Mateus 17
17
Jesus torkia parsensa di si gloria
(Mar 9.2-13; Luk 9.28-36)
1Dipus di seis dia Jesus coma Pedru, Tiagu ku si ermon Jon, i leba elis aparti pa un monti altu, 2i torkia si parsensa se dianti. Si rostu na lampraba#Kap 28.3; Apok 1.16 suma sol, si ropa bida branku suma lus. 3E oja Moisés#Sai 2.1-10 ku Elias#1 Re 17.1 na papia ku Jesus. 4Pedru kumsa na papia, i fala Jesus: “Siñor, i bon manera ku no sta li. Si bu misti, N ta fasi tris baraka li, un pa bo, un pa Moisés, un pa Elias.” 5Oca i na papia inda, un nuven ku na lampra bin kubri elis. Vos#Kap 3.17; 2 Ped 1.17-18 sai na ki nuven ku fala: “Es i ña Fiju ku N kiri ciu. N ten garandi kontentamentu nel. Bo#Lei 18.15 sukutal.” 6Si disipulus obi ki palabra, e panta, e mborka na con. 7Jesus ciga pertu delis, i panga#Dan 8.18; 9.21; 10.10,18 elis, i fala: “Bo lanta; ka bo panta.” 8E yalsa uju, e ka oja mas ningin, son Jesus.
9Oca e na ria na monti, Jesus da elis ordi, i fala: “Ka bo konta#Kap 16.20 ningin e kusa ku bo oja tementi Fiju di omi ka lantandadu di mortu.” 10Si disipulus puntal: “Pabia di ke ku pursoris di lei fala kuma i pirsis pa Elias#Mal 4.5-6; Luk 1.17 bin purmeru?” 11Jesus ruspundi, i fala elis: “Na bardadi Elias na bin purmeru, i na torna tudu kusas suma ke staba, 12ma N na fala bos kuma Elias#Kap 11.14; 14.10 bin ja. E ka raparal, ma e fasil tudu ke ke misti. Asin tambi Fiju di omi na bin sufri#Kap 16.21 na se mon.” 13Si disipulus kumsa ntindi kuma i na fala elis ba di Jon Batista.
Kura di rapas ku tene spiritu mau
(Mar 9.14-32; Luk 9.37-45)
14Oca ke ciga nunde ku multidon di jinti staba, un omi bai pa Jesus, i finka juju si dianti, i falal: 15“Siñor, ten pena di ña fiju; i ta da ataki forti, i ta sufri ciu. Manga di bias i ta kai na fugu, manga di bias tambi na yagu. 16N tisil pa bu disipulus, ma e ka pudi kural.” 17Jesus ruspundi, i fala: “Abos i jinti mofinu ku ka ten fe! Te kal tempu ku N ten ku fika ku bos? Te kal tempu ku N na nguenta bos? Bo tisin el li.” 18Jesus raprindi dimoniu; kila sai na rapas. Na ki ora i kuradu.
19Disipulus di Jesus bai pa el aparti, e puntal: “Ke ku manda no ka pudi serka ki spiritu?” 20Jesus fala elis: “Pabia bo fe i pikininu. Ma na bardadi N na konta bos kuma, si bo ten fe, nin si i pikininu suma garan di mostarda, bo ta fala e monti#Kap 21.21; Luk 17.6; 1 Kor 13.2 pa i sai di li pa utru ladu; i ta sai. I ka ta ten nada ku bo ka pudi fasi. [ 21Ma e koldadi dimoniu i ta serkadu son ku forsa di orason ku junjun.]”
22Oca elis na Galileia, Jesus fala si disipulus: “Fiju di omi na ntregadu#Kap 16.21 na mon di omis, 23e na matal; dipus di tris dia i na lantandadu di mortu.” E palabra pui elis e fika ku garandi tristesa.
Jesus paga mpustu di kasa di Deus
24Oca ke ciga na Kafarnaun, kobraduris di mpustu di kasa di Deus bai pa Pedru, e puntal: “Nta bo Mestre ka ta paga#Sai 30.13; 38.26 e mpustu?” 25Pedru fala elis: “I ta paga.” Oca e na yentra na kasa, Jesus jumna i punta Pedru: “Simon, ke ku bu oja? Reis di tera, kin ke ta kobra mpustu o tributu? Fijus di tera o stranjerus?” 26Pedru falal: “Di stranjerus.” Jesus falal: “Mbon, fijus di tera ta fika libri. 27Nta pa ka e pensa mal di nos, bai pa mar, bu bai bota ansol. Purmeru pis ku bin pa el, bu ta yabri si boka, bu na oja la un mueda di prata. Tomal, bu paga mpustu pa mi ku bo.”
© 1993-2020, Instituto de Tradução e Alfabetização