Janja 5
5
Ananyase bɨla Safira
1Balaha macwoloho ma Ananyase bɨla okari a nde Safira, ayeesi osuumbu otehe nguunu. Ananyase otehi yo. 2Mo osuumbu a nde bɨla okari mayeesi, nde okyeli obari adoro, obari emo nde ocuusi o ncina nyiili ma antuma. 3Ŋa Pyere na nde ndi: «Ananyase we omimpa otima a we na Sata mo oma? We omikura Oduduma Santi, we omikyele o bari adoro o we atehi lepaangu. 4We aki abuuna okyele lepaangu le we, si kali we aki abuuna otehe lo we okyeli adoro ni? Ŋa we omabasaha bya ecimiŋi nca otima a we mo oma? We aka kura baari mo omwo ni, ŋa we akʉri Njyami.» 5Ananyase oyuha mbari jya, nde ovi nde se okwi. Baari ma ayuhi jaa jya aso amoni vwoho bo mini. 6Enjambu ma abalaha eyi, eyahi obiimi, eporihi nca mfa eyeni na ajiiha.
7Atari ayiri atari, okari Ananyase oyi nde aki okini oyuha jaa eyiri ni. 8Pyere opɨsi nde ndi: «Duha me, ji mvunu e be letehi lepaangu?» Okari okaali na nde ndi: «Ee o mvunu jya.» 9O ŋa Pyere ŋa nde ndi: «We bɨla olumi a we lemakura cuumu mo osoŋo Oduduma a Nkʉmu mo oma? Yuha ekiini e baari mayeni na jiiha oluma a we, bo ali ma onwa a njo. Bo se lobi mabira we.» 10O nci na nci ŋa, okari ovi o ncina nyiili e Pyere, nde se okwi. Enjambu ma abalaha enyuniŋi emoni obiimi. Bo abiri co ŋa ajiiha o paani olumi a nde. 11Okuha aso omoni vwoho bo mini, na baari mayuhi maami maa se amoni vwoho bo mini.
Antuma masa emaa e kuna
12Antuma asi andiimi bɨla epuna o mwa baari. Ayalihi a mbari antuma aso akuhi ecwi m oleembe a njo e Salomon. 13Ŋa mvuuru okɨma aka maciina tuha na bo ni, okoroho baari awobihi maami ma ave o bo. 14Lemvuuru lekuni, ŋa akaasi na abalaha ayalihi Nkʉmu. 15Atusihi abyeri me esyese me ewombo, acuusi bo o yula ekala. Mo bu ndi Pyere oyira ŋa, ojiiŋi o nde otiila mvuuru na mvuuru o mpaniŋi e bo. 16Lemvuuru le kuna lewi nca enguundu e tuha na Jerusaleme. Bo ayi na abyeri na baari ma ali na edidima me ebi me esosihi bo, bo aso awuumi.
Akwari antuma emana anyasihi bo
17Ŋa osi avwoŋi onini bɨla baari ma aki bɨla nde ŋa Asadisi, amoni bo mfuniŋa mwo, bo ayeesi osuumbu mo osa. 18Bo akwari antuma, alehi bo ongeneŋe o miisi a baari aso. 19Ŋa na mpiibi, obaanji a Nkʉmu onaani enwa ma anjo mo ongeneŋe, otusihi bo, nde na bo ndi: 20«Lejyehe be leka nca njo e Njyami, be letooso baari ncya e mbari lebihi.» 21Bo ayuha vwa, bo ayeni njo e Njyami nkara encyere ecuhu, bo aya mayisiha. Osi avwoŋi onini bɨla abuha a nde awasihi. Bo akusihi okuha akuuru ma Ajife, mo ovunuŋa mo okuha onini a Isayele. Bo atumi oyaha antuma mo ongeneŋe. 22Ŋa aworo ato ongeneŋe, bo aka mono antuma ni. Bo avurihi na aduha ancya ndi: 23«Bisi leto kwa amabiinda njo ongeneŋe yemihi. Aworo ali me enwa ma anjo. Ŋa bisi lenaana edibihi, leka basaha mvuuru o nca kari ni.» 24Nkʉmu akyelehe Njo e Njyami bɨla asi ma avwoŋi ma anini ayuha vwa, bo aki aya ecimiŋi oca o yula antuma. Aya mapɨsa ndi li lema. 25Ŋa mvuuru oyi na aduha bo ndi: «Baari a be lelehi mo ongeneŋe ali nca njo e Njyami, bo mayisaha baari.»
26Ŋa nkʉmu aworo oyeni bɨla aworo a nde mo oje na ayaha antuma. Bo ayi na avuriha na bo yemihi. Obila bo aki na vwoho ndi baari amatʉna bo akele.
27Bo aya na antuma o mwa okuha akuuru ma Ajife, osi avwoŋi onini oya alehe bo eduhu. 28Nde na bo ndi: «Bisi mba leki lemaliha be oyisiha o nkuumi e balaha jya. Ŋa be lemiluusa Jerusaleme me eyisihi e be. Ŋa be, be lesaha olehe leku le nde o yula bisi!» 29Ŋa Pyere bɨla antuma maamo akaali ndi: «Ove anyiimi Njyami, ŋa ka baari ma omwo ni. 30Ŋa Njyami a taara a bisi omanyuusa Jesu o nca leku. Jesu a be lebumi mo okomo ma lembanji. 31Njyami amakuusa nde, amacuusa nde o kwoho o nde olumi. Jesu Nkʉmu, nde se ovusihi akaala eku e baari a Isayele, nde se oboloho ambiini a bo. 32Bisi baari lesiisa enwa o maami maa. Ŋa bisi, na Oduduma Santi a Njyami ampi baari manyimaŋa nde.»
33Nkala esi bo o mbari jya. Bo asahi osuumbu obuma antuma. 34Ŋa balaha mo etemiŋi o nca okuha akuuru ma Ajife. Nde aki Ofarisi a nkuumi Ngamalyele, nde se oyisihi ekele, baari aso aki manyiima nde. Nde otumi ndi asa tusaha antuma. 35Emana nde oduhi ndi: «Be baari a Isayele, lesa ayiba o jaa e be lesa baari ba. 36Ma antini ma lembɨsa ma ayiri ma, balaha e nkuumi Tedase ewasihi, oduuhi ndi nde mvuuru ali na okiimi. Enkama e baari ena (400) elwoni nde. Abumi nde, ma aki bɨla nde aso acalihi, mvuuru aka masiila se omo ni. 37Emana jwa, Juda osi Ngalili se owasihi, o ntini masihi onteende, nde ojiimi baari kuna o ngula nde. Nde se okwi. Baari a nde ajiimi acalihi. 38Ŋa me eduha be, leka ma triha maami a bo ni. Lenyila bo aje. Mo oma, yuhu maami a bo masa ma, a mvuuru o mwo, mo ma aje owa mo anku. 39Ŋa yuhu mo ma awa na e Njyami, be leka buuna ocala mo ni. Lesa ayiba, caaki Njyami omamono saabe mva abuha a nde ma ombangu!» Bo ayuhi mbari e Ngamalyele. 40Bo acwoli antuma, abeeri bo ekaci. Bo avurihi aduhi na bo ndi bo i ma vuriha ocwolo nkuumi e Jesu ni, emana bo anyasihi bo. 41Antuma acuuhi nca okuha akuuru ma Ajife. Bo asweri mo osuumbu mabesi bo o nkuumi e Jesu. 42Ŋa ecuhu eso o nca njo e Njyami, na o nca ma anjo a bo, bo mayisiha, matooso Ncya e mve e Jesu Krisi, Oswoli a Njyami.
Currently Selected:
Janja 5: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 5
5
Ananyase bɨla Safira
1Balaha macwoloho ma Ananyase bɨla okari a nde Safira, ayeesi osuumbu otehe nguunu. Ananyase otehi yo. 2Mo osuumbu a nde bɨla okari mayeesi, nde okyeli obari adoro, obari emo nde ocuusi o ncina nyiili ma antuma. 3Ŋa Pyere na nde ndi: «Ananyase we omimpa otima a we na Sata mo oma? We omikura Oduduma Santi, we omikyele o bari adoro o we atehi lepaangu. 4We aki abuuna okyele lepaangu le we, si kali we aki abuuna otehe lo we okyeli adoro ni? Ŋa we omabasaha bya ecimiŋi nca otima a we mo oma? We aka kura baari mo omwo ni, ŋa we akʉri Njyami.» 5Ananyase oyuha mbari jya, nde ovi nde se okwi. Baari ma ayuhi jaa jya aso amoni vwoho bo mini. 6Enjambu ma abalaha eyi, eyahi obiimi, eporihi nca mfa eyeni na ajiiha.
7Atari ayiri atari, okari Ananyase oyi nde aki okini oyuha jaa eyiri ni. 8Pyere opɨsi nde ndi: «Duha me, ji mvunu e be letehi lepaangu?» Okari okaali na nde ndi: «Ee o mvunu jya.» 9O ŋa Pyere ŋa nde ndi: «We bɨla olumi a we lemakura cuumu mo osoŋo Oduduma a Nkʉmu mo oma? Yuha ekiini e baari mayeni na jiiha oluma a we, bo ali ma onwa a njo. Bo se lobi mabira we.» 10O nci na nci ŋa, okari ovi o ncina nyiili e Pyere, nde se okwi. Enjambu ma abalaha enyuniŋi emoni obiimi. Bo abiri co ŋa ajiiha o paani olumi a nde. 11Okuha aso omoni vwoho bo mini, na baari mayuhi maami maa se amoni vwoho bo mini.
Antuma masa emaa e kuna
12Antuma asi andiimi bɨla epuna o mwa baari. Ayalihi a mbari antuma aso akuhi ecwi m oleembe a njo e Salomon. 13Ŋa mvuuru okɨma aka maciina tuha na bo ni, okoroho baari awobihi maami ma ave o bo. 14Lemvuuru lekuni, ŋa akaasi na abalaha ayalihi Nkʉmu. 15Atusihi abyeri me esyese me ewombo, acuusi bo o yula ekala. Mo bu ndi Pyere oyira ŋa, ojiiŋi o nde otiila mvuuru na mvuuru o mpaniŋi e bo. 16Lemvuuru le kuna lewi nca enguundu e tuha na Jerusaleme. Bo ayi na abyeri na baari ma ali na edidima me ebi me esosihi bo, bo aso awuumi.
