Janja 7
7
Mbari Etyene
1Osi avwoŋi onini opɨsi nde ndi: «Maami maduha o we ma sisyele?» 2Etyene okaali ndi: «Baana ma anguhu a me bɨla ataara a me, leyuha me. Njyami lekʉma amalaha nyuru e nde na Abraame a taara a saabe, ntini ekihi nde o Mosopotami. Nde aki okini oje na aka Saran ni. 3Njyami na nde ndi: “Cyehe osi o we bɨla nkwono e we, we oje osi o me eje olaha we.” 4Ŋa Abraame ocyehi osi asi Salde, oyeni na aka Sarane. Ŋa taara a nde omana okwa, Njyami oyi na nde mo osi o be leli o co ki. 5Nde aka nyila nde wanda ni. Nde aka mpa nde se obibiri o ncye ma ocuusa ntaami ni. Ŋa Njyami olehi nde ndayi ndi me eje ompa we osi ki, co eje oka osi o we bɨla baana. Se ŋa Abraame aki baana kali. 6Njyami oduhi na nde ndi: “Andaala a we ma aje oka nca osi oli ka o bo ni. Bo ma aje oka ayiha, bo amono mpasi lemihi le enkama me esibi ena 400. 7Ŋa Njyami ndi me anku mvuuru eje opamo osi oje oyaha bo ma ayiha kya. Emana bo acyehe mo osi kya, bo aya na avwono me o ŋa.” 8Emana Njyami olehi esibi e mo sasi o mpaniŋi e nde bɨla Abraame. Sasi jya ndiimi e me esibi e mpaniŋi e bo. O ŋa Abraame okʉli Isaake, osi nde sasi o cuhu omfwomo. Isaake se osi Jakobe sasi. Ŋa Jakobe osi baana a nde a kuumi na vwele se sasi. Ma ali ankaha a saabe.» 9Ankaha a saabe amoni Jusefe mfunuŋa mwo. Atehi nde mva oyiha ŋo osi Ejipte. Ŋa Njyami aki bɨla nde. 10Nde otusihi nde nca ampasi a nde aso. Nde ompi nde mpolo bɨla ncimi o mwa Faraon, nkani Ejipte. Faraon ompi nde otomi. O yula Ejipte bɨla njo e nde eso. 11Ŋa Ejipte bɨla Kanan avi njala yo mini. Mpasi eki emivʉla, ŋa ataara a saabe aki aya biila kali. 12Jakobe oyuhi ndi biila eli ŋa Ejipte, nde otumi ataara a saabe o jwe le ncomi. 13Jwe lo ojwele Jusefe olahi nyuru na akulu a nde. Jya biri e Faraon ajyabi ombɨsa o Jusefe. 14Jusefe otumi oyaha taara a nde Jakobe bɨla nkwono e nde eso. Bo aso aki ekuumi e baari ncaami na baari ataani (75). 15Ŋa Jakobe osurihi Ejipte mpili e nde akwi, na ankaha a saabe aso se. 16Abiri ebiimi e bo Siseme, ajihi bo o muuma Abraame aki amasuuma na baana ma Amore o Siseme. 17Ŋa antini a Njyami alehi Abraame ndayi aki aya maciina. Baari a saabe aki amiselehe okuna ŋa Ejipte. 18Tii ngo e nkani okɨma ayahi onkʉmu ŋa Ejipte, nkani jwa aki i yaa Jusefe ni. 19Nkani jwa okiisi baari a saabe, oswesihi ankaha a saabe. Nde otumi bo osuba baana makini mo okʉla kalihi, mo bu ndi bo akwa. 20Jya eki ntini ma kʉli Moyise. Nde aki na owali o miisi a Njyami. Akyeli nde o nca njo e taara a nde angondo atari. 21Amana osuba nde kalihi, mwana a Faraon okaasi oyahi mwana, okuusi nde mva mwana a nde anku. 22Akuusi Moyise o ncimi asi Ejipte eso. Nde okirihi mvuuru a baari manyimiŋi o mbari bɨla maami a nde asihi.
23Nde oto ekuumi me esibi ena (40), nde ocimihi ndi nde aje na amono baana ma anguhu a nde, asi Isayele. 24Nde omoni osi Ejipte omo ajwana bɨla mwana a nguhu a nde, Moyise ojwani ma lengulu le mvuuru a nde maswesihi. Obumi osi Ejipte. 25Nde acimiŋi ndi nde abuuna osa ndi abuha a nde ayaa ndi Njyami aje ovusaha bo mo kwoho o Moyise. Ŋa bo aka yuha ni. 26Eto na encyere ma emo, Moyise omoni baari a Isayele vwele majwana. Nde oyi na akwara bo, na bo ndi: “Abuha a me be mvuuru omo. Be lejwana ŋa mo oma?” 27Ŋa mvuuru asi buha obi ociniŋi Moyise, na nde ndi: “Ampi we onkʉmu na le pama le maami a bisi na? 28We asaha obuma me mva o we mbari abumi osi Ejipte?” 29Moyise oyuha vwa odumi, oyeni na ajisiha osi o Madyan. Ŋo onjya kwa, nde okʉli baana vwele.
30Ekuumi me esibi ena eyira (40), o nca kayi mo okuri o Sinayi. Obaanji owasihi o nca okikini oti ekaamii mbaa. 31Moyise oya kimimi mo maami a nde amoni. Nde ociini na akeese, nde oyuhi juuyi le Nkʉmu ndi: 32“Me Njyami ataara a we, Njyami Abraame, Njyami a Isaake bɨla Jakobe.” Moyise aki atɨriha, i buuna okeese ni. 33Nkʉmu na nde ndi: “Cyese akoroho a we o nyiili, obila biri eli we ji, ncye opeende. 34Me emamono ampasi a baari a me ma ali ŋe Ejipte. Me emayuha oswe a bo. Me emiya na avusuha bo. Ŋa jyehe me etuma we Ejipte.”
35Ŋa Moyise a bo ma aki ma amabɨsa na leduha le ndi: “Amampa we onkʉmu na lepama le maami na?” Nde ju jwa a Njyami atumi mo oka nkʉmu bɨla ovusihi a baari, o ngula obaanji awasihi nca okikini oti. 36Moyise mvuuru asi epuna bɨla andiimi me emaa ŋo osi Ejipte bɨla okeri onini a Ba, na o nca kayi lemihi le ekuumi me esibi ena (40). 37Nde ni Moyise ju jwa aduhi na asi Isayele ndi: “Njyami aje oswolo owobi a nde o mpaniŋi e be, aje oka mva me.” 38Ntini e baari makusihi abuha o nca kayi, Moyise mvuuru aki o mpaniŋi a taara a saabe bɨla obaanji ŋa ewobihi na nde, o yula okuri o Sinayi. Nde mvuuru abasihi mbari lebihi mo oyisiha saabe. 39Ŋa ataara a saabe aka dya onyiima nde ni. Bo abɨsi nde, bo avurihi Ejipte me ecimiŋi e bo. 40O ŋa bo na Arone ndi: “Tʉla bisi njyami aje levusu le bisi. Obila Moyise atusihi bisi nca Ejipte yu, i ma yaa osuumbu eya nde ni.” 41O nca ecuhu bya, bo atuli odima o mwana a ngoombo. Bo ampi odimi kya vwoŋi. Bo asi cinda, bo asweri mo kiila o bo matʉli mo jyala e bo. 42Ŋa Njyami oti bo engwo, onyili bo mavwono anyari. Mva ma amateende nca osaangumu awobi a mbari e Njyami ndi:
“Baari a Isayele, be lempi anyama bɨla avwoŋi
lemihi le ekuumi me esibi ena (40) nca kayi eki me?
43Kali, be lemabira olebe a Moloke
bɨla nyari a njyami a be Refane.
jo edemi e be lematʉla mo ovwono.
Kya obila o me etuma be ngula Babilone.”
44Ataara a saabe o nca kayi, aki na olebe a bo makyelihi osaangumu esibi. Moyise acwi olebe jwa mo osuumbu a Njyami aduhi nde, na a nde amoni se. 45Olebe jwa ampi na njubu elwoni ataara a saabe. Bo abiri olebe jwa bɨla bo o ntini e Joswe aki nkʉmu a bo. Bo abuuni eta bɨla esi e Njyami acuuri o miisi a bo. Olebe jwa okaani tii ngo o ntini e Davide. 46Davide aki na mpolo o miisi a Njyami. Ŋa nde opɨsi lengulu mo ocwa njo e Njyami a Jakobe. 47Ŋa Salomon mvuuru acwi njo e Njyami. 48Ŋa Njyami a Nkara Yulu aka kaha ma anjo a baari mo omwo macuuŋa o jyala e bo ni. Mva owobi a mbari e Njyami aduhi ndi:
49“Yulu omakaaha mbara e me,
ncye kiila o ncina nyiili e me.
