Oseias 2
2
1Bo fala bo ermons: “Abos i ña pobu;” bo fala bo irmas: “Abos i amadu.”
Gomer infiel, Israel infiel
2Bo pidi bo mame; el i ka sedu ja ña minjer, nin ami N ka sedu#Is 50.1 si omi, ma bo pidil pa i lunjusi si mau vida#Ez 16.25 di si rostu, i tira si amantis na metadi di si pitu. 3Si i ka asin, N na disal nun#Jer 13.26 suma na dia ki padidu; N na fasil suma un lala, pa i parsi suma tera#Ez 19.13; Am 8.11,13 seku; N na matal ku sedi. 4N ka na mostra amor pa si fijus, pabia e sedu fijus di algin di mau vida. 5Se mame bindi si kurpu pa utru omis, ku padi elis; i fika i na yandaba na borgoña. I fala: “N na bai tras di ña amantis, ku ta dan ña pon#Jer 44.17 ku yagu, ña lan ku liñu, ña azeiti ku bibidas.” 6Ami N na tajal kamiñu#Jo 19.8; Mis 3.7,9 ku pe di fidida. N na lantanda paredi di sibi pa i ka pudi oja kamiñu. 7I na kuri tras di si amantis, ma i ka na paña elis; i na buska elis ma i ka na oja elis. Dipus i na fala: “N na riba#Luk 15.17-18 pa ña purmeru omi, pabia na ki tempu N staba diritu mas di ki gosi.” 8I ka rikuñisi kuma i ami#Kap 13.2; Is 1.3; Ez 16.16-19 ku dal miju, biñu nobu ku azeiti; i ami ku dal manga di prata ku uru, ke usa pa Baal.
9Asin, N na tira ña miju ora ki kusidu; N na tira ña biñu nobu ora ku uva kusidu. N na tiral ña lan ku ña liñu ku N dal pa i kubri ku el. 10N na dispil pa mostra si borgoña#Ez 16.37; 23.29 dianti di si amantis; ningin ka na libral na ña mon. 11N na kaba ku tudu si gozu: si festivalis#1 Re 12.32; Am 8.10 anual ku di lua nobu, si dias di diskansu — tudu si kultus. 12N na dana si pes di uva ku si figeras, ki ta fala kuma kilas i ke ku si amantis pagal. N na fasi elis un matu ficadu; limarias#Is 5.5 di matu na kume elis. 13N na kastigal pabia di ki dias ki kema nsensu pa#Kap 11.2; 13.1; Ŝef 2.11 Baal; i faja si kurpu ku brinkus ku fius di garganti, i bai tras di si#Ez 23.40 amantis, i diskisi di mi. Asin ku SIÑOR fala.
Amor di SIÑOR pa si pobu
14N na atrail, N lebal pa lala, N bai papia diritu ku el. 15N na tornal si ortas di uva; N na fasi kobon di#Jos 7.24-25 Akor#2.15 Akor signifika mufunesa. porta di speransa. I na kanta la, suma na dias di si#Sai 15.1; Jer 2.2 nobresa, suma tambi na ki dia ki sai na tera di Ejitu.
16SIÑOR fala: “Na ki dia i na coman ‘ña omi’; i ka na coman mas ‘ña Baal’.#2.16 Baal signifika mestre o maridu. 17N na tira nomis#Sai 23.13; Jos 23.7; Zak 13.2 di Baalis na si boka; se nomis ka na comadu mas. 18Na ki dia N na fasi kontratu pa elis ku limarias di matu#Jo 5.22; Is 11.6-9; Ez 34.25 ku kacus ku ta bua, ku limarias ku ta rasta na con. N na tira mansasa ku spada ku gera#Is 2.4; Ez 39.9-10; Zak 9.10 na tera pa e pudi dita e durmi#Sir 26.5; Jer 23.6 suguru.
19N na fasiu ña minjer pa sempri;
N na tomau na bardadi,
N sedu fiel pa bo,
N mostrau amor ku miserikordia.
20N na guarda ña purmesa pa bo pa bu sedu#Jer 31.33 di mi;
bu na rikuñisin suma SIÑOR.
21-22“Na ki dia ami, SIÑOR, N na ruspundi Jizreel,
N na papia ku seu,
i na ruspundi, i manda cuba na tera;
tera na ruspundi, i pruduzi#Zak 8.12 trigu, uvas ku azeitonas.
23N na parantal pa mi na tera.
N na ten amor pa Lo-Ruama;
N na fala Lo-Ami: ‘Abo i ña#Kap 1.6,8-10; Rom 9.25-26; 1 Ped 2.10 pobu.’
El i na falan: ‘Abo i ña Deus!’ ”
© 1993-2020, Instituto de Tradução e Alfabetização