Akwari antuma emana anyasihi bo
17Ŋa osi avwoŋi onini bɨla baari ma aki bɨla nde ŋa Asadisi, amoni bo mfuniŋa mwo, bo ayeesi osuumbu mo osa. 18Bo akwari antuma, alehi bo ongeneŋe o miisi a baari aso. 19Ŋa na mpiibi, obaanji a Nkʉmu onaani enwa ma anjo mo ongeneŋe, otusihi bo, nde na bo ndi: 20«Lejyehe be leka nca njo e Njyami, be letooso baari ncya e mbari lebihi.» 21Bo ayuha vwa, bo ayeni njo e Njyami nkara encyere ecuhu, bo aya mayisiha. Osi avwoŋi onini bɨla abuha a nde awasihi. Bo akusihi okuha akuuru ma Ajife, mo ovunuŋa mo okuha onini a Isayele. Bo atumi oyaha antuma mo ongeneŋe. 22Ŋa aworo ato ongeneŋe, bo aka mono antuma ni. Bo avurihi na aduha ancya ndi: 23«Bisi leto kwa amabiinda njo ongeneŋe yemihi. Aworo ali me enwa ma anjo. Ŋa bisi lenaana edibihi, leka basaha mvuuru o nca kari ni.» 24Nkʉmu akyelehe Njo e Njyami bɨla asi ma avwoŋi ma anini ayuha vwa, bo aki aya ecimiŋi oca o yula antuma. Aya mapɨsa ndi li lema. 25Ŋa mvuuru oyi na aduha bo ndi: «Baari a be lelehi mo ongeneŋe ali nca njo e Njyami, bo mayisaha baari.»
26Ŋa nkʉmu aworo oyeni bɨla aworo a nde mo oje na ayaha antuma. Bo ayi na avuriha na bo yemihi. Obila bo aki na vwoho ndi baari amatʉna bo akele.
27Bo aya na antuma o mwa okuha akuuru ma Ajife, osi avwoŋi onini oya alehe bo eduhu. 28Nde na bo ndi: «Bisi mba leki lemaliha be oyisiha o nkuumi e balaha jya. Ŋa be lemiluusa Jerusaleme me eyisihi e be. Ŋa be, be lesaha olehe leku le nde o yula bisi!» 29Ŋa Pyere bɨla antuma maamo akaali ndi: «Ove anyiimi Njyami, ŋa ka baari ma omwo ni. 30Ŋa Njyami a taara a bisi omanyuusa Jesu o nca leku. Jesu a be lebumi mo okomo ma lembanji. 31Njyami amakuusa nde, amacuusa nde o kwoho o nde olumi. Jesu Nkʉmu, nde se ovusihi akaala eku e baari a Isayele, nde se oboloho ambiini a bo. 32Bisi baari lesiisa enwa o maami maa. Ŋa bisi, na Oduduma Santi a Njyami ampi baari manyimaŋa nde.»
33Nkala esi bo o mbari jya. Bo asahi osuumbu obuma antuma. 34Ŋa balaha mo etemiŋi o nca okuha akuuru ma Ajife. Nde aki Ofarisi a nkuumi Ngamalyele, nde se oyisihi ekele, baari aso aki manyiima nde. Nde otumi ndi asa tusaha antuma. 35Emana nde oduhi ndi: «Be baari a Isayele, lesa ayiba o jaa e be lesa baari ba. 36Ma antini ma lembɨsa ma ayiri ma, balaha e nkuumi Tedase ewasihi, oduuhi ndi nde mvuuru ali na okiimi. Enkama e baari ena (400) elwoni nde. Abumi nde, ma aki bɨla nde aso acalihi, mvuuru aka masiila se omo ni. 37Emana jwa, Juda osi Ngalili se owasihi, o ntini masihi onteende, nde ojiimi baari kuna o ngula nde. Nde se okwi. Baari a nde ajiimi acalihi. 38Ŋa me eduha be, leka ma triha maami a bo ni. Lenyila bo aje. Mo oma, yuhu maami a bo masa ma, a mvuuru o mwo, mo ma aje owa mo anku. 39Ŋa yuhu mo ma awa na e Njyami, be leka buuna ocala mo ni. Lesa ayiba, caaki Njyami omamono saabe mva abuha a nde ma ombangu!» Bo ayuhi mbari e Ngamalyele. 40Bo acwoli antuma, abeeri bo ekaci. Bo avurihi aduhi na bo ndi bo i ma vuriha ocwolo nkuumi e Jesu ni, emana bo anyasihi bo. 41Antuma acuuhi nca okuha akuuru ma Ajife. Bo asweri mo osuumbu mabesi bo o nkuumi e Jesu. 42Ŋa ecuhu eso o nca njo e Njyami, na o nca ma anjo a bo, bo mayisiha, matooso Ncya e mve e Jesu Krisi, Oswoli a Njyami.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES