Matay 25
25
1Egômbe mè iṉongo ny’ôrôṽa nyi be kolaṉô n’igôm̃i ny’azali, m’awong’ ilambi saô agènda gô dataṉa n’ôṉôm̃e jômba. 2Ataṉè gôre waô w’avegag’item̃u, n’ataṉè kè ikeli. 3Item̃u, gw’awongi waô ilambi saô wi pa bong’agali na sô; 4ndô waô w’ikeli w’awong’agali gw’imbute saô n’ ilambi saô ta. 5Na gw’alingagi ôṉôm̃e jômba, waôdu w’am̃ègi alèw’ antyôviṉô. 6Ndô ôgwèra ṉengeṉenge arweṉi mbôgiṉa inè: Vônaṉi, ôṉôm̃e jômba e bya, gèndaṉi gô dataṉa na yè! 7Vovo aṉongwi azali mèmoṉo môdu, avang’ ilambi saô. 8N’item̃u w’awulinyi m’ikeli inè: Vaṉi zwè agali avila gw’agali maṉi, konde ilambi sazô s’aṉim̃i. 9Ndô m’ikeli m’awiṉizi nè: Nyawè, mi vende dwaṉa m’ageka na zwè na ṉwè; rô kèndeṉi gôre mongi kôla, ko kôlaṉ’im̃aṉi. 10Na gw’ agèndi waô gô kôla, aṽyeṉi ôṉôm̃e jômba; na waô w’avegagi keka pa w’ayingiṉi na yè gô ñanja y’ijômbaṉa, n’aṉunjyô iguge. 11Avila vovo, aṽyeṉi kè azali am̃ori, awulya inè: Rera, Rera, ṉunguṉa zwè iguge. 12Ndô awiṉizi nè: Giligili mi bulinya ṉwè inè: My’amye ṉwè.
13Sambô ṽèmbagaṉi, konde aṉwè pa mye ntyugu ge igwèra.
14Yi be dwaṉa g’ôma e kènd’ôgèndo gô ntye nyèṉè, e fwey’inyôngô sè, ava sô igumbi nyè. 15N’aveṉi yè ôm̃ori talènt’ôtaṉè, n’ôm̃ori mbaṉi, n’ôm̃ori mori, gôr’ôm’edu ga nt’avegagi ngulu yè, n’agèndi yè pelè. 16N’agèndi yè y’avenyô talènt’ôtaṉè agôl’ôkita na sô, n’alèngi yè italènti sinyèṉè ôtaṉè. 17Egolaṉi mèmô kè ayè y’avenyô talènti mbaṉi alèngi sinyèṉè kè mbaṉi. 18Ndô ayè y’avenyô mori, agèndi arumba gô ntye, ayumbuṉe sika ya reri yè. 19Ôling’ôla vyagaṉô, aṽyeṉi rerè y’inyôngô mè, aṽambya waô ntangô. 20N’aṽyeṉi ôm’avenyô talènt’ôtaṉè, aṽag’italènti sinyèṉè ôtaṉè, awulya inè: Rera, w’aveṉi myè talènt’ôtaṉè, vôna, my’are dènga p’italènti sinyèṉè kè ôtaṉè. 21Reri yè awulinyi yè inè: Mbyambye, awè nyôngô mbya na y’ibekelyô; ô re dwaṉa p’ôma w’ibekelyô gô yom̃a yèwo, mi be dôṽyo ewônjô zi yom̃a yenge; gweṉa gô mbya ya reri yo. 22N’aṽyeṉi yè kè y’avenyô talènti mbaṉi, awulya inè: Rera, w’aveṉi myè talènti mbaṉi, vôna, my’are dènga p’italènti sinyèṉè kè mbaṉi. 23Reri yè awulinyi yè inè: Mbyambye, awè nyôngô mbya na y’ibekelyô; ô re dwaṉa p’ôma w’ibekelyô gô yom̃a yèwo, mi be dôṽyo ewônjô zi yom̃a yenge; gweṉa gô mbya ya reri yo. 24N’aṽyeṉi yè kè y’avenyô talènti mori, awulya inè: Rera, my’amyeṉi nè, awè ôm’ôyoli, ô teṉe mbôra yi re wè pa bèṉa, agum̃inya kè avila gô mbôra yi re wè pa pazangaṉa; 25n’aryeṉi myè, agènda, ayumbuṉe talènti yo gô ntye; vôna, wong’ezom̃i zo. 26Ndô reri yè awiṉizi yè inè: Awè, nyôngô mbe n’ôgera, w’amyeṉi nè, mi teṉe mbôra yi re myè pa bèṉa, agum̃inya avila gô mbôra yi re myè pa pazangaṉa; 27sambô arô dwaṉi kwèkwè gôre wè gô fwele siki yam̃ gôre mongi pendakaṉ’idolè, gambèṉè gw’ibyi sam̃ my’atô dèngi yam̃im̃è n’ôba ta. 28Sambô wongiṉaṉi yè talènti mè, ko paṉi yô gôr’ôma re n’igôm̃i ny’italènti. 29Konde ayè yi re dènga pa e be pô, ko yè bunyô, ndô ayè yi re e zele dènga pa, vangaṉ’ezom̃a zi re na yè, zi be bongiṉô yè. 30Walaṉi kè nyôngô y’isolo fo mèyo gô mpiri ya doṽadoṽa; gôgô be dwaṉ’edingô ni nkègèrè y’anô.
31Ndô gô be by’Ômwaṉa w’ôma gw’ivendi nyè, n’iyenjèl sôdu na yè, vovo e be dwaṉa baru gw’eka z’ivendi nyè. 32N’aṉongo môdu mi be datizô g’ôzô wè, ko yè kera waô ga nte ker’ôvenjavenji w’adombè ager’adombè avila gw’imbôṉi; 33e be dôṽy’ adombè g’ôgo wè ôṉôm̃yè, n’imbôṉi g’ôgo wè ônyantwè. 34Vovo ôga e be bulinya waô wi re g’ôgo wè ôṉôm̃yè inè: Yôgôṉi, aṉwè yi re saviṉô pa ne Reri yam̃; ko nivaṉ’iṉongo ny’agekizyô ṉwè avila gw’idôṽyô si ntye. 35Konde my’ayogyô njaṉa, ko ṉwè pa myè inya; my’agôtyô n’esôve, ko ṉwè jonja myè; my’ avegag’ ôgènda, ko ṉwè jinginya myè; 36my’avegagi tele, ko ṉwè nwanya myè; my’ayogyô nkaṉi, ko ṉwè bala myè; my’avegagi gô ntyôgô, ko ṉwè bya gô jeṉa myè. 37Vovo agôre wi be fwiṉizè inè: Rera, egômbe ze z’ayeṉi zwè wè ni njaṉa, ko zwè nyezo? ge kôtô pa n’esôve, ko zwè jonjo? 38Egômbe ze z’ayeṉi zwè wè ôgènda, ko zwè jinginyo; ge tele, ko zwè nwanyo? 39Egômbe ze z’ayeṉi zwè wè ni nkaṉi, ge gô ntyôgô, ko zwè byagaga gôre wè? 40Ndô ôga e be fwiṉiza waô inè: Giligili mi bulinya ṉwè inè, nyongw’edu y’alendyô ṉwè isam̃u yiṉo gôr’ôm̃ori avila gôr’ awareri yam̃ wiṉo awangô mè, aṉw’alendi yô gôre myè. 41Avila vovo e be bulinya waô wi re g’ôgo wè ônyantwè inè: Lubwaṉi avila gôre myè, aṉwè yi re savô pa; gèndaṉi g’ôgôṉi w’egômbe zôdu w’agekizyô gôre Satan n’iyenjèl sè. 42Konde my’ayogyô njaṉa, ko ṉw’ava myè inya; my’ agôtyô n’esôve, ko ṉw’ayonja myè; 43my’avegag’ôgènda, ko ṉw’ayinginya myè; my’avegagi tele, ko ṉw’aṉwanya myè; my’avegagi ni nkaṉi na gô ntyôgô, ko ṉwè aṽala myè. 44Vovo wi be fwiṉiza kè inè: Egômbe ze z’ayeṉi zwè wè ni njaṉa, ge n’esôve, ge ôgènda, ge tele, ge ni nkaṉi, ge gô ntyôgô ko zwè aṉunguṉo? 45Ndô e be fwiṉiza waô inè: Giligili mi bulinya ṉwè inè, nyongw’edu yi re ṉwè e pa dend’isam̃u yiṉo gôr’ ôm̃ori avila gôr’awareri yam̃ wiṉo awangômè, aṉwè pa dende yô kè gôre myè. 46Wiṉo wi be kènda gw’azingô m’egômbe zôdu, ndô agôre gw’em̃èṉo z’egômbe zôdu.
Currently Selected:
Matay 25: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Matay 25
25
1Egômbe mè iṉongo ny’ôrôṽa nyi be kolaṉô n’igôm̃i ny’azali, m’awong’ ilambi saô agènda gô dataṉa n’ôṉôm̃e jômba. 2Ataṉè gôre waô w’avegag’item̃u, n’ataṉè kè ikeli. 3Item̃u, gw’awongi waô ilambi saô wi pa bong’agali na sô; 4ndô waô w’ikeli w’awong’agali gw’imbute saô n’ ilambi saô ta. 5Na gw’alingagi ôṉôm̃e jômba, waôdu w’am̃ègi alèw’ antyôviṉô. 6Ndô ôgwèra ṉengeṉenge arweṉi mbôgiṉa inè: Vônaṉi, ôṉôm̃e jômba e bya, gèndaṉi gô dataṉa na yè! 7Vovo aṉongwi azali mèmoṉo môdu, avang’ ilambi saô. 8N’item̃u w’awulinyi m’ikeli inè: Vaṉi zwè agali avila gw’agali maṉi, konde ilambi sazô s’aṉim̃i. 9Ndô m’ikeli m’awiṉizi nè: Nyawè, mi vende dwaṉa m’ageka na zwè na ṉwè; rô kèndeṉi gôre mongi kôla, ko kôlaṉ’im̃aṉi. 10Na gw’ agèndi waô gô kôla, aṽyeṉi ôṉôm̃e jômba; na waô w’avegagi keka pa w’ayingiṉi na yè gô ñanja y’ijômbaṉa, n’aṉunjyô iguge. 11Avila vovo, aṽyeṉi kè azali am̃ori, awulya inè: Rera, Rera, ṉunguṉa zwè iguge. 12Ndô awiṉizi nè: Giligili mi bulinya ṉwè inè: My’amye ṉwè.
13Sambô ṽèmbagaṉi, konde aṉwè pa mye ntyugu ge igwèra.
14Yi be dwaṉa g’ôma e kènd’ôgèndo gô ntye nyèṉè, e fwey’inyôngô sè, ava sô igumbi nyè. 15N’aveṉi yè ôm̃ori talènt’ôtaṉè, n’ôm̃ori mbaṉi, n’ôm̃ori mori, gôr’ôm’edu ga nt’avegagi ngulu yè, n’agèndi yè pelè. 16N’agèndi yè y’avenyô talènt’ôtaṉè agôl’ôkita na sô, n’alèngi yè italènti sinyèṉè ôtaṉè. 17Egolaṉi mèmô kè ayè y’avenyô talènti mbaṉi alèngi sinyèṉè kè mbaṉi. 18Ndô ayè y’avenyô mori, agèndi arumba gô ntye, ayumbuṉe sika ya reri yè. 19Ôling’ôla vyagaṉô, aṽyeṉi rerè y’inyôngô mè, aṽambya waô ntangô. 20N’aṽyeṉi ôm’avenyô talènt’ôtaṉè, aṽag’italènti sinyèṉè ôtaṉè, awulya inè: Rera, w’aveṉi myè talènt’ôtaṉè, vôna, my’are dènga p’italènti sinyèṉè kè ôtaṉè. 21Reri yè awulinyi yè inè: Mbyambye, awè nyôngô mbya na y’ibekelyô; ô re dwaṉa p’ôma w’ibekelyô gô yom̃a yèwo, mi be dôṽyo ewônjô zi yom̃a yenge; gweṉa gô mbya ya reri yo. 22N’aṽyeṉi yè kè y’avenyô talènti mbaṉi, awulya inè: Rera, w’aveṉi myè talènti mbaṉi, vôna, my’are dènga p’italènti sinyèṉè kè mbaṉi. 23Reri yè awulinyi yè inè: Mbyambye, awè nyôngô mbya na y’ibekelyô; ô re dwaṉa p’ôma w’ibekelyô gô yom̃a yèwo, mi be dôṽyo ewônjô zi yom̃a yenge; gweṉa gô mbya ya reri yo. 24N’aṽyeṉi yè kè y’avenyô talènti mori, awulya inè: Rera, my’amyeṉi nè, awè ôm’ôyoli, ô teṉe mbôra yi re wè pa bèṉa, agum̃inya kè avila gô mbôra yi re wè pa pazangaṉa; 25n’aryeṉi myè, agènda, ayumbuṉe talènti yo gô ntye; vôna, wong’ezom̃i zo. 26Ndô reri yè awiṉizi yè inè: Awè, nyôngô mbe n’ôgera, w’amyeṉi nè, mi teṉe mbôra yi re myè pa bèṉa, agum̃inya avila gô mbôra yi re myè pa pazangaṉa; 27sambô arô dwaṉi kwèkwè gôre wè gô fwele siki yam̃ gôre mongi pendakaṉ’idolè, gambèṉè gw’ibyi sam̃ my’atô dèngi yam̃im̃è n’ôba ta. 28Sambô wongiṉaṉi yè talènti mè, ko paṉi yô gôr’ôma re n’igôm̃i ny’italènti. 29Konde ayè yi re dènga pa e be pô, ko yè bunyô, ndô ayè yi re e zele dènga pa, vangaṉ’ezom̃a zi re na yè, zi be bongiṉô yè. 30Walaṉi kè nyôngô y’isolo fo mèyo gô mpiri ya doṽadoṽa; gôgô be dwaṉ’edingô ni nkègèrè y’anô.
31Ndô gô be by’Ômwaṉa w’ôma gw’ivendi nyè, n’iyenjèl sôdu na yè, vovo e be dwaṉa baru gw’eka z’ivendi nyè. 32N’aṉongo môdu mi be datizô g’ôzô wè, ko yè kera waô ga nte ker’ôvenjavenji w’adombè ager’adombè avila gw’imbôṉi; 33e be dôṽy’ adombè g’ôgo wè ôṉôm̃yè, n’imbôṉi g’ôgo wè ônyantwè. 34Vovo ôga e be bulinya waô wi re g’ôgo wè ôṉôm̃yè inè: Yôgôṉi, aṉwè yi re saviṉô pa ne Reri yam̃; ko nivaṉ’iṉongo ny’agekizyô ṉwè avila gw’idôṽyô si ntye. 35Konde my’ayogyô njaṉa, ko ṉwè pa myè inya; my’agôtyô n’esôve, ko ṉwè jonja myè; my’ avegag’ ôgènda, ko ṉwè jinginya myè; 36my’avegagi tele, ko ṉwè nwanya myè; my’ayogyô nkaṉi, ko ṉwè bala myè; my’avegagi gô ntyôgô, ko ṉwè bya gô jeṉa myè. 37Vovo agôre wi be fwiṉizè inè: Rera, egômbe ze z’ayeṉi zwè wè ni njaṉa, ko zwè nyezo? ge kôtô pa n’esôve, ko zwè jonjo? 38Egômbe ze z’ayeṉi zwè wè ôgènda, ko zwè jinginyo; ge tele, ko zwè nwanyo? 39Egômbe ze z’ayeṉi zwè wè ni nkaṉi, ge gô ntyôgô, ko zwè byagaga gôre wè? 40Ndô ôga e be fwiṉiza waô inè: Giligili mi bulinya ṉwè inè, nyongw’edu y’alendyô ṉwè isam̃u yiṉo gôr’ôm̃ori avila gôr’ awareri yam̃ wiṉo awangô mè, aṉw’alendi yô gôre myè. 41Avila vovo e be bulinya waô wi re g’ôgo wè ônyantwè inè: Lubwaṉi avila gôre myè, aṉwè yi re savô pa; gèndaṉi g’ôgôṉi w’egômbe zôdu w’agekizyô gôre Satan n’iyenjèl sè. 42Konde my’ayogyô njaṉa, ko ṉw’ava myè inya; my’ agôtyô n’esôve, ko ṉw’ayonja myè; 43my’avegag’ôgènda, ko ṉw’ayinginya myè; my’avegagi tele, ko ṉw’aṉwanya myè; my’avegagi ni nkaṉi na gô ntyôgô, ko ṉwè aṽala myè. 44Vovo wi be fwiṉiza kè inè: Egômbe ze z’ayeṉi zwè wè ni njaṉa, ge n’esôve, ge ôgènda, ge tele, ge ni nkaṉi, ge gô ntyôgô ko zwè aṉunguṉo? 45Ndô e be fwiṉiza waô inè: Giligili mi bulinya ṉwè inè, nyongw’edu yi re ṉwè e pa dend’isam̃u yiṉo gôr’ ôm̃ori avila gôr’awareri yam̃ wiṉo awangômè, aṉwè pa dende yô kè gôre myè. 46Wiṉo wi be kènda gw’azingô m’egômbe zôdu, ndô agôre gw’em̃èṉo z’egômbe zôdu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.