Esima 9
9
Mfumu Jezu acwolo Soole
1Ma ntini yoankulu yia, Soole kiigi aselege ŋaana alwoni a Mfumu ndi nde kabuma bo. Nde yeni kamono mfumu wo ompi ambwoŋi woonini. 2Ŋa nde pizi nde esangumu ma kanyunuŋa nca ekuga eso e Damase, mabuni nde kiigi kamono baari, abalaga sikali akaazi baba alwono Njila Mfumu, nde yiga ka kwara bo ŋa nde kabira bo Jeruzaleme.
3Nde kiigi ma njila Damase ŋa nde kasa mini kanciina mpaana kangundu kya, ŋaa kancinci ŋa, kawii kawi yulu ka kyemi ŋa kajeniŋi nde. 4Nde vi ma ncye, ŋa yugi jui lemo lelyele ŋa nde ndi: «Soole, Soole, we meema ampa mi mpasi?» 5Nde pizi: «We na Mfumu?» Ŋaa jui le yalagi ndi: «Mi Jezu, wo ampa we mpasi. 6Ŋaa temeŋe, nyunuŋa nca kangundu, ŋa kaŋaa alyele we lemigi lesa we.» 7Abuga ba akiigi je opinga bila Soole asugi bo aki buna se ojugu omo kalege ŋi. Bo ayugi jui, okorogo bo aki mono se mbuuru ŋi. 8Soole saragi ma ncye, ŋa nde naani miizi, ŋaa nde kiigi kibuna mono ni. Akwari nde ma kwogo ma kaje bila nde Damase.
9Nde si ecugu etari, eli nde kibuna mono ni, nde ki ja ŋi nde se ki nywa ŋi. 10Mono nca kangundu ka Damase kiigi ŋa olwoni omo we acwoli ma Ananyase. Mfumu oyi mpila nde ma lworo ŋa nde ŋa nde ndi: «Ananyase!» Nde yaligi ndi: «Mfumu, mi e wu.» 11Mfumu ŋa nde ndi: «Temeŋe va ma njila ye baacwolo ma Kwogo ka kalumu, nyunuŋa nca njo Juda, piza osi Tarese wo baacwolo ma Soole. Ka alyele bizi a we ŋaa nde li ma kabwono, 12ŋa nde moni ma lworo balaga le baacwolo ma Ananyase, nyuniŋi ŋa nde legi njiala kayila nde mabuni nde kavura mono.» 13Ananyase yaligi ndi: «Mfumu, mi maayuga bege le baari ba alyele ma maami maabi abalaga li makasi ma alwoni a we baali ka Jeruzaleme. 14Ŋa nde maaya kunu bila onkani ba ampa amfumu baba ampa ambwoŋi ma ka kwara baari aso ba baacwolo nkuumu a we.» 15Ŋaa Mfumu ŋa nde ndi: «Je, kabila mi ma aswolo balaga lya ma kasa janja le mi, mabuni baari aya nkuumu a mi ma esi beemon bila amfumu a bo, ŋa asi Ezerayele. 16Mimankulu emvyere nde mpasi eso yeemono nde ma mi.» 17Ananyase yeni, nde nyunuŋi nca njo, legi jiala kayila Soole, nde ŋaa nde ndi: «Soole, ndumu a mi, Mfumu Jezu wo ocuugi mpila we kayila njila ye eba yira we, ma atuma mi mabuni we miizi anaaŋa ŋa Oduduma Cece kaluula we.» 18Ma ntini yomankulu yia, biibi mva mpezi ecyegi ma miizi a Soole ŋa nde vuru moni. Ŋa nde sarigi, ŋa yagi ateemi. 19Kamana ja, ŋa nde vuru bagi mpari.
Soole ampa mbari a Njyami ka Damase
Ecugu eke Soole ki bila alwoni baakiigi ka Damase. 20Kancinci ŋaa nde yiga alyele nca ekuga ndi Jezu Mwana Njyami. 21Aso baakiigi yuzuga nde ekoli bo, ŋa bo yiga ba apiza ndi: «Ka bwa ŋi balaga li lekiigi ka Jeruzaleme ma kampa mpasi yeenini ma baakiigi cwolo nkuumu a Jezu ŋi? Nde ya kunu kama ka kwara ŋa ma kabira bo mpila amfumu ba ampi ambwoŋi ŋi?» 22Ŋaa Soole seligi yeli ma lila, aJife baakiigi ka Damase asagi jaa le kalyele akwoni, ntini ye kiigi mvyere nde bo ndi Jezu kamaka Masiya.
