Asi Filipe 3
3
Osuumbu ove mo oka nca opami a Njyami
1Ŋa baana ma anguhu a me, leswere mo osuumbu a be lema vunwa bɨla Nkʉmu. Mo me jaa kali, me ebuuna ovuriha oteende maami mimaa. Kari omakaaha ŋa mo oyaasa be. 2Be lesi ayiba mo baari ma ali mva amva, bo ajanji ma abi, bo se baari majoho mo sasi oca! 3Mo oma, baari ma ali na sasi e jaa jaa omakaaha saabe, obila saabe lejanja o Njyami bɨla Oduduma a nde. Lesa lememee o Jesu Krisi saabe i lehe lila o maami a ma akabi ni. 4Okoroho me na mpyeme mo obaha lila o me anku, yuhu mvuuru okɨma se na lila, ŋa me evʉli. 5Asi me sasi o cuhu o mfwomo makʉli me, me osi Isayele ma lekaa le Bejame, me Ebɨre mwana Ebɨre, ma lenyiima le ekele me Ofarisi. 6Me eki emaswesehe okuha a Njyami kuna na mpari eso. Mo opami ali nca ekele, me eki emikiriha mvuuru ma ali i mono jaa e mbi o nde ni. 7Ŋa bya eso me emoniŋi mbɨri biibi e mvunu, jo eya biibi mo oca obila o Krisi. 8Ee me emono mbɨri maa maami mo oca ŋa ontaambo onini avʉli abuha omakaaha leyaa le Jesu Krisi a Nkʉmu a me. Obila o nde, me ema suba eso kalihi. Me emono bya eso mva saha, mo bu ndi me eselehe obaha bɨla Krisi, 9Saande leka biri mo ntu. Me eya i mamono mbɨri me mvuuru a tele o ngula ekele ni, ŋa ma oyalihi o ma Krisi, me eli tele ma opami awa na e Njyami amayenehe mo oyalihi. 10Kari omakaaha lejyaba le nde na mpari enyusihi e nde, mo omono ampasi bɨla nde, mo ogwana nde nca leku le nde. 11Me se na lila mbɨri me se eje onyusiha o mpaniŋi akwi.
Leselehe oje na vusu
12Ka me eduha mbɨri me emibaha puha si kali me eya opeende ni. Ŋa me eselehe odʉma ncini mo bu mbɨri me ebaha puha, obila Jesu Krisi omamana obaha me. 13Baana ma anguhu, me ekini obaha yo ni. Me elimaŋa mpili e me emi wa, me edʉma nciini ŋa levusu. 14Me edʉma nciini levusu mo oto, me baha puha ombila a yulu a Njyami acwolo saabe mo Jesu Krisi.
15Saabe aso lemiyele mo oyalihi, lecwe leka vwa. Ŋa be omakaala ekiihi ekɨma, Njyami aje osa be leyuha maami maa. 16Ŋa o biri e saabe lemito ji, lecwe njila mo.
17Be aso leka mva me baana ma anguhu, be lekeese baari ma asa mva saabe. 18Me eki emaduha be lo, ŋa me se ovruriha oduha be lobi o nca olili: kuna aya abuha ma ombangu ma lembanji le Krisi. 19Bo ma aje otamaŋa obila njyami a bo omakaaha amwo a bo. Bo obaha lekʉma o maami ma ampa bo okʉru, bo ma ali osaaha eve e yula ncye. 20Ŋa saabe baari a yulu, mpili ledɨla ovusihi a saabe Jesu Krisi a Nkʉmu aje oya. 21Nde aje okaala nyuru e saabe e mbi ekiriha mva nyuru e nde a lekʉma, nde se na mpari empa nde onkʉmu o yula biibi eso.
Currently Selected:
Asi Filipe 3: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
