Ditus 3
3
Konsiju pa obdisi SIÑOR
1Ña fiju, ka bu diskisi di ña nsinamentu; guarda ña ordis na bu korson, 2pabia e na buriu anus#Kap 3.16; 4.10; 9.11; 10.27; Lei 6.2 di vida; tudu na kuriu diritu. 3Ka bu larga e dus kusa, ku sedu#Kap 20.28; Gal 5.22; Ef 5.9 bondadi, tambi pa sedu algin di fiansa; mara elis#Kap 7.3; Sai 13.9; Lei 11.18-21; Sal 119.11; Jer 17.1; 2 Kor 3.3; Eb 10.16 na bu garganti, bu skirbi elis na tagua di bu korson. 4Asin bu na oja fabur ku bon ntindimentu dianti di Deus ku omis.
5Fia na SIÑOR#Kap 28.26; Sal 37.5; 62.8; Rom 12.16; 1 Kor 3.18-20 ku tudu bu korson; ka bu fia na bu propi ntindimentu. 6Pensa nel na tudu ku bu na fasi; el i na#Kap 4.11; 8.20; 16.3,9; 20.24; 1 Sam 23.4,11-12; 30.8; Sal 32.8; Is 30.21; 48.17; Jer 10.23 ndiritau bu kamiñu. 7Ka bu pensa#Kap 26.12; Is 5.21; Rom 12.16 kuma bu sedu jiru. Rispita SIÑOR, bu lunjusi#Kap 14.27; 16.6; Jo 1.1; 28.28; Sal 34.11-14; Ekl 12.13 di mal. 8Es i ta sedu saudi pa bu kurpu, alimentu#Kap 4.22; 16.24 pa bu os. 9Da gloria pa SIÑOR ku bu rikesa, ku tudu purmeru frutu#Sai 22.29 di bu labur. 10Asin bu bembas na inci#Sir 26.3-5; Aẑeu 2.19; Mal 3.10-11 tok e darma; bu na tene biñu tok bu ka na tene kau di guardal.
11Ña fiju, ka bu nega si SIÑOR#Jo 5.17; Sal 94.12; Eb 12.5-11 kuriẑiu; si i raprindiu, ka bu nuju, 12pabia SIÑOR ta raprindi#Kap 29.17; Lei 8.5 kil ki ama, suma ku pape ta raprindi fiju ki ta kontenti ku el, ki misti pa i yanda diritu. 13Sortiadu i omi ku ngaña jiresa, ku yangasa#Kap 4.5-9; 16.16; Jo 28.12-19 kuñisimentu, 14pabia jiresa ten mas purbitu di ki prata, i mas ta rindi di ki uru finu. 15I mas ten balur di ki#Kap 2.4; 8.10-11; 20.15 joias; tudu ku bu pudi misti ne mundu, bu ka pudi komparal ku jiresa. 16Vida kumpridu i sta na si mon direita; na si skerda rikesas ku gloria. 17Jiresa ta lebau na kamiñu sabi, bu ta yanda la ku pas. 18I sedu arvuri di vida#Kap 11.30; 13.12; 15.4; Kum 2.9 pa kilis ku sugura nel; sortiadu tudu kilis ku pega nel.
19Ku firmesa SIÑOR pui alisersu di mundu;
ku si ntindimentu#Kap 8.27-29; Sal 104.24; 136.5; Jer 10.12; 51.15 i koloka seu na si lugar.
20Ku si kuñisimentu, yagu#Kum 1.9; Jo 36.27-28; 38.8-11,26-28 la bas i rapatidu;
nuvens kumsa na pinga serenu.
21Ña fiju, guarda jiresa ku bon juisu; ka bu lunjusi bu uju del, 22pabia e na sedu vida pa bo; e na sedu suma fiu bonitu#Kap 1.9 pa bu garganti. 23Asin bu na yanda ku fiansa na bu kamiñu; bu pe#Kap 4.12 ka na da tapada. 24Ora ku bu dita, bu ka na ten medu; sin, bu na dita, bu na tene sonu#Sal 3.5 sabi. 25Ka bu ten medu#Sal 91.5 kuma mal pudi bin di repenti suma kil ku ta bin suma turbada pa jinti mau. 26SIÑOR na sedu bu speransa, i na guarda bu pe pa ka i pañadu.
27Ka bu nega fasi ben#Gal 6.10 pa algin ku mersi, si bu ten manera di judal. 28Ka bu fala bu kumpañer: “Bai#Sir 19.13; 1 Tim 6.18 bu bin amaña; N ta dau,” nkuantu bu tenel ja. 29Ka bu ranja mal kontra bu visiñu ku mora lungu di bo ku konfiansa. 30Ka bu jusia#Kap 17.14; 18.6; Rom 12.18 ku algin sin roson, si i ka fasiu mal. 31Ka bu ten nveẑa di omi#Kap 23.17; 24.1-2,19-20 violentu, nin ka bu yanda#Kap 1.15-18; 2.12-15; 22.24-25 na si pasus, 32pabia SIÑOR i nuju kil ku ta yanda mal, ma i ta mostra si sigridu pa kilis ku tene korson di bardadi. 33SIÑOR ta maldisua kasa di jinti#Kap 14.11; 15.25; 21.12; Zak 5.3-4 mau, ma i ta bensua#Kap 12.7; 2 Sam 6.11; Sal 91.10 kasa di justus. 34SIÑOR na fasi trosa di kilis ku ta fasi trosa ku#Kap 21.24; Sal 138.6; Is 57.15; Tia 4.6; 1 Ped 5.5 orgulyu, ma i na da fabur pa mansus. 35Jirus na yarda#Dan 12.2-3 rispitu, ma tulus na ranja kunfuson pa se kabesa.
© 1993-2020, Instituto de Tradução e Alfabetização