23Amana ntini mon aJife akuru ojugu ma kabuma Soole, 24ŋaa ayiezi nde ma kiimi le bo. Lempiimbi bila muyi baakyele edubugu ba kangundu, mabuni bo abuma nde. 25Ŋaa lempiimbi lemo, alwoni a Soole ba bira nde ngula kabaga ka kangundu, bo asi nde kasuruga nca lengulu.
Soole ka Jeruzaleme
26Ato Jeruzaleme, Soole oyeligi ma kaje baraga alwoni a nde, ŋaa aso kiigi ŋa bwogo, kabila bo akiyalaga ndi nde olwoni ŋi. 27Barenabase yagi nde oyeni bila nde mpila antuma. Nde dugi bo lemigi le Soole le kamoni Mfumu ma njila ŋa lemigi le awobi bila nde. Nde naani bo bila lila lemigi le Soole le kampi mbari ma nkuumu a Jezu ka Damase. 28Ma ntini yia Soole yiga bila bo, nde a je aya nca Jeruzaleme bila nde kampa mbari bila tari ma nkuumu a Mfumu. 29Nde sunuŋi ŋa aJife ba jui le nGereke ŋa nde kaasa lebila bila bo, ŋaa baakiigi ma mbya ye kabuma nde. 30Ntini ye andumu ka yugi, bo ayeni bila Soole Sezare, ŋa ka kwa bo asi nde kaje Tarese.
31Ŋaa Okuga kiigi nca kadusu ŋa nca Jude eso, nca Ngalile bila Samari, nde kawama ŋa ki nca e yaligi ba onkani o Mfumu, nde wayi kangula Oduduma Cece.
Pyere salagi Ene
32Pyere oki yira ma kasi kaso, cugu lemo nde yeni mpila ayaligi baakiigi ka Lyda. 33Kaŋaa, nde moni balaga lemo nkuumu Ene wo kiigi ma tolo kayila ntari maasa esibi mpwomo, kabila nde kiigi kabuka. 34Pyere ŋa nde ndi: «Ene, Jezu Kirisite mi salaga we! Temeŋe ŋa vuna ntari a we.» Kancinci ŋaa Ene temiŋi. 35Baari aso a Lyda bila a ncege e Saro amoni nde ŋa ayaligi Mfumu.
Dorekase yi vuruga omuon
36Ka Zafa kiigi ŋa olwoni a Njyami omo wo okaazi nkuumu Tabita. Nkuumu yia ma jui le nGereke ndi «Dorekase», ma kalyele ndi «seri». Nde kiigi kaselege janja ma kasa baari leve bila ma kayamaŋa afuga. 37Ma ntini yia, nde vi ngaayi ŋa nde kpi. Amana yogo kabiima ka nde, asuuzi nde nca katini kayulu a njo. 38Alwoni a Zafa kiigi ama ayuga ndi, Pyere kiigi ka Lyda, yeeli kapaana Zafa. Bo atumi nde abalaga bwele bila mbari yi: «Kolokolo we ya mpila bizi, ndaga kaliriga.» 39Pyere yeni bila bo, nde kato, abiri nde nca katini kakali kayila njo. Ankuulu aso ayi mpaana nde ma kalili, bo ba kamvyere nde angoyi bila eringa ba elaa ba ekiigi ncwa Tabita ntini ye kiigi nde kini mwo. 40Pyere cuzugi baari aso, ovi ma abuu ŋaa bwoni. Amana nde tali ma kacu ka kabiima, ŋa nde ndi: «Tabita saraga!» Nde naani miizi ŋa nde kamono Pyere, nde ki manci. 41Pyere yagi kwogo ka nde ŋa nde siligi nde. Amana nde cwoli ayaligi bila akuulu, ŋa nde mvyeri bo nde mwo. 42Kangundu kaso ka Zafa kayugi ncya yia ŋa bege ayaligi Mfumu. 43Pyere bigi ka Zafa, mpila balaga lemo nkuumu Simon ojanji omo wo ebaana ba anyama.
Currently Selected:
Esima 9: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Esima 9
9
Mfumu Jezu acwolo Soole
1Ma ntini yoankulu yia, Soole kiigi aselege ŋaana alwoni a Mfumu ndi nde kabuma bo. Nde yeni kamono mfumu wo ompi ambwoŋi woonini. 2Ŋa nde pizi nde esangumu ma kanyunuŋa nca ekuga eso e Damase, mabuni nde kiigi kamono baari, abalaga sikali akaazi baba alwono Njila Mfumu, nde yiga ka kwara bo ŋa nde kabira bo Jeruzaleme.
3Nde kiigi ma njila Damase ŋa nde kasa mini kanciina mpaana kangundu kya, ŋaa kancinci ŋa, kawii kawi yulu ka kyemi ŋa kajeniŋi nde. 4Nde vi ma ncye, ŋa yugi jui lemo lelyele ŋa nde ndi: «Soole, Soole, we meema ampa mi mpasi?» 5Nde pizi: «We na Mfumu?» Ŋaa jui le yalagi ndi: «Mi Jezu, wo ampa we mpasi. 6Ŋaa temeŋe, nyunuŋa nca kangundu, ŋa kaŋaa alyele we lemigi lesa we.» 7Abuga ba akiigi je opinga bila Soole asugi bo aki buna se ojugu omo kalege ŋi. Bo ayugi jui, okorogo bo aki mono se mbuuru ŋi. 8Soole saragi ma ncye, ŋa nde naani miizi, ŋaa nde kiigi kibuna mono ni. Akwari nde ma kwogo ma kaje bila nde Damase.
9Nde si ecugu etari, eli nde kibuna mono ni, nde ki ja ŋi nde se ki nywa ŋi. 10Mono nca kangundu ka Damase kiigi ŋa olwoni omo we acwoli ma Ananyase. Mfumu oyi mpila nde ma lworo ŋa nde ŋa nde ndi: «Ananyase!» Nde yaligi ndi: «Mfumu, mi e wu.» 11Mfumu ŋa nde ndi: «Temeŋe va ma njila ye baacwolo ma Kwogo ka kalumu, nyunuŋa nca njo Juda, piza osi Tarese wo baacwolo ma Soole. Ka alyele bizi a we ŋaa nde li ma kabwono, 12ŋa nde moni ma lworo balaga le baacwolo ma Ananyase, nyuniŋi ŋa nde legi njiala kayila nde mabuni nde kavura mono.» 13Ananyase yaligi ndi: «Mfumu, mi maayuga bege le baari ba alyele ma maami maabi abalaga li makasi ma alwoni a we baali ka Jeruzaleme. 14Ŋa nde maaya kunu bila onkani ba ampa amfumu baba ampa ambwoŋi ma ka kwara baari aso ba baacwolo nkuumu a we.» 15Ŋaa Mfumu ŋa nde ndi: «Je, kabila mi ma aswolo balaga lya ma kasa janja le mi, mabuni baari aya nkuumu a mi ma esi beemon bila amfumu a bo, ŋa asi Ezerayele. 16Mimankulu emvyere nde mpasi eso yeemono nde ma mi.» 17Ananyase yeni, nde nyunuŋi nca njo, legi jiala kayila Soole, nde ŋaa nde ndi: «Soole, ndumu a mi, Mfumu Jezu wo ocuugi mpila we kayila njila ye eba yira we, ma atuma mi mabuni we miizi anaaŋa ŋa Oduduma Cece kaluula we.» 18Ma ntini yomankulu yia, biibi mva mpezi ecyegi ma miizi a Soole ŋa nde vuru moni. Ŋa nde sarigi, ŋa yagi ateemi. 19Kamana ja, ŋa nde vuru bagi mpari.
Soole ampa mbari a Njyami ka Damase
Ecugu eke Soole ki bila alwoni baakiigi ka Damase. 20Kancinci ŋaa nde yiga alyele nca ekuga ndi Jezu Mwana Njyami. 21Aso baakiigi yuzuga nde ekoli bo, ŋa bo yiga ba apiza ndi: «Ka bwa ŋi balaga li lekiigi ka Jeruzaleme ma kampa mpasi yeenini ma baakiigi cwolo nkuumu a Jezu ŋi? Nde ya kunu kama ka kwara ŋa ma kabira bo mpila amfumu ba ampi ambwoŋi ŋi?» 22Ŋaa Soole seligi yeli ma lila, aJife baakiigi ka Damase asagi jaa le kalyele akwoni, ntini ye kiigi mvyere nde bo ndi Jezu kamaka Masiya.
23Amana ntini mon aJife akuru ojugu ma kabuma Soole, 24ŋaa ayiezi nde ma kiimi le bo. Lempiimbi bila muyi baakyele edubugu ba kangundu, mabuni bo abuma nde. 25Ŋaa lempiimbi lemo, alwoni a Soole ba bira nde ngula kabaga ka kangundu, bo asi nde kasuruga nca lengulu.
Soole ka Jeruzaleme
26Ato Jeruzaleme, Soole oyeligi ma kaje baraga alwoni a nde, ŋaa aso kiigi ŋa bwogo, kabila bo akiyalaga ndi nde olwoni ŋi. 27Barenabase yagi nde oyeni bila nde mpila antuma. Nde dugi bo lemigi le Soole le kamoni Mfumu ma njila ŋa lemigi le awobi bila nde. Nde naani bo bila lila lemigi le Soole le kampi mbari ma nkuumu a Jezu ka Damase. 28Ma ntini yia Soole yiga bila bo, nde a je aya nca Jeruzaleme bila nde kampa mbari bila tari ma nkuumu a Mfumu. 29Nde sunuŋi ŋa aJife ba jui le nGereke ŋa nde kaasa lebila bila bo, ŋaa baakiigi ma mbya ye kabuma nde. 30Ntini ye andumu ka yugi, bo ayeni bila Soole Sezare, ŋa ka kwa bo asi nde kaje Tarese.
31Ŋaa Okuga kiigi nca kadusu ŋa nca Jude eso, nca Ngalile bila Samari, nde kawama ŋa ki nca e yaligi ba onkani o Mfumu, nde wayi kangula Oduduma Cece.
Pyere salagi Ene
32Pyere oki yira ma kasi kaso, cugu lemo nde yeni mpila ayaligi baakiigi ka Lyda. 33Kaŋaa, nde moni balaga lemo nkuumu Ene wo kiigi ma tolo kayila ntari maasa esibi mpwomo, kabila nde kiigi kabuka. 34Pyere ŋa nde ndi: «Ene, Jezu Kirisite mi salaga we! Temeŋe ŋa vuna ntari a we.» Kancinci ŋaa Ene temiŋi. 35Baari aso a Lyda bila a ncege e Saro amoni nde ŋa ayaligi Mfumu.
Dorekase yi vuruga omuon
36Ka Zafa kiigi ŋa olwoni a Njyami omo wo okaazi nkuumu Tabita. Nkuumu yia ma jui le nGereke ndi «Dorekase», ma kalyele ndi «seri». Nde kiigi kaselege janja ma kasa baari leve bila ma kayamaŋa afuga. 37Ma ntini yia, nde vi ngaayi ŋa nde kpi. Amana yogo kabiima ka nde, asuuzi nde nca katini kayulu a njo. 38Alwoni a Zafa kiigi ama ayuga ndi, Pyere kiigi ka Lyda, yeeli kapaana Zafa. Bo atumi nde abalaga bwele bila mbari yi: «Kolokolo we ya mpila bizi, ndaga kaliriga.» 39Pyere yeni bila bo, nde kato, abiri nde nca katini kakali kayila njo. Ankuulu aso ayi mpaana nde ma kalili, bo ba kamvyere nde angoyi bila eringa ba elaa ba ekiigi ncwa Tabita ntini ye kiigi nde kini mwo. 40Pyere cuzugi baari aso, ovi ma abuu ŋaa bwoni. Amana nde tali ma kacu ka kabiima, ŋa nde ndi: «Tabita saraga!» Nde naani miizi ŋa nde kamono Pyere, nde ki manci. 41Pyere yagi kwogo ka nde ŋa nde siligi nde. Amana nde cwoli ayaligi bila akuulu, ŋa nde mvyeri bo nde mwo. 42Kangundu kaso ka Zafa kayugi ncya yia ŋa bege ayaligi Mfumu. 43Pyere bigi ka Zafa, mpila balaga lemo nkuumu Simon ojanji omo wo ebaana ba anyama.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES