Atus 20

Paulu na Masedonia ku Akaia

1Dipus di baruju pasa, Paulu manda coma krentis, i anima elis, i dispidi, i bai pa#1 Kor 16.5; 2 Kor 7.5; 1 Tim 1.3 Masedonia. 2I yanda pa tudu ki reẑion, i anima krentis ku manga di palabra, i bai pa Akaia, 3i pasa tris mis la. Oca ki na purpara mbarka pa Siria, i bin sibi kuma judeus yarmal#Kap 25.3 mboskada, i rezolvi riba pa kamiñu di Masedonia. 4Kilis ku kumpañal te na Asia#Kap 16.1; 19.29; 21.29; Ef 6.21; Kol 4.7; 2 Tim 4.12; Titu 3.12 seduba Sópater di Bereia, fiju di Pira, Aristarku ku Segundu di Tesalónika, Gaiu di Derbi, Tíkiku ku Trófimu di Asia, ku Timótiu. 5Elis e bai dianti, e peranu na#Kap 16.8 Troas. 6Dipus di dias di pon sin#Sai 12.14-15 fermentu, no mbarka na Fílipus; na sinku dia no junta ku elis na Troas, nunde ku no fika seti dia.

Eutiku kai na janela

7Na purmeru dia di semana#Jon 20.1; 1 Kor 16.2; Apok 1.10 no junta pa kebra#Kap 2.42,46; Mat 26.26; 1 Kor 10.16; 11.23-24 pon. Paulu staba pa bai na ki utru dia. I papia ku elis, i kontinua si kombersa te me-noti. 8Na ki sobradi nunde ku no junta i tenba manga di kanderu. 9Un joven ku comadu Eutiku staba sintadu na janela. Oca Paulu na papia di kumpridu, i kumsa jungu. Dipus i pasa ku sonu, i kapli di terseru andar, i kai. Jinti lantandal mortu, 10ma Paulu ria, i mpina riba del, i barsal,#1 Re 17.21; 2 Re 4.34 i fala: “Ka bo turmenta. Vida#Mat 9.24-25 sta nel.” 11I torna subi, i kebra pon, i kume, i papia inda di kumpridu tok kau na klaru; dipus i bai. 12E leba joven bibu, e fika tudu konsoladu.

Di Troas pa Miletu

13Anos no mbarka, no bai dianti pa Asós, nunde ku Paulu dibi di mbarka nel. I falanuba pa no fasi asin, suma el i na bai kamiñu di tera. 14Logu ki kontra ku nos na Asós, no tomal na barku, no bai pa Mitileni. 15No sai di la; na utru dia no ciga dianti di Kió. Na sugundu dia no ciga na purtu di Samus. Na terseru dia no ciga Miletu. 16Paulu ka mistiba panti na Éfesu, pa ka i tarda na Asia, pabia i tenba dipresa pa sta na Jerusalen na dia di#Kap 2.1 Pentekostis, si i pudi.

Paulu na dispidi garandis di Éfesu

17Di Miletu i manda algin pa Éfesu pa i coma garandis di igreẑa. 18Oca ke ciga, i fala elis: “Abos bo sibi diritu kal manera ku N pasa ku bos tudu tempu ku N staba na bo#Kap 18.19; 19 metadi, disna di purmeru dia ku N ciga na reẑion di Asia. 19N tarbaja pa Siñor ku tudu mansesa, ku manga di larma, ku garandi kansera ku judeus dan ku se mboskadas. 20Bo sibi kuma N ka sukundi nada ku pudi juda bos, ma N konta bos tudu; N nsina dianti di tudu jinti, N nsina tambi na kada kasa. 21N splika klaru pa judeus ku gregus kuma e ten ku konverti pa Deus ku fe na no Siñor Jesus.

22“Agora, bo sibi kuma N na bai Jerusalen. I Spiritu di Deus ku na leban. N ka sibi ke ku na kontisi ku mi la. 23N sibi son kuma, na kada prasa, Spiritu Santu na mostran#Kap 21.4,11 kuma i kalabus ku kansera ku na peran la, 24ma ami, N ka da ña vida#Kap 21.13; Rom 8.35-36 nin un balur; N misti son kompleta ña kurida#2 Tim 4.7 ku alegria, pa kabanta tarbaju ku Siñor Jesus dan pa N#Gal 1.1; Titu 1.3 fasi, pa N konta palabra di Bon Noba di grasa di Deus.

25“N ta yandaba na bo metadi, N konta bos tudu di renu di Deus. Gosi N sibi kuma bo ka na torna oja ña rostu mas. 26E ku manda, dia di aos, N diklara bos kuma, si un di bos pirdi, ami i ka kulpadu, 27pabia nunka N ka disa di konta bos tudu kil ku Deus misti. 28Asin, bo toma sintidu#1 Tim 4.16; 1 Ped 5.2; 2 Jon 8 ku bo kabesa, ku ki grupu di krentis ku Spiritu Santu fasi bos garandis riba del, pa bo pudi sedu pastoris ku na alimenta igreẑa di Deus, ki liberta#Ef 1.7,14; Eb 9.12; Apok 5.9 ku si sangi propi. 29N sibi kuma, dipus di N bai, i na yentra na bo metadi lubus#Mat 7.15; 2 Ped 2.1 malvadu ku ka na ten pena#Jer 23.1; Ez 34.2-3; Zak 11.17 di karnelis. 30Na bo metadi propi utru omis na lanta, e na tursi bardadi pa pui utru krentis bai se tras. 31Asin, bo bisia, bo lembra kuma tris anu, di dia ku di noti, N ka para konsija kada un di bos ku larma.

32“Agora ermons, N ntrega bos na mon di Deus, ku palabra di si fabur. I el ku ten puder pa fasi bos kirsi, pa da bos bon kusas#Ef 1.18; Kol 1.12; 3.24; Eb 9.15; 1 Ped 1.4 ku Deus tene pa tudu kilis ki separa pa e sedu si pobu. 33N ka kubisa ningin#1 Sam 12.3; 2 Kor 7.2; 12.17 nin uru, nin prata, nin ropa. 34Abos propi bo sibi kuma e mon#Kap 18.3 li i ngaña tudu ki pirsis pa mi ku ña kumpañeris. 35N mostra bos na tudu kusa kuma no dibi di tarbaja ciu#Rom 15.1; 2 Kor 11.9; Ef 4.28; 1 Tes 4.11-12; 5.14; 2 Tes 3.8 pa pudi juda duentis ku frakus. No dibi di lembra palabra di Siñor Jesus ku fala: ‘I mas minjor da#Mat 10.8 di ki bo risibi.’ ”

36Oca ki kaba fala asin, i finka juju ku elis tudu, i ora. 37Tudu elis e cora#Kum 45.14; 46.29 risu, e barsa Paulu, e dal beẑu. 38Kusa ku mas pui elis fika tristi i palabra ki fala elis kuma, e ka na oja#Kap 20.25 si rostu mas. E kumpañal te na barku.

Currently Selected:

Atus 20: povB

Highlight

Copy

Compare