Isaias 5
5
Kantiga di orta di uva
1Gosi N na kanta pa ña amadu un kantiga#Kap 27.2-3; Sai 15.1; Ŝef 5.1 aserka di si orta#Mat 21.33 di uva:
Ña amadu teneba un orta di uva
na monti ku tene con gurdu.
2I tapal, i limpal pedras,
i paranta bon koldadi pes di uva.
I kumpu tori di bisia na metadi,
i yabri un kau di masa uvas.
I na speraba kuma i na padi bon uvas,
ma i bin padi#Lei 32.32-33; Os 10.1 uvas brabu.
3Abos, moraduris di Jerusalen ku jinti di Judá, N pidi bos pa bo jubi#Mik 6.2-3; Rom 3.5 diritu, ami ku ña orta di uva. 4Ke ku pudiba fasidu inda pa ña orta di uva ku N ka fasil? Suma ku N na speraba pa i padi bon uva, kuma ki yanda i padi uvas#Jer 2.21 brabu?
5Gosi N na konta bos ke ku N pensa fasi ña orta di uva: N na tira si tapada, N bati si mura,#Lei 28.49-52; Jer 12.10 pa limarias yentra e kume si paja, e masa-masal. 6N na tornal#Kap 6.11-12; 7.23-25; 2 Kron 36.10-20 suma lala; i ka na podadu nin mondadu, ma pe di fidida na kirsi nel, ku utru plantas ku ta fidi. N na da nuvens#Am 4.7 ordi pa ka e manda cuba nel.
7Orta di uva di SIÑOR ku ten tudu puder
i sedu pobu#Sal 80.8-15 di Israel;
jinti di Judá e sedu planta
ki gosta ciu del.
I na speraba pa e fasi justisa diritu,
ma i oja sangi darmadu;
i na speraba pa e yanda diritu,
ma i obi gritus di jinti ku na maltratadu.
Julgamentu di jinti mau
8Ai di kilis ku na ranja manga di#Mik 2.2; Ab 2.6 kasa, e na buri kada bias mas terenu, tok utru lugar ka ten; elis son ku na mora na tera! 9N obi ku ña oreja#Kap 22.14; Am 3.7 SIÑOR ku ten tudu puder i fala: “Na bardadi, manga di kasa na fika suma#Kap 27.10; Am 6.11 lala; mesmu kasas garandi, bonitu, e na fika sin ningin. 10Un orta di uva di des ektar i ka na rindi mas di ki vinti litru di biñu; duzentus kufu di simentera ka na rindi mas di ki vinti kufu.”
11Ai di kilis ku ta mandurga, e pega na bibi#Kap 5.22; 28.1,7-8; Dit 20.1 te di noti, tok biñu na kenta elis kurpu! 12Na se festas e ta tene arpas,#Kap 30.32; Kum 31.27; Sai 15.20; Ŝef 11.34; 1 Sam 16.16,23; 1 Kron 15.16; Jo 21.12; Dan 3.5; Apok 5.8 violas, tambriñas, flautas, ku biñu; e ka na oja pa kil ku SIÑOR fasi, nin e ka na pensa#Sal 28.5 na tarbaju di si mon. 13Pabia di kila ña pobu na lebadu katiberasku pa falta di ntindimentu.#Kap 1.3; 27.11; Jer 8.7; Os 4.6 Se jinti di rispitu na tene fomi; manga#Jer 14.3; Mis 4.4,9 di jinti na muri di sedi. 14Mundu di mortus#Kap 14.9 misti kume kada bias mas, i yabri si boka dimas. Jinti di rispitu na ria nel, ku manga di jinti ku na somna na se parodia.
15Jinti mas bas ku jinti di rispitu, e na riantadu tudu;#Kap 2.11,17 uju di orgulyosus na baŝadu. 16SIÑOR ku ten tudu puder i na garandisidu pabia i ta julga diritu. Deus Santu#Kap 6.3; 8.13; 29.23; Sir 10.3; Apok 3.7; 4.8; 15.3-4 ta mostra si puresa manera ki sedu justu. 17Na kau nunde ku gurdus ta yandaba, fijus di karnel ta kume la suma se kau di kume. Jinti di utru tera na kume la tambi.
18Ai di kilis ku ta junda maldadi ku kordas di nganu, ku ta leba pekadu suma algin ta junda kabra ku korda. 19E ta fala: “Pa Deus janti, i kabanta si tarbaju kinti-kinti pa no pudi#Kap 66.5; Jer 17.15; 2 Ped 3.3-4 ojal. Planu di Santu di Israel pa i bin pudu na pratika pa no pudi kunsil.”
20Kusa bon, ai di kilis ku ta comal#Dit 17.15; Luk 16.15 mau; kusa mau, e ta comal bon! Sukuru, e ta tornal pa lus; lus, e ta tornal pa sukuru. Kusa malgos, e ta tornal dos, dos pa malgos.
21Ai di kilis ku sedu jiru na se propi#Dit 3.7; Rom 1.22; 1 Kor 3.18-20 uju, e oja kuma e sedu ntindidu!
22Ai di kilis ku sedu ŝef di#Kap 5.11 bibiduris, ku sedu forti pa jagasi bibida! 23Pa suku di bas#Dit 17.8,15 e ta da kulpadu roson; justu, e ta nega dal roson. 24Suma lingua di fugu ta nguli paja seku#Sai 15.7; Naun 1.10 tok i pirdi na ŝama, asin ku rais#Jo 18.16; Os 9.16; Am 2.9 di ki jinti na podri, se flor na buantadu pa bentu suma puera, pabia e nega#2 Re 17.14-15; Ne 9.26; Eb 10.28-29 lei di SIÑOR ku ten tudu puder, e njuti palabra di Santu di Israel. 25E ku manda raiba di SIÑOR#Lei 31.17; 2 Re 22.16-17; Mis 2.1-3 na yardi kontra si pobu, i distindi si mon kontra elis, i mata elis. Montañas#Jer 4.24; Naun 1.5; Ab 3.10 tirmi; se difuntus i suma muntudu#Jer 8.2; 9.22; Sof 1.17 na ruas. Mesmu asin, si raiba ka kalma, ma si mon#Kap 9.12,17,21; 10.4 sta inda yalsadu.
26I na lantanda bandera pa coma nasons ku sta lunju, i na subia#Kap 7.18; Zak 10.8 elis pa e bin di kau mas lunju di mundu. Ala e na bin#Jer 4.13; Mis 4.19; Ab 1.8 kinti-kinti! 27I ka ten na se metadi kil ku kansa, nin kil ku da tapada; ningin ka na jungu, ku fadi pa i durmi. I ka ten kil ku si sintu yogoli; nin un korda di se sapatu ka sapa. 28Se fleŝas#Jer 5.16; 47.3 gudu; tudu se mansasas tesu. Uñas di se kabalus parsi pedras risu; rodas di se karus e na vira suma urdumuñu. 29Tropas na somna suma lion, suma fiju di lion ku na pupa ora ki paña limaria, i na lebal pa kau nunde ku ningin ka pudi#Kap 49.24-25 kaplintil.
30Na ki dia tropas na grita kontra Israel suma baruju#Jer 50.42 di mar. Si algin jubi pa tera,#Kap 8.22; Jer 4.23-28; Ez 32.7-8 i na oja son sukuru ku foronta. Lus na torna sukuru suma nuven pretu.
Currently Selected:
Isaias 5: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