Nkʉmu ndi njo e be lebuuna ocwa me ma,
jya biri e me ebuuna oka ma?
50Ŋa biibi bi eso ka me ewaangi o jyala e me ni?”
51«Be baari le eli na ocwi onono, be lema biinda etima#7.51 O ŋa, Etyene ayaha bo mva baari ma akini osa sasi ni. e be bɨla acwi a be. Be lema bɨsa Oduduma Santi mbumbu. Be leli ni mva ataara a be. 52Owobi a mbari e Njyami se omo ataara a be ma aka swesehe ni na? Bo amabuma awobi a mbari e Njyami mabaani otooso ejiihi e Mvuuru ali tele. Ŋa be lematosoho nde, be se lemabuma nde. 53Be lemayaa ekele e Njyami o ngula abaanji, okoroho be leka nyiima mo ni!»
Leku le Etyene
54Ankʉmu mo okuha ayuha mbari jya abye nkala, aya ma aja mii obila o mbari Etyene. 55Ŋa Oduduma Santi aki oma luula ma Etyene, nde okeese yulu, omoni lekʉma le Njyami bɨla Jesu se ma otele o kwoho olumi o Njyami. 56Nde ndi: «Me emono yulu eminaaha, me se emono Mwana mvuuru mo otele o kwoho olumi o Njyami.» 57Bo aya mawʉla ankɨma mo mini, bo abiindi acwi a bo. Bo aso ayi yula Etyene. 58Bo aciniŋi nde ma otusuha nde nca onguundu kya, bo aya matuna nde akele. Baari mabaniŋi nde, acuusi amfa a bo o ncina nyiili mo onjambu a balaha macwoloho o Sole. 59Ntini e bo matʉniŋi nde akele, Etyene ovwoni ndi: «Jesu Nkʉmu, yaha oduduma a me.» 60Emana nde ogʉri avwo, owʉli nkɨma na ankala ndi: «E Nkʉmu boloho bo o mbiini ji.» Nde omana owobo vwa nde okwi.
Currently Selected:
Janja 7: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 7
7
Mbari Etyene
1Osi avwoŋi onini opɨsi nde ndi: «Maami maduha o we ma sisyele?» 2Etyene okaali ndi: «Baana ma anguhu a me bɨla ataara a me, leyuha me. Njyami lekʉma amalaha nyuru e nde na Abraame a taara a saabe, ntini ekihi nde o Mosopotami. Nde aki okini oje na aka Saran ni. 3Njyami na nde ndi: “Cyehe osi o we bɨla nkwono e we, we oje osi o me eje olaha we.” 4Ŋa Abraame ocyehi osi asi Salde, oyeni na aka Sarane. Ŋa taara a nde omana okwa, Njyami oyi na nde mo osi o be leli o co ki. 5Nde aka nyila nde wanda ni. Nde aka mpa nde se obibiri o ncye ma ocuusa ntaami ni. Ŋa Njyami olehi nde ndayi ndi me eje ompa we osi ki, co eje oka osi o we bɨla baana. Se ŋa Abraame aki baana kali. 6Njyami oduhi na nde ndi: “Andaala a we ma aje oka nca osi oli ka o bo ni. Bo ma aje oka ayiha, bo amono mpasi lemihi le enkama me esibi ena 400. 7Ŋa Njyami ndi me anku mvuuru eje opamo osi oje oyaha bo ma ayiha kya. Emana bo acyehe mo osi kya, bo aya na avwono me o ŋa.” 8Emana Njyami olehi esibi e mo sasi o mpaniŋi e nde bɨla Abraame. Sasi jya ndiimi e me esibi e mpaniŋi e bo. O ŋa Abraame okʉli Isaake, osi nde sasi o cuhu omfwomo. Isaake se osi Jakobe sasi. Ŋa Jakobe osi baana a nde a kuumi na vwele se sasi. Ma ali ankaha a saabe.» 9Ankaha a saabe amoni Jusefe mfunuŋa mwo. Atehi nde mva oyiha ŋo osi Ejipte. Ŋa Njyami aki bɨla nde. 10Nde otusihi nde nca ampasi a nde aso. Nde ompi nde mpolo bɨla ncimi o mwa Faraon, nkani Ejipte. Faraon ompi nde otomi. O yula Ejipte bɨla njo e nde eso. 11Ŋa Ejipte bɨla Kanan avi njala yo mini. Mpasi eki emivʉla, ŋa ataara a saabe aki aya biila kali. 12Jakobe oyuhi ndi biila eli ŋa Ejipte, nde otumi ataara a saabe o jwe le ncomi. 13Jwe lo ojwele Jusefe olahi nyuru na akulu a nde. Jya biri e Faraon ajyabi ombɨsa o Jusefe. 14Jusefe otumi oyaha taara a nde Jakobe bɨla nkwono e nde eso. Bo aso aki ekuumi e baari ncaami na baari ataani (75). 15Ŋa Jakobe osurihi Ejipte mpili e nde akwi, na ankaha a saabe aso se. 16Abiri ebiimi e bo Siseme, ajihi bo o muuma Abraame aki amasuuma na baana ma Amore o Siseme. 17Ŋa antini a Njyami alehi Abraame ndayi aki aya maciina. Baari a saabe aki amiselehe okuna ŋa Ejipte. 18Tii ngo e nkani okɨma ayahi onkʉmu ŋa Ejipte, nkani jwa aki i yaa Jusefe ni. 19Nkani jwa okiisi baari a saabe, oswesihi ankaha a saabe. Nde otumi bo osuba baana makini mo okʉla kalihi, mo bu ndi bo akwa. 20Jya eki ntini ma kʉli Moyise. Nde aki na owali o miisi a Njyami. Akyeli nde o nca njo e taara a nde angondo atari. 21Amana osuba nde kalihi, mwana a Faraon okaasi oyahi mwana, okuusi nde mva mwana a nde anku. 22Akuusi Moyise o ncimi asi Ejipte eso. Nde okirihi mvuuru a baari manyimiŋi o mbari bɨla maami a nde asihi.
23Nde oto ekuumi me esibi ena (40), nde ocimihi ndi nde aje na amono baana ma anguhu a nde, asi Isayele. 24Nde omoni osi Ejipte omo ajwana bɨla mwana a nguhu a nde, Moyise ojwani ma lengulu le mvuuru a nde maswesihi. Obumi osi Ejipte. 25Nde acimiŋi ndi nde abuuna osa ndi abuha a nde ayaa ndi Njyami aje ovusaha bo mo kwoho o Moyise. Ŋa bo aka yuha ni. 26Eto na encyere ma emo, Moyise omoni baari a Isayele vwele majwana. Nde oyi na akwara bo, na bo ndi: “Abuha a me be mvuuru omo. Be lejwana ŋa mo oma?” 27Ŋa mvuuru asi buha obi ociniŋi Moyise, na nde ndi: “Ampi we onkʉmu na le pama le maami a bisi na? 28We asaha obuma me mva o we mbari abumi osi Ejipte?” 29Moyise oyuha vwa odumi, oyeni na ajisiha osi o Madyan. Ŋo onjya kwa, nde okʉli baana vwele.
30Ekuumi me esibi ena eyira (40), o nca kayi mo okuri o Sinayi. Obaanji owasihi o nca okikini oti ekaamii mbaa. 31Moyise oya kimimi mo maami a nde amoni. Nde ociini na akeese, nde oyuhi juuyi le Nkʉmu ndi: 32“Me Njyami ataara a we, Njyami Abraame, Njyami a Isaake bɨla Jakobe.” Moyise aki atɨriha, i buuna okeese ni. 33Nkʉmu na nde ndi: “Cyese akoroho a we o nyiili, obila biri eli we ji, ncye opeende. 34Me emamono ampasi a baari a me ma ali ŋe Ejipte. Me emayuha oswe a bo. Me emiya na avusuha bo. Ŋa jyehe me etuma we Ejipte.”
35Ŋa Moyise a bo ma aki ma amabɨsa na leduha le ndi: “Amampa we onkʉmu na lepama le maami na?” Nde ju jwa a Njyami atumi mo oka nkʉmu bɨla ovusihi a baari, o ngula obaanji awasihi nca okikini oti. 36Moyise mvuuru asi epuna bɨla andiimi me emaa ŋo osi Ejipte bɨla okeri onini a Ba, na o nca kayi lemihi le ekuumi me esibi ena (40). 37Nde ni Moyise ju jwa aduhi na asi Isayele ndi: “Njyami aje oswolo owobi a nde o mpaniŋi e be, aje oka mva me.” 38Ntini e baari makusihi abuha o nca kayi, Moyise mvuuru aki o mpaniŋi a taara a saabe bɨla obaanji ŋa ewobihi na nde, o yula okuri o Sinayi. Nde mvuuru abasihi mbari lebihi mo oyisiha saabe. 39Ŋa ataara a saabe aka dya onyiima nde ni. Bo abɨsi nde, bo avurihi Ejipte me ecimiŋi e bo. 40O ŋa bo na Arone ndi: “Tʉla bisi njyami aje levusu le bisi. Obila Moyise atusihi bisi nca Ejipte yu, i ma yaa osuumbu eya nde ni.” 41O nca ecuhu bya, bo atuli odima o mwana a ngoombo. Bo ampi odimi kya vwoŋi. Bo asi cinda, bo asweri mo kiila o bo matʉli mo jyala e bo. 42Ŋa Njyami oti bo engwo, onyili bo mavwono anyari. Mva ma amateende nca osaangumu awobi a mbari e Njyami ndi:
“Baari a Isayele, be lempi anyama bɨla avwoŋi
lemihi le ekuumi me esibi ena (40) nca kayi eki me?
43Kali, be lemabira olebe a Moloke
bɨla nyari a njyami a be Refane.
jo edemi e be lematʉla mo ovwono.
Kya obila o me etuma be ngula Babilone.”
44Ataara a saabe o nca kayi, aki na olebe a bo makyelihi osaangumu esibi. Moyise acwi olebe jwa mo osuumbu a Njyami aduhi nde, na a nde amoni se. 45Olebe jwa ampi na njubu elwoni ataara a saabe. Bo abiri olebe jwa bɨla bo o ntini e Joswe aki nkʉmu a bo. Bo abuuni eta bɨla esi e Njyami acuuri o miisi a bo. Olebe jwa okaani tii ngo o ntini e Davide. 46Davide aki na mpolo o miisi a Njyami. Ŋa nde opɨsi lengulu mo ocwa njo e Njyami a Jakobe. 47Ŋa Salomon mvuuru acwi njo e Njyami. 48Ŋa Njyami a Nkara Yulu aka kaha ma anjo a baari mo omwo macuuŋa o jyala e bo ni. Mva owobi a mbari e Njyami aduhi ndi:
49“Yulu omakaaha mbara e me,
ncye kiila o ncina nyiili e me.
Nkʉmu ndi njo e be lebuuna ocwa me ma,
jya biri e me ebuuna oka ma?
50Ŋa biibi bi eso ka me ewaangi o jyala e me ni?”
51«Be baari le eli na ocwi onono, be lema biinda etima#7.51 O ŋa, Etyene ayaha bo mva baari ma akini osa sasi ni. e be bɨla acwi a be. Be lema bɨsa Oduduma Santi mbumbu. Be leli ni mva ataara a be. 52Owobi a mbari e Njyami se omo ataara a be ma aka swesehe ni na? Bo amabuma awobi a mbari e Njyami mabaani otooso ejiihi e Mvuuru ali tele. Ŋa be lematosoho nde, be se lemabuma nde. 53Be lemayaa ekele e Njyami o ngula abaanji, okoroho be leka nyiima mo ni!»
Leku le Etyene
54Ankʉmu mo okuha ayuha mbari jya abye nkala, aya ma aja mii obila o mbari Etyene. 55Ŋa Oduduma Santi aki oma luula ma Etyene, nde okeese yulu, omoni lekʉma le Njyami bɨla Jesu se ma otele o kwoho olumi o Njyami. 56Nde ndi: «Me emono yulu eminaaha, me se emono Mwana mvuuru mo otele o kwoho olumi o Njyami.» 57Bo aya mawʉla ankɨma mo mini, bo abiindi acwi a bo. Bo aso ayi yula Etyene. 58Bo aciniŋi nde ma otusuha nde nca onguundu kya, bo aya matuna nde akele. Baari mabaniŋi nde, acuusi amfa a bo o ncina nyiili mo onjambu a balaha macwoloho o Sole. 59Ntini e bo matʉniŋi nde akele, Etyene ovwoni ndi: «Jesu Nkʉmu, yaha oduduma a me.» 60Emana nde ogʉri avwo, owʉli nkɨma na ankala ndi: «E Nkʉmu boloho bo o mbiini ji.» Nde omana owobo vwa nde okwi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES