2 Juan 1
1
Tu̱ꞌun na̱a̱ꞌ jín tu̱ꞌun ñúnúunꞌ
1Nuꞌuꞌ, [Juan] ya̱ kúvi ni̱ꞌ ɨɨn rá te̱e kúñáꞌnú nu̱u̱nꞌ rá ñɨvɨ kúneí iniꞌ Jesús, tée ni̱ꞌ tutuꞌ yaꞌá nu̱u̱nꞌ ñaꞌan #1:1 Jínúꞌ iniꞌ sava ñɨvɨ ya̱ sa̱naanꞌ ñaꞌan vá kúvi ɨɨn grupo ñɨvɨ ya̱ kúneí iniꞌ ráa Jesús ya̱ kútútú ráa. Jee suni sa̱naanꞌ rá se̱ꞌya ña kúvi rá ñɨvɨ kútútú. Yaꞌá jín rá versículo 4 jín 13. ya̱ nka̱ji Ndiosíꞌ, jín suni nu̱u̱nꞌ rá se̱ꞌya ña, ya̱ ñúnúunꞌ nijia ni̱ꞌ. Jee nsáꞌ kua̱chi métúꞌún nuꞌuꞌ ni̱ꞌ, chi suni nta̱ká rá ñɨvɨ ya̱ ntɨɨn tu̱ꞌun na̱a̱ꞌ Jesús ñúnúunꞌ ráa ránoꞌó, 2chi tu̱ꞌun na̱a̱ꞌ ñúꞌún kutú iniꞌ ánímaꞌ‑ó, jee kuꞌun‑u iniꞌ‑ó nɨ́ɨ́nkání.
3Tátáꞌ‑ó Ndiosíꞌ jín Jesús ya̱ kúvi Cristo, ya̱ kúvi Se̱ꞌya Tátáꞌ‑ó, na̱ ka̱ꞌ íyó mániꞌ iniꞌ ráa ka̱ꞌ néꞌyá ráa ránoꞌó, jín ya̱ kunáꞌví iniꞌ ráa ránoꞌó, jín ya̱ saꞌá ráa ya̱ kuneeꞌ va̱ꞌa rán, sáni kúvi tu̱ꞌun na̱a̱ꞌ jín ya̱ ñúnúunꞌ ráa ránoꞌó.
4Kúsɨ́ɨꞌ víꞌí iniꞌ ánímaꞌ ni̱ꞌ, chi nku̱káꞌnú iniꞌ ni̱ꞌ ya̱ sava rá se̱ꞌya nú jíka ráa jín tu̱ꞌun na̱a̱ꞌ, sánikua̱ꞌ nta̱túníꞌ Tátáꞌ‑ó Ndiosíꞌ nu̱u̱nꞌ‑ó. 5Nánáꞌ, vitan jee jíkánꞌ táꞌvíꞌ ni̱ꞌ nu̱u̱nꞌ nú ya̱ kunu̱u̱nꞌ‑ó ɨɨn inka táꞌán‑ó. Nsú tiñu jiáá ví yaꞌá ya̱ tátúníꞌ Ndiosíꞌ, chisaꞌ suvi‑i kúvi tu̱ꞌun ya̱ nníꞌinꞌ‑ó ne̱ tiempúꞌ xíꞌnañúꞌún ya̱ nka̱jiéꞌé ni̱nu̱ꞌ iniꞌ‑ó. 6Jee ya̱ tu̱ꞌun ñúnúunꞌ‑ó Ndiosíꞌ jín táꞌán‑ó, yaꞌá kúvi ya̱ jíka‑ó sánikua̱ꞌ rá tiñu ya̱ nta̱túníꞌ re̱ꞌ nu̱u̱nꞌ‑ó. Jee yaꞌá kúvi máá tiñu ya̱ nta̱túníꞌ re̱ꞌ ya̱ nteso̱ꞌo rán ne̱ ki̱vɨ̱ꞌ xíꞌnañúꞌún ya̱ nka̱jiéꞌé ni̱nu̱ꞌ iniꞌ rán: ya̱ kaka‑ó jín tu̱ꞌun kunu̱u̱nꞌ.
Jie̱ꞌe̱ꞌ rá te̱e xínáꞌví
7Chi kue̱ꞌe̱ꞌ ñɨvɨ xínáꞌví jíkanuun ñɨ̱vɨ́ yaꞌá, ya̱ ntu jiáꞌayuꞌú ráa ya̱ Jesucristo nkenta kúvi re̱ꞌ te̱e jín yɨkɨkúñu re̱ꞌ nu̱u̱nꞌ ñɨ̱vɨ́ yaꞌá. Suvivá kúvi ñɨvɨ tuꞌva yuꞌú jín ñɨvɨ ya̱ kénta si̱kɨ̱ꞌ Cristo. 8Kumí rán maárán sáva nsúkuíta rán rá ta̱ꞌvi̱ꞌ jie̱ꞌe̱ꞌ nsa̱ꞌá rán tiñu váꞌa, chisaꞌ sáva ni̱ꞌi̱nꞌ nɨ́ɨ́n rán ta̱ꞌvi̱ꞌ rán ya̱ taji Ndiosíꞌ. 9Nta̱ká ñɨvɨ ya̱ jiáꞌa ka̱ꞌ nu̱u̱nꞌ tu̱ꞌun na̱a̱ꞌ, jee ntu kínóo kutú ráa jín tu̱ꞌun nxi̱néꞌénꞌ Cristo, jee ntu̱ví íyó Tátáꞌ‑ó Ndiosíꞌ jín ráa. Jee ñɨvɨ ya̱ kínóo kutú‑u jín tu̱ꞌun vá jee Tátáꞌ‑ó Ndiosíꞌ jín suni máá Se̱ꞌya re̱ꞌ íyó ráa jín ñɨvɨ vá. 10Jee retú néni ɨɨn ñɨvɨ va̱ji nu̱u̱nꞌ rán, jee retú nsú tu̱ꞌun yaꞌá va̱ji‑i xinéꞌénꞌ‑e, jee koto jiáꞌa rán ntíꞌ veꞌi kino̱o ñɨvɨ vá, jee ni koto nákuatáꞌví rán ráa. 11Chi ñɨvɨ ya̱ nákuatáꞌví‑i ñɨvɨ vá, jee chíneí táꞌán‑a jín ñɨvɨ vá saꞌá tiñu niváꞌa.
Tu̱ꞌun nu̱u̱nꞌ nɨ́ꞌɨ
12Íyó kue̱ꞌe̱ꞌ na̱ tu̱ꞌun tee ni̱ꞌ nu̱u̱nꞌ rán, soo ntu kuíni ni̱ꞌ tee ni̱ꞌ maa jín tinta nu̱u̱nꞌ tutuꞌ, chi íyó tu̱ꞌun neí iniꞌ ni̱ꞌ ya̱ kua̱jiane̱ꞌyá ni̱ꞌ ránoꞌó, jee kaꞌanꞌ máá maáó sáva ji̱nu iniꞌ ni̱ꞌ ya̱ kusɨ̱ɨ̱ꞌ iniꞌ ánímaꞌ‑ó. 13Rá se̱ꞌya ku̱ꞌvi̱ꞌ nú, #1:13 Áxí: grupo ñɨvɨ kúneí iniꞌ ráa Jesús ya̱ kútútú ráa. ya̱ nka̱ji Ndiosíꞌ, tájí ráa tu̱ꞌun jíkátu̱ꞌún ráa ránoꞌó. Suꞌva koo, amén.
Currently Selected:
2 Juan 1: meh
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
