Mateus 11
11
Jon Batista manda dus disipulu pa Jesus
(Luk 7.18-35)
1Oca Jesus kaba da nsinamentu pa si dozi disipulu, i sai di la, i na nsina, i na konta palabra di Deus na prasas di Galileia. 2Jon Batista#Kap 4.12; 14.3 staba na kalabus, i obi e na fala di kusas ku Kristu fasi. I manda dus di si disipulus#Kap 9.14 ku e purgunta: 3“Abo i kil#Kap 3.11; Kum 3.15; 49.10; Lei 18.15,18; Is 7.14; 9.6-7; Jer 23.5-6; Dan 9.24-25; Mik 5.2; Aẑeu 2.7; Zak 9.9; Mal 3.1; Jon 4.25; 7.31,41-42 ku na binba, o no na pera inda utru?” 4Jesus ruspundi, i fala elis: “Bo bai konta Jon ke ku bo obi, ku ke ku bo oja. 5Kilis ku segu#Kap 9.30 e na oja; mankus na yanda; kilis ku tene mpincu na kuradu; kilis ku surdu na obi; kilis ku muri na lanta; koitadis na kontadu Bon Noba. 6Sortiadu i kil ku ka pirdi fe na mi.”
7Dipus di disipulus di Jon bai, Jesus kumsa na fala pobu aserka di Jon, i punta: “Ke ku bo bai jubi na lala? Un kana ku bentu na balansa? 8Ke ku bo bai jubi? Un omi ku bisti ropa#Kap 3.4 finu? Kilis ku ta bisti ropa finu, na kasa di reis ke ta sta nel. 9Ke ku bo sai pa bai jubi? Un#Kap 14.5; 17.10-13; 21.24-26; Luk 1.15-17,76 anunsiadur? Sin, N na konta bos kuma i mas di ki anunsiadur, 10pabia es i kil ku Skritura fala del: ‘N na manda ña servu bu dianti#Kap 3.3; Mal 3.1; Luk 7.27 ku na kumpu kamiñu pa bo.’ 11Na bardadi N na konta bos kuma, na metadi di omis i ka ten algin ku mas Jon Batista, ma kil ku mas pikininu#Luk 9.48 na renu di seu i mas el garandi. 12Disna di tempu di Jon Batista#Luk 16.16 te gosi, renu di seu na tomadu pa forsa; kilis ku na fasi forsa e ta toma konta del. 13Lei ku tudu anunsiaduris e anunsia te na tempu di Jon. 14Si bo misti fia, i es ki Elias#Kap 17.10-13; Mal 4.5; Luk 1.17 ku na binba. 15Kin ku tene oreja pa obi, pa i sukuta.
16“Kal algin ku N na kompara jinti di gosi ku el? E parsi ku mininus ku sinta na rua di prasa, e na fala ŋutru: 17‘No toka bos flauta, bo ka baja! No kanta bos kantiga tristi, bo ka cora!’ 18Pabia Jon bin, i ka kume,#Kap 3.4; Luk 1.15 i ka bibi biñu; e fala kuma i tene dimoniu. 19Fiju di omi bin, i ta kume, i bibi; e fala: ‘Es i ta kume dimas, kaba i bibidur, amigu#Kap 9.10-11; 15.1-2; 19.7 di kobraduris di mpustu ku jinti di mau nomi.’ Ma jiresa di Deus ta mostradu kuma i sertu pabia di si rusultadu.”
Prasas di jinti ku ka ripindi
(Luk 10.13-15)
20Jesus kumsa na raprindi prasas nunde ki fasiba milagris mas ciu, pabia jinti la e ka ripindi. I fala elis: 21“Ai di bo, Korasin! Ai di bo, Betsaida! Si milagris ku fasidu na bo metadi fasiduba na prasas#Kap 10.15; 2 Sam 5.11; Is 23; Am 1.9-10 di Tiru ku Sidon, se moraduris ta ripindiba ja disna, tok e bisti saku, e sinta na sinsa. 22E ku manda N na fala bos kuma, Tiru ku Sidon na oja mas miserikordia#Luk 12.47-48; Eb 2.3; 10.26-31 na dia di julgamentu di ki bos. 23Abo Kafarnaun ku mistiba subi#Luk 14.11 te na seu, bu na baŝadu te na nfernu, pabia milagris ku fasidu na bo, si e fasiduba na Sodoma, i ta kontinuaba te aos. 24N na fala bos kuma, kastigu di Sodoma na bin sedu mas pikininu di ki di bos na dia di julgamentu.”
Diskansu pa jinti kansadu
(Luk 10.21-22)
25Na ki ora Jesus fala: “Obrigadu, ña Pape, Siñor di seu ku tera, pabia bu sukundi e kusas di jinti jiru i ntindidu, bu mostra#Kap 16.17; 18.3-4; 21.16; 1 Sam 3.4-21 mininus el. 26I bardadi, ña Pape, pabia asin ku bu misti fasi. 27Ña Pape ntregan#Kap 28.18; Dan 7.14; Jon 3.35; 5.19-27; 13.3; 17.1-2; 1 Kor 15.25-27; Ef 1.20-23; 1 Ped 3.22 tudu kusa. Ningin ka kunsi Fiju si i ka si Pape; ningin ka kunsi Pape#Jon 1.18; 6.46; 10.14-15; 14.6-11; 17.3,6,25-26 si i ka si Fiju, ku kil ku Fiju misti mostral el. 28Bo bin pa#Jon 6.37; 7.37; Apok 22.17 mi, abos tudu ku kansa#Kum 3.17-19; Jo 5.7; 14.1; Sal 38.4 ku kargu pisadu; N na diskansa#Sal 94.13; Jer 6.16; 2 Tes 1.7; Eb 4.1 bos. 29Bo toma ña kanga pa bos, bo nsina#Jon 13.15; Ef 4.20-24; Fil 2.5-8; 1 Ped 2.21-23; 1 Jon 2.6 di mi, pabia ami i mansu, umildi#Kap 12.19-20; 21.5; Num 12.3; 2 Kor 10.1 di korson; bo ta bin oja diskansu pa bo alma, 30pabia ña kanga i sabi, ña kargu#Kap 23.2-4; At 15.10,28; 2 Kor 4.17; 1 Jon 5.3 i lebi.”
© 1993-2020, Instituto de Tradução e Alfabetização