Isaias 19
19
Anunsiu aserka di Ejitu
1Es i rekadu di Deus aserka di Ejitu.
Jubi, SIÑOR na bin dipresa, montadu#Lei 33.26; Sal 18.10; 68.4,33 riba di nuven; i na bin pa Ejitu. Idulus#Sai 12.12; Jer 43.12; 46.25; Ez 30.13 di Ejitu na tirmi si dianti; koraẑen di ejipsius na ribi dentru delis.
2“N na cuci ejipsius pa e lanta kontra#Ŝef 7.22; 1 Sam 14.16,20; 2 Kron 20.22-23; Ez 38.21 ŋutru; kada un na geria kontra si ermon. Visiñu na lanta kontra visiñu, prasa kontra prasa, renu kontra renu. 3Ejipsius na pirdi koraẑen; N na dana#Dit 21.30 se planus. E na punta#Kap 8.19; 44.25 se idulus ku jambakusis, diviñaduris ku jinti ku ta konsulta difuntus. 4N na ntrega ejipsius na mon di un siñor duru, un rei brabu#Kap 20.4; Jer 46.25-26; Ez 29.19 ku na manda riba delis.” Asin ku SIÑOR, SIÑOR ku ten tudu puder, fala.
5Yagu di riu Nilu na mingua tok i kaba seku tudu. 6Baletas na cera mal; riusiñus#Ez 30.12 di Ejitu na mingua, e kaba seku. Kanas ku paja#Kap 18.2; Sai 2.3 ku nasi na riu na lati. 7Tudu paja lungu di riu ku si riusiñus, ku tudu ku sumiadu lungu del, na seku, i na lebadu pa bentu tok i pirdi. 8Piskaduris na jimi; tudu jinti ku ta bota ansol na riu na miskiña; kilis ku ta bota ridia#Num 11.5 na yagu na dismaja. 9Kilis ku ta tarbaja ku liñu finu#Dit 7.16 ku kilis ku ta tisi panu branku e na pirdi speransa. 10Kilis ku ta kumpu fazenda na kebrantadu; kilis ku ta tarbaja pa ngaña fin di mis e na yanda tristi.
11Na bardadi ŝefis di Zoan#Kap 30.4; Num 13.22; Ez 30.14 tulu; konsijaduris jiru di Faraó ta da konsiju di tulesa. Kuma ku kualker delis pudi fala Faraó: “Ami i fiju di jinti jiru, fiju di reis di antigu”? 12Faraó, nunde bu jinti#1 Kor 1.20 jiru? I bon pa e kontau,#Kap 41.22-23 e tustumuñau ke ku SIÑOR ku ten tudu puder disidi kontra Ejitu. 13Ŝefis di Zoan bida#Rom 1.22 tulu; ŝefis di Memfis#Jer 2.16; 46.14,19; Ez 30.13 sta nganadu. Elis ku sedu pedra di kantu di se jorsons, e na fasi Ejitu yara. 14SIÑOR darma na se metadi un spiritu#Kap 29.10; 1 Re 22.22-23 di tontura. E pui jinti di Ejitu na kunfuson na tudu ke na fasi, suma algin ku cami ku na da volta na si ramasadura. 15I ka ten nada ku algin pudi fasi na Ejitu ku pudi juda, nin si ki algin i kabesa#Kap 9.14-15 o rabu, palmera o paja di riu.
16Tempu na ciga ku ejipsius na sedu suma minjer; e na tirmi ku medu ora ke oja kuma SIÑOR ku ten tudu puder na lantanda mon kontra elis. 17Pobu di Ejitu na sinti medu di Judá. Kil ku obi nomi di Judá comadu i ta inci medu, pabia di kusas ku SIÑOR ku ten tudu puder disidi kontra elis.
18Na ki tempu jinti di sinku prasa na tera di Ejitu na papia lingua di Kanaan; e na fasi juramentu na nomi di SIÑOR ku ten tudu puder. Un delis na comadu Prasa di Sol.#19.18 Prasa di Sol ku sedu Eliópolis.
19Na ki tempu i na ten un altar di SIÑOR na metadi di tera di Ejitu. Un kuluna na lantandadu pa SIÑOR na si frontera. 20I na sirbi sinal ku tustumuñu#Jos 22.10,26-27,34; 24.26-27 na tera di Ejitu pa SIÑOR ku ten tudu puder. Ora ke coma SIÑOR pabia di se inimigus, i na manda elis un Salbadur ku na difindi elis, i libra elis. 21SIÑOR na pui Ejitu pa i kunsil; ejipsius na rikuñisil na ki dia. Elis e na adoral ku sakrifisius ku ofertas di kumida; e na fasi purmesas#Ekl 5.4 pa SIÑOR ke na bin kumpri. 22SIÑOR na kastiga ejipsius, i na kura elis. E na konverti pa SIÑOR; i na obi se orasons, i na kura elis.
23Ora ku tempu ciga, i na ten strada#Kap 11.16 di Ejitu te na Asiria. Jinti di Asiria na bai pa Ejitu; ejipsius na bai pa Asiria. Jinti di Ejitu ku Asiria na adora SIÑOR juntu. 24Na ki dia i na ten tris nason, ku sedu Israel, Ejitu ku Asiria; e na sedu benson#Kum 12.2; Gal 3.14 na mundu. 25SIÑOR ku ten tudu puder na bensua elis, i fala: “Ejitu, ña pobu, na sedu sortiadu, ku Asiria, tarbaju di ña mon, ku Israel ku sedu ña yardansa.”
Currently Selected:
Isaias 19: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
