Ezekyèl 36
36
1N’awè, ômwa w’ôma, voga gôr’inômba s’Israèl, awulya nè: aṉwè inômba s’Israèl, vôganyôṉ’igamba nyi Yeôva! 2Yeṉo kambe Rerè, Yeôva, inè: Gô re nè, ôlôvalôvi are bulya pa gôre ṉwè inè: Asa! Asa! sambô, imbôr’indôndwi mèsoṉo s’atweṉ’isazô gô niva sô! 3Sambô voga n’awulya nè: Yeṉo kambe Rerè, Yeôva, inè: Eñ, gô re nè, wi re panga pa ṉwè ewôga n’ayiliza ṉwè g’ôzamby’edu, ko ṉwè nivô gôr’aṉongo mi re tigaṉa pa, konde aṉw’akôtyô gw’agamba m’igambisi, n’agamb’ambe m’aṉaga, 4sambô, aṉwè inômba s’Israèl, yogoṉ’igamba nya Rerè, Yeôva! Yeṉo kambe Rerè, Yeôva, gôr’inômba na gôre sanômba, gôr’ambèra m’iloṽi na gôr’idèdè, na gôr’imbôra si re jilizô pa, na gôr’inkala si re falô pa, s’atweṉ’im̃aṉô n’isèlyô, gôr’aṉongo mi re vingôvingô. 5Sambô yeṉo kambe Rerè, Yeôva, inè: rèti gw’ivuvi nyam̃ ivôlô mi kamba gô sir’aṉongo mi re tigaṉa pa na gôr’Edom yôdu, yi re dôṽya pe ntye yam̃ gôre waômè gô niva yô, n’igeṽa ny’irèm̃i yaô nyôdu, n’ipèdya s’aṉiṉi maô, ko waô kwèr’aniva ma yô 6Sambô voga g’ômwanja wi ntye y’Israèl. n’awuliny’inômba ni sanômba, n’ambèra m’iloṽi n’idèdè, inè: Yeṉo kambe Rerè, Yeôva, inè: Vôna mi kamba, gw’ivuvi nyam̃ na gw’ibendi sam̃, konde aṉwè twaṉe ntyoṉi y’aṉongo. 7Sambô, yeṉo kambe Rerè, Yeôva, inè: Mi tômbiṉ’ôgo wam̃! Aṉongo mi re vingôvingô mi be twaṉe ntyoṉi yaô. 8Ndô aṉwè, inômba s’Israèl, aṉwè be pôm̃iz’ampari maṉi, n’ayaṉ’ilôndi yaṉi gôr’iṉongo nyam̃ Israèl; konde isam̃u yiṉo y’atweṉi pyèrè gô bya. 9Konde, vôna, my’are gôre ṉwè, mi be fwinya gôre ṉwè, n’aṉwè be janjô n’aṽèṉô. 10Mi be buṉiz’aṉaga gôre ṉwè, nagô y’Israèl yôdu; inkala si be dwaṉô, n’imbôra si re bundakaṉô pa si be nôgô. 11Mi be buṉiz’aṉaga n’inyam̃a gôre ṉwè; wi be buṉa n’ayaṉa; mi bela ṉwè gô dwaṉa ga nt’avegagi ndwaṉi yaṉi nônga; mi be jeṉiza ṉwè mbya vyagaṉô na gw’avegagi ṉwè gw’alônga; n’aṉwè be mya nè, myè ne Yeôva. 12Mi be bag’aṉaga, vangaṉ’iṉongo nyam̃ Israèl, gô nwa na ṉwè; na waô wi be nivo; ô be dwaṉ’ijigi saô, n’avila vèṉo w’ayolye tô jilize waô nyèṉè. 13Yeṉo kambe Rerè, Yeôva, inè: Gô re nè, aṉwè bulinyô nè: w’ajôṉ’aṉaga, ayiliz’iṉongo nyomè, 14sambô, gô ntiṉa mèyoṉo, w’arô jôṉ’aṉaga nyèṉè, ge jiliz’iṉongo nyomè nyèṉè, bulye Rerè, Yeôva. 15My’arô pange wè gô jogo nyèṉè iroṽo y’aṉongo, ge wè tô twaṉe ntyoṉi y’aṉaga nyèṉè, ge wè tô jiliz’iṉongo nyo nyèṉè, bulye Rerè, Yeôva.
16Igamba nyi Yeôva ny’aṽyeṉi gôre myè, awulya inè: 17Ômwa w’ôma, gw’alwaṉagi nagô y’Israèl gô ntye yaômè, w’awevizi yô vo ndendiṉi yaô n’ijanji saô; ndendiṉi yaô y’alwaṉi g’ôzô wam̃ ga nt’ar’ômwantô gw’egômbe zi re yè dwaṉa pa gw’isam̃u y’antô. 18Yeṉo my’ayir’eguṉu zam̃ gôre waô g’ômwanja wi ntyiṉa y’aluô waô w’ajiri gô ntye, na konde w’aluô fwevizi yô n’ikaṉi saô. 19N’avazangaṉi myè waô gôr’aṉongo, n’avazanganyô waô gw’intye; n’ayèkèlyi myè waô ga nt’are ndendini yaô na ga nt’ar’ijanji saô. 20N’aṽyeṉi waô gôr’aṉongo m’agèndyô waô; w’aweviz’ini nyam̃ nyi nkèrè; yeṉo w’awulinyô nè: Wiṉo ne iṉongo nyi Yeôva, w’akogunyô avila gô ntye yè. 21My’aṽeli gô sungiṉ’ini nyam̃ nyi nkèrè ny’aluô fwevizô ne nagô y’Israèl gôr’aṉongo m’agèndyô waô. 22Sambô wulinye nagô y’Israèl inè: Yeṉo kambe Rerè, Yeôva, inè: Mi pa dend’igamba nyiṉo gw’inyangi nyaṉi, nagô y’Israèl, ndô gw’inyanga ny’ini nyam̃ nyi nkèrè nyi re ṉwè fweviza pa gôr’aṉongo m’agèndyô ṉwè. 23Mi be mèpiz’ini nyam̃ ivôlô, nyi re fwevizô pa gôr’aṉongo, nyi re ṉwè fweviza pa gô garegare yaô. N’aṉongo mi be mya nè, myè ne Yeôva, bulye Rerè, Yeôva, gô be mèpizô myè gôre ṉwè gw’antyo maô. 24Mi be bonga ṉwè avila gôr’aṉongo, n’alatiza ṉwè avila gw’intye, na mi be fwiṉiza ṉwè gô ntye yaṉimè. 25Mi be boṉ’aṉingô mi nkèrè gôre ṉwè, n’aṉwè be dwaṉe nkèrè; mi be jombunya ṉwè avila gw’isèkè saṉi sôdu na gw’ikaṉi saṉi sôdu. 26Mi be pa ṉwè ôrèm̃’ômwoṉa, na mi be fwel’iṉiṉ’inyoṉa gô gare yaṉi; mi be tômb’ôrèm̃a w’idô avila gw’ikuṽi yaṉi, na mi be pa ṉwè ôrèm̃a w’ôzôṉe. 27Mi be fwel’iṉiṉi nyam̃ gô gare yaṉi, avanga ṉwè gô kangaṉa gw’intyale sam̃, ko ṉwè penjavenj’ampangi mam̃, alenda mô. 28Aṉwè be dwaṉa gô ntye y’avenyô myè gôr’ireri saṉi; aṉwè be dwaṉ’inongo nyam̃, na myè, mi be dwaṉ’Anyambyè yaṉi. 29Mi be danduṉa ṉwè avila gw’isèkè saṉi sôdu. Mi be fweye mba, awuṉiza yô; my’arô tôm̃e njaṉa nyèṉè gôre ṉwè. 30Mi be buṉiz’ilônda yi rere, n’ôwongo w’intyaga, ko ṉwè alènge ntyoṉi nyèṉè yi njaṉa gôr’aṉongo. 31Egômbe mè aṉwè be jônginye ndendiṉi yaṉi mbe n’ijanji saṉi si re pegeg’ibya; n’aṉwè be bik’ikuṽi yaṉimè gw’antyo maṉimè g’ômwanja w’ibe saṉi na g’ômwanja w’isam̃u yaṉi imbe. 32Mi pa dend’igamba nyiṉo gw’inyangi nyaṉi, bulye Rerè, Yeôva, myaṉi nyô mbyambye! Yeṉizôṉi ntyoṉi n’azayizô g’ômwanja w’impoṉo saṉi, ô nagô y’Israèl! 33Yeṉo kambe Rerè, Yeôva, inè: Gô ntyugu yi be jombunya myè ṉwè avila gw’ibe saṉi sôdu, mi be pang’inkala gô dwaṉô, n’imbôra si re bundakaṉô pa si be nôgô; 34ni ntye yi re dwaṉa p’ewôga yi be janjô, gw’avegagi yô ewôga gw’antyo ma waôdu m’avyagaṉagi; 35na yi be bulyô nè, ntye yiṉo y’avegag’ewôga y’atweṉi egolaniga ntya ga y’Edèn; inkala si re bundakaṉô pa, ni pangô p’ewôga, ni jilizô pa s’akômbiṉô ikômba, n’alwaṉô n’aṉaga. 36Vovo aṉongo mi re tigô pa vingôvingô ṉwè mi be mya nè, myè Yeôva, my’are nôga p’imbôra s’avegagi jilizô pa, aṽèṉe ntye y’avegag’ewôga. Myè, Yeôva, my’akambi, na mi be denda nyô.
37Yeṉo kambe Rerè, Yeôva, inè: Vônaṉi gw’isam̃u yi be butô myè ne nagô y’Israèl, na vônaṉi kè nte be denda myè gôre waô: mi be buṉiz’aṉaga egolaṉi g’ôlemba. 38Ga nt’ar’ôlemba wi r’ôrunda, ga nt’ar’ôlemba wi re pina pa gô Yerusalèm gw’egômbe z’ifèti sè imbya, yeṉo be jônyô inkala si re jilizô pa n’ilemba y’aṉaga. Na wi be mya nè, myè ne Yeôva.
Currently Selected:
Ezekyèl 36: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Ezekyèl 36
36
1N’awè, ômwa w’ôma, voga gôr’inômba s’Israèl, awulya nè: aṉwè inômba s’Israèl, vôganyôṉ’igamba nyi Yeôva! 2Yeṉo kambe Rerè, Yeôva, inè: Gô re nè, ôlôvalôvi are bulya pa gôre ṉwè inè: Asa! Asa! sambô, imbôr’indôndwi mèsoṉo s’atweṉ’isazô gô niva sô! 3Sambô voga n’awulya nè: Yeṉo kambe Rerè, Yeôva, inè: Eñ, gô re nè, wi re panga pa ṉwè ewôga n’ayiliza ṉwè g’ôzamby’edu, ko ṉwè nivô gôr’aṉongo mi re tigaṉa pa, konde aṉw’akôtyô gw’agamba m’igambisi, n’agamb’ambe m’aṉaga, 4sambô, aṉwè inômba s’Israèl, yogoṉ’igamba nya Rerè, Yeôva! Yeṉo kambe Rerè, Yeôva, gôr’inômba na gôre sanômba, gôr’ambèra m’iloṽi na gôr’idèdè, na gôr’imbôra si re jilizô pa, na gôr’inkala si re falô pa, s’atweṉ’im̃aṉô n’isèlyô, gôr’aṉongo mi re vingôvingô. 5Sambô yeṉo kambe Rerè, Yeôva, inè: rèti gw’ivuvi nyam̃ ivôlô mi kamba gô sir’aṉongo mi re tigaṉa pa na gôr’Edom yôdu, yi re dôṽya pe ntye yam̃ gôre waômè gô niva yô, n’igeṽa ny’irèm̃i yaô nyôdu, n’ipèdya s’aṉiṉi maô, ko waô kwèr’aniva ma yô 6Sambô voga g’ômwanja wi ntye y’Israèl. n’awuliny’inômba ni sanômba, n’ambèra m’iloṽi n’idèdè, inè: Yeṉo kambe Rerè, Yeôva, inè: Vôna mi kamba, gw’ivuvi nyam̃ na gw’ibendi sam̃, konde aṉwè twaṉe ntyoṉi y’aṉongo. 7Sambô, yeṉo kambe Rerè, Yeôva, inè: Mi tômbiṉ’ôgo wam̃! Aṉongo mi re vingôvingô mi be twaṉe ntyoṉi yaô. 8Ndô aṉwè, inômba s’Israèl, aṉwè be pôm̃iz’ampari maṉi, n’ayaṉ’ilôndi yaṉi gôr’iṉongo nyam̃ Israèl; konde isam̃u yiṉo y’atweṉi pyèrè gô bya. 9Konde, vôna, my’are gôre ṉwè, mi be fwinya gôre ṉwè, n’aṉwè be janjô n’aṽèṉô. 10Mi be buṉiz’aṉaga gôre ṉwè, nagô y’Israèl yôdu; inkala si be dwaṉô, n’imbôra si re bundakaṉô pa si be nôgô. 11Mi be buṉiz’aṉaga n’inyam̃a gôre ṉwè; wi be buṉa n’ayaṉa; mi bela ṉwè gô dwaṉa ga nt’avegagi ndwaṉi yaṉi nônga; mi be jeṉiza ṉwè mbya vyagaṉô na gw’avegagi ṉwè gw’alônga; n’aṉwè be mya nè, myè ne Yeôva. 12Mi be bag’aṉaga, vangaṉ’iṉongo nyam̃ Israèl, gô nwa na ṉwè; na waô wi be nivo; ô be dwaṉ’ijigi saô, n’avila vèṉo w’ayolye tô jilize waô nyèṉè. 13Yeṉo kambe Rerè, Yeôva, inè: Gô re nè, aṉwè bulinyô nè: w’ajôṉ’aṉaga, ayiliz’iṉongo nyomè, 14sambô, gô ntiṉa mèyoṉo, w’arô jôṉ’aṉaga nyèṉè, ge jiliz’iṉongo nyomè nyèṉè, bulye Rerè, Yeôva. 15My’arô pange wè gô jogo nyèṉè iroṽo y’aṉongo, ge wè tô twaṉe ntyoṉi y’aṉaga nyèṉè, ge wè tô jiliz’iṉongo nyo nyèṉè, bulye Rerè, Yeôva.
16Igamba nyi Yeôva ny’aṽyeṉi gôre myè, awulya inè: 17Ômwa w’ôma, gw’alwaṉagi nagô y’Israèl gô ntye yaômè, w’awevizi yô vo ndendiṉi yaô n’ijanji saô; ndendiṉi yaô y’alwaṉi g’ôzô wam̃ ga nt’ar’ômwantô gw’egômbe zi re yè dwaṉa pa gw’isam̃u y’antô. 18Yeṉo my’ayir’eguṉu zam̃ gôre waô g’ômwanja wi ntyiṉa y’aluô waô w’ajiri gô ntye, na konde w’aluô fwevizi yô n’ikaṉi saô. 19N’avazangaṉi myè waô gôr’aṉongo, n’avazanganyô waô gw’intye; n’ayèkèlyi myè waô ga nt’are ndendini yaô na ga nt’ar’ijanji saô. 20N’aṽyeṉi waô gôr’aṉongo m’agèndyô waô; w’aweviz’ini nyam̃ nyi nkèrè; yeṉo w’awulinyô nè: Wiṉo ne iṉongo nyi Yeôva, w’akogunyô avila gô ntye yè. 21My’aṽeli gô sungiṉ’ini nyam̃ nyi nkèrè ny’aluô fwevizô ne nagô y’Israèl gôr’aṉongo m’agèndyô waô. 22Sambô wulinye nagô y’Israèl inè: Yeṉo kambe Rerè, Yeôva, inè: Mi pa dend’igamba nyiṉo gw’inyangi nyaṉi, nagô y’Israèl, ndô gw’inyanga ny’ini nyam̃ nyi nkèrè nyi re ṉwè fweviza pa gôr’aṉongo m’agèndyô ṉwè. 23Mi be mèpiz’ini nyam̃ ivôlô, nyi re fwevizô pa gôr’aṉongo, nyi re ṉwè fweviza pa gô garegare yaô. N’aṉongo mi be mya nè, myè ne Yeôva, bulye Rerè, Yeôva, gô be mèpizô myè gôre ṉwè gw’antyo maô. 24Mi be bonga ṉwè avila gôr’aṉongo, n’alatiza ṉwè avila gw’intye, na mi be fwiṉiza ṉwè gô ntye yaṉimè. 25Mi be boṉ’aṉingô mi nkèrè gôre ṉwè, n’aṉwè be dwaṉe nkèrè; mi be jombunya ṉwè avila gw’isèkè saṉi sôdu na gw’ikaṉi saṉi sôdu. 26Mi be pa ṉwè ôrèm̃’ômwoṉa, na mi be fwel’iṉiṉ’inyoṉa gô gare yaṉi; mi be tômb’ôrèm̃a w’idô avila gw’ikuṽi yaṉi, na mi be pa ṉwè ôrèm̃a w’ôzôṉe. 27Mi be fwel’iṉiṉi nyam̃ gô gare yaṉi, avanga ṉwè gô kangaṉa gw’intyale sam̃, ko ṉwè penjavenj’ampangi mam̃, alenda mô. 28Aṉwè be dwaṉa gô ntye y’avenyô myè gôr’ireri saṉi; aṉwè be dwaṉ’inongo nyam̃, na myè, mi be dwaṉ’Anyambyè yaṉi. 29Mi be danduṉa ṉwè avila gw’isèkè saṉi sôdu. Mi be fweye mba, awuṉiza yô; my’arô tôm̃e njaṉa nyèṉè gôre ṉwè. 30Mi be buṉiz’ilônda yi rere, n’ôwongo w’intyaga, ko ṉwè alènge ntyoṉi nyèṉè yi njaṉa gôr’aṉongo. 31Egômbe mè aṉwè be jônginye ndendiṉi yaṉi mbe n’ijanji saṉi si re pegeg’ibya; n’aṉwè be bik’ikuṽi yaṉimè gw’antyo maṉimè g’ômwanja w’ibe saṉi na g’ômwanja w’isam̃u yaṉi imbe. 32Mi pa dend’igamba nyiṉo gw’inyangi nyaṉi, bulye Rerè, Yeôva, myaṉi nyô mbyambye! Yeṉizôṉi ntyoṉi n’azayizô g’ômwanja w’impoṉo saṉi, ô nagô y’Israèl! 33Yeṉo kambe Rerè, Yeôva, inè: Gô ntyugu yi be jombunya myè ṉwè avila gw’ibe saṉi sôdu, mi be pang’inkala gô dwaṉô, n’imbôra si re bundakaṉô pa si be nôgô; 34ni ntye yi re dwaṉa p’ewôga yi be janjô, gw’avegagi yô ewôga gw’antyo ma waôdu m’avyagaṉagi; 35na yi be bulyô nè, ntye yiṉo y’avegag’ewôga y’atweṉi egolaniga ntya ga y’Edèn; inkala si re bundakaṉô pa, ni pangô p’ewôga, ni jilizô pa s’akômbiṉô ikômba, n’alwaṉô n’aṉaga. 36Vovo aṉongo mi re tigô pa vingôvingô ṉwè mi be mya nè, myè Yeôva, my’are nôga p’imbôra s’avegagi jilizô pa, aṽèṉe ntye y’avegag’ewôga. Myè, Yeôva, my’akambi, na mi be denda nyô.
37Yeṉo kambe Rerè, Yeôva, inè: Vônaṉi gw’isam̃u yi be butô myè ne nagô y’Israèl, na vônaṉi kè nte be denda myè gôre waô: mi be buṉiz’aṉaga egolaṉi g’ôlemba. 38Ga nt’ar’ôlemba wi r’ôrunda, ga nt’ar’ôlemba wi re pina pa gô Yerusalèm gw’egômbe z’ifèti sè imbya, yeṉo be jônyô inkala si re jilizô pa n’ilemba y’aṉaga. Na wi be mya nè, myè ne Yeôva.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.