Isaias 38
38
Ezekias duensi, i bin kuradu
(2 Re 20.1-11; 2 Kron 32.24-26)
1Na ki tempu Ezekias bin paña un duensa, kuas pa muri. Anunsiadur Isaias, fiju di Amoz, bai pa el, i falal: “SIÑOR fala pa bu ruma#2 Sam 17.23 bu kasa, pabia bu ka na san; bu na muri.”
2Ezekias vira rostu pa paredi, i papia ku SIÑOR, 3i fala: “O SIÑOR, lembra#Ne 13.14 kuma ku N yanda diritu bu dianti ku korson limpu, N fasi kusas bon na bu uju.” Dipus i cora ciu.
4SIÑOR bin papia ku Isaias, i falal 5pa i bai fala Ezekias: “Asin ku SIÑOR, Deus di bu pape Davi, fala: N obi bu orason, N oja bu larmas. Ali N na buriu mas kinzi anu, 6N na kaplintiu, abo ku e prasa, di mon di rei di Asiria; N na difindi#Kap 37.35 e prasa.”
(v 21) #38.21 Versikulus 21 ku 22 tiradu di se lugar, e pudu dipus di versikulu 6. Isaias fala rei pa i fala jinti pa e kumpu pasta di figus, e kental, e pui na si caga; asin i ta san. (v 22) Ezekias puntal: “Kal ku na sedu sinal di kuma N na bin bai pa kasa di SIÑOR?”
7Isaias falal: “Es i sinal ku SIÑOR na dau pa mostra kuma, si palabra ki fala, i na bin kumpril. 8SIÑOR na pui sombra na orloju di sol di Akaz pa i riba tras des grau.” Asin sol, ku staba ja diantadu, i riba tras des grau.
9Dipus di Ezekias, rei di Judá, bin san di ki duensa, i skirbi e palabras:
10N fala: “Na anu#Sal 102.24 mas minjor di ña vida
N ten ku pasa na portas di mortu;
N tiradu restu di ña anus di vida.”
11N fala: “N ka na oja mas SIÑOR
na tera di jinti#Sal 27.13 bibu.
N ka na oja mas omi,
nin N ka na sta ku moraduris de mundu.
12Tempu di ña vida i bai,
i tiradu suma tenda di bakiadur ku dismancadu.
I kortadu suma panu ku tiradu
na makina di fisial
Disna di parmaña te di noti
i sta suma bu na kaba ku mi.
13N sufri dur tok sol mansi;
i sta suma lion na kebra tudu ña os;
disna di parmaña te di noti
i sta suma bu na kaba ku mi.
14N fika N na cora suma jamba o andoriña;
N na jimiba#Kap 59.11 suma pumba.
Ña ujus fika fraku
manera ku N na jubi pa seu.
O SIÑOR, N sta forontadu; sakuran!”
15Ke ku N na fala?
Suma ki falan, asin ki fasi.
N na yanda ketu pa tudu ña anus
pabia de kasabi ku N pasa.
16SIÑOR, tudu e kusas tisi vida pa ña spiritu.
Kuran, bu dan vida.
17I pa N pudi ten pas
ku N pasa na garandi kasabi.
Abo, ku bu garandi amor, bu guardan
pa ka N kai na koba di mortu,
pabia bu bota tudu ña pekadus
tras di bu kostas.
18Algin ku nteradu#Sal 6.5 ka pudi ngabau;
kil ku muri ja ka pudi dau gloria;
kilis ku na ria pa koba di mortus
ka na pera bu bardadi.
19Jinti bibu, i jinti bibu ku na bin ngabau,
suma mi aos.
Papes na konta fijus#Lei 4.9; 6.7; Sal 78.3-4
manera ku bu sedu bardadi.
20SIÑOR bin salban;
e ku manda no na toka arpas,
no na ngabal tudu dia di no vida
na kasa di SIÑOR.
Currently Selected:
Isaias 38: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
