Matay 24
24
1Gw’agogwi Yesu avila gô nagô y’Anyambyè agèndaga, iṉèngi yè y’aṽyeṉi gôre yè gô tum̃inyè nôgiṉi yi nagô y’Anyambyè. 2Ndô Yesu awulinyi waô inè: Aṉwè pa jeṉe yom̃a yiṉo yôdu? Giligili mi bulinya ṉwè inè, vèṉo arigaṉe idô gw’idô nyi re ny’avôsunyô.
3N’alwaṉi yè baru gô nômba yi yôlivi. N’aṽyeṉ’ iṉèngi yè gôre yè waô anka, awulya inè: Wulinya zwè egômbe zi be tw’isam̃u yiṉo, n’elingilyô nde zi be dwaṉa gw’ibyi so na gw’isula si ntye yiṉo?
4N’awiṉizô waô ne Yesu inè: Ṽandam̃iṉaṉi ko aremizôṉi n’ôm’edu. 5Konde awenge wi be bya gw’ini nyam̃, awulya inè: Myè ne Krist. Na wi be temiz’aṉag’awenge. 6Aṉwè be jogo g’ômwanja w’agoṽi n’intyangô s’agoṽi; azugyazugyôṉi, konde isam̃u yiṉo yi dwaṉa n’isolo gô bya. Ndô ntyay yi pa twa. 7Konde iṉongo nyi be kum̃aṉa gô nwa n’iṉongo, n’ivenda gô nwa n’ivenda, e be dwaṉa kè njaṉa n’isugyazugya si ntye gw’imbôra. 8Ndô isam̃u yiṉo yôdu n’ipakilya si njuke. 9Vovo aṉwè be nozô gô jeṉizô azingô, ko ṉwè jôṉô; n’aṉwè be numbô n’aṉongo môdu g’ômwanja w’ini nyam̃. 10Egômbe mè kè awenge wi be bendyô, ko waô piṉaṉa, aṉumbaṉa. 11E be nongwa kè ivogisi y’inôka imyenge, ko waô temiz’aṉag’awenge. 12Na g’ômwanja w’ibuṉa s’ipava, itonda s’awenge si be poṉa. 13Ndô ayè yi be kongwa kwanga gô ntyay ayè be sungiṉô. 14Ni ntyangô mbya yiṉo y’iṉongo yi be kambiṉô gô ntye yôdu, gô dwaṉ’ôyeṉi gôr’aṉongo môdu. Gambèṉè ntyay y’abya.
15Sambô, gô be jeṉa ṉwè ezom̃a z’isèkè z’agambyô ne Danyèl y’ôvogisi, kum̃aṉa pa gô mbôra y’ôrunda, (ayè yi tanguṉa e ga gôtize), 16gambèṉè waô wi re gô Yuda wi ga wange gw’inômba; 17ayè yi be diwô g’ômwanjawanja wi nagô, e ga rig’ azum̃iṉa gô bonge yom̃i yè yi re gô nagô yè; 18n’ayè yi be diwô gô ntyaga e ga rig’awinya gô nyum̃a gô bonge ngoy yè. 19Ndô azile gôr’antô wi be diwô n’anyem̃e na gôre waô wi jonj’awaṉa gw’intyugu mèsoṉo! 20Gambiṉaṉi nè, ifangi saṉi s’alwaṉa gw’egômbe z’ifwe, ge gô ntyugu yi soṉo. 21Konde egômbe mè, e be dwaṉ’azingô ampôlômè, mi re mi pa dwaṉa ni mori avila gw’ipakilya si ntye aṽya vèṉo, mô kè m’arô dwaṉe nyèṉè. 22N’arwe nè intyugu mèsono si pa tuṉizô, gavoṉo azungiṉ’ôzôny’edu; ndô g’ômwanja wa mongi wi re pinjô pa, intyugu mèsoṉo si be tuṉizô. 23Egômbe mè j’aṉw’abulinyô n’ôma inè: Vônaṉi Krist are vèṉo ge vovo, aṽekelyaṉi yè. 24Konde e be bôm̃unya ikrist s’inôka n’ivogisi y’inôka, ko waô dend’isam̃u yi mamô ni lemba vôlô, gô temiza, ja y’ajolyô, vangaṉe mongi wi re pinjô pa. 25Vônaṉi, my’are bulinya pa ṉwè egômbe ṽyagaga ro. 26Sambô, ja w’abulinya ṉwè inè: Vônaṉi, are gw’itôve, agèndaṉi gôgô; ge inè, vônaṉi, are gw’ inontye, aṽekelyaṉ’igamba mè. 27Konde ga nt’ar’ikèm̃iṉa s’ôwenja avila gô nkôṽa yi tongwa ni nkômbe aṽamba gô nkôṽa yi kènda na yô, yeṉo be dwaṉa kè ibya s’Ômwaṉa w’ôma. 28Mbôry’edu yi re bende, vovo be dataṉ’inkungu.
29Azingô m’intyugu mèsoṉo vyagaṉô, nkômbe yi be jilanganyô pelè, n’ôgwèli wi ze tô bambiz’ iṉangi nyè nyèṉè, n’igègèṉi kè yi be pôswa avila g’ôrôṽa, n’ingulu s’ôrôṽa si be sugyazugyô. 30Egômbe mè elingilyô z’Ômwaṉa w’ôma zi be bôm̃unya g’ôrôṽa, na vovo imbuṽe si ntye sôdu si be burinya, ko sô jeṉ’Ômwaṉa w’ôma e bya gô vindi y’ôrôṽa ni ngulu n’ivend’ivôlô. 31E be tôm’iyenjèl sè n’inyôy ivôlô ny’ôrombo, ko sô datize mongi yè wi re yè pinja pa avila gw’impung’inay, n’avila g’ômônd’ôm̃ori w’ôrôṽa kwanga g’ôm̃ônd’ôm̃ori. 32Ṉèngaṉi nkôgô avila gw’erere zi figi. J’ivari nya zô ny’atwe dèla, ko ijavi fwelya, gambèṉè aṉwè mya inè, nanga y’atweṉi pyèrè. 33Yeṉo kè aṉwè, gô be jeṉa ṉwè isam̃u yiṉo yôdu myaṉi nè, Ômwaṉa w’ôma atweṉi pyèrè g’ômpômbala. 34Rèti mi bulinya ṉwè inè, ivôm̃a nyiṉo ny’avyagaṉe kaô isam̃u yiṉo yôdu y’atwa. 35Ôrôṽa ni ntye yi be pyagaṉa, ndô agambi mam̃ m’avyagaṉe du.
36Ndô g’ômwanja wi ntyugu n’igwèra, e zel’ôma wi mya, ge iyenjèl s’ôrôṽa, ge Ômwaṉa, ndô kaô Rerè dadyè. 37Ga nt’arweṉi gw’egômbe zi Nôa, yeṉo be twa kè gw’ibya s’Ômwaṉa w’ôma. 38Konde ga nt’avegagi waô intyugu s’eṉingô evôlô ṽyagaga ro, nyagaga, ni njongaga, njômbaga ni njômbizôgô, kwanga gô ntyugu y’ayingiṉi Nôa g’ôwatanga; 39ko w’amya kwanga gw’aṽyeṉi eṉingô evôlô, ayiliza waôdu: yeṉo be dwaṉa kè ibya s’Ômwaṉa w’ôma. 40Egômbe mè, aṉôm̃e aṽaṉi wi be dwaṉa gô ntyaga, ôm̃ori e be bongô ko ôm̃ori tigô; 41antô aṽaṉi wi be dwaṉa wi kil’imba gw’ezô em̃ô, ôm̃ori e be bongô ko ôm̃ori tigô. 42Sambô ṽèmbagaṉi, konde aṉwè pa mye ntyugu yi bye Reri yaṉi. 43Myaṉ’igamba nyiṉo inè, arwe nè ôṉivi wi nagô e diwô mya igwèra nyi bya n’ôfwe, gavoṉo e bèmba ko ayivire nagô yè pôduṉô. 44Yeṉo kè lwaṉaṉi keka pa kè konde Ômwaṉa w’ôma e be bya gw’igwèra nyi re ṉw’avikilye.
45Nyôngô y’ibekelyô na y’imya ne mande, are dôṽyô pa ne reri yè ewônjô z’aṉagi wè, gô pa waô inyi saô gw’egômbe za sô? 46Ôzaviṉô gôre nyôngô mè, e be diṽinyô ne reri yè, e denda yeṉo gô byè. 47Rèti mi bulinya ṉwè inè, e be dôṽyè gw’ewônjô zi yom̃i yè. 48Ndô jogo are nyôngô mbe ko yè bulya g’ôrèm̃i wè inè: Reri yam̃ e pa twa gô bya, 49ko yè pakilya gô bôl’ inyôngô na yè, ko yè nya ayonga ni yonga, 50gambèṉè rerè yi nyôngô mè e be bya gô ntyugu yi re yè e pa pikilya, na gw’igwèra nyi re yè amye, 51ko yè teṉè, avè mbôri yè n’imbyagwaṉa: gôgô e be dwaṉ’edingô ni nkègèrè y’aṉô.
Currently Selected:
Matay 24: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Matay 24
24
1Gw’agogwi Yesu avila gô nagô y’Anyambyè agèndaga, iṉèngi yè y’aṽyeṉi gôre yè gô tum̃inyè nôgiṉi yi nagô y’Anyambyè. 2Ndô Yesu awulinyi waô inè: Aṉwè pa jeṉe yom̃a yiṉo yôdu? Giligili mi bulinya ṉwè inè, vèṉo arigaṉe idô gw’idô nyi re ny’avôsunyô.
3N’alwaṉi yè baru gô nômba yi yôlivi. N’aṽyeṉ’ iṉèngi yè gôre yè waô anka, awulya inè: Wulinya zwè egômbe zi be tw’isam̃u yiṉo, n’elingilyô nde zi be dwaṉa gw’ibyi so na gw’isula si ntye yiṉo?
4N’awiṉizô waô ne Yesu inè: Ṽandam̃iṉaṉi ko aremizôṉi n’ôm’edu. 5Konde awenge wi be bya gw’ini nyam̃, awulya inè: Myè ne Krist. Na wi be temiz’aṉag’awenge. 6Aṉwè be jogo g’ômwanja w’agoṽi n’intyangô s’agoṽi; azugyazugyôṉi, konde isam̃u yiṉo yi dwaṉa n’isolo gô bya. Ndô ntyay yi pa twa. 7Konde iṉongo nyi be kum̃aṉa gô nwa n’iṉongo, n’ivenda gô nwa n’ivenda, e be dwaṉa kè njaṉa n’isugyazugya si ntye gw’imbôra. 8Ndô isam̃u yiṉo yôdu n’ipakilya si njuke. 9Vovo aṉwè be nozô gô jeṉizô azingô, ko ṉwè jôṉô; n’aṉwè be numbô n’aṉongo môdu g’ômwanja w’ini nyam̃. 10Egômbe mè kè awenge wi be bendyô, ko waô piṉaṉa, aṉumbaṉa. 11E be nongwa kè ivogisi y’inôka imyenge, ko waô temiz’aṉag’awenge. 12Na g’ômwanja w’ibuṉa s’ipava, itonda s’awenge si be poṉa. 13Ndô ayè yi be kongwa kwanga gô ntyay ayè be sungiṉô. 14Ni ntyangô mbya yiṉo y’iṉongo yi be kambiṉô gô ntye yôdu, gô dwaṉ’ôyeṉi gôr’aṉongo môdu. Gambèṉè ntyay y’abya.
15Sambô, gô be jeṉa ṉwè ezom̃a z’isèkè z’agambyô ne Danyèl y’ôvogisi, kum̃aṉa pa gô mbôra y’ôrunda, (ayè yi tanguṉa e ga gôtize), 16gambèṉè waô wi re gô Yuda wi ga wange gw’inômba; 17ayè yi be diwô g’ômwanjawanja wi nagô, e ga rig’ azum̃iṉa gô bonge yom̃i yè yi re gô nagô yè; 18n’ayè yi be diwô gô ntyaga e ga rig’awinya gô nyum̃a gô bonge ngoy yè. 19Ndô azile gôr’antô wi be diwô n’anyem̃e na gôre waô wi jonj’awaṉa gw’intyugu mèsoṉo! 20Gambiṉaṉi nè, ifangi saṉi s’alwaṉa gw’egômbe z’ifwe, ge gô ntyugu yi soṉo. 21Konde egômbe mè, e be dwaṉ’azingô ampôlômè, mi re mi pa dwaṉa ni mori avila gw’ipakilya si ntye aṽya vèṉo, mô kè m’arô dwaṉe nyèṉè. 22N’arwe nè intyugu mèsono si pa tuṉizô, gavoṉo azungiṉ’ôzôny’edu; ndô g’ômwanja wa mongi wi re pinjô pa, intyugu mèsoṉo si be tuṉizô. 23Egômbe mè j’aṉw’abulinyô n’ôma inè: Vônaṉi Krist are vèṉo ge vovo, aṽekelyaṉi yè. 24Konde e be bôm̃unya ikrist s’inôka n’ivogisi y’inôka, ko waô dend’isam̃u yi mamô ni lemba vôlô, gô temiza, ja y’ajolyô, vangaṉe mongi wi re pinjô pa. 25Vônaṉi, my’are bulinya pa ṉwè egômbe ṽyagaga ro. 26Sambô, ja w’abulinya ṉwè inè: Vônaṉi, are gw’itôve, agèndaṉi gôgô; ge inè, vônaṉi, are gw’ inontye, aṽekelyaṉ’igamba mè. 27Konde ga nt’ar’ikèm̃iṉa s’ôwenja avila gô nkôṽa yi tongwa ni nkômbe aṽamba gô nkôṽa yi kènda na yô, yeṉo be dwaṉa kè ibya s’Ômwaṉa w’ôma. 28Mbôry’edu yi re bende, vovo be dataṉ’inkungu.
29Azingô m’intyugu mèsoṉo vyagaṉô, nkômbe yi be jilanganyô pelè, n’ôgwèli wi ze tô bambiz’ iṉangi nyè nyèṉè, n’igègèṉi kè yi be pôswa avila g’ôrôṽa, n’ingulu s’ôrôṽa si be sugyazugyô. 30Egômbe mè elingilyô z’Ômwaṉa w’ôma zi be bôm̃unya g’ôrôṽa, na vovo imbuṽe si ntye sôdu si be burinya, ko sô jeṉ’Ômwaṉa w’ôma e bya gô vindi y’ôrôṽa ni ngulu n’ivend’ivôlô. 31E be tôm’iyenjèl sè n’inyôy ivôlô ny’ôrombo, ko sô datize mongi yè wi re yè pinja pa avila gw’impung’inay, n’avila g’ômônd’ôm̃ori w’ôrôṽa kwanga g’ôm̃ônd’ôm̃ori. 32Ṉèngaṉi nkôgô avila gw’erere zi figi. J’ivari nya zô ny’atwe dèla, ko ijavi fwelya, gambèṉè aṉwè mya inè, nanga y’atweṉi pyèrè. 33Yeṉo kè aṉwè, gô be jeṉa ṉwè isam̃u yiṉo yôdu myaṉi nè, Ômwaṉa w’ôma atweṉi pyèrè g’ômpômbala. 34Rèti mi bulinya ṉwè inè, ivôm̃a nyiṉo ny’avyagaṉe kaô isam̃u yiṉo yôdu y’atwa. 35Ôrôṽa ni ntye yi be pyagaṉa, ndô agambi mam̃ m’avyagaṉe du.
36Ndô g’ômwanja wi ntyugu n’igwèra, e zel’ôma wi mya, ge iyenjèl s’ôrôṽa, ge Ômwaṉa, ndô kaô Rerè dadyè. 37Ga nt’arweṉi gw’egômbe zi Nôa, yeṉo be twa kè gw’ibya s’Ômwaṉa w’ôma. 38Konde ga nt’avegagi waô intyugu s’eṉingô evôlô ṽyagaga ro, nyagaga, ni njongaga, njômbaga ni njômbizôgô, kwanga gô ntyugu y’ayingiṉi Nôa g’ôwatanga; 39ko w’amya kwanga gw’aṽyeṉi eṉingô evôlô, ayiliza waôdu: yeṉo be dwaṉa kè ibya s’Ômwaṉa w’ôma. 40Egômbe mè, aṉôm̃e aṽaṉi wi be dwaṉa gô ntyaga, ôm̃ori e be bongô ko ôm̃ori tigô; 41antô aṽaṉi wi be dwaṉa wi kil’imba gw’ezô em̃ô, ôm̃ori e be bongô ko ôm̃ori tigô. 42Sambô ṽèmbagaṉi, konde aṉwè pa mye ntyugu yi bye Reri yaṉi. 43Myaṉ’igamba nyiṉo inè, arwe nè ôṉivi wi nagô e diwô mya igwèra nyi bya n’ôfwe, gavoṉo e bèmba ko ayivire nagô yè pôduṉô. 44Yeṉo kè lwaṉaṉi keka pa kè konde Ômwaṉa w’ôma e be bya gw’igwèra nyi re ṉw’avikilye.
45Nyôngô y’ibekelyô na y’imya ne mande, are dôṽyô pa ne reri yè ewônjô z’aṉagi wè, gô pa waô inyi saô gw’egômbe za sô? 46Ôzaviṉô gôre nyôngô mè, e be diṽinyô ne reri yè, e denda yeṉo gô byè. 47Rèti mi bulinya ṉwè inè, e be dôṽyè gw’ewônjô zi yom̃i yè. 48Ndô jogo are nyôngô mbe ko yè bulya g’ôrèm̃i wè inè: Reri yam̃ e pa twa gô bya, 49ko yè pakilya gô bôl’ inyôngô na yè, ko yè nya ayonga ni yonga, 50gambèṉè rerè yi nyôngô mè e be bya gô ntyugu yi re yè e pa pikilya, na gw’igwèra nyi re yè amye, 51ko yè teṉè, avè mbôri yè n’imbyagwaṉa: gôgô e be dwaṉ’edingô ni nkègèrè y’aṉô.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.