Janja 9
9
Sole o njila e Damase
1Sole asahi ni ombangu na lebuma le alwoni a Nkʉmu. Nde oyeni na amono osi avwoŋi onini. 2Sole opɨsi nde osaangumu etuma nde nca anjo mavwonoŋo a Damase. Mo bu ndi nde onyuniŋa, omono abalaha si kali akaasi ma lwonii njila e Nkʉmu, nde okwari bo, oyeni na bo Jerusaleme. 3Sole aki okini o njila tuha na Damase, o ŋiŋa oyalala owi yulu ekyeme, ojeneŋi nde. 4Nde ovi o ncye, oyuhi juuhi leduha na nde ndi: «E Sole, Sole, we aswesehe me mo oma?» 5Nde opɨsi ndi: «We na, Nkʉmu?» Juuyi lekaali ndi: «Me Jesu a we ali ma oswesehe. 6Ŋa temeŋe we onyuniŋa nca onguundu, aduha we osuumbu a we asa.» 7Abuha a nde avusihi njila bɨla bo asuri, aka buuna oduha jaa si mo ni. Bo aki mayuha juuyi, okoroho bo i mono mvuuru ni. 8Sole otemiŋi onana miisi, nde aka ya i mamono ni. Abuha ma aki bɨla nde akwari nde okwoho ayeni na nde Damase. 9Nde osi ecuhu etari nde i mono ni, nde se i ja ni i nywa ni.
10Ŋa olwoni a Jesu omo aki o Damase nkuumi e nde Ananyase. Nkʉmu oduhi na nde o nca lworo ndi: «Ananyase!» Ananyase oyalihi ndi: «Me eyu Nkʉmu.» 11Nkʉmu na nde ndi: «Jyehe asisari mo owoombo, macwoloho mo owoombo a Tele. O nca njo e Juda, we opɨsa balaha e nkuumi Sole osi Tarse oli kwa avwono. 12Nde omoni balaha macwoloho ma Ananyase o nca lworo enyuniŋa, elehe jyala o yula nde, mo bu ndi nde ovuriha omono.» 13Ananyase okaali ndi: «E Nkʉmu me emayuha baari kuna mawobo o balaha ji. Me yaa obi o nde amasa epeende e we o Jerusaleme. 14Ŋaa asi ma avwoŋi ma anini amampa nde onkʉmu mo okura baari malwonoŋo we endi. Na baari aso makasaha nkuumi e we.» 15Ŋa Nkʉmu okaali na nde ndi: «Jyehe na abasaha nde. Obila nde ojanji a me emaswolo mo owobo o nkuumi e me nca esi me emo, na ankani bɨla baari a Isayele se. 16Me eje olaha nde me anku ampasi a nde aje omono obila o nkuumi e me.» 17Ananyase oyeni, onyuniŋi nca njo, olehi jyala o yula Sole na nde ndi: «Mwana nguhu a me Sole, Nkʉmu mvuuru atumi me. Jesu ju jwa alahi nyuru na we o njila ntini e we alaniŋi. Nde atumi me ndi we vuruha omono, Oduduma Santi se oluula o we.» 18O ŋiŋa mpyesi eki o miisi a nde epɨsihi. Nde ovurihi omoni. Nde otemiŋi ampi nde ateeme. 19Emana nde oji biila, obahi mpari.
Sole atooso Ncya e Mve o Damase
Sole osi aka ecuhu eke bɨla alwoni ma aki o Damase. 20O nci na nci ŋa, nde oya atooso mbari nca anjo mavwonoŋo ndi Jesu Mwana a Njyami. 21Baari mayuhi nde aso akimi aya maduha ndi: «Yu ka mvuuru aswesihi baari a Jerusaleme, na baari mabusihi nkuumi e Jesu ni? Nde aka aya kuuni okamba mo okura bo endi, mo obira bo mpili asi ma avwoŋi ma anini ni?» 22Ŋa Sole aselehe owobo bɨla mpari eso. Nde olehi Ajife a Damase nca lekimi, mo osuumbu a nde aduhi ndi Jesu aki ni Krisi.
