Mateus 13
13
Komparason di sumiadur
(Mar 4.1-12; Luk 8.4-10)
1Ki mesmu dia Jesus sai na kasa, i bai sinta pertu di mar. 2Manga di jinti bai junta lungu del, tok i tenba ku kamba#Luk 5.3 na un barku, i sinta. Ki manga di jinti sikiduba na praia. 3I fala elis manga di kusa pa komparason, i fala: “Un labradur sai pa bai waga simentera. 4Oca ki na wagal, utru kai lungu di kamiñu. Kacus bin e kumel. 5Utru kai na pedra, nunde ki ka tenba reia ciu; i nasi dipresa pabia reia ka fundu. 6Sol sai, i kemal; planta seku, pabia i ka teneba#Ef 3.17; Kol 1.23; 2.7 rais. 7Utru kai na metadi di#Jer 4.3-4 fidida. Fidida kirsi, i pertal. 8Utru kai na bon terenu; i padi#Jon 15.8; Gal 5.22-23 frutu; utru padi sen, utru padi sesenta, utru padi trinta bias mas di ki kil ku sumiadu. 9Kin ku tene oreja pa obi, pa i sukuta.”
10Si disipulus bai nunde el, e puntal: “Ke ku manda bu ta papia ku elis pa komparason?” 11I ruspundi i fala elis: “Abos bo dadu kuñisimentu di sigridu#Kap 11.25-26; 16.17; Luk 10.39,42; At 17.11-12; Rom 16.25; 1 Kor 2.7-10,14-15; 13.2; Ef 1.9; 3.3-9; 5.32; 6.19; Kol 1.26-27; 1 Tim 3.16 di renu di seu, ma elis e ka dadu e kuñisimentu. 12Kil ku tene, i na buridu, i ta tene mas ciu inda#Kap 25.29; Luk 8.18; 19.24-26 dimas, ma kil ku ka tene, mesmu ki kusa ki tene i na tiradu el. 13Roson ku manda N ta fasi elis komparason i pabia e ta jubi, e ka ta oja; e ta sukuta, e ka ta obi, nin e ka#Lei 29.2-4; Is 42.18-20; 44.18-19; Jer 5.21; Ez 12.2; Mar 8.17-18; 2 Kor 4.3-4 ta ntindi. 14E jinti mostra bardadi di anunsiu di Isaias#Is 6.9-10; Jon 12.39-41; At 28.25-27 ku fala:
‘Ora ke obi, e na sukuta, ma e ka na ntindi;
e na jubi-jubi, ma e ka na oja nada,
15pabia korson de pobu bida risu;
se oreja kuas i surdu;
e fica uju.
Si i ka asin, e ta oja ku se uju,
e ta obi ku se oreja,
e ta ntindi na se korson,
e ta rabida pa mi, N ta kura elis.’
16“Abos i sortiadu pabia bo uju#Luk 10.23-24; Jon 20.29; At 26.18; 2 Kor 4.6; Ef 1.17-18 na oja, bo oreja na obi. 17N na konta bos bardadi kuma, manga di anunsiadur ku utru omis di Deus#Eb 11.39-40 e mistiba oja ke ku bo na oja, ma e ka ojal; e mistiba obi ke ku bo na obi, ma e ka obil.
Jesus splika komparason di sumiadur
(Mar 4.13-20; Luk 8.11-15)
18“Bo sukuta sintidu di komparason di sumiadur. 19Tudu kil ku obi palabra di renu, i ka ntindil, ki malvadu ta bin rabata kil ku sumiadu na si korson. Es i sintidu di kil ku sumiadu lungu di kamiñu. 20Kil ku sumiadu na pedra, i sintidu di kil ku ta obi palabra; i ta risibil na ki ora ku kontentamentu, 21ma i ka ta tarda pabia i ka tene rais nel. Ora ku kasabi bin, jinti lanta kontra el pabia di palabra, ki ora#Kap 11.6; 26.31; 2 Tim 1.15 i ta disvia. 22Kil ku sumiadu na metadi di fidida, es i si sintidu: i kil ku ta obi palabra, ma i ta kuda ciu#Kap 19.16-24; Luk 12.15-21,29-30; 21.34 na kusa de mundu; rikesa ta nganal. Tudu e kusas ta perta palabra, e ta tujil padi frutu. 23Kil ku sumiadu na bon terenu, es i si sintidu: i kil ku obi palabra, i ntindil. I ta padi#At 16.14; 17.11; Gal 5.22-23; Kol 1.5-6 frutu; un ta padi sen, utru sesenta, utru trinta bias mas di ki kil ku sumiadu.”
Komparason di arus ku arus brabu
24Jesus da elis utru komparason, i fala: “Renu di seu#Mar 4.26-29 i suma es ku N na konta bos. Un omi sumia bon simentera na si lugar, 25ma oca jinti durmi, si inimigu#Eb 12.15; 1 Ped 5.8; 2 Ped 2.1 bin, i sumia na metadi di arus un paja ku ka bali ma ku parsi ku arus; i bai si kamiñu. 26Oca plantas bin kirsi tok frutu na sai, arus brabu bin sai tambi. 27Tarbajaduris di ki omi bai pa el, e puntal: ‘Siñor, nta i ka bon simentera ku bu sumiaba na bu lugar? Nunde ku arus brabu sai nel?’ 28I fala elis: ‘I un inimigu ku fasi e tarbaju.’ Tarbajaduris puntal: ‘Bu misti pa no bai rinkal?’ 29Omi fala elis: ‘Nau, pabia bo pudi bai rinkal juntu ku arus. 30Bo disa elis dus pa e kirsi juntu te na kebur. Na ora di kebur#Kap 3.12; 25.41; Mal 3.18; 4.1; Luk 3.17; Jon 15.6 N ta konta kebraduris pa e kebra arus brabu purmeru, pa e maral pa kema, ma arus, e ta juntal na ña bemba.’ ”
Komparason di mostarda ku fermentu
(Mar 4.30-34; Luk 13.18-21)
31I da elis utru komparason, i fala: “Renu di seu i suma es. Un omi toma simentera di mostarda, i sumial na si lugar. 32Ki simentera i pikininu#Zak 4.10 mas di ki tudu simentera, ma ora ki kirsi,#Ez 17.23-24; 31.6; Dan 4.11-12; Apok 7.9 i ta mas tudu plantas ku sta na orta; i sedu suma arvuri, tok kacus ta bin kumpu niñus na si ramus.”
33I da elis utru komparason, i fala: “Renu di seu i suma es. Un minjer toma fermentu,#1 Kor 5.6-7; Gal 5.9 i jagasil ku tris midida di foriña tok i orfa tudu.”
34Jesus papia tudu e kusas pa komparason pa manga di jinti; i ka ta falaba elis nada sin komparason, 35pa i pudi sedu suma ku anunsiadur#Sal 78.2 fala: “N na yabri boka pa komparason; N na konta kusas sukundidu disna di tempu ku mundu kumpudu.”
Jesus splika komparason di arus brabu
36Dipus ku Jesus dispidi jinti, i yentra na kasa. Si disipulus bai pa el, e falal: “Kontanu sintidu di komparason di arus brabu na lugar.” 37I ruspundi elis, i fala: “Kin ku sumia bon simentera i Fiju di omi. 38Lugar i mundu.#Kap 24.14; Mar 16.15,20; Luk 24.47; Rom 10.18; Kol 1.6 Bon simentera i kilis ku pertensi renu di Deus. Arus brabu i kilis ku pertensi ki#Jon 8.44; At 13.10; 1 Jon 3.8 malvadu. 39Inimigu ku sumia elis i diabu. Kebur#Joe 3.13; Apok 14.15 i fin di mundu. Kebraduris i anjus. 40Suma ku arus brabu juntadu, i kemadu na fugu, asin ki na bin sedu na fin di mundu. 41Fiju di omi na manda si anjus, e na junta na si renansa tudu kilis ku ta pui utrus pa e kai, ku kilis ku ta fasi pekadu, 42e na bota elis na kau di fugu#13.50; Kap 3.12; 8.12; Apok 19.20; 20.10,14-15 garandi; la e na cora, e na ñeme dinti. 43Na ki tempu jinti justu na lampra suma sol#Dit 4.18; Dan 12.3; 1 Kor 15.42-44 na renu di se Pape. Kin ku tene oreja pa obi, pa i sukuta.
Rikesa sukundidu ku pérola di balur
44“Renu di seu i suma un rikesa#Dit 2.3-5; Fil 3.7-8; Apok 3.18 sukundidu na lugar di algin. Un omi bin diskubril, i torna sukundil mas. I bai ku kontentamentu, i bindi tudu kil ki tene, i bai kumpra ki lugar.
45“Ali utru komparason di renu di seu. Un nogosianti ku ta buska bon rasa di pérolas 46i oja un pérola di garandi balur. I bai bindi tudu kil ki tene, i bai kumpral.#Dit 3.14-15; 8.10,19
Ridia botadu na mar
47“Tambi renu di seu i suma ridia ku ta botadu na mar, i ta paña#Kap 22.10 tudu koldadi pis. 48Ora ki inci, piskaduris ta jundal pa praia, e ta sinta e kuji pis. Ki bon ta pudu na balai; kilis ku ka bali ta botadu. 49Asin ki na bin sedu na fin di mundu. Anjus#Kap 24.31 na bin bin, e na tira maus na metadi di justus, 50e na bota elis na fugu#13.42 garandi. La e na cora, e na ñeme dinti.”
51Jesus punta elis: “Bo ntindi e kusas tudu?” E falal: “Sin, no ntindi.” 52I fala elis: “E ku manda tudu pursor di lei ku bida alunu di renu di seu i suma un omi, ŝef di familia, ku ta tira na si armazen kusas nobu ku beju.”
Jesus negadu na Nazaré
(Mar 6.1-6; Luk 4.16-30)
53Jesus kaba da e komparason, i sai di la, 54i ciga na si#Kap 2.23 tera, i na nsinaba jinti na se kasa di juntamentu. E fika dimiradu tok e na punta: “Nunde ku es sai ku jiresa ku puder di fasi e milagris? 55Es i ka fiju#Is 53.2-3; Jon 6.42 di karpinteru? Si mame ka coma Maria? Si ermons i ka Tiagu, José, Simon ku Judas? 56Tudu si irmas e ka sta na no metadi? Nunde ki sai ku e kusas tudu?” 57E ka fika kontenti ku el, ma Jesus fala elis: “Kualker anunsiadur i ta rispitadu#Jon 4.44 na tudu parti; son na si tera ku na si familia ki ka ten rispitu.” 58I ka fasi manga di milagri la, pabia e ka fiaba#Eb 3.19; 4.2 nel.
© 1993-2020, Instituto de Tradução e Alfabetização