Mark 3
3
1Arô jingiṉi Yesu gô nagô yi soṉo. N’aliṽinyi yè vovo ôma re ôgo juwa pa. 2N’aṽèmbagi waô Yesu vende twa e be jingè gô ntyugu yi soṉo, ko waô dènge ntiṉa yi sozizè. 3N’awulinyi Yesu ôma w’avegagi ôgo juwa pa inè: Gum̃aṉa gôre, gô garegare. 4N’awulinyi yè waô inè: Are kwèkwè gô ntyugu yi soṉo gô dende mbya, mbè gô dende mbe; gô sungiṉ’em̃èṉo, mbè gô jôṉa? Ndô w’alwaṉi dodo. 5N’avôni yè waô vingôvingô n’eguṉu, njeṉag’ekèṽa g’ômwanja wi njoliṉi y’irèm̃i yaô, n’awulinyi yè ôma mè inè: Nyonyuṉ’ôgo wo. N’anyonyuṉi yè wô, n’arweṉi ôgo wè mbyambye.
6Agogw’ifarisi, awônde môndo pelè g’ômwanji wè, waô ni mongi Erod, nt’are waô ko jôṉè.
7Agèndi Yesu n’iṉèngi yè gw’eliṽa. N’azôngyô yè n’aṉag’awenge avila gô Galile, n’avila gô Yuda, 8n’avila gô Yerusalèm, n’avila gw’Idumea, n’avila gô ntye mori yi Yoridan; na waô w’avegagi vingôvingô Tir ni Sidôn, aṉag’awenge gw’ayogyô waô isam̃u yôdu y’alendôgô yè, w’aṽyeṉi gôre yè. 9N’awulinyi yè iṉèngi yè inè, elende zi ga wônde yè g’ômwanja w’iparaṉa s’aṉaga, waô vende bangatyè. 10Konde aliwô ajingi awenge. Yeṉo aṉaga waôdu w’avegagi ni nkaṉi w’aṽangatyi yè gô bwatè. 11N’aṉiṉa m’isèkè, gw’ayeṉi mô yè, m’avôswi g’ôzô wè, arônga inè: Awè n’Ômwaṉa w’Anyambyè. 12Ndô alegi mô pôlô inè, m’avangè gô myô.
13Avandi yè gô nômba; n’aweyi yè waô w’aṽelyô yè, n’aṽyeṉi waô gôre yè. 14N’alôṽyi yè igôm̃i ny’aṉaga n’aṉag’aṽaṉi, inè, wi ga lwaṉe na yè, ko yè tôm̃a waô gw’ikambiṉa, 15na gô dwaṉa ni ngulu yi jing’inkaṉi na gô tômb’aṉiṉ’ambe. 16N’aṽèti yè Simôn, inè Pyère;
17Yakobu, y’ômwaṉa wi Zebeday, ni Yôan, ya mwô’ngwè wi Yakobu, n’aṽèti yè waô inè, Bôanèrgès, nyi pivya inè, awaṉa wi njalitôṽa; 18Andru; Filipi; Bartelemi; Matay; Tômas; Yakobu, y’ômwaṉa w’Alifas; Tadyus; Simôn, ya mwô’Kanaan; 19ni Yudas Iskariot, y’agondi Yesu.
20N’ayingiṉi waô gô nagô! n’arô bengaṉi aṉaga bekabeka; yeṉo wi re jolye vangaṉe gô ny’inya.
21Gw’ayogyô mongi Yesu nt’arweṉi, w’agèndi gô kôtè, konde w’awulyi nè: Aperyô n’ôgu. 22N’irèndisi, y’azum̃iṉi avila gô Yerusalèm, y’awulyi nè: Are ni Beèlzebul; e kôve tômb’aṉiṉ’ambe vo ôvangiṉi w’aṉiṉ’ambe. 23N’aweyô waô ne Yesu, agôviṉa waô inkôgô inè: Satan ko jolye tômbe Satan sè? 24Na j’iṉongo ny’akeraṉa nyômè, gambèṉè iṉongo mè ny’ayolye dwaṉe; 25na ja nagô y’akeraṉa yômè, gambèṉè nagô mè y’ayolye dwaṉe. 26Sambô ja Satan akum̃aṉa gô sir’ôkuṽi wèmè, gambèṉè akeraṉi, ayolye dwane, ndô are pyèrè ni ntyay yè. 27E zel’ôma re ko jolya gô jingiṉa gô nagô y’ôma wi ngulu, agwèr’igumbi nyè, kaô adônge kôr’ôma mè wi ngulu, gambèṉè akwère nagô yè. 28Rèti mi bulinya ṉwè inè, ibe sôdu si be nyezô awaṉa w’aṉaga, n’ipèdya si pèdya waô Anyambyè; 29ndô ôm’edu e be pèdy’Iṉiṉ’Iṽya alèng’inyezô gô koṉako, ndô ar’ôgara w’ibe sa pèkèpèkè. 30Yesu agambi yeṉo, konde w’awulyi nè: Are n’iṉiṉ’iṽe.
31Aṽyeṉi ngi yè n’awôngi yè, agum̃aṉa gw’igala, arôm̃a gô fweyè. 32N’aṉaga w’avegagi dwaṉa pa baru agômbiṉè vingô; n’awulinyi waô yè inè: Vône ngi yo n’ awôngi yo wi buto gw’igala. 33N’awiṉizi yè inè: Ngi yam̃, n’awôngi yam̃ kè mande? 34N’avôni yè waô w’avegagi dwaṉa pa barugebaru gôre yè vingôvingô, awulya inè: Vônaṉi ngi yam̃, n’awôngi yam̃. 35Konde ôm’edu e dende ntondiṉi y’Anyambyè, ayè ne mwô’ngi yam̃ ôṉôm̃e, n’ezombi zam̃, ni ngi yam̃.
Currently Selected:
Mark 3: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Mark 3
3
1Arô jingiṉi Yesu gô nagô yi soṉo. N’aliṽinyi yè vovo ôma re ôgo juwa pa. 2N’aṽèmbagi waô Yesu vende twa e be jingè gô ntyugu yi soṉo, ko waô dènge ntiṉa yi sozizè. 3N’awulinyi Yesu ôma w’avegagi ôgo juwa pa inè: Gum̃aṉa gôre, gô garegare. 4N’awulinyi yè waô inè: Are kwèkwè gô ntyugu yi soṉo gô dende mbya, mbè gô dende mbe; gô sungiṉ’em̃èṉo, mbè gô jôṉa? Ndô w’alwaṉi dodo. 5N’avôni yè waô vingôvingô n’eguṉu, njeṉag’ekèṽa g’ômwanja wi njoliṉi y’irèm̃i yaô, n’awulinyi yè ôma mè inè: Nyonyuṉ’ôgo wo. N’anyonyuṉi yè wô, n’arweṉi ôgo wè mbyambye.
6Agogw’ifarisi, awônde môndo pelè g’ômwanji wè, waô ni mongi Erod, nt’are waô ko jôṉè.
7Agèndi Yesu n’iṉèngi yè gw’eliṽa. N’azôngyô yè n’aṉag’awenge avila gô Galile, n’avila gô Yuda, 8n’avila gô Yerusalèm, n’avila gw’Idumea, n’avila gô ntye mori yi Yoridan; na waô w’avegagi vingôvingô Tir ni Sidôn, aṉag’awenge gw’ayogyô waô isam̃u yôdu y’alendôgô yè, w’aṽyeṉi gôre yè. 9N’awulinyi yè iṉèngi yè inè, elende zi ga wônde yè g’ômwanja w’iparaṉa s’aṉaga, waô vende bangatyè. 10Konde aliwô ajingi awenge. Yeṉo aṉaga waôdu w’avegagi ni nkaṉi w’aṽangatyi yè gô bwatè. 11N’aṉiṉa m’isèkè, gw’ayeṉi mô yè, m’avôswi g’ôzô wè, arônga inè: Awè n’Ômwaṉa w’Anyambyè. 12Ndô alegi mô pôlô inè, m’avangè gô myô.
13Avandi yè gô nômba; n’aweyi yè waô w’aṽelyô yè, n’aṽyeṉi waô gôre yè. 14N’alôṽyi yè igôm̃i ny’aṉaga n’aṉag’aṽaṉi, inè, wi ga lwaṉe na yè, ko yè tôm̃a waô gw’ikambiṉa, 15na gô dwaṉa ni ngulu yi jing’inkaṉi na gô tômb’aṉiṉ’ambe. 16N’aṽèti yè Simôn, inè Pyère;
17Yakobu, y’ômwaṉa wi Zebeday, ni Yôan, ya mwô’ngwè wi Yakobu, n’aṽèti yè waô inè, Bôanèrgès, nyi pivya inè, awaṉa wi njalitôṽa; 18Andru; Filipi; Bartelemi; Matay; Tômas; Yakobu, y’ômwaṉa w’Alifas; Tadyus; Simôn, ya mwô’Kanaan; 19ni Yudas Iskariot, y’agondi Yesu.
20N’ayingiṉi waô gô nagô! n’arô bengaṉi aṉaga bekabeka; yeṉo wi re jolye vangaṉe gô ny’inya.
21Gw’ayogyô mongi Yesu nt’arweṉi, w’agèndi gô kôtè, konde w’awulyi nè: Aperyô n’ôgu. 22N’irèndisi, y’azum̃iṉi avila gô Yerusalèm, y’awulyi nè: Are ni Beèlzebul; e kôve tômb’aṉiṉ’ambe vo ôvangiṉi w’aṉiṉ’ambe. 23N’aweyô waô ne Yesu, agôviṉa waô inkôgô inè: Satan ko jolye tômbe Satan sè? 24Na j’iṉongo ny’akeraṉa nyômè, gambèṉè iṉongo mè ny’ayolye dwaṉe; 25na ja nagô y’akeraṉa yômè, gambèṉè nagô mè y’ayolye dwaṉe. 26Sambô ja Satan akum̃aṉa gô sir’ôkuṽi wèmè, gambèṉè akeraṉi, ayolye dwane, ndô are pyèrè ni ntyay yè. 27E zel’ôma re ko jolya gô jingiṉa gô nagô y’ôma wi ngulu, agwèr’igumbi nyè, kaô adônge kôr’ôma mè wi ngulu, gambèṉè akwère nagô yè. 28Rèti mi bulinya ṉwè inè, ibe sôdu si be nyezô awaṉa w’aṉaga, n’ipèdya si pèdya waô Anyambyè; 29ndô ôm’edu e be pèdy’Iṉiṉ’Iṽya alèng’inyezô gô koṉako, ndô ar’ôgara w’ibe sa pèkèpèkè. 30Yesu agambi yeṉo, konde w’awulyi nè: Are n’iṉiṉ’iṽe.
31Aṽyeṉi ngi yè n’awôngi yè, agum̃aṉa gw’igala, arôm̃a gô fweyè. 32N’aṉaga w’avegagi dwaṉa pa baru agômbiṉè vingô; n’awulinyi waô yè inè: Vône ngi yo n’ awôngi yo wi buto gw’igala. 33N’awiṉizi yè inè: Ngi yam̃, n’awôngi yam̃ kè mande? 34N’avôni yè waô w’avegagi dwaṉa pa barugebaru gôre yè vingôvingô, awulya inè: Vônaṉi ngi yam̃, n’awôngi yam̃. 35Konde ôm’edu e dende ntondiṉi y’Anyambyè, ayè ne mwô’ngi yam̃ ôṉôm̃e, n’ezombi zam̃, ni ngi yam̃.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.