23Ecuhu eyira Ajife akuri cuumu mo obuma Sole. 24Ŋa Sole oyuhi cuumu e bo makuri o nde. Na mwi na mpiibi, bo makyele enwa ma lepaangu le onguundu, ndi bo abuma nde. 25Lempiibi lemo alwoni a Sole alehi nde nca ngara, bo apiisi nde ngulu obaha lepaangu le onguundu.
Sole o Jerusaleme
26Sole na oto Jerusaleme, nde osahi obasaha alwoni ma amo, ŋa bo aso aki na vwoho o nde. Obila bo aka yalaha ndi nde se olwoni ni. 27Barnabase oyahi Sole obiri nde mpili antuma. Na bo ndi: «O njila Sole omoni Nkʉmu. Nkʉmu se owobi na nde. Sole otoosi kuumi e Jesu na lila leso o Damase.» 28Mo obaana ma antini maa, Sole oya bɨla bo, nde aje nde aya bɨla bo o Jerusaleme. Nde atooso nkuumi e Nkʉmu na lila leso. 29Nde awobihi na Ajife ma wobiho ngɨreke. Ŋa bo asahi ni osuumbu mo obuma nde. 30Ŋa baana ma anguhu ayuha vwa, bo abiri Sole mpili e Sesare ma otuma nde Tarse.
31Okuha oya nca oduusu o Jude eso, na Ngalili bɨla Samari. Okuha aki na mpari, anyiima Nkʉmu, nde akula o mpari Oduduma Santi.
Asalihi Ene
32Pyere ayirihi me ebiri eso. Nde osurihi na amono epeende ma eli o Lida. 33O ŋa nde obasihi balaha mo macwoloho mo Ene, nde akihi omakuma ntari esibi mfwomo (8) obila nde aki oleme. 34Pyere na nde ndi: «Ene, Jesu Krisi omisalaha we. Temeŋe, yaha ntari e we.» O ŋiŋa nde se otemiŋi. 35Asi Lida aso bɨla asi ncehe e Sarone amono vwa, bo ayalihi Nkʉmu.
Pyere anyuusa Dorkase nca leku
36O Jope eki na okaasi omo aki olwoni a Jesu, nkuumi e nde Tabita, ma le ngɨreke ocwolo nde o «Dorkase». Mo oduha ndi «seri». Janja e nde eki lesa la leve na leyamaŋa la anga owuha. 37Nca ecuhu bya nde obyeri ngaa, okwi. Ayohi obiimi, acuusi co nca otini o njo o ŋa yulu. 38Alwoni ma ali o Jope ayuha ndi Pyere oli o Lida, Lida eki la na Jope kali, bo atumi abalaha vwele na aduha ndi: «Kolo kolo e we Pyere, jyaha asisari na e bisi.» 39Pyere otemiŋi oyeni bɨla bo asisari. Nde oto, abiri nde nca otini o njo o ŋa yulu. Akuuli aso ayi na olila na e nde. Bo alahi nde angoyi bɨla amfa a Dorkase atuuŋi o ntini e nde aki okini bɨla bo. 40Pyere otusihi baari aso o nji. Owuri avwo, oya avwono okalihi mpili obiimi na co ndi: «Tabita temeŋe!» Nde se onaani miisi omoni Pyere, nde osihi oya o nci. 41Pyere okwari nde o kwoho, osaari nde. Nde ocwoli epeende bɨla akuuli nde olahi bo ndi Tabita ayu, oli mwo. 42Asi Jope aso ayuhi jaa jya. Baari kuna ayalihi Nkʉmu. 43Pyere obuhi o Jope. Nde akihi o njo e Simo, Simo akihi otʉli.
