Isaias 47
47
Babilonia kai
1“Abo, Babilonia, ria na tronu,
bu sinta na reia na con.
Bu seduba suma bajuda,
ma jinti ka na fala mas kuma abo i finu,
bu tene peli bonitu.
2Pega na pilon, bu pila foriña.
Tira lensu na kabesa, bu diskalsa;
ragasa bu ropa pa bu kamba rius.
3Bu na burguñu pabia bu kurpu na ojadu nun.
N na toma#Rom 12.19 vingansa;
N ka na purda ningin.”
4Nomi di no Libertadur#Kap 43.14; Jer 50.34
i SIÑOR ku ten tudu puder,
Deus Santu di Israel.
5“Abo, Kaldeia, sinta ketu na sukuru,
pabia nunka mas bu ka na comadu
raiña di manga di renu.
6N tenba raiba kontra ña pobu ku seduba ña yardansa,
tok N tratal suma i ka di mi.
N ntregal#2 Kron 28.9; Zak 1.15 na bu mon,
ma abo bu ka mostra pena del;
te bejotis, bu karganta kargu#Lei 28.50 pisadu dimas.
7Bu ta falaba kuma bu na sedu raiña pa sempri,
ma te gosi bu ka pui e kusas na sintidu,
nin bu ka lembra di se kabantada.
8“Gosi, sukuta e kusa,
abo ku sedu suma minjer di luŝu,
ku mora suguru;
bu fala na bu sintidu:
‘Ami N#Kap 47.10 sedu;
i ka ten mas utru fora di mi.
N ka na fika#Sof 2.15; Apok 18.7 viuva,
nin N ka na purba disgustu di pirdi fijus.’
9Ma e dus kusa#Kap 51.19 na bin riba di bo
ku tudu forsa,
na un dia son, na mesmu ora:
bu na pirdi fijus, bu na sedu viuva.
Nin ku tudu bu futis
ku multidon di bu jambakusndadi,
e na bin riba di bo.
10Bu fiansa na bu maldadi,
bu fala kuma ningin ka pudi#Ez 8.12; 9.9 ojau.
Bu jiresa ku bu kuñisimentu disviantau;
bu fala na bu sintidu: ‘Ami N sedu;#47.8,10 Ami N sedu i nomi di Deus na Sai 3.14. Babilonia mistiba pui si kabesa suma Deus.
i ka ten mas utru fora di mi.’
11Pabia di kila i na bin un mal riba di bo,
ku bu ka na pudi tajal ku futis,
nin bu ka na pudi lunjusil,
pabia garandi disgrasa na bin di repenti riba di bo
ku bu ka na spera.
12“Pega tesu na bu jambakusndadi,
ku ki multidon di bu futis
ku bu tarbaja ku el disna di bu nobresa,
pa bu jubi si bu pudi tira purbitu nel,
o si bu pudi miti jinti medu.
13Ki manga di konsiju ku bu risibi
i kansau son.
Ki astrologus#Dan 2.2; Mat 2.1 ku ta studa strelas,
pa konta kil ku na sedu na kada mis,
pa e lanta gosi, e salbau
di kusas ku na bin riba di bo.
14Ma e na sedu suma burbur di paja
ku fugu na bin kema.
E ka na pudi salba se vida
di forsa di lingua di fugu.
Ki fugu ka na#Naun 1.10; Mal 4.1 sedu suma brasa di fugareru,
nin kil ku ta pegandadu
pa jinti sinta lungu del pa kenta.
15Kil bu jambakusis ku bu ta bai
jubi sorti na se mon,
ku ta bindiu sitiko disna di bu nobresa,
mas nada e ka na fasi pa bo.
Kada kin na kontinua yanda saklatadu na si kamiñu;
nin un son ka na salbau.
Currently Selected:
Isaias 47: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
