Isaias 6

Deus coma Isaias

1Na anu ku rei Uzias#2 Kron 26.23 muri, N oja SIÑOR#Sai 24.10-11; Jon 12.41 sintadu na un tronu muitu altu; kilis ku na kumpañal e inciba templu. 2Serafins#Ez 1; 10 staba riba del; kada un teneba seis asa; ku dus e kubriba rostu, e kubri pes ku dus, ku ki utru dus e ta buaba. 3E na gritaba ŋutru, e na fala:

“Santu,#Kap 5.16; Apok 16.5 santu, santu;

SIÑOR ku ten tudu puder i santu!

Tudu mundu#Kap 24.16; 40.5; Num 14.21; Sal 19.1-3; 72.19; Ab 2.14 inci ku si gloria.”

4Ku forsa di se vos, alisersu tirmi tok portas#Am 9.1 bulbuli; kasa inci#Sai 40.34 fumu.

5N fala: “Ai di mi! N sta pirdidu, pabia N sedu omi di boka#Kap 29.13; Ŝef 6.22; 13.22; Luk 5.8 susu, N mora na metadi di jinti di boka susu, ma ña uju oja Rei, SIÑOR ku ten tudu puder!”

6Un di ki serafins bua#Dan 9.21 pa mi; na si mon i tisi un padas di brasa ku na yardi, ki tiraba na altar#Apok 8.3-5 ku tenaz. 7Ku ki brasa i tokan#Jer 1.9; Dan 10.16 na boka, i falan: “Jubi, es toka na bu boka; bu kulpa i tiradu, bu pekadu purdadu.”

8Dipus di kila, N obi vos di SIÑOR ku na punta: “Kin ku N na manda? Kin ku na bai pa nos?”

N falal: “Alin li; mandan!”

9I falan: “Bai, bu konta ki jinti: ‘Na bardadi bo ta obi, ma bo ka ta#Kap 42.20; 43.8; Jer 5.21; Ez 12.2; Mat 13.14-15; Mar 8.18; Jon 12.40; At 28.26-27; Rom 11.8 ntindi; bo ta oja, ma bo ka ta rapara.’ 10Bidanta se korson pa i risu, bu pui se oreja pa i surdu, bu fica elis uju, pa ka e bin oja ku uju, nin pa e obi ku se oreja, nin pa e ntindi na se korson, e riba pa mi, pa N kura elis.”

11N puntal: “Te kal tempu, SIÑOR?”

I ruspundin: “Tok prasas#Kap 1.7; Mik 3.12 danadu, e fika sin ningin. Kasas na fika sin algin mora la; tera na danadu tudu. 12SIÑOR na manda jinti lunju#2 Re 25.11,21; Jer 52.28-30 tok tera fika bandonadu. 13Un na kada des#Kap 1.9; 10.20-22; 65.8-9 pudi fika, ma con na torna sedu kau di bakia. Si karvaju o utru po garandi kortadu, i ta fika#Jo 14.7-9 si pe. Asin simentera sagradu#6.13 Simentera sagradu i jorson di Israel. na sedu suma pe ku fika.”

Currently Selected:

Isaias 6: povB

Highlight

Copy

Compare