Janja 4
4
Pyere bɨla Jan o mwa akuuru mo okuha Ajife
1Pyere bɨla Jan aki akini ma woɓo na lemvuuru, asi ma avwoŋi bɨla nkʉmu aworo a njo e Njyami, ŋa Asadisi awasihi. 2Bo amabira nkala yo mini, obila Pyere bɨla Jan mayisiha lemvuuru, bo se matooso ndi: o Jesu akwi mabuuna onyusiha. 3Bo akwari Pyere bɨla Jan ma lempiibi lya, alehi bo ongeneŋe, tii ngo encyere. Obila cuhu eki eya ejila. 4O nca baari mayuhi mbari e Njyami o mpaniŋi e bo kuna ayalighi Njyami, bo aki ma ato enkama e baari kuumi. 5Bo amato na encyere, ankʉmu ma Ajife, bɨla akuuru ma Ajife na ayisihi me ekele, makiihi o Jerusaleme. 6Eki na Aane a nkʉmu asi ma avwoŋi onini, na Kayife, na Jan bɨla Alikisandre ŋa ankwono ma asi ma avwoŋi ma anini aso. 7Bo atumi oyaha Pyere bɨla Jan anyili o mwa bo, apɨsi bo ndi: «Be lesalahi oleme kya mo mpari bɨla nkuumi e na?» 8Ŋa Pyere omaluula mo Oduduma Santi na bo ndi: 9«Be akuuru bɨla ankʉmu a ma ekuha malehe bisi eduhu ma leve le bisi lesi obuka, bo se mapɨsa bisi osuumbu a balaha jya ewuumi. 10Be aso, na asi Isayele aso se ndi: balaha eli mo tele o mwa be ji ewuumiŋa o nkuumi e Jesu Krisi a Najarete. Jesu a be lekomi ma lembanji emana Njyami omanyuusa nde o mpaniŋi akwi. 11Jesu omakaaha:
“kele acwi matʉni vayi,
emikiriha kele evʉli abuha maamo kaama.”
12Obila Njyami aka mpa nkuumi nkɨma na baari ma o mwo o yula ncye e vusuha saabe ni.»
13Ankʉmu mo okuha akimi osuumbu a Pyere bɨla Jan mawobihi, mo ojisiha mbari. Bo amoniŋi ndi bo baari ma ali oyaa okyehe, bo ayiimbi ndi ba alwoni a Jesu. 14Ŋa bo amono balaha eki emawuuma o mpaani e Pyere bɨla Jan, bo aka baha jaa okaala ni. 15Ankʉmu me ekugha atumi otusuha nca otini ma Akuuru ma Ajife mapamaŋa baari, aya mawobo o mpaniŋi e bo 16ndi: «Saabe lesa bo buni? Obila bo amasa omaa o mwa asi Jerusaleme aso saabe leyaa, saabe i buuna okemeŋe bo ni. 17Ncaaki baari amaselehe ojuusa ncya jya. I mabuusa nkuumi e Jesu na mpɨni mvuuru ni.»
18Bo acwoli Pyere bɨla Jan, alihi bo ndi: «Be i mabuusa na oyisiha nkuumi e Jesu ni.» 19Ŋa Pyere bɨla Jan akaali na bo ndi: «Eli yemihi o miisi a Njyami oma? Lenyiima le be si lenyiima le Njyami, lepama be anku. 20Ŋa bisi i buuna oka pi o maami a bisi lemoni na a bisi leyuhi ni.» 21Ankʉmu me Ajife avuririhi abye na bo emana anyasihi bo, obila bo aka basaha jaa e bo maliisa bo o yo ni. Mo oma, baari aso aki ma kuusa Njyami o maami ma ayiri. 22Balaha ma asi omaa nde owuumi jwa, aki abuuna onyura ekuumi me esibi ena.
Okuha avwono
23Amana onyasaha bo, Pyere bɨla Jan ayeni mpili abuha a bo, adughi na abugha a bo maami ma ankʉmu ma asi ma avwoŋi ma anini, na ma akuuru ma Ajife maduhi bo. 24Baari ma ayuhi mbari antuma jya, aso avwoni otima omo ndi: «E Nkʉmu, we mvuuru awaangi yulu bɨla ncye, na okeri onini, na me eli o yula ncye eso. 25We mvuuru atumi Oduduma Santi mawobo mo onwa a Davide a nkaha a bisi ali ojanji a we mbɨri:
“Esi menyuha mo oma?
Ecimiŋi mo oca o mpaniŋi e baari buni?
26Ankani a yula ncye amitemeŋe,
ankʉmu se amivunuŋa mvuuru omo
mo mbele e Nkʉmu bɨla oswoli a nde.”
27Obila me edugha be asisyele, Erode bɨla Posi Pilate amivunuŋa o nca onguundu ki, bɨla anjya na ankʉmu me esi ekɨma, bɨla asi Isayele o mbele Jesu ojanji a we opeende, a we aki ŋa swoli.
28Bo asi vwa, mo olaha maami aso a we aki amabaana oyeese mo mpari na ediiŋi e we. 29Ŋa o ŋa nkʉmu, mono osuumbu a bo maŋaana bisi. Mpa ajanji a we lengulu mo otooso mbari e we na lila leso. 30Laba kwoho o we, mo bu mbɨri abyeri awuuma amono andiimi ma emaa bɨla epuna o nkuumi e Jesu ojanji a we opeende.» 31Bo amana ovwono, biri e bo ma kihi eya enyuha, Oduduma Santi oluuli o bo aso. Bo aya matooso mbari e Njyami na lila.
Ayalihi a mbari antuma makabaha biibi o mpaniŋi e bo
32Baari kuna mayalihi mbari aso aki aya otima omo, edidima se emo. Bo si mvuuru aka maduha ndi: «Bi biibi e me otu ni.» Ŋa bo avusihi biibi me eki na bo eso biri mo. 33Bɨla mpari yo mini, antuma aya masiisa enwa e ncya e me enyusihi e Jesu a Nkʉmu. Ŋa mpolo e Njyami yo mini eki bɨla bo aso. 34Mpini mvuuru o mpaniŋi e bo aka kaama kiila ni. Obila baari ma aki na apaangu si kali anjo atehi, bo ayi na adoro a bo matehi biibi. 35Bo acuusi o ncina nyiili ma antuma, emana bo akabihi mvuuru na mvuuru obahi e nde buhu aki na kaama o yo. 36Ŋa Jusefe, antuma maluhi nkuumi e Barnabase mo oduha ndi: «Mvuuru akoosoho abuha», osi Levi makʉli o Sipre. 37Nde aki na lepaangu. Nde otehi lepaangu le nde, oyi na acuusa adoro o ncina nyiili ma antuma.
Currently Selected:
Janja 4: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 4
4
Pyere bɨla Jan o mwa akuuru mo okuha Ajife
1Pyere bɨla Jan aki akini ma woɓo na lemvuuru, asi ma avwoŋi bɨla nkʉmu aworo a njo e Njyami, ŋa Asadisi awasihi. 2Bo amabira nkala yo mini, obila Pyere bɨla Jan mayisiha lemvuuru, bo se matooso ndi: o Jesu akwi mabuuna onyusiha. 3Bo akwari Pyere bɨla Jan ma lempiibi lya, alehi bo ongeneŋe, tii ngo encyere. Obila cuhu eki eya ejila. 4O nca baari mayuhi mbari e Njyami o mpaniŋi e bo kuna ayalighi Njyami, bo aki ma ato enkama e baari kuumi. 5Bo amato na encyere, ankʉmu ma Ajife, bɨla akuuru ma Ajife na ayisihi me ekele, makiihi o Jerusaleme. 6Eki na Aane a nkʉmu asi ma avwoŋi onini, na Kayife, na Jan bɨla Alikisandre ŋa ankwono ma asi ma avwoŋi ma anini aso. 7Bo atumi oyaha Pyere bɨla Jan anyili o mwa bo, apɨsi bo ndi: «Be lesalahi oleme kya mo mpari bɨla nkuumi e na?» 8Ŋa Pyere omaluula mo Oduduma Santi na bo ndi: 9«Be akuuru bɨla ankʉmu a ma ekuha malehe bisi eduhu ma leve le bisi lesi obuka, bo se mapɨsa bisi osuumbu a balaha jya ewuumi. 10Be aso, na asi Isayele aso se ndi: balaha eli mo tele o mwa be ji ewuumiŋa o nkuumi e Jesu Krisi a Najarete. Jesu a be lekomi ma lembanji emana Njyami omanyuusa nde o mpaniŋi akwi. 11Jesu omakaaha:
“kele acwi matʉni vayi,
emikiriha kele evʉli abuha maamo kaama.”
12Obila Njyami aka mpa nkuumi nkɨma na baari ma o mwo o yula ncye e vusuha saabe ni.»
13Ankʉmu mo okuha akimi osuumbu a Pyere bɨla Jan mawobihi, mo ojisiha mbari. Bo amoniŋi ndi bo baari ma ali oyaa okyehe, bo ayiimbi ndi ba alwoni a Jesu. 14Ŋa bo amono balaha eki emawuuma o mpaani e Pyere bɨla Jan, bo aka baha jaa okaala ni. 15Ankʉmu me ekugha atumi otusuha nca otini ma Akuuru ma Ajife mapamaŋa baari, aya mawobo o mpaniŋi e bo 16ndi: «Saabe lesa bo buni? Obila bo amasa omaa o mwa asi Jerusaleme aso saabe leyaa, saabe i buuna okemeŋe bo ni. 17Ncaaki baari amaselehe ojuusa ncya jya. I mabuusa nkuumi e Jesu na mpɨni mvuuru ni.»
18Bo acwoli Pyere bɨla Jan, alihi bo ndi: «Be i mabuusa na oyisiha nkuumi e Jesu ni.» 19Ŋa Pyere bɨla Jan akaali na bo ndi: «Eli yemihi o miisi a Njyami oma? Lenyiima le be si lenyiima le Njyami, lepama be anku. 20Ŋa bisi i buuna oka pi o maami a bisi lemoni na a bisi leyuhi ni.» 21Ankʉmu me Ajife avuririhi abye na bo emana anyasihi bo, obila bo aka basaha jaa e bo maliisa bo o yo ni. Mo oma, baari aso aki ma kuusa Njyami o maami ma ayiri. 22Balaha ma asi omaa nde owuumi jwa, aki abuuna onyura ekuumi me esibi ena.
Okuha avwono
23Amana onyasaha bo, Pyere bɨla Jan ayeni mpili abuha a bo, adughi na abugha a bo maami ma ankʉmu ma asi ma avwoŋi ma anini, na ma akuuru ma Ajife maduhi bo. 24Baari ma ayuhi mbari antuma jya, aso avwoni otima omo ndi: «E Nkʉmu, we mvuuru awaangi yulu bɨla ncye, na okeri onini, na me eli o yula ncye eso. 25We mvuuru atumi Oduduma Santi mawobo mo onwa a Davide a nkaha a bisi ali ojanji a we mbɨri:
“Esi menyuha mo oma?
Ecimiŋi mo oca o mpaniŋi e baari buni?
26Ankani a yula ncye amitemeŋe,
ankʉmu se amivunuŋa mvuuru omo
mo mbele e Nkʉmu bɨla oswoli a nde.”
27Obila me edugha be asisyele, Erode bɨla Posi Pilate amivunuŋa o nca onguundu ki, bɨla anjya na ankʉmu me esi ekɨma, bɨla asi Isayele o mbele Jesu ojanji a we opeende, a we aki ŋa swoli.
28Bo asi vwa, mo olaha maami aso a we aki amabaana oyeese mo mpari na ediiŋi e we. 29Ŋa o ŋa nkʉmu, mono osuumbu a bo maŋaana bisi. Mpa ajanji a we lengulu mo otooso mbari e we na lila leso. 30Laba kwoho o we, mo bu mbɨri abyeri awuuma amono andiimi ma emaa bɨla epuna o nkuumi e Jesu ojanji a we opeende.» 31Bo amana ovwono, biri e bo ma kihi eya enyuha, Oduduma Santi oluuli o bo aso. Bo aya matooso mbari e Njyami na lila.
Ayalihi a mbari antuma makabaha biibi o mpaniŋi e bo
32Baari kuna mayalihi mbari aso aki aya otima omo, edidima se emo. Bo si mvuuru aka maduha ndi: «Bi biibi e me otu ni.» Ŋa bo avusihi biibi me eki na bo eso biri mo. 33Bɨla mpari yo mini, antuma aya masiisa enwa e ncya e me enyusihi e Jesu a Nkʉmu. Ŋa mpolo e Njyami yo mini eki bɨla bo aso. 34Mpini mvuuru o mpaniŋi e bo aka kaama kiila ni. Obila baari ma aki na apaangu si kali anjo atehi, bo ayi na adoro a bo matehi biibi. 35Bo acuusi o ncina nyiili ma antuma, emana bo akabihi mvuuru na mvuuru obahi e nde buhu aki na kaama o yo. 36Ŋa Jusefe, antuma maluhi nkuumi e Barnabase mo oduha ndi: «Mvuuru akoosoho abuha», osi Levi makʉli o Sipre. 37Nde aki na lepaangu. Nde otehi lepaangu le nde, oyi na acuusa adoro o ncina nyiili ma antuma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES