Janja 8
8
1Ŋa Sole aki o ŋa, nde se oyalihi leku le Etyene.
Eswesihi e ncomi mo okuha
O cuhu ji jya, aya ma baana oswesehe okuha a Jerusaleme, eswesihi jo mini. Ayalihi a Jesu acalihi nca Jude na Samari, o ngula antuma atu ma siili. 2Baari ma nyimaŋa Njyami ajiihi Etyene. Bo alili nde kuna. 3Ŋa Sole acala Okuha. Nde ayira ma anjo aso na okwara akaasi bɨla abalaha, mo olehe bo mo ongeneŋe.
Filipe atooso Ncya e Mve o Samari
4Baari macalihi baa, ayirihi na otooso Ncya e Mve nca osi. 5Filipe oto onguundu o Samari, oya atooso Krisi. 6Lemvuuru leso leki jaa mo, leyi na ayuha mbari e Filipe. Mo oma nde aki asa emaa, bo se ma mono. 7Obila edidima me ebi ecuuhi o baari kuna, ma ewʉla ankɨma. Ebuka bɨla eleme kuna ewuumi. 8Onguundu kya oya o nca oswere nco mini.
9Nca onguundu kya eki na balaha mo, nkuumi e nde Simo. Nde aki omapasa ati. Baari a Samari akimi, nde anku amoniŋi ndi nde mvuuru a lwari. 10Baari aso majuusa nde, na enkere na akuuru. Bo maduha ndi: «Balaha ji mpari e Njyami, macwoloho mo “Mpari enini!”.» 11Baari ajuusihi nde obila nde aki omabiha na olehe bo nca lekimi, ma olaha bo epona bya. 12Ŋa bo ayalahi mbari e Filipe atoosi bo, Ncya e Mve e ma Onkani o Njyami, na o nkuumi e Jesu Krisi, na akaasi na abalaha ayahi ateeme. 13Na Simo se oyalihi Njyami, emana oyahi ateeme, aka manyila Filipe ni. Nde oya amono andiimi ma anini bɨla emaa e Filipe asihi.
14Antuma ma aki o Jerusaleme ayuha ndi asi Samari amiyalaha mbari e Njyami, bo atumi Pyere bɨla Jan. 15Ŋa Pyere bɨla Jan ato Samari, bo avwoni mo bu ndi baari ma ama yalaha Ncya e Mve abaha Oduduma Santi. 16Obila bo aki akini obaha Oduduma Santi ni. Bo ayahi ni ateeme atu o nkuumi e Nkʉmu Jesu. 17O ŋa Pyere bɨla Jan alehi bo jyala o yula ecwi, bo abahi Oduduma Santi. 18Simo omono ndi antuma mampa baari ma amayalaha Ncya e Mve Oduduma Santi, o ntini antuma malehi jyala o yula ecwi e bo, kya obila o nde se asahi ompa bo adoro. 19Nde na bo ndi: «Lempa me onkʉmu vwa se. Mo bu ndi baari a me elehe jyala o yula bo abaha Oduduma Santi.» 20Ŋa Pyere na nde ndi: «Na we na adoro a we be lekwa! We acimiŋa mbɨri puha e Njyami mabuuna osuuma ma adoro! 21We i buuna obaha lengulu bɨla biri o ŋa ni. Obila we otima ka tele o miisi a Njyami ni. 22We kaala eku e we me ebi, we ovwono Nkʉmu, mo bu ndi nde oboloho we. 23Obila me emono mbɨri we na maami ma abi, we se asyaha mbiini!» 24Simo okaali na bo ndi: «Levwono Nkʉmu be anku o me, mo bu ndi maami a be leduhi maa i ya o me ni.» 25Pyere bɨla Jan amana oduha maami a Njyami asi o bo, na letooso le mbari e Nkʉmu, bo avurihi Jerusaleme. Bo ayeni na otooso Ncya e Mve nca ampuhu a Samari kuna.
Filipe avuniŋa bɨla osi Etyopi
26Obaanji a Nkʉmu owobi na Filipe ndi: «Jyehe na mbere o njila esuruha na Jerusaleme mo oje na mpili e Gaja. Njila jya njila e kayi.» 27Filipe oyeni o ŋiŋa. Nde oto o njila, nde omoni balaha mo enike#8.27 Enike omakaaha balaha ma ama cebe akara. osi Etyopi. Mvuuru onini akyelehe osolo a Kadase, nkani okaasi Etyopi. Balaha jya eyi Jerusaleme na avwono Njyami. 28Nde aki avuruha na mpuhu e nde. O nca saare#8.28 Saare omakaaha kiila o mva kaminyon obiriha baari. Co anyama ma diimaŋa.. Nde aliira osaangumu owobi a mbari e Njyami Esayi. 29Oduduma Santi oduhi na Filipe ndi: «Ciina, we obasaha saare jwa.» 30Filipe oyeni ma antiini, oyuhi osi Etyopi aliira osaangumu owobi a mbari e Njyami Esayi. Opɨsi nde ndi: «We ŋa ayuha maami a we aliiraha ma?» 31Nde okaali ndi: «Me obuuna oyuha mo buni, yuhu mvuuru abuuna oduha me mo yemihi kali?» Emana nde ocwoli Filipe mo oya na akuma, na aka o nci o paani e nde. 32Obari Osaangumu o Njyami o nde aliirihi ndi:
«Abiri nde mva ondoombo ma aje na acebe nkii,
mva ondoombo eli i kaa ntini makwara#8.32 Bo ma kwaraha ondoombo ma owuna co ekwa. co ni.
Co se okaha pi.
33Bo abesi nde, nde aka baha opami ove ni.
Aje owobo na njubu eje oya na?
Obila lebihi le nde amacyese o yula ncye.»
34Osi Etyopi opɨsi Filipe ndi: «Kolo kolo e we, owobi a mbari e Njyami aduha maami ma o na? Nde awobo ŋa o nde anku si o mvuuru okɨma?» 35Ŋa Filipe oyahi mbari, obaani o biri obari osaangumu o Njyami elirihi nde, mo otooso nde Ncya e Mve e Jesu. 36Bo alwoni njila, bo ato o biri eli na okeri. O ŋa enike na Filipe ndi: «Mono okeri, eliha we ompa me ateeme oma?» [37Filipe na nde ndi: «We oyalaha nca otima a we aso, we abuuna oyaha ateeme.» Balaha jya ekaali ndi: «E me eyalaha mbɨri Jesu Krisi Mwana a Njyami.#8.37 Nca esaangumu eke ekala olwo yu onyaŋa.»] 38Nde otumi mvuuru abiriha saare ndi osura, bo aso a vwele asurihi, ayeni nca okeri. Filipe ompi nde ateeme. 39Bo acuuha nca okeri, Oduduma a Nkʉmu obiri Filipe. Enike aka mamono nde ni. Ŋa nde se olwoni njila e nde, nca oswere. 40Filipe owasihi Ajote, nde atoosihi Ncya e Mve, nca enguundu e nde ayirihi o jo eso, tii ngo e nde ato Sesare.
Currently Selected:
Janja 8: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 8
8
1Ŋa Sole aki o ŋa, nde se oyalihi leku le Etyene.
Eswesihi e ncomi mo okuha
O cuhu ji jya, aya ma baana oswesehe okuha a Jerusaleme, eswesihi jo mini. Ayalihi a Jesu acalihi nca Jude na Samari, o ngula antuma atu ma siili. 2Baari ma nyimaŋa Njyami ajiihi Etyene. Bo alili nde kuna. 3Ŋa Sole acala Okuha. Nde ayira ma anjo aso na okwara akaasi bɨla abalaha, mo olehe bo mo ongeneŋe.
Filipe atooso Ncya e Mve o Samari
4Baari macalihi baa, ayirihi na otooso Ncya e Mve nca osi. 5Filipe oto onguundu o Samari, oya atooso Krisi. 6Lemvuuru leso leki jaa mo, leyi na ayuha mbari e Filipe. Mo oma nde aki asa emaa, bo se ma mono. 7Obila edidima me ebi ecuuhi o baari kuna, ma ewʉla ankɨma. Ebuka bɨla eleme kuna ewuumi. 8Onguundu kya oya o nca oswere nco mini.
9Nca onguundu kya eki na balaha mo, nkuumi e nde Simo. Nde aki omapasa ati. Baari a Samari akimi, nde anku amoniŋi ndi nde mvuuru a lwari. 10Baari aso majuusa nde, na enkere na akuuru. Bo maduha ndi: «Balaha ji mpari e Njyami, macwoloho mo “Mpari enini!”.» 11Baari ajuusihi nde obila nde aki omabiha na olehe bo nca lekimi, ma olaha bo epona bya. 12Ŋa bo ayalahi mbari e Filipe atoosi bo, Ncya e Mve e ma Onkani o Njyami, na o nkuumi e Jesu Krisi, na akaasi na abalaha ayahi ateeme. 13Na Simo se oyalihi Njyami, emana oyahi ateeme, aka manyila Filipe ni. Nde oya amono andiimi ma anini bɨla emaa e Filipe asihi.
14Antuma ma aki o Jerusaleme ayuha ndi asi Samari amiyalaha mbari e Njyami, bo atumi Pyere bɨla Jan. 15Ŋa Pyere bɨla Jan ato Samari, bo avwoni mo bu ndi baari ma ama yalaha Ncya e Mve abaha Oduduma Santi. 16Obila bo aki akini obaha Oduduma Santi ni. Bo ayahi ni ateeme atu o nkuumi e Nkʉmu Jesu. 17O ŋa Pyere bɨla Jan alehi bo jyala o yula ecwi, bo abahi Oduduma Santi. 18Simo omono ndi antuma mampa baari ma amayalaha Ncya e Mve Oduduma Santi, o ntini antuma malehi jyala o yula ecwi e bo, kya obila o nde se asahi ompa bo adoro. 19Nde na bo ndi: «Lempa me onkʉmu vwa se. Mo bu ndi baari a me elehe jyala o yula bo abaha Oduduma Santi.» 20Ŋa Pyere na nde ndi: «Na we na adoro a we be lekwa! We acimiŋa mbɨri puha e Njyami mabuuna osuuma ma adoro! 21We i buuna obaha lengulu bɨla biri o ŋa ni. Obila we otima ka tele o miisi a Njyami ni. 22We kaala eku e we me ebi, we ovwono Nkʉmu, mo bu ndi nde oboloho we. 23Obila me emono mbɨri we na maami ma abi, we se asyaha mbiini!» 24Simo okaali na bo ndi: «Levwono Nkʉmu be anku o me, mo bu ndi maami a be leduhi maa i ya o me ni.» 25Pyere bɨla Jan amana oduha maami a Njyami asi o bo, na letooso le mbari e Nkʉmu, bo avurihi Jerusaleme. Bo ayeni na otooso Ncya e Mve nca ampuhu a Samari kuna.
Filipe avuniŋa bɨla osi Etyopi
26Obaanji a Nkʉmu owobi na Filipe ndi: «Jyehe na mbere o njila esuruha na Jerusaleme mo oje na mpili e Gaja. Njila jya njila e kayi.» 27Filipe oyeni o ŋiŋa. Nde oto o njila, nde omoni balaha mo enike#8.27 Enike omakaaha balaha ma ama cebe akara. osi Etyopi. Mvuuru onini akyelehe osolo a Kadase, nkani okaasi Etyopi. Balaha jya eyi Jerusaleme na avwono Njyami. 28Nde aki avuruha na mpuhu e nde. O nca saare#8.28 Saare omakaaha kiila o mva kaminyon obiriha baari. Co anyama ma diimaŋa.. Nde aliira osaangumu owobi a mbari e Njyami Esayi. 29Oduduma Santi oduhi na Filipe ndi: «Ciina, we obasaha saare jwa.» 30Filipe oyeni ma antiini, oyuhi osi Etyopi aliira osaangumu owobi a mbari e Njyami Esayi. Opɨsi nde ndi: «We ŋa ayuha maami a we aliiraha ma?» 31Nde okaali ndi: «Me obuuna oyuha mo buni, yuhu mvuuru abuuna oduha me mo yemihi kali?» Emana nde ocwoli Filipe mo oya na akuma, na aka o nci o paani e nde. 32Obari Osaangumu o Njyami o nde aliirihi ndi:
«Abiri nde mva ondoombo ma aje na acebe nkii,
mva ondoombo eli i kaa ntini makwara#8.32 Bo ma kwaraha ondoombo ma owuna co ekwa. co ni.
Co se okaha pi.
33Bo abesi nde, nde aka baha opami ove ni.
Aje owobo na njubu eje oya na?
Obila lebihi le nde amacyese o yula ncye.»
34Osi Etyopi opɨsi Filipe ndi: «Kolo kolo e we, owobi a mbari e Njyami aduha maami ma o na? Nde awobo ŋa o nde anku si o mvuuru okɨma?» 35Ŋa Filipe oyahi mbari, obaani o biri obari osaangumu o Njyami elirihi nde, mo otooso nde Ncya e Mve e Jesu. 36Bo alwoni njila, bo ato o biri eli na okeri. O ŋa enike na Filipe ndi: «Mono okeri, eliha we ompa me ateeme oma?» [37Filipe na nde ndi: «We oyalaha nca otima a we aso, we abuuna oyaha ateeme.» Balaha jya ekaali ndi: «E me eyalaha mbɨri Jesu Krisi Mwana a Njyami.#8.37 Nca esaangumu eke ekala olwo yu onyaŋa.»] 38Nde otumi mvuuru abiriha saare ndi osura, bo aso a vwele asurihi, ayeni nca okeri. Filipe ompi nde ateeme. 39Bo acuuha nca okeri, Oduduma a Nkʉmu obiri Filipe. Enike aka mamono nde ni. Ŋa nde se olwoni njila e nde, nca oswere. 40Filipe owasihi Ajote, nde atoosihi Ncya e Mve, nca enguundu e nde ayirihi o jo eso, tii ngo e nde ato Sesare.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES