Romanus 4

Abraon ojadu justu manera ki fia

1Ke ku no pudi fala kuma Abraon,#Is 51.2; Mat 3.9; Jon 8.33,39; Gal 3.6-18; Tia 2.21-24 no pape antigu, yangasa? 2Si Abraon ojadu justu pabia di kusas ki fasi, i pudi ngaba si kabesa, ma i ka pudi ngaba si kabesa dianti di Deus. 3Nta ke ku Skritura fala? I fala kuma: “Abraon fia na Deus; si fiansa#Kum 15.6 pui Deus ojal justu.” 4Un algin ku na tarbaja, si pagamentu#Kap 11.6 i ka sedu suma i patidu nan, ma i ta risibi kil ki mersi. 5Kil ku ka na tarbaja, ma i fia na kil ku ta fasi omi mau justu, si fiansa ta pui Deus i ojal justu. 6Davi konta mesmu kusa oca i fala kuma, sortiadu i ki omi ku Deus oja kuma i justu, sin i jubi pa si obra. I fala:

7“Sortiadu#Sal 32.1-2 i kilis ku se maldadi sta purdadu,

se pekadu kubridu.

8Sortiadu i ki algin ku Siñor ka pui si pekadu riba di si kabesa.”

9Nta e sorti bin son pa kilis ku sirkunsidadu, o tambi pa kilis ku ka sirkunsidadu? No fala kuma Abraon fia na Deus; si fiansa pui Deus i ojal justu. 10Kal tempu ku si fiansa kontadu suma justisa? Oca i sirkunsidadu o i ka sirkunsidadu? I ka dipus ma antis di i sirkunsidadu. 11I risibi sirkunsison suma sinal#Kum 17.10 di kuma i sedu justu pabia di si fe antis di i sirkunsidadu, pa i pudi sedu pape#Luk 19.9; Gal 3.7 di tudu kilis ku fia ku ka sirkunsidadu, pa elis tambi pudi ojadu justu; 12pa i pudi sedu tambi pape di kilis ku ka sedu son sirkunsidadu, ma tambi e na remenda fe ku no pape Abraon tenba antis di i sirkunsidadu.

13Deus fala Abraon ku si jorson#Kum 12.3; 17.4; Gal 3.29 kuma mundu na sedu di selis. I ka daba elis e purmesa pabia Abraon kumpri lei, ma i pabia si fe pul pa i ojadu justu. 14Si i kilis ku tene lei#Gal 3.18 ku na yarda mundu, nta fe i ka nada; purmesa pirdi balur. 15Lei ta tisi#Kap 3.20; 5.13,20; 7.7-11; 1 Kor 15.56; 2 Kor 3.7; Gal 3.10,19 raiba, ma nunde ku lei ka ten, kebra lei ka ten tambi.

16Asin purmesa i pabia di fe, pa i pudi dadu di grasa, pa i sedu purmesa sertu pa jorson#Kap 9.8 di Abraon. I ka son pa kilis ku tene lei, ma tambi kilis ku ten fe suma Abraon, kil ku sedu pape di nos tudu. 17Libru di Deus fala: “N fasiu pape#Kum 17.4-5 di manga di nason.” E purmesa sta dianti di uju di kil ku Abraon fiaba nel, ku sedu Deus, kil ku ta da vida#Kap 8.11; Ef 2.1,5 pa mortus, ku ta coma kusas#1 Kor 1.28 ki ka ten suma ki ten. 18Oca speransa kabal, Abraon, pabia di si fe, i tenba speransa kuma i na fasiduba pape di manga di nason, suma ki faladuba: “Asin#Kum 15.5 ku bu jorson na sedu.” 19I ka fraksi na fe, i ka jubi pa si kurpu sin forsa, manera ki tene kuas sen#Kum 17.17; 18.11; Eb 11.11-12 anu; nin i ka jubi tambi pa bejisa di Sara manera ki ka pudiba ja padi. 20I ka duvida di purmesa di Deus pa falta di fe, ma si fe tornal mas forti; i da Deus gloria. 21I tenba sertesa kuma, kil ku Deus fala, i ten puder#Num 23.19; Sal 115.3; Luk 1.37,45 pa fasil. 22Asin tambi, pabia de fe ki tenba, Deus ojal justu.

23E palabra kuma Deus ojal justu i ka sta skritu#Kap 15.6; 1 Kor 10.11; 2 Tim 3.16 son pa el, 24ma tambi pa nos ku na ojadu justu, anos ku fia na Deus ku lantanda#At 2.24 Jesus no Siñor di mortu. 25I ntregadu pa i pudi muri#Kap 3.25; Is 53.5-6; Gal 1.4; 1 Ped 3.18 pabia di no pekadu; i lantandadu#1 Ped 1.21 pa no pudi sedu justu.

Currently Selected:

Romanus 4: povB

Highlight

Copy

Compare