Ezekyèl 34
34
1Igamba nyi Yeôva ny’aṽyeṉi gôre myè, awulya inè: 2Ômwa w’ôma, voga gô sir’ivenjavenji y’adombè y’Israèl! Voga, awulinya waô inè: Yeṉo kambe Rerè, Yeôva, inè: Azile gôr’ivenjavenji y’adombè y’Israèl yi nyez’ikuṽi yaômè! Arang’ivenjavenji y’adombè yi ga nyez’adombè? 3Aṉw’anyeṉi agali, n’aṉw’aboriz’ikuṽi yaṉimè n’ingoy s’imya y’adombè; aṉw’ajôṉ’inyam̃’impom̃i, ndô ndô aṉwè e pa nyez’adombè. 4Aṉw’azele joliza p’adombè m’avegagi dèla; aṉw’azele jinga pa mô m’avegagi n’ijogo, ge ṉwè kôriṉa mô m’avegagi bonjô pa, ge ṉwè fwiṉiza mô m’azugyô, ge ṉwè buta mô m’avegagi pera pa; ndô aṉw’are pangiṉa pa mô ni ngulu n’ôkènyè. 5N’avazangaṉô mô, konde vovo e re pegag’ôvenjavenji w’adombè; n’arweṉi mô inya gôr’inyam̃a sôdu s’iga, n’avazangaṉô mô. 6Adombè mam̃ mi bôlangaṉa gw’inômba sôdu na gw’esanômby’edu; èñ, adombè mam̃ m’avazangaṉô g’ôzô wôdu wi ntye; na vovo pegag’ôma w’agèlagèli ge buta mô. 7Sambô, aṉwè ivenjavenji y’adombè, yogoṉ’igamba nyi Yeôva! 8Ga nt’are myè bo, bulye Rerè, Yeôva, rèti gô re nè adombè mam̃ m’arweṉi nkwèragô im̃aṉô, n’adombè mam̃ m’arweṉ’inya gôr’inyam̃a sôdu s’iga, konde vovo e re pegag’ôvenjavenji, ge ivenjavenji yam̃ y’adombè yi pa kèlagèla g’ômwanja w’adombè mam̃, ndô ivenjavenji y’anyez’ikuṽi yaômè, ko w’anyez’adombè mam̃; 9sambô, aṉwè ivenjavenji y’adombè, gô ntiṉa mèyoṉo, yogoṉ’igamba nyi Yeôva! 10Yeṉo kambe Rerè, Yeôva, inè: Vôna, mi sir’ivenjavenji y’adombè! Mi be bamby’adombè mam̃ gw’ago maô, na my’arô tige waô gô nyez’adombè, ge ivenjavenji tô nyez’ikuṽi yaômè nyèṉè; mi be danduṉ’adombè mam̃ avila gw’agwaṉi maô, ko mô m’alwaṉa nyèṉè inya gôre waô. 11Konde yeṉo kambe Rerè, Yeôva, inè: Vôna, myèmè mi be penjavenj’adombè mam̃, na mi be buta mô. 12Ga nte but’ôvenjavenji w’adombè avila g’ôlembi wè w’adombè gô ntyugu yi re yè gô garegare y’adombè mè mi re pazangaṉa pa, yeṉo be buta myè adombè mam̃, aṽaga mô avila gw’imbôra sôdu si re mô pazangaṉa pa, gô ntyugu yi vindi na yi mpiri. 13Mi be baga mô avila gôr’aṉaga, n’alatiza mô avila gw’intye, ko myè baga mô gô ntye yaômè; mi be nyeza mô gw’inômba s’Israèl, pyèrè n’ambèra m’iloṽi, na gw’imbôra sôdu si ntye si dwaṉô aṉaga. 14Mi be nyeza mô gô mbôra yi r’imy’ibya, na mô mi be dwaṉa gw’inômb’indôndwi s’Israèl; vovo mi be dwaṉa mbyambye gô mbôra ya kendekende, na mi be myezô iny’ibya gw’inômba s’Israèl. 15Myèmè mi be nyez’adombè mam̃, na mi be dèwiza mô, bulye Rerè, Yeôva. 16Mi be buta nyô nyi re pera pa, na mi be tô fwiṉiza nyô ny’azugyô, na mi be kôriṉa nyô nyi re bonjô pa, na mi be joliza nyô nyi jogo. Ndô mô m’evenda na mi ngulu mi be jiliza mô. Mi bele penjavenja mô n’ôgôre. 17Na g’ômwanji wo, ôlembi wam̃, yeṉo bulye Rerè, Yeôva, inè: Vôna, mi be jèkèlya ntyo adombè n’adombè, ntyo idombè iṉôm̃e ni mbôṉi nôm̃e. 18Ar ’ôsam̃u ômwangô gôre ṉwè gô penjavenja mô gô ntye mbya, gôre ṉwè gô jara n’intyôzô saṉi mbèy yi re tigaṉa pa yi ntye yaṉi? na gô jong’aṉingô ma pupu gôre ṉwè gô fwevize mbèy yi re tigaṉa pa n’intyôzô saṉi? 19Adombè mam̃ mô ko nya ya yi re jarô pa n’intyôzô saṉi! 20Sambô, yeṉo kambe Rerè, Yeôva, gôre waô inè; Vôṉa mi be jèkèlya ntyo idombè ny’evenda n’idombè ny’egonga. 21Gô re nè, aṉw’asiki n’ôṽanja n’ôṽega, awôla n’imengô saṉi adombè môdu mi jogo, kaô aṉw’apazangaṉa mô, 22sambô mi be bya gô nunguṉ’ôlembi wam̃, ko w’arô kwèrô nyèṉè im̃aṉô; na mi be jèkèlya ntyo adombè n’adombè. 23Mi be dôṽy’ôvenjavenji w’adombè gô mô, n’ôvenjavenji mè e be myeza mô; wô ne nyôngô yam̃ David; ayè be nyeza mô, n’ayè e be dwaṉ’ôvenjavenji wa mô. 24Na myè, Yeôva, mi be dwaṉ’Anyambyè ya mô, ni nyôngô yam̃ David e be dwaṉ’ôvangiṉi gô mô. Myè, Yeôva, my’akambi! 25Mi be jeka na mô njeka y’am̃ènjè, na mi be pang’inyam̃’imbe gô maṉa avila gô ntye; na mi be dwaṉe njuke fo gw’itôve, alèwa gô garegare y’iga. 26Mi be panga mô n’imbôra vingôvingô gô nômbi yam̃ ôzaviṉô; mi be nogize ningô gw’egômbe za yô; vovo be noge ningô y’ôzaviṉô. 27Rere y’iga yi be jaṉ’ilônda, ni ntye yi be jaṉ’ôwongo, na mô mi be dwaṉe njuke fo gô ntye yaô, na mi be mya nè: myè ne Yeôva, gô be moguṉa myè igôrô y’impangi saô na gô be danduṉa myè mô avila gw’ago ma mongi w’ayanjiṉagô mô. 28M’arô dwaṉ’im̃aṉô nyèṉè gôr’aṉongo, ge inyam̃a si ntye nya mô; ndô mi be dwaṉe njuke fo, e zel’ôma kè wi be fweviza mô. 29Mi be dwaṉiz’ômpindi w’elum̃i gô mô; m’ayolye tô jilizô nyèṉè ne njaṉa gô ntye, ge twaṉe ntyoṉi y’aṉongo nyèṉè. 30Na mi be mya nè, myè Yeôva, Anyambyè yaô, my’are na mô, na inè, mô ne iṉongo nyam̃, mô nagô y’Israèl, bulye Rerè, Yeôva. 31N’aṉwè, adombè mam̃, adombè mi ntye yam̃, aṉwè ne aṉaga; na myè ne Anