Ngalate 5
5
Krisi anyila baari nyengele
1Krisi omavusaha saabe mo bu ndi saabe leka nyengele. Ŋa lesa mpari, leka vuriha ncina olemi mo oyiha ni.
2Me Pole me eduha be, yube be lesa sasi, Krisi ayiha mvunu kali o be. 3Me evuriha oduha na balaha mpɨni yo esa sasi, mbɨri ove nde onyiimi ekele eso. 4Be lemicala ondihi o bɨla Krisi. Be lesaha oka tele o nca ekele, be lemivusuha puha. 5Ŋa mo saabe, saabe lelehe lila mbɨri Njyami asa saabe leka tele. Ŋa Oduduma Santi mvuuru asa saabe odɨla bɨla oyalihi, na asisari aso. 6Mo oma mo mvuuru ali o Jesu Krisi, se asa we sasi se abɨsi osa, ongwo kali, ŋa jaa eso ni lelaha lo oyalihi o nca dya.
7Be leki ledima nciini yemii, ŋa akwari be mo oliha be ndi be i nyiima a sisyele ni na? 8Maami ma abi maa mawa ka mpili et mvuuru acwolo be ni. 9Leviire le nceeri le saara lepaate leso. 10Mo me, me na tari o Nkʉmu mo be: be leka yaha ecimiŋi ekɨma ni. Ŋa mapama mpɨni mvuuru aya na otohi o mpaniŋi e be.
11Ŋa o me baana ma anguhu, yuhu me ekini evuriha otooso ncya o yula sasi, me maswesihe ŋa mo oma? Ŋa yuhu vwa, letooso le Krisi makomi ma lembanji eya ka ncya e mbi mo mvuuru ni. 12Baari majyaha na otohi o mpaniŋi e be aselehe oje na nde vusu. Bo aselehe ocebehe eso!
Akabi bɨla Oduduma
13Ŋa be baana ma anguhu amacwolo be mo oka nyengele, ŋa leka le nyengele lya i tuma be mo osa maami a ma akabi ni. Ŋa lenyila dya esa ndi be lejanja ma abuha. 14Obila okele aso oli o oca mbari eduha ndi: «Ove we odii buha le we mva o we amadya nyuru e we anku.» 15Ŋa yuhu be lecwa abuha mii mva anyama a nkala, na oja abuha o mpaniŋi e be, lesa ayiba: vwa be lecala abuha o mpaniŋi e be.
16Leyuha me, lenyila Oduduma Santi obira be, be i masa ediiŋi ma akabi ni. 17Obila akabi bɨla ediiŋi e nde i vunuha bɨla Oduduma ni. Oduduma se i vunuha bɨla akabi ni. O mpaniŋi e bo vwele na ombangu, mo bu ndi maami a be lesaha osa, be i masa mo ni. 18Ŋa yuhu Oduduma Santi mvuuru abira be, be i ma ka ncina ekele ni.
19Ajyabi maami ma akabi: mo omakaaha ondumba, maami a nkɨri, na obɨla. 20Levwono le anjyami mo oca oca, le pasa la ati, mbele, ombayi, yala, nkala, ombangu, 21Mfunwamwo, lenwa le mali le kuna, oja o kuna, bɨla maami akɨma a mva maa. Asi a maami maa, me ejyese be mva mo osuumbu a me emabaana oduha, ma aka aje obaha wanda Onkani o Njyami ni.
22Ŋa lemono mburu Oduduma: omakaaha dya, oswere, oduusu, ledɨla, leve, lesa le maami ma ave, oyalihi, 23oduusu bɨla lekura lo otima, ekele i bele maami mva maa ni. 24Baari ma ali o Krisi amakomo akabi bɨla maami ma abi ma akabi madiiŋaa ma lembanji. 25Ŋa Oduduma omampa saabe lebihi, lenyila Oduduma se oje na lebihi le saabe na vusu. 26Leka syaha kuuna o mpaniŋi abuha ni, enkali bɨla mfunwamwo kali.
Currently Selected:
Ngalate 5: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