Currently Selected:
Janja 9: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 9
9
Sole o njila e Damase
1Sole asahi ni ombangu na lebuma le alwoni a Nkʉmu. Nde oyeni na amono osi avwoŋi onini. 2Sole opɨsi nde osaangumu etuma nde nca anjo mavwonoŋo a Damase. Mo bu ndi nde onyuniŋa, omono abalaha si kali akaasi ma lwonii njila e Nkʉmu, nde okwari bo, oyeni na bo Jerusaleme. 3Sole aki okini o njila tuha na Damase, o ŋiŋa oyalala owi yulu ekyeme, ojeneŋi nde. 4Nde ovi o ncye, oyuhi juuhi leduha na nde ndi: «E Sole, Sole, we aswesehe me mo oma?» 5Nde opɨsi ndi: «We na, Nkʉmu?» Juuyi lekaali ndi: «Me Jesu a we ali ma oswesehe. 6Ŋa temeŋe we onyuniŋa nca onguundu, aduha we osuumbu a we asa.» 7Abuha a nde avusihi njila bɨla bo asuri, aka buuna oduha jaa si mo ni. Bo aki mayuha juuyi, okoroho bo i mono mvuuru ni. 8Sole otemiŋi onana miisi, nde aka ya i mamono ni. Abuha ma aki bɨla nde akwari nde okwoho ayeni na nde Damase. 9Nde osi ecuhu etari nde i mono ni, nde se i ja ni i nywa ni.
10Ŋa olwoni a Jesu omo aki o Damase nkuumi e nde Ananyase. Nkʉmu oduhi na nde o nca lworo ndi: «Ananyase!» Ananyase oyalihi ndi: «Me eyu Nkʉmu.» 11Nkʉmu na nde ndi: «Jyehe asisari mo owoombo, macwoloho mo owoombo a Tele. O nca njo e Juda, we opɨsa balaha e nkuumi Sole osi Tarse oli kwa avwono. 12Nde omoni balaha macwoloho ma Ananyase o nca lworo enyuniŋa, elehe jyala o yula nde, mo bu ndi nde ovuriha omono.» 13Ananyase okaali ndi: «E Nkʉmu me emayuha baari kuna mawobo o balaha ji. Me yaa obi o nde amasa epeende e we o Jerusaleme. 14Ŋaa asi ma avwoŋi ma anini amampa nde onkʉmu mo okura baari malwonoŋo we endi. Na baari aso makasaha nkuumi e we.» 15Ŋa Nkʉmu okaali na nde ndi: «Jyehe na abasaha nde. Obila nde ojanji a me emaswolo mo owobo o nkuumi e me nca esi me emo, na ankani bɨla baari a Isayele se. 16Me eje olaha nde me anku ampasi a nde aje omono obila o nkuumi e me.» 17Ananyase oyeni, onyuniŋi nca njo, olehi jyala o yula Sole na nde ndi: «Mwana nguhu a me Sole, Nkʉmu mvuuru atumi me. Jesu ju jwa alahi nyuru na we o njila ntini e we alaniŋi. Nde atumi me ndi we vuruha omono, Oduduma Santi se oluula o we.» 18O ŋiŋa mpyesi eki o miisi a nde epɨsihi. Nde ovurihi omoni. Nde otemiŋi ampi nde ateeme. 19Emana nde oji biila, obahi mpari.
Sole atooso Ncya e Mve o Damase
Sole osi aka ecuhu eke bɨla alwoni ma aki o Damase. 20O nci na nci ŋa, nde oya atooso mbari nca anjo mavwonoŋo ndi Jesu Mwana a Njyami. 21Baari mayuhi nde aso akimi aya maduha ndi: «Yu ka mvuuru aswesihi baari a Jerusaleme, na baari mabusihi nkuumi e Jesu ni? Nde aka aya kuuni okamba mo okura bo endi, mo obira bo mpili asi ma avwoŋi ma anini ni?» 22Ŋa Sole aselehe owobo bɨla mpari eso. Nde olehi Ajife a Damase nca lekimi, mo osuumbu a nde aduhi ndi Jesu aki ni Krisi.
23Ecuhu eyira Ajife akuri cuumu mo obuma Sole. 24Ŋa Sole oyuhi cuumu e bo makuri o nde. Na mwi na mpiibi, bo makyele enwa ma lepaangu le onguundu, ndi bo abuma nde. 25Lempiibi lemo alwoni a Sole alehi nde nca ngara, bo apiisi nde ngulu obaha lepaangu le onguundu.
Sole o Jerusaleme
26Sole na oto Jerusaleme, nde osahi obasaha alwoni ma amo, ŋa bo aso aki na vwoho o nde. Obila bo aka yalaha ndi nde se olwoni ni. 27Barnabase oyahi Sole obiri nde mpili antuma. Na bo ndi: «O njila Sole omoni Nkʉmu. Nkʉmu se owobi na nde. Sole otoosi kuumi e Jesu na lila leso o Damase.» 28Mo obaana ma antini maa, Sole oya bɨla bo, nde aje nde aya bɨla bo o Jerusaleme. Nde atooso nkuumi e Nkʉmu na lila leso. 29Nde awobihi na Ajife ma wobiho ngɨreke. Ŋa bo asahi ni osuumbu mo obuma nde. 30Ŋa baana ma anguhu ayuha vwa, bo abiri Sole mpili e Sesare ma otuma nde Tarse.
31Okuha oya nca oduusu o Jude eso, na Ngalili bɨla Samari. Okuha aki na mpari, anyiima Nkʉmu, nde akula o mpari Oduduma Santi.
Asalihi Ene
32Pyere ayirihi me ebiri eso. Nde osurihi na amono epeende ma eli o Lida. 33O ŋa nde obasihi balaha mo macwoloho mo Ene, nde akihi omakuma ntari esibi mfwomo (8) obila nde aki oleme. 34Pyere na nde ndi: «Ene, Jesu Krisi omisalaha we. Temeŋe, yaha ntari e we.» O ŋiŋa nde se otemiŋi. 35Asi Lida aso bɨla asi ncehe e Sarone amono vwa, bo ayalihi Nkʉmu.
Pyere anyuusa Dorkase nca leku
36O Jope eki na okaasi omo aki olwoni a Jesu, nkuumi e nde Tabita, ma le ngɨreke ocwolo nde o «Dorkase». Mo oduha ndi «seri». Janja e nde eki lesa la leve na leyamaŋa la anga owuha. 37Nca ecuhu bya nde obyeri ngaa, okwi. Ayohi obiimi, acuusi co nca otini o njo o ŋa yulu. 38Alwoni ma ali o Jope ayuha ndi Pyere oli o Lida, Lida eki la na Jope kali, bo atumi abalaha vwele na aduha ndi: «Kolo kolo e we Pyere, jyaha asisari na e bisi.» 39Pyere otemiŋi oyeni bɨla bo asisari. Nde oto, abiri nde nca otini o njo o ŋa yulu. Akuuli aso ayi na olila na e nde. Bo alahi nde angoyi bɨla amfa a Dorkase atuuŋi o ntini e nde aki okini bɨla bo. 40Pyere otusihi baari aso o nji. Owuri avwo, oya avwono okalihi mpili obiimi na co ndi: «Tabita temeŋe!» Nde se onaani miisi omoni Pyere, nde osihi oya o nci. 41Pyere okwari nde o kwoho, osaari nde. Nde ocwoli epeende bɨla akuuli nde olahi bo ndi Tabita ayu, oli mwo. 42Asi Jope aso ayuhi jaa jya. Baari kuna ayalihi Nkʉmu. 43Pyere obuhi o Jope. Nde akihi o njo e Simo, Simo akihi otʉli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES