Ezekyèl 37
37
1Ôgo wi Yeôva w’avegagi gôre myè, ni Yeôva arwaṉi myè gw’iṉiṉa, n’alôṽyè myè gô garegare y’ôdèdè w’avegagi ralye ni pa. 2N’avangyè myè gô pyagaṉa vingôvingô gô yô; na vôna, avegagi pa yenge g’ôdèdè, na y’avegagi jôm̃a pa. 3N’awulinyô myè ne Yeôva inè: Ômwa w’ôma, pa yiṉo yô ko dwaṉa bo? N’awiṉizi myè, inè: Rera, Yeôva, w’avôrô. 4Arô bulinyè myè, inè: Voga gôre pa yiṉo, awulyinya yô inè: Aṉwè pa yi re jôm̃a pa, yogoṉ’igamba nyi Yeôva! 5Yeṉo kambe Rerè, Yeôva gôre pa yiṉo, inè: Vôna, mi ke pang’iṉiṉa gô jingiṉa gôre ṉwè, n’aṉwè be dwaṉa bo; 6mi be pa iganji gôre ṉwè, na mi be pang’ôzôṉe gôre ṉwè, n’avugiṉa ṉwè n’ebanda, awel’iṉiṉa gôre ṉwè, n’aṉwè be dwaṉa bo. N’aṉwè be mya nè, myè ne Yeôva. 7Yeṉo avogi myè ga nt’azômbyô myè. Na gw’avogagi myè, arweṉi nyongolè vovo, na vôna ntye y’azugyazugyi, n’alataṉi pa ta, epa gw’epi zè. 8N’avôni myè, na vôna, iganji y’arweṉi vovo gô pa, n’arweṉi yô n’ôzôṉe, n’ebanda z’avugi yô g’ôlômba; ndô e re pegag’iṉiṉa gô yô. 9N’arô bulinyè myè inè: Voga, ko kamba gôr’iṉiṉa! voga, ômwa w’ôma, n’awulya gôr’iṉiṉa inè: Yeṉo kambe Rerè, Yeôva, inè: Iṉiṉa, yôgô avila gw’impung’inay, n’avèviṉa gôre mongi siṉo wi re juwa pa, ko waô dwaṉa bo. 10Yeṉo avogi myè ga nt’azômbyi yè myè. N’ayingiṉ’iṉiṉa gôre waô, n’alwaṉi waô bo, agum̃aṉa gôre gw’agôlô maô; n’avegagi waô mbèli mpôlômè. 11N’arô bulinyè myè inè: Ômwa w’ôma, pa yiṉo yô ne nagô yôdu y’Israèl. Vôna, wi bulya nè: Pi yazô y’ajôm̃i, n’igum̃u nyazô ny’aperi, azw’ajilizyô. 12Sambô voga, awulinya waô, inè: yeṉo kambe Rerè, Yeôva, inè: Vôna, mi be nunguṉ’irôngiṉô yaṉi, avanga ṉwè gô kogwa avila gw’irôngiṉô yaṉi, aṉwè, iṉongo nyam̃, na mi be baga ṉwè gô ntye y’Israèl. 13N’aṉwè be mya nè, myè ne Yeôva, gô be nunguṉa myè irôngiṉô yaṉi, n’avanga ṉwè gô kogwa avila gw’irôngiṉô yaṉi, aṉwè, iṉongo nyam̃! 14Mi be fwel’iṉiṉi nyam̃ gôre ṉwè, n’aṉwè be dwaṉa bo; mi be fwiṉiza ṉwè gô ntye yaṉi, n’aṉwè be mya nè, myè, Yeôva, my’are nyô kamba pa, n’alenda nyô, bulye Yeôva.
15N’arô byeṉ’igamba nyi Yeôva gôre myè, awulya nè: 16N’awè, ômwa w’ôma, wonge ntimbe, n’arènda gô yô inè: Gôre Yuda, na gôr’awaṉa w’Israèl, irangaṉô yè. Gambèṉè wonga kè ntimbe nyèṉè, arènda gô yô inè: Gôre Yôsèf, ntimbe y’Efrayim, na gôre nagô y’Israèl yôdu ôrangaṉô wè na yè. 17Yônga sô mori gô mori gô panga sô gô dwaṉe ntimbe mori dadyè, ko sô kalwe ntimbe mori g’ôgo wo. 18Na j’awaṉa w’iṉongo nyo w’akamba gôre wè, awulya nè: Ô be jolye teva zwè nte pivy’isam̃u yiṉo? 19Ko bulinya waô nè: Yeṉo kambe Rerè, Yeôva, nè: Vôna, mi be bonge ntimbe yi Yôsèf, yi re g’ôgo w’Efrayim, n’imbuṽe s’Israèl irangaṉô yè; mi be datiza sô na yô inè, ntimbe yi Yuda, avanga sô ntimbe mori, na si be dwaṉa mori g’ôgo wam̃. 20N’intimbe si re wè ko tènda si be dwaṉa g’ôgo wo, gw’antyo maô. 21Ko bulinya waô nè: Yeṉo kambe Rerè, Yeôva, inè: Vôna, mi be bong’awaṉa w’Israèl avila gôr’aṉongo mi re waô kènda pa; mi be datiza waô gô nkôṽy’edu, aṽaga waô gô ntye yaômè. 22Mi be panga waô iṉongw’im̃ori gô ntye, gw’inômba s’Israèl; n’ôg’ôm̃ori wi be dwaṉ’ôga gôre waôdu; na waô w’arô dwaṉe nyèṉè aṉongw’ambaṉi, na waô w’arô keraṉe nyèṉè du ipangiṉ’ibaṉi. 23W’arô fweviz’ikuṽi yaômè nyèṉè n’ikaṉi saô, ge n’isam̃u yaô imbe, ge n’ipavi saô sôdu; mi be tômba waô avila gw’alwaṉô maô môdu mi rè waô janja p’ibe, na mi be mèpiza waô; yeṉo wi be dwaṉ’iṉongo nyam̃, na mi be dwaṉ’Anyambyè yaô. 24Nyôngô yam̃ David e be dwaṉ’ôga gôre waô, na waôdu wi be dwaṉa n’ôvenjavenj’ôm̃ori dadyè. Wi be kangaṉa gw’intyale sam̃, n’avenjavenj’ampangi mam̃, n’alenda mô. 25Wi be dwaṉa gô ntye yi re myè pa pa gôre Yakob, nyôngô yam̃, y’alwanyô ne ireri saṉi; wi be dwaṉa gô yô, waô, n’awaṉi waô, n’awaṉa w’awaṉi waô, egômbe zôdu; ni David, nyôngô yam̃, e be dwaṉ’ôvangiṉi waô, egômbe zôdu. 26Mi be jeke njeka y’am̃ènjè na waô; yi be dwaṉe njeka ya koṉako na waô; mi be dwaṉiza waô, awuṉiza waô, na mi be dôṽye nagô yam̃ y’ôrunda gô garegare yaô egômbe zôdu. 27Nagô yam̃ kè yi be dwaṉa gôre waô; na mi be dwaṉ’Anyambyè yaô, na waô wi be dwaṉ’iṉongo nyam̃. 28N’aṉongo mi be mya nè, myè ne Yeôva yi mèpiz’Israèl, gô be dwaṉe nagô yam̃ y’ôrunda gô garegare yaô egômbe zôdu.
Currently Selected:
Ezekyèl 37: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Ezekyèl 37
37
1Ôgo wi Yeôva w’avegagi gôre myè, ni Yeôva arwaṉi myè gw’iṉiṉa, n’alôṽyè myè gô garegare y’ôdèdè w’avegagi ralye ni pa. 2N’avangyè myè gô pyagaṉa vingôvingô gô yô; na vôna, avegagi pa yenge g’ôdèdè, na y’avegagi jôm̃a pa. 3N’awulinyô myè ne Yeôva inè: Ômwa w’ôma, pa yiṉo yô ko dwaṉa bo? N’awiṉizi myè, inè: Rera, Yeôva, w’avôrô. 4Arô bulinyè myè, inè: Voga gôre pa yiṉo, awulyinya yô inè: Aṉwè pa yi re jôm̃a pa, yogoṉ’igamba nyi Yeôva! 5Yeṉo kambe Rerè, Yeôva gôre pa yiṉo, inè: Vôna, mi ke pang’iṉiṉa gô jingiṉa gôre ṉwè, n’aṉwè be dwaṉa bo; 6mi be pa iganji gôre ṉwè, na mi be pang’ôzôṉe gôre ṉwè, n’avugiṉa ṉwè n’ebanda, awel’iṉiṉa gôre ṉwè, n’aṉwè be dwaṉa bo. N’aṉwè be mya nè, myè ne Yeôva. 7Yeṉo avogi myè ga nt’azômbyô myè. Na gw’avogagi myè, arweṉi nyongolè vovo, na vôna ntye y’azugyazugyi, n’alataṉi pa ta, epa gw’epi zè. 8N’avôni myè, na vôna, iganji y’arweṉi vovo gô pa, n’arweṉi yô n’ôzôṉe, n’ebanda z’avugi yô g’ôlômba; ndô e re pegag’iṉiṉa gô yô. 9N’arô bulinyè myè inè: Voga, ko kamba gôr’iṉiṉa! voga, ômwa w’ôma, n’awulya gôr’iṉiṉa inè: Yeṉo kambe Rerè, Yeôva, inè: Iṉiṉa, yôgô avila gw’impung’inay, n’avèviṉa gôre mongi siṉo wi re juwa pa, ko waô dwaṉa bo. 10Yeṉo avogi myè ga nt’azômbyi yè myè. N’ayingiṉ’iṉiṉa gôre waô, n’alwaṉi waô bo, agum̃aṉa gôre gw’agôlô maô; n’avegagi waô mbèli mpôlômè. 11N’arô bulinyè myè inè: Ômwa w’ôma, pa yiṉo yô ne nagô yôdu y’Israèl. Vôna, wi bulya nè: Pi yazô y’ajôm̃i, n’igum̃u nyazô ny’aperi, azw’ajilizyô. 12Sambô voga, awulinya waô, inè: yeṉo kambe Rerè, Yeôva, inè: Vôna, mi be nunguṉ’irôngiṉô yaṉi, avanga ṉwè gô kogwa avila gw’irôngiṉô yaṉi, aṉwè, iṉongo nyam̃, na mi be baga ṉwè gô ntye y’Israèl. 13N’aṉwè be mya nè, myè ne Yeôva, gô be nunguṉa myè irôngiṉô yaṉi, n’avanga ṉwè gô kogwa avila gw’irôngiṉô yaṉi, aṉwè, iṉongo nyam̃! 14Mi be fwel’iṉiṉi nyam̃ gôre ṉwè, n’aṉwè be dwaṉa bo; mi be fwiṉiza ṉwè gô ntye yaṉi, n’aṉwè be mya nè, myè, Yeôva, my’are nyô kamba pa, n’alenda nyô, bulye Yeôva.
15N’arô byeṉ’igamba nyi Yeôva gôre myè, awulya nè: 16N’awè, ômwa w’ôma, wonge ntimbe, n’arènda gô yô inè: Gôre Yuda, na gôr’awaṉa w’Israèl, irangaṉô yè. Gambèṉè wonga kè ntimbe nyèṉè, arènda gô yô inè: Gôre Yôsèf, ntimbe y’Efrayim, na gôre nagô y’Israèl yôdu ôrangaṉô wè na yè. 17Yônga sô mori gô mori gô panga sô gô dwaṉe ntimbe mori dadyè, ko sô kalwe ntimbe mori g’ôgo wo. 18Na j’awaṉa w’iṉongo nyo w’akamba gôre wè, awulya nè: Ô be jolye teva zwè nte pivy’isam̃u yiṉo? 19Ko bulinya waô nè: Yeṉo kambe Rerè, Yeôva, nè: Vôna, mi be bonge ntimbe yi Yôsèf, yi re g’ôgo w’Efrayim, n’imbuṽe s’Israèl irangaṉô yè; mi be datiza sô na yô inè, ntimbe yi Yuda, avanga sô ntimbe mori, na si be dwaṉa mori g’ôgo wam̃. 20N’intimbe si re wè ko tènda si be dwaṉa g’ôgo wo, gw’antyo maô. 21Ko bulinya waô nè: Yeṉo kambe Rerè, Yeôva, inè: Vôna, mi be bong’awaṉa w’Israèl avila gôr’aṉongo mi re waô kènda pa; mi be datiza waô gô nkôṽy’edu, aṽaga waô gô ntye yaômè. 22Mi be panga waô iṉongw’im̃ori gô ntye, gw’inômba s’Israèl; n’ôg’ôm̃ori wi be dwaṉ’ôga gôre waôdu; na waô w’arô dwaṉe nyèṉè aṉongw’ambaṉi, na waô w’arô keraṉe nyèṉè du ipangiṉ’ibaṉi. 23W’arô fweviz’ikuṽi yaômè nyèṉè n’ikaṉi saô, ge n’isam̃u yaô imbe, ge n’ipavi saô sôdu; mi be tômba waô avila gw’alwaṉô maô môdu mi rè waô janja p’ibe, na mi be mèpiza waô; yeṉo wi be dwaṉ’iṉongo nyam̃, na mi be dwaṉ’Anyambyè yaô. 24Nyôngô yam̃ David e be dwaṉ’ôga gôre waô, na waôdu wi be dwaṉa n’ôvenjavenj’ôm̃ori dadyè. Wi be kangaṉa gw’intyale sam̃, n’avenjavenj’ampangi mam̃, n’alenda mô. 25Wi be dwaṉa gô ntye yi re myè pa pa gôre Yakob, nyôngô yam̃, y’alwanyô ne ireri saṉi; wi be dwaṉa gô yô, waô, n’awaṉi waô, n’awaṉa w’awaṉi waô, egômbe zôdu; ni David, nyôngô yam̃, e be dwaṉ’ôvangiṉi waô, egômbe zôdu. 26Mi be jeke njeka y’am̃ènjè na waô; yi be dwaṉe njeka ya koṉako na waô; mi be dwaṉiza waô, awuṉiza waô, na mi be dôṽye nagô yam̃ y’ôrunda gô garegare yaô egômbe zôdu. 27Nagô yam̃ kè yi be dwaṉa gôre waô; na mi be dwaṉ’Anyambyè yaô, na waô wi be dwaṉ’iṉongo nyam̃. 28N’aṉongo mi be mya nè, myè ne Yeôva yi mèpiz’Israèl, gô be dwaṉe nagô yam̃ y’ôrunda gô garegare yaô egômbe zôdu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.