Efesios 6

1Ránoꞌó ñɨvɨ súchí jiáꞌnu jiáá jín rá súchí lúlí íyó kaníjiá rán tátáꞌ rán jín nánáꞌ rán, chi yɨ́ꞌɨ́ rán nu̱u̱nꞌ I̱toꞌoꞌ‑ó, chi na̱a̱ꞌ kúvi ya̱ sáꞌá sukuán. 2“Koo ya̱ ñáꞌnú nú nu̱u̱nꞌ tátáꞌ nú jín nu̱u̱nꞌ nánáꞌ nú.” Tu̱ꞌun yaꞌá ya̱ nta̱túníꞌ Ndiosíꞌ kúvi tu̱ꞌun xíꞌnañúꞌún ya̱ níso tu̱ꞌun ya̱ nchi̱sóyuꞌú re̱ꞌ ya̱ ku̱ꞌva re̱ꞌ ɨɨn ta̱ꞌvi̱ꞌ nu̱u̱nꞌ ráa retú sikúnkuvi maa. Tu̱ꞌun ya̱ nchi̱sóyuꞌú re̱ꞌ ví yaꞌá: 3“Sáva kɨ̱ꞌɨ̱nꞌ va̱ꞌa jín nú jee sáva kutekuꞌ naꞌán nú nu̱u̱nꞌ ñɨ̱vɨ́ yaꞌá”, nkachiꞌ Ndiosíꞌ.

4Jee ránoꞌó ya̱ kúvi rán tátáꞌ, koto na̱ni jie̱ꞌe̱ꞌ yánká síkítɨ́ꞌ rán iniꞌ rá se̱ꞌya rán, chisaꞌ sikuéꞌnu rán sikújia rán iniꞌ ráa nu̱u̱nꞌ tu̱ꞌun I̱toꞌoꞌ‑ó jee nachuꞌun rán ichi ráa ya̱ kunikɨnꞌ ráa ichi I̱toꞌoꞌ‑ó.

5Jee ránoꞌó ya̱ kúvi musúꞌ, #6:5 Tu̱ꞌun yaꞌá kúvi: esclavo, ya̱ kuíni káchíꞌ musúꞌ keꞌen ñɨvɨ ya̱ sátíñú saɨn‑ɨ jín ya̱ yɨ́ꞌɨ́‑ɨ xi̱ntíín i̱toꞌoꞌ‑o. kaníjiá rán sikúnkuvi rán nu̱u̱nꞌ rá ñɨvɨ ya̱ kúvi i̱toꞌoꞌ rán, ya̱ náka ráa ránoꞌó iniꞌ ñɨ̱vɨ́ yaꞌá. Jee kuyúꞌví iniꞌ rán koo ya̱ ñáꞌnú nu̱u̱nꞌ rán nu̱u̱nꞌ ráa, ne̱ saɨn kuꞌun iniꞌ ánímaꞌ rán satíñú rán nu̱u̱nꞌ ráa, kuéntáꞌ kua̱ꞌ retánꞌ nu̱u̱nꞌ Cristo sátíñú rán. 6Nsú kua̱chi sáá néꞌyá ráa ránoꞌó kaníjiá rán, ya̱ kua̱chi núkú rán ya̱ kuva̱ꞌa iniꞌ ráa kune̱ꞌyá ráa ránoꞌó. Chisaꞌ kuéntáꞌ musúꞌ ya̱ sátíñú rán nu̱u̱nꞌ Cristo, jee ne̱ jín ánímaꞌ rán saꞌá rán sáni kuíni Ndiosíꞌ. 7Jee ne̱ kukáñá iniꞌ ánímaꞌ rán satíñú rán nu̱u̱nꞌ ñɨvɨ kuéntáꞌ retánꞌ nu̱u̱nꞌ máá I̱toꞌoꞌ‑ó sátíñú rán, jee kuéntáꞌ nsú nu̱u̱nꞌ ñɨvɨ. 8Chi ya̱ jíníꞌ rán ya̱ nu̱u̱nꞌ máá I̱toꞌoꞌ‑ó ni̱ꞌi̱nꞌ ta ɨɨn ɨɨn ñɨvɨ ta̱ꞌvi̱ꞌ jie̱ꞌe̱ꞌ néni ɨɨn tiñu váꞌa sáꞌá‑a, va̱ni musúꞌ, #6:8 Tu̱ꞌun yaꞌá kúvi: esclavo, ya̱ kuíni káchíꞌ musúꞌ kéꞌen ñɨvɨ. va̱ni ñɨvɨ xí tiñu. #6:8 Tu̱ꞌun yaꞌá kúvi: persona libre.

9Jee ránoꞌó ya̱ kúvi rán i̱toꞌoꞌ xí tiñu ya̱ náka rán musúꞌ, suni sukuán íyó saꞌá rán jín musúꞌ rán, chi koto va̱ꞌa rán ráa. Jee koto chúꞌun yúꞌví rán iniꞌ ráa, chi ya̱ jíníꞌ rán ya̱ maáréꞌ ya̱ kúvi I̱toꞌoꞌ nu̱u̱nꞌ rá musúꞌ jín suni nu̱u̱nꞌ ránoꞌó. Jee jíníꞌ rán ya̱ nééꞌ re̱ꞌ antivɨ́ súkún. Jee ntu̱ví sáꞌá re̱ꞌ kuéntáꞌ na̱ja sɨ́ɨ́n íyó ɨɨn ɨɨn ñɨvɨ, chi ɨɨn nuún ni kúvi ráa nu̱u̱nꞌ re̱ꞌ.

Na̱sa náma‑ó maáó ya̱ kúneí iniꞌ‑ó Cristo nu̱u̱nꞌ rá ta̱chi̱ꞌ kíni

10Jee íyó inka ka̱ꞌ jie̱ꞌe̱ꞌ tu̱ꞌun kachiꞌ ni nu̱u̱nꞌ ránoꞌó, rá ñaniꞌ ni̱ꞌ jín rá ku̱ꞌva ni̱ꞌ ya̱ yɨ́ꞌɨ́ rán nu̱u̱nꞌ Cristo, íyó koo neí iniꞌ rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó, jee nachuꞌun neí rán iniꞌ rán jín fuersáꞌ ííꞌ mánasɨ́ ni̱ꞌin níso re̱ꞌ. 11Íyó satúꞌva rán maárán jín ntáká ya̱ táji Ndiosíꞌ nu̱u̱nꞌ rán sáva nama rán maárán, kuéntáꞌ kua̱ꞌ sátúꞌva ɨɨn soldado maáa ya̱ kɨ̱kantáꞌán‑a. Sáva kúvi kuiñɨ ni̱ꞌin rán nama rán maárán nu̱u̱nꞌ tiñu máñáꞌ ñúꞌún iniꞌ kui̱ꞌna̱ꞌ kúñáꞌnú saꞌá‑a. 12Chi ntu kántáꞌán‑ó jín ñɨvɨ ñunéꞌyúꞌ, chisaꞌ kántáꞌán‑ó jín rá ta̱chi̱ꞌ kíni rá kúñáꞌnú, jín rá nísotíñú, jín rá i̱toꞌoꞌ ñáꞌnú ka̱ꞌ ya̱ jíka ráa nu̱u̱nꞌ neenꞌ jee tátúníꞌ ráa nu̱u̱nꞌ ñɨvɨ ñɨ̱vɨ́ yaꞌá. Chi kántáꞌán‑ó jín rá ta̱chi̱ꞌ kíni ya̱ jíkanuun ráa súkún.

13Saáva satúꞌva rán maárán jín nɨꞌɨ ya̱ táji Ndiosíꞌ nu̱u̱nꞌ rán sáva nama rán maárán, kuéntáꞌ íyó soldado ya̱ sátúꞌva re̱ꞌ jín rá nantíñú re̱ꞌ, sáva kúvi kuneí rán kuiñɨ ni̱ꞌin rán ki̱vɨ̱ꞌ kákini kenta, jee sáá nkuvi nsa̱ꞌá rán nɨꞌɨ, jee kuiñɨ ni̱ꞌin rán. 14Jee saáva kuiñɨ ni̱ꞌin rán satúꞌva rán maárán kukutú rán jín tu̱ꞌun na̱a̱ꞌ Ndiosíꞌ, #6:14 Sa̱naanꞌ kúvi kachiꞌ‑ó kua̱chi: tu̱ꞌun na̱a̱ꞌ, áxí: kúvi ñɨvɨ na̱a̱ꞌ. jee yukuán kúvi kuéntáꞌ núꞌníꞌ kutú va̱ꞌa chi̱ji rán. Jee ñúꞌún kutú iniꞌ ánímaꞌ rán ya̱ kínóo na̱a̱ꞌ rán nu̱u̱nꞌ Ndiosíꞌ. #6:14 Sa̱naanꞌ kúvi kachiꞌ‑ó: kueꞌnu na̱a̱ꞌ rán. Sukuán sikútú rán maárán kuéntáꞌ nákúꞌun ɨɨn soldado saꞌma ka̱a‑a sáva náma‑a maáa sáá kɨ̱kantáꞌán‑a. 15Jee satúꞌva rán maárán sáva kachitu̱ꞌún rán tu̱ꞌun va̱ꞌa jie̱ꞌe̱ꞌ Jesús ya̱ sáꞌá‑a ya̱ kino̱o va̱ꞌa iniꞌ ñɨvɨ nu̱u̱nꞌ Ndiosíꞌ. Sukuán kúvi kuéntáꞌ náchiꞌi soldado ni̱jia̱nꞌ jie̱ꞌe̱ꞌ‑e sáva kene‑e kɨ̱kantáꞌán‑a. #6:15 Áxí kúvi kachiꞌ‑ó: jee satúꞌva rán maárán jín tu̱ꞌun váꞌa ya̱ saꞌá‑a ya̱ kino̱o va̱ꞌa iniꞌ ñɨvɨ nu̱u̱nꞌ Ndiosíꞌ sáva kuiñɨ kutú rán jín re̱ꞌ. 16Soo ya̱ ñáꞌnú ka̱ꞌ ví ya̱ kúneí iniꞌ rán Cristo, jee kuvi kasɨꞌ rán nu̱u̱nꞌ ntáká ya̱ chúichí maá ya̱ kíni kúñáꞌnú. Chi ya̱ kúneí iniꞌ rán Cristo kúvi kuéntáꞌ escudo rán, kuéntáꞌ escudo ya̱ ínaꞌá soldado sáva jiásɨ́ꞌ‑ɨ maáa nu̱u̱nꞌ ntáká flecha tɨ́ɨn ñuꞌunꞌ jee xináꞌváꞌ‑a vá. 17Jee kuiñɨ ni̱ꞌin rán jín ya̱ xinánitáꞌvíꞌ Ndiosíꞌ yó, chi yukuán kúvi kuéntáꞌ ɨɨn ti̱kokoꞌ ka̱a ya̱ ñúꞌún xi̱ni̱ꞌ ɨɨn soldado ya̱ náma‑a xi̱ni̱ꞌ‑i. Jee kuatíñú rán Tu̱ꞌun Ndiosíꞌ, ya̱ ntaji Ta̱chi̱ꞌ Ííꞌ re̱ꞌ nu̱u̱nꞌ‑ó kuéntáꞌ ɨɨn yuchiꞌ espada ya̱ jiátíñú rá soldado nu̱u̱nꞌ kántáꞌán ráa.

18Jee íyó kaꞌanꞌ rán jín Ndiosíꞌ jee ka̱ka̱nꞌ táꞌvíꞌ rán nu̱u̱nꞌ re̱ꞌ, ntáká tiempúꞌ. Kaꞌanꞌ rán jín Ndiosíꞌ sáni chíneí Ta̱chi̱ꞌ Ííꞌ re̱ꞌ ránoꞌó. Jee nito koo rán kunikɨnꞌ ni̱ꞌin rán ka̱ka̱nꞌ táꞌvíꞌ rán jie̱ꞌe̱ꞌ ntáká inka rá ñɨvɨ ya̱ nsásɨ́ɨ́n Ndiosíꞌ kuvi ráa ñɨvɨ re̱ꞌ.

19Jee ka̱ka̱nꞌ táꞌvíꞌ rán jie̱ꞌe̱ꞌ nuꞌuꞌ, sáva taji ka̱ꞌ Ndiosíꞌ tu̱ꞌun nu̱u̱nꞌ ni̱ꞌ sáá kachiꞌ ni̱ꞌ, jee sáva nuneí ka̱ꞌ iniꞌ ni̱ꞌ kachitu̱ꞌún ni̱ꞌ nu̱u̱nꞌ rá ñɨvɨ tu̱ꞌun váꞌa jie̱ꞌe̱ꞌ Cristo ya̱ nyɨ̱yuꞌuꞌ nékúvi. 20Chi nta̱jí Cristo nuꞌuꞌ kachitu̱ꞌún ni̱ꞌ tu̱ꞌun váꞌa re̱ꞌ, jee jie̱ꞌe̱ꞌ vá núꞌníꞌ ni̱ꞌ jín cadena ka̱a iniꞌ veka̱a. Ka̱ka̱nꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ nuꞌuꞌ ya̱ nuneí ka̱ꞌ iniꞌ ni̱ꞌ kachiꞌ ni̱ꞌ maa, sáni íyó kachiꞌ ni̱ꞌ.

Jiáꞌa Pablo tu̱ꞌun nu̱u̱nꞌ nɨ́ꞌɨ ya̱ jíkánꞌ táꞌvíꞌ re̱ꞌ jie̱ꞌe̱ꞌ rá ñɨvɨ yukuán

21Jee nakani Tíquico nɨꞌɨ tu̱ꞌun na̱sa íyó jie̱ꞌe̱ꞌ nuꞌuꞌ jín ná kúvi ya̱ sáꞌá ni̱ꞌ. Suvire̱ꞌ kúvi ñaniꞌ‑ó ya̱ ñúnúunꞌ‑órán. Jee yɨ́tíñú re̱ꞌ síkúnkuvi na̱a̱ꞌ nijia re̱ꞌ nu̱u̱nꞌ tiñu maá I̱toꞌoꞌ‑ó. 22Jee jie̱ꞌe̱ꞌ yaꞌá kúvi ya̱ tájí ni̱ꞌ re̱ꞌ kua̱jiaaꞌ re̱ꞌ nu̱u̱nꞌ ránoꞌó, sáva kukáꞌnú iniꞌ rán jie̱ꞌe̱ꞌ ya̱ nóꞌo ránuꞌuꞌ. Jee suni sáva nasaꞌá sɨ́ɨꞌ re̱ꞌ iniꞌ ánímaꞌ rán.

23Jee na̱ ka̱ꞌ saꞌá ka̱ꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ kúvi Cristo ya̱ kino̱o va̱ꞌa iniꞌ rá ñanitáꞌán‑ó, jín ya̱ kunu̱u̱nꞌ ráa Ndiosíꞌ jín ɨɨn inka ráa, jín ya̱ kuneí iniꞌ ráa Ndiosíꞌ. 24Na̱ ka̱ꞌ íyó mániꞌ iniꞌ Ndiosíꞌ kune̱ꞌyá re̱ꞌ ntáká ránoꞌó ya̱ ñúnúunꞌ rán I̱toꞌoꞌ‑ó Jesús ya̱ kúvi Cristo, ya̱ ni nsáꞌ nuyakuꞌ ya̱ ñúnúunꞌ rán maa. #6:24 Suni kuvi kachiꞌ‑ó: ya̱ ni nsáꞌ nuyakuꞌ ya̱ íyó mániꞌ iniꞌ Ndiosíꞌ kune̱ꞌyá ránoꞌó.

Currently Selected:

Efesios 6: meh

Highlight

Copy

Compare