Ko ka yi nja tari, kancinci ŋa amana, kalembe kavurigi yulu.
17Pyere yiga apiza ndi lya sila lworo ŋaa ma kalyele ndi bunu. Ŋi ma ntini yia baari ba Koreneye ba katumi ba yiga ali ma kapiza biri yeeli njo Simon ŋa bo yiga ali ka levuzu le kadubugu. 18Bo acwoli ŋa bo apizi ndi: «Simon nde nkuumu ye ekiege Pyere kaŋaa ka anca?» 19Pyere kiigi kini acimiŋa lworo lemono nde ntini ye Oduduma ye kadugi nde ndi: «Yuga, abalaga atari eba ka kunu baasaga we. 20Saraga, suruga ŋa je bila bo we bizi se atira kasa, kabila mi mbuuru wo otumi bo.» 21Pyere surugi yi baraga bo ŋa nde ŋa bo ndi: «Mi mbuuru yo be ye lesaga. Be meema leya?» 22Bo akaali ndi: «Koreneye mfumu aworo tuma bizi. Balaga le tele, nde anyima Njyami ŋa baari ba aJife aso ŋa njala nde. Ntuma yulu omo ya lyele nde ndi, nde katuma kacwolo we mpila nde, ma kayuga jaa yeeli we lyele nde.» 23Pyere si bo kanyunuŋa nca njo, ŋa bo asi kalari kamo.
Pyere aje mpila Koreneye
Anyuzuga, Pyere vi ma njila bila bo. Ŋa andumu ake ba Zafa ayi yila nde. 24Cugu le elwoni, nde kirigi Sezare. Koreneye kiigi anjila nde, ŋa nde kiigi ma acwolo ankwono bila andigi a nde apaga. 25Ma ntini ye Pyere kiigi yiga anyunuŋa, Koreneye yeni ma ka bazaga le nde, ŋa vi ka abuu a nde ma kabiga bila otori oso. 26Ŋaa Pyere osati nde ndi: «Saraga, mi se mbuuru omwo mva we.» 27Ŋaa nde seligi wobi bila Koreneye, ma ntini ye nyuniŋi nde nca njo. Nde moni bege le baari le maakuga. 28Nde ŋa bo ndi: «Be leyayi ni amaaliga aJife ma kaje mono anjya, sikali ma kanyunuŋa nca njo nde. Ŋaa Njyami mi mvyere ndi mi bizi kalyele ni mbuuru se omo ŋa amaami maabi, eli mi duma nde. 29Ma bwa mi kimono obi ŋi ma mi wooyi mpila be, kacwolo be mi. Ŋaa yiga mi ebuna ya jaa le be le cwolo mi.» 30Koreneye kaali ndi: «Ecugu yiga etari, tari loankulu li, ka tari le otari eli tari yiga le mi kalaga, mi kiigi ebwono ka njo mi. Kancinci ŋaa mi kese bu balaga lemo le amfa ngeri-ngeri lecuugi kavuzu o mi, 31ŋa nde ŋa mi ndi: “Koreneye, Njyami mi yuga obwoni a we ŋa nde akalumuŋa lemigi le yamaŋa we afuga ŋi. 32Yiga tuma abalaga aje Zafa ma kaje yaga Simon, nkuumu Pyere. Nde kaka ka njo Simon, wo asa janja le ebaana ba anyama, nde njo mpaana lemere.” 33Mi sa waa, mi tumi baari ma kaya yaga we ŋa we se si ove ma kaya. Ŋaa yiga bizi a be aso e ba leli ka miizi a Njyami ma kayuga maami aso a Mfumu ma kampi we ma kalyele.»
Pyere ampa Ncya Yeemve mpila Koreneye
34Ŋaa Pyere yagi mbari ndi: «Jaajaa mi yiga eyuga ni Njyami kayaga baari aso lemigi lemo. 35Nca esi eso ba eyayi onkani o nde bila ba eli tele, ŋa ove ma nde. 36Nde tumi mbari a nde ŋa baari a Ezerayele, ncya yeemve ye kadusu ma Jezu Kirisite wooli Mfumu a baari aso baali mwo. 37Be leyayi jaa le baani ya ka Ngalile, ŋa kanca Zude eso, kaamani mpa Jan mbari ŋa ateemi. 38Be leyayi lemigi le Njyami le kaswolo Jezu wo Nazarete ma janja le nde ŋa nde ma mpa nde mpari ye Oduduma Cece. Be leya lemigi le Jezu leka yiri nca kasi ma kasa leve ŋa ma kasalaga aso beeli jabiri ma akwara, kabila Njyami kiigi bila nde. 39Ŋa bizi a be kamaka atemi ma maami aso maasi nde nca kasi ka aJife ŋa ka Jeruzaleme. Ma kabuma nde bo ama kuta nde ma oti wo lemaanji. 40Ŋaa Njyami nyusu nde ma cugu le otari, ŋa nde si nde kamvyere njuru, 41ka ma baari aso ŋi, ŋaa ma bizi beeli Njyami ma sa swolo mva atemi. Bizi a be le ma ja lemanywa bila nde ntini e Njyami ye kamana nyusa nde nca baari ba akpakpa. 42Nde seligi tumi bizi ma kampa mbari ŋa baari bila ma kalyele ndi nde wo Njyami wo ka swoli ma kampama baari ba omwo bila ba akpakpa. 43Antuma-Njyami aso awobi ma nde, ndi mpini mbuuru wo ayalaga nde abologi maami maabi a nde aso ma onkani o nkuumu a nde.»
Oduduma Cece mi suriga yila baari eli ka aJife ŋi
44Ntini eli Pyere kiigi kini alyele, Oduduma Cece surigi yila baari aso ba kiigi yuga ntigi a nde. 45Ekoli ayaligi baali aJife ba ayi bila Pyere ndi Oduduma Cece wo Njyami wo kampa minyunuŋa ma anjuru baari eli ka aJife ŋi. 46Okorogo nde ka yuga ka alyele bo ma ajui akima ŋa kampa Njyami leve. Ŋaa Pyere ndi: 47«Ba buna liga baari ba bayaga ateemi ma anja, eli bo yiga ŋa Oduduma Cece mva bizi a be?» 48Ŋa nde tumi bo ma kampa bo ateemi ma nkuumu Jezu Kirisite. Bo apizi nde ndi nde kasa aka ecugu bila bo.
Currently Selected:
Esima 10: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Esima 10
10
Lworo le Koreneye
1Kiigi ŋa balaga lemo ka Sezare nkuumu Koreneye, kiigi mfumu aworo aRome ba baacwolo ma «njiimi le Itali.» 2Balaga lya kiigi tele ŋa, bila njo nde eso, nde kaje Njyami. Nde amono ayamaŋa afuga a baari ba Ezerayele, ŋa nde kabwono Njyami cuga ŋa cuga. 3Tari le kalaga, ma kacu ka tari le otari, nde moni lworo, nde moni ntuma yulu tata nyuniŋi nca njo nde ŋa nde ndi: «Koreneye!» 4Nde kesi ntuma yulu nde aterege ŋa nde ŋa nde ndi: «Ee Mfumu jo ema?» Ntuma yulu kaali nde ndi: «Njyami ma ayalaga ebwoni e we bila lemigi le ayamaŋa we afuga, ŋa nde akalimiŋa we ŋi. 5Ŋaa yiga tuma abalaga Zafa ma kaje yaga mbuuru omo wo ba acwolo ma Simon, nkuumu Pyere. 6Nde kaka ka njo ojanji wo asa ebaana ba anyama nkuumu Simon se, nde njo mpaana lemere.» 7Ntuma yulu wo yi lyele nde kamana vuruga, Koreneye cwoli ajanji a nde bwele bila oworo nde wo tii-tii wo ajanja bila nde, mbuuru woove wo tele. 8Nde naani maami aso maakiigi yira ŋa nde tumi bo Zafa.
Lworo le Pyere
9Anyuzuga, bo ali ma njila ŋa bo yiga ba aciina Zafa, Pyere kumi yila njo yiga ka leka le njo kayulu kwa, tutuga ŋa tari ka leka yila ocu ma kabwono. 10Nde njala esi ŋa nde kiigi yiga ŋa njala kaja. Ma ntini yeeli yiga baasa nde biila, nde moni lworo. 11Nde moni yulu onaaŋi ŋa kalogo ka keewa kwa. Kiila kya kawuani kalembe keenini, amaasuga ko ma esugu ba ena ka keeya suruga ma ncye. 12Ŋaa nca kari kiigi ŋa anyama aso baali ŋa elami ena bila anyama aso ba baanaara, ŋa akaga ma anyoyi aso. 13Jui lemo ŋa nde ndi: «Pyere saraga ma otele, buma ŋa ja!» 14Ŋaa Pyere kaali ndi: «Kali! Mfumu, kabila mi nkini kawuuza ngiri ye ampi mi ŋi se kalogo keebi ŋi.» 15Jui lya le vuri dugi ndi: «Ndaga kacwolo kalogo ka adugi Njyami ndi ko keeve ma kalogo keebi.» 16Ko ka yi nja tari, kancinci ŋa amana, kalembe kavurigi yulu.
17Pyere yiga apiza ndi lya sila lworo ŋaa ma kalyele ndi bunu. Ŋi ma ntini yia baari ba Koreneye ba katumi ba yiga ali ma kapiza biri yeeli njo Simon ŋa bo yiga ali ka levuzu le kadubugu. 18Bo acwoli ŋa bo apizi ndi: «Simon nde nkuumu ye ekiege Pyere kaŋaa ka anca?» 19Pyere kiigi kini acimiŋa lworo lemono nde ntini ye Oduduma ye kadugi nde ndi: «Yuga, abalaga atari eba ka kunu baasaga we. 20Saraga, suruga ŋa je bila bo we bizi se atira kasa, kabila mi mbuuru wo otumi bo.» 21Pyere surugi yi baraga bo ŋa nde ŋa bo ndi: «Mi mbuuru yo be ye lesaga. Be meema leya?» 22Bo akaali ndi: «Koreneye mfumu aworo tuma bizi. Balaga le tele, nde anyima Njyami ŋa baari ba aJife aso ŋa njala nde. Ntuma yulu omo ya lyele nde ndi, nde katuma kacwolo we mpila nde, ma kayuga jaa yeeli we lyele nde.» 23Pyere si bo kanyunuŋa nca njo, ŋa bo asi kalari kamo.
Pyere aje mpila Koreneye
Anyuzuga, Pyere vi ma njila bila bo. Ŋa andumu ake ba Zafa ayi yila nde. 24Cugu le elwoni, nde kirigi Sezare. Koreneye kiigi anjila nde, ŋa nde kiigi ma acwolo ankwono bila andigi a nde apaga. 25Ma ntini ye Pyere kiigi yiga anyunuŋa, Koreneye yeni ma ka bazaga le nde, ŋa vi ka abuu a nde ma kabiga bila otori oso. 26Ŋaa Pyere osati nde ndi: «Saraga, mi se mbuuru omwo mva we.» 27Ŋaa nde seligi wobi bila Koreneye, ma ntini ye nyuniŋi nde nca njo. Nde moni bege le baari le maakuga. 28Nde ŋa bo ndi: «Be leyayi ni amaaliga aJife ma kaje mono anjya, sikali ma kanyunuŋa nca njo nde. Ŋaa Njyami mi mvyere ndi mi bizi kalyele ni mbuuru se omo ŋa amaami maabi, eli mi duma nde. 29Ma bwa mi kimono obi ŋi ma mi wooyi mpila be, kacwolo be mi. Ŋaa yiga mi ebuna ya jaa le be le cwolo mi.» 30Koreneye kaali ndi: «Ecugu yiga etari, tari loankulu li, ka tari le otari eli tari yiga le mi kalaga, mi kiigi ebwono ka njo mi. Kancinci ŋaa mi kese bu balaga lemo le amfa ngeri-ngeri lecuugi kavuzu o mi, 31ŋa nde ŋa mi ndi: “Koreneye, Njyami mi yuga obwoni a we ŋa nde akalumuŋa lemigi le yamaŋa we afuga ŋi. 32Yiga tuma abalaga aje Zafa ma kaje yaga Simon, nkuumu Pyere. Nde kaka ka njo Simon, wo asa janja le ebaana ba anyama, nde njo mpaana lemere.” 33Mi sa waa, mi tumi baari ma kaya yaga we ŋa we se si ove ma kaya. Ŋaa yiga bizi a be aso e ba leli ka miizi a Njyami ma kayuga maami aso a Mfumu ma kampi we ma kalyele.»
Pyere ampa Ncya Yeemve mpila Koreneye
34Ŋaa Pyere yagi mbari ndi: «Jaajaa mi yiga eyuga ni Njyami kayaga baari aso lemigi lemo. 35Nca esi eso ba eyayi onkani o nde bila ba eli tele, ŋa ove ma nde. 36Nde tumi mbari a nde ŋa baari a Ezerayele, ncya yeemve ye kadusu ma Jezu Kirisite wooli Mfumu a baari aso baali mwo. 37Be leyayi jaa le baani ya ka Ngalile, ŋa kanca Zude eso, kaamani mpa Jan mbari ŋa ateemi. 38Be leyayi lemigi le Njyami le kaswolo Jezu wo Nazarete ma janja le nde ŋa nde ma mpa nde mpari ye Oduduma Cece. Be leya lemigi le Jezu leka yiri nca kasi ma kasa leve ŋa ma kasalaga aso beeli jabiri ma akwara, kabila Njyami kiigi bila nde. 39Ŋa bizi a be kamaka atemi ma maami aso maasi nde nca kasi ka aJife ŋa ka Jeruzaleme. Ma kabuma nde bo ama kuta nde ma oti wo lemaanji. 40Ŋaa Njyami nyusu nde ma cugu le otari, ŋa nde si nde kamvyere njuru, 41ka ma baari aso ŋi, ŋaa ma bizi beeli Njyami ma sa swolo mva atemi. Bizi a be le ma ja lemanywa bila nde ntini e Njyami ye kamana nyusa nde nca baari ba akpakpa. 42Nde seligi tumi bizi ma kampa mbari ŋa baari bila ma kalyele ndi nde wo Njyami wo ka swoli ma kampama baari ba omwo bila ba akpakpa. 43Antuma-Njyami aso awobi ma nde, ndi mpini mbuuru wo ayalaga nde abologi maami maabi a nde aso ma onkani o nkuumu a nde.»
Oduduma Cece mi suriga yila baari eli ka aJife ŋi
44Ntini eli Pyere kiigi kini alyele, Oduduma Cece surigi yila baari aso ba kiigi yuga ntigi a nde. 45Ekoli ayaligi baali aJife ba ayi bila Pyere ndi Oduduma Cece wo Njyami wo kampa minyunuŋa ma anjuru baari eli ka aJife ŋi. 46Okorogo nde ka yuga ka alyele bo ma ajui akima ŋa kampa Njyami leve. Ŋaa Pyere ndi: 47«Ba buna liga baari ba bayaga ateemi ma anja, eli bo yiga ŋa Oduduma Cece mva bizi a be?» 48Ŋa nde tumi bo ma kampa bo ateemi ma nkuumu Jezu Kirisite. Bo apizi nde ndi nde kasa aka ecugu bila bo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES