Isaias 23
23
Anunsiu aserka di Tiru
1Es i rekadu di Deus aserka di Tiru.#Jos 19.29; Ez 26–28
Barkus di Tarsis,#Kap 2.16; 60.9; 2 Kron 9.21; Sal 48.7; Ez 27.25 bo pupa! Tiru danadu tok i ka tene kasa nin purtu pa barku yentra nel. Oca ku barkus na riba di Ŝipri,#23.1 Ŝipri o Kitin (Num 24.24) e obi nobas. 2Bo kala, abos ku mora lungu di mar, ku nogosiantis di Sidon fasi riku pabia di se bias di mar. 3Miju di Sior#Jos 13.3 bin na barku; kebur ku ta bin di con lungu di riu Nilu i tisi rikesa pa Tiru. I ta fasi nogos ku manga di nason.
4O prasa di Sidon, kau forti di mar, ba ta burguñu, pabia mar fala: “N ka teneba dur di partu, nin N ka padi, ku fadi pa N kria rapas ku bajuda.”
5Ora ku nobas di Tiru ciga na Ejitu, e na fika ku garandi kasabi.
6Abos di jiu, bo pupa, bo kamba pa Tarsis. 7Nta es i ki prasa antigu ku jinti ta jukutaba nel ku kontentamentu? I es ku ta mandaba si jinti lunju pa funda kolonias?
8Kin ku ranja e planu kontra Tiru, ki prasa ku dadu koroa? Si nogosiantis sedu fijus di rei, jinti mas rispitadu na mundu. 9SIÑOR ku ten tudu puder, el ku ranja e planu, pa kaba ku orgulyu di tudu bonitasku, pa baŝa kilis mas rispitadu na mundu.
10Jinti di Tarsis, bo pega na labur, suma ke ta fasi lungu di Nilu, pabia bu ka tene ja purtu suguru. 11SIÑOR distindi si mon riba di mar, i turmenta renus. I da ordi kontra Fenísia#23.11 Fenísia: Kanaan na ebraiku. pa kaba ku tudu si kaus forti. 12I fala: “O prasa di Sidon, ku sedu suma bajuda kalkadu, ku ka na jukuta mas ku kontentamentu, bu pudi lanta bu kamba pa Ŝipri, ma mesmu la bu ka na ten diskansu.”
13Bo jubi e tera di#Kap 13.19; Ez 26.7; 29.18; Ab 1.6 Babilonia! I ka pobu di Asiria ma i jinti di Babilonia ku pui Tiru pa i sedu kau di limarias di lala. Tropas di Babilonia e lantanda toris di tajal, e bati si kuartelis, e disal danadu.
14Abos mariñerus di Tarsis, bo cora, pabia bo kau forti i danadu.
15Na ki tempu Tiru na diskisidu pa setenta#Jer 25.11; 27.3-7; 29.10 anu, ku sedu anus di vida di un rei. Ora ku ki setenta anu kaba, Tiru na sedu suma minjer di mau vida ku kantiga kantadu pa el:
16“Toma arpa, bu da volta na prasa,
abo, minjer di mau vida ku diskisidu.
Toka ben, bu kanta manga di kantiga,
pa jinti pudi lembra di bo.”
17Ora ku setenta anu kaba, SIÑOR na trata ku Tiru. I na riba pa tarbaju di mau vida ki ta fasiba. I na nogosia ku tudu renus di mundu. 18Tudu diñeru ki na ngaña na nogos i na dedikadu pa SIÑOR. I ka na rakadadu o ficadu, ma si ngañu na sedu pa kilis ku ta sirbi dianti di SIÑOR, pa e pudi tene bastanti kumida ku ropa di bon koldadi.
Currently Selected:
Isaias 23: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
