Janja 6
6
Aswoli baari ncaami mo ojanja bɨla antuma
1Me ecuhu bya, alwoni aselihi okuna, baari mawobiho juuhi la asi Ngɨreke aya maswe mo baari mawobiho Ebɨre. Obila asi Ebɨre aka mpaha akwili ma asi Ngɨreke biila yemiŋi ecuhu eso, o ntini e bo ma janjihi mo okabaha biila ni. 2Antuma a kuumi na vwele akusihi alwoni maamo aso, na bo ndi: «Bisi i buuna osa anyila otooso mbari e Njyami mo osa janja le mo okabaha biila ni. 3Ŋa leswolo abalaha ncaami o mpaniŋi e be baana ma anguhu, ma ali na eku me eve, ma amaluula mo Oduduma, bo se na ncimi. Mo vwa bisi lempa bo janja jya. 4Ŋa o bisi, bisi leselehe ovwono bɨla janja e motooso mbari e Njyami.» 5Okuha aso oyalihi, bo aswoli Etyene, balaha eki ema luula ma oyalihi na Oduduma Santi. Bo aswoli se Filipe, Prokore, Nikanore, Timon, Parmenase bɨla Nikola osi Antyose a Siri, mvuuru ali ka Ojife ni, ayalihi ekele e Moyise. 6Bo alahi abalaha a ncaami baa na antuma, antuma alehi jyala o yula bo, avwoni o bo. 7Mbari e Njyami eyeni nca onguundu, na otali alwoni okuni o Jerusaleme. Asi ma avwoŋi kuna anyiimi, bo se ayalihi Jesu.
Akwari Etyene
8Etyene omaluula o mpolo bɨla mpari e Njyami, nde aki asa epuna ŋa andiimi a lwari o mwa baari. 9Baari ake a ma anjo ma vwonoŋo ma Ajife, macwoloho o Njo e baari ma amavuuha bɨla asi Sirene, na asi Aleksandri, na baari a Silisi ŋa ma Asi, aya mawobo bɨla Etyene. 10Ŋa bo aki i buuna okemeŋe ncimi bɨla ŋa Oduduma a nde ŋa wobihi bɨla nde ni. 11Ŋa bo aguri baari ndi baari baa aduha ndi: «Bisi lema yuha nde atuha Moyise bɨla Njyami.» 12Bo acyesi baari. Akuuru ma Ajife bɨla ayisihi me ekele, ayi akwari Etyene ayeni na nde mwa okuha ankʉmu ma Ajife. 13Bo ayi na baari mo obanaŋa Etyene ndi: «Mvuuru yu okaha mo owobo mbari e mbi o njo e Njyami opeende ji, na ekele e Moyise. 14Bisi lemayuha nde aduha ndi Jesu a Najarete yu acala njo e Njyami, nde se akaala ekele e Moyise anyili saabe.»
15Ŋa baari aso ma aki mo okuha jwa, abirihi Etyene miisi. Bo amoni olya o nde oya mva obaanji.
Currently Selected:
Janja 6: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 6
6
Aswoli baari ncaami mo ojanja bɨla antuma
1Me ecuhu bya, alwoni aselihi okuna, baari mawobiho juuhi la asi Ngɨreke aya maswe mo baari mawobiho Ebɨre. Obila asi Ebɨre aka mpaha akwili ma asi Ngɨreke biila yemiŋi ecuhu eso, o ntini e bo ma janjihi mo okabaha biila ni. 2Antuma a kuumi na vwele akusihi alwoni maamo aso, na bo ndi: «Bisi i buuna osa anyila otooso mbari e Njyami mo osa janja le mo okabaha biila ni. 3Ŋa leswolo abalaha ncaami o mpaniŋi e be baana ma anguhu, ma ali na eku me eve, ma amaluula mo Oduduma, bo se na ncimi. Mo vwa bisi lempa bo janja jya. 4Ŋa o bisi, bisi leselehe ovwono bɨla janja e motooso mbari e Njyami.» 5Okuha aso oyalihi, bo aswoli Etyene, balaha eki ema luula ma oyalihi na Oduduma Santi. Bo aswoli se Filipe, Prokore, Nikanore, Timon, Parmenase bɨla Nikola osi Antyose a Siri, mvuuru ali ka Ojife ni, ayalihi ekele e Moyise. 6Bo alahi abalaha a ncaami baa na antuma, antuma alehi jyala o yula bo, avwoni o bo. 7Mbari e Njyami eyeni nca onguundu, na otali alwoni okuni o Jerusaleme. Asi ma avwoŋi kuna anyiimi, bo se ayalihi Jesu.
Akwari Etyene
8Etyene omaluula o mpolo bɨla mpari e Njyami, nde aki asa epuna ŋa andiimi a lwari o mwa baari. 9Baari ake a ma anjo ma vwonoŋo ma Ajife, macwoloho o Njo e baari ma amavuuha bɨla asi Sirene, na asi Aleksandri, na baari a Silisi ŋa ma Asi, aya mawobo bɨla Etyene. 10Ŋa bo aki i buuna okemeŋe ncimi bɨla ŋa Oduduma a nde ŋa wobihi bɨla nde ni. 11Ŋa bo aguri baari ndi baari baa aduha ndi: «Bisi lema yuha nde atuha Moyise bɨla Njyami.» 12Bo acyesi baari. Akuuru ma Ajife bɨla ayisihi me ekele, ayi akwari Etyene ayeni na nde mwa okuha ankʉmu ma Ajife. 13Bo ayi na baari mo obanaŋa Etyene ndi: «Mvuuru yu okaha mo owobo mbari e mbi o njo e Njyami opeende ji, na ekele e Moyise. 14Bisi lemayuha nde aduha ndi Jesu a Najarete yu acala njo e Njyami, nde se akaala ekele e Moyise anyili saabe.»
15Ŋa baari aso ma aki mo okuha jwa, abirihi Etyene miisi. Bo amoni olya o nde oya mva obaanji.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES