Mark 4
4
1Arô pakilyi Yesu gô nènja g’ôzamba w’eliṽa. N’aṽengaṉi aṉag’awenge gôre yè; yeṉo agweṉi yè gw’elende, alwaṉa baru gô zô, gw’eliṽa. N’aṉaga waôdu w’avegagi gô ntye, g’ôsaṽa w’eliṽa. 2N’aṉènji yè waô isam̃u imyenge n’inkôgô, n’awulinyi yè waô gw’inènji sè inè:
3Vôganyôṉi. Vônaṉi, ônyènyisi agèndi gô nyènya. 4N’arweṉi gw’anyènyagi yè, ilônd’imyèwo y’avôswi gô mpoṉo: n’aṽyeṉ’inyoṉi, anya yô. 5Imyèwo y’avôswi gw’imbôra s’adô, si re si re pegege ni ntyèngè nyenge: n’azunge fweli yô, konde yi re pegege ni ntyèngè nyenge; 6ndô gw’arongwi nkômbe, y’avezyô ayôm̃a, konde yi re pegege n’iramba. 7Imyèwo y’avôswi gw’arèndè: n’avôm̃’arèndè, araga yô, ko y’ayaṉ’ilônda. 8Imyèwo y’avôswi gô ntyèngè mbya: n’ayaṉi yô ilônda, mpôm̃aga ni mpendaga, n’ayaṉi yô, ôm̃ori agôm̃i ararô, n’ôm̃ori agôm̃i ôrôṽa, n’ôm̃ori nkam̃a. 9Avila vovo awulyi yè inè: Ayè yi re n’arôy gô jogo e ga yogo.
10Gw’avegagi yè anka, waô w’avegagi na yè vingôvingô n’igôm̃i n’aṽaṉi w’aṽambyi yè g’ômwanja w’inkôgô mè. 11N’awulinyi yè waô inè: Aṉw’are pô pa ôsam̃u w’iyumbuṉô w’iṉongo ny’Anyambyè; ndô gôre waô wi re gw’igala isam̃u yôdu yi kambô n’inkôgô, 12inè, gw’ijeṉa wi ga yeṉe ko w’azilya, na gw’ijogo wi ga yogo ko w’agôtiza, wi vende kalwa, ko ibe saô nyezô waô. 13N’arô bulinyi yè waô inè: Aṉwè pa kôtize nkôgô yiṉo? Sambô aṉwè be kôtiz’inkôgô sôdu sè?
14Ônyènyisi e nyèny’igamba. 15Wiṉo wi re gô mpoṉo, gô nyènyô igamba; na waô jogo pa nyô, Satan e bya pelè gô tômb’igamba nyi re nyènyô pa gôre waô. 16Egolaṉi mèmô kè, wiṉo wi nyènyô gw’imbôra s’adô; gô jogo waô igamba, wi sunge bonga nyô ni mbya; 17ndô wi zele n’ôramba gw’ikuṽi yaô, ndô wi re kaô vo mw’ôlingô, avila vovo gô bye njuke ge ikombiza g’ômwanja w’igamba, gambèṉè wi pôswa pelè. 18N’am̃ori wi nyènyô gw’arèndè; wiṉo ne waô wi jogw’igamba, 19ndô añandi mi ntye, n’itemiza s’aṉiva, n’ôgasô wi yom̃a mori tag’igamba, ko ny’ayaṉ’ilônda. 20Am̃ori wi nyènyô gô ntyèngè mbya; wiṉo ne waô wi jogw’igamba, awonga nyô, ayaṉ’ilônda, ôm̃ori agôm̃i ararô, n’ôm̃ori agôm̃i ôrôṽa, n’ôm̃ori nkam̃a.
21Arô bulinyi yè waô inè: Ôjô wi bagô gô sôlizô gw’egara, mbè g’ôdôlôngô w’ôdô? Aranga gô fwelô g’ôsak’ôjô? 22Konde e zel’ôsam̃u jumbuṉô pa wi re w’amyezô, ge ôsam̃u wi ntyorya wi re w’awôm̃we g’ôzange. 23Jog’ôm’edu are n’arôy gô jogo e ga yogo.
24N’arô bulinyi yè waô inè: Ṽandam̃iṉaṉi nte jogo ṉwè. Aṉwè be kèṉizô n’egèṉizô zi kèṉiza na ṉwè, n’aṉwè be pô vyagaṉô. 25Konde ayè yi re dènga pa e be pô; ndô ayè yi re e zele, vangaṉ’ezom̃a zi re na yè zi be bongiṉô yè.
26Arô bulyi yè inè: Iṉongo ny’Anyambyè nyi re ga nt’ar’ôma, j’abèṉ’ilônda gô ntye; 27vangaṉ’adèwa, ge aṉongw’ôgwèra n’ôm̃anda, gambèṉè ilônda tuwuṉa avôm̃a, ko yè amye mpongo. 28Ntye yi jaṉ’ilônda yômè, gw’alônga agônjô, avila vovo ijavi, avila vovo antyo ayoli gw’ijavi; 29ndô gô jol’ilônda, e sunge tôm̃’ôkwara, konde egômbe z’iteṉa z’asiṽi.
30Arô bulyi yè inè: Azwè be kèṉiz’iṉongo ny’Anyambyè n’ezom̃a nde, ge azwè be kolaṉa nyô ni nkôgô nde? 31Nyi r’egolaṉi g’intyo nyi mutardi, nyi re gô bèṉô nyô gô ntye, nyi r’inyangô vyagaṉô n’ ilônda yôdu yi re gô ntye; 32ndô ja ny’abèṉô, nyi pôm̃a arw’ivôlô vyagaṉô n’ôwongw’edu, awely’ampari ampôlô; yeṉo inyoṉi s’igôṉô ko dwaṉa gw’iviri nya zô.
33N’agambiṉi yè waô igamba n’inkôgô sinyenge egolaṉi ga siṉo, nt’are waô ko jolye jogo. 34E pa kamba du na waô nkôgô fo; ndô gw’avegagi waô anka, aṽènguṉi yè isam̃u yôdu gôr’iṉèngi yè.
35Ôwenja mèmô, nkôlô, Yesu awulinyi waô inè: Azwè ga lalyeṉi gô ntye mori. 36Waô fwiṉiza p’aṉaga, w’aṽagi yè nt’avegagi yè gw’elende; avegagi kè lende yèṉè na yè. 37N’azingi ôgul’ômpôlô, n’awol g’ikeṽa gw’elende, yeṉo elende z’arô jônyi n’aṉingô. 38N’ayèmè avegagi gw’atiṉa dèwa pa g’ôdô. N’ayèm̃i waô yè, awulinyè inè: Ôṉènji ô ze n’isolo j’azw’apera? 39N’aṉongwi yè, aleg’ômpunga, awulinye mbeṉe inè: Lwaṉa dodo! Voṉare! N’ayèki ômpunga, alimbiṉ’ôdèmbè ômpôlô. 40N’awulinyi yè waô inè: Aṉwè tya ntiṉa nde? Aṉwè p’are ibekelya fo sè? 41Agôtyô waô n’itya ipôlô, awulyaṉa inè: Sambô wiṉo mande, are vangaṉe ômpunga ni mbeṉe yi jogiṉô yè?
Currently Selected:
Mark 4: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Mark 4
4
1Arô pakilyi Yesu gô nènja g’ôzamba w’eliṽa. N’aṽengaṉi aṉag’awenge gôre yè; yeṉo agweṉi yè gw’elende, alwaṉa baru gô zô, gw’eliṽa. N’aṉaga waôdu w’avegagi gô ntye, g’ôsaṽa w’eliṽa. 2N’aṉènji yè waô isam̃u imyenge n’inkôgô, n’awulinyi yè waô gw’inènji sè inè:
3Vôganyôṉi. Vônaṉi, ônyènyisi agèndi gô nyènya. 4N’arweṉi gw’anyènyagi yè, ilônd’imyèwo y’avôswi gô mpoṉo: n’aṽyeṉ’inyoṉi, anya yô. 5Imyèwo y’avôswi gw’imbôra s’adô, si re si re pegege ni ntyèngè nyenge: n’azunge fweli yô, konde yi re pegege ni ntyèngè nyenge; 6ndô gw’arongwi nkômbe, y’avezyô ayôm̃a, konde yi re pegege n’iramba. 7Imyèwo y’avôswi gw’arèndè: n’avôm̃’arèndè, araga yô, ko y’ayaṉ’ilônda. 8Imyèwo y’avôswi gô ntyèngè mbya: n’ayaṉi yô ilônda, mpôm̃aga ni mpendaga, n’ayaṉi yô, ôm̃ori agôm̃i ararô, n’ôm̃ori agôm̃i ôrôṽa, n’ôm̃ori nkam̃a. 9Avila vovo awulyi yè inè: Ayè yi re n’arôy gô jogo e ga yogo.
10Gw’avegagi yè anka, waô w’avegagi na yè vingôvingô n’igôm̃i n’aṽaṉi w’aṽambyi yè g’ômwanja w’inkôgô mè. 11N’awulinyi yè waô inè: Aṉw’are pô pa ôsam̃u w’iyumbuṉô w’iṉongo ny’Anyambyè; ndô gôre waô wi re gw’igala isam̃u yôdu yi kambô n’inkôgô, 12inè, gw’ijeṉa wi ga yeṉe ko w’azilya, na gw’ijogo wi ga yogo ko w’agôtiza, wi vende kalwa, ko ibe saô nyezô waô. 13N’arô bulinyi yè waô inè: Aṉwè pa kôtize nkôgô yiṉo? Sambô aṉwè be kôtiz’inkôgô sôdu sè?
14Ônyènyisi e nyèny’igamba. 15Wiṉo wi re gô mpoṉo, gô nyènyô igamba; na waô jogo pa nyô, Satan e bya pelè gô tômb’igamba nyi re nyènyô pa gôre waô. 16Egolaṉi mèmô kè, wiṉo wi nyènyô gw’imbôra s’adô; gô jogo waô igamba, wi sunge bonga nyô ni mbya; 17ndô wi zele n’ôramba gw’ikuṽi yaô, ndô wi re kaô vo mw’ôlingô, avila vovo gô bye njuke ge ikombiza g’ômwanja w’igamba, gambèṉè wi pôswa pelè. 18N’am̃ori wi nyènyô gw’arèndè; wiṉo ne waô wi jogw’igamba, 19ndô añandi mi ntye, n’itemiza s’aṉiva, n’ôgasô wi yom̃a mori tag’igamba, ko ny’ayaṉ’ilônda. 20Am̃ori wi nyènyô gô ntyèngè mbya; wiṉo ne waô wi jogw’igamba, awonga nyô, ayaṉ’ilônda, ôm̃ori agôm̃i ararô, n’ôm̃ori agôm̃i ôrôṽa, n’ôm̃ori nkam̃a.
21Arô bulinyi yè waô inè: Ôjô wi bagô gô sôlizô gw’egara, mbè g’ôdôlôngô w’ôdô? Aranga gô fwelô g’ôsak’ôjô? 22Konde e zel’ôsam̃u jumbuṉô pa wi re w’amyezô, ge ôsam̃u wi ntyorya wi re w’awôm̃we g’ôzange. 23Jog’ôm’edu are n’arôy gô jogo e ga yogo.
24N’arô bulinyi yè waô inè: Ṽandam̃iṉaṉi nte jogo ṉwè. Aṉwè be kèṉizô n’egèṉizô zi kèṉiza na ṉwè, n’aṉwè be pô vyagaṉô. 25Konde ayè yi re dènga pa e be pô; ndô ayè yi re e zele, vangaṉ’ezom̃a zi re na yè zi be bongiṉô yè.
26Arô bulyi yè inè: Iṉongo ny’Anyambyè nyi re ga nt’ar’ôma, j’abèṉ’ilônda gô ntye; 27vangaṉ’adèwa, ge aṉongw’ôgwèra n’ôm̃anda, gambèṉè ilônda tuwuṉa avôm̃a, ko yè amye mpongo. 28Ntye yi jaṉ’ilônda yômè, gw’alônga agônjô, avila vovo ijavi, avila vovo antyo ayoli gw’ijavi; 29ndô gô jol’ilônda, e sunge tôm̃’ôkwara, konde egômbe z’iteṉa z’asiṽi.
30Arô bulyi yè inè: Azwè be kèṉiz’iṉongo ny’Anyambyè n’ezom̃a nde, ge azwè be kolaṉa nyô ni nkôgô nde? 31Nyi r’egolaṉi g’intyo nyi mutardi, nyi re gô bèṉô nyô gô ntye, nyi r’inyangô vyagaṉô n’ ilônda yôdu yi re gô ntye; 32ndô ja ny’abèṉô, nyi pôm̃a arw’ivôlô vyagaṉô n’ôwongw’edu, awely’ampari ampôlô; yeṉo inyoṉi s’igôṉô ko dwaṉa gw’iviri nya zô.
33N’agambiṉi yè waô igamba n’inkôgô sinyenge egolaṉi ga siṉo, nt’are waô ko jolye jogo. 34E pa kamba du na waô nkôgô fo; ndô gw’avegagi waô anka, aṽènguṉi yè isam̃u yôdu gôr’iṉèngi yè.
35Ôwenja mèmô, nkôlô, Yesu awulinyi waô inè: Azwè ga lalyeṉi gô ntye mori. 36Waô fwiṉiza p’aṉaga, w’aṽagi yè nt’avegagi yè gw’elende; avegagi kè lende yèṉè na yè. 37N’azingi ôgul’ômpôlô, n’awol g’ikeṽa gw’elende, yeṉo elende z’arô jônyi n’aṉingô. 38N’ayèmè avegagi gw’atiṉa dèwa pa g’ôdô. N’ayèm̃i waô yè, awulinyè inè: Ôṉènji ô ze n’isolo j’azw’apera? 39N’aṉongwi yè, aleg’ômpunga, awulinye mbeṉe inè: Lwaṉa dodo! Voṉare! N’ayèki ômpunga, alimbiṉ’ôdèmbè ômpôlô. 40N’awulinyi yè waô inè: Aṉwè tya ntiṉa nde? Aṉwè p’are ibekelya fo sè? 41Agôtyô waô n’itya ipôlô, awulyaṉa inè: Sambô wiṉo mande, are vangaṉe ômpunga ni mbeṉe yi jogiṉô yè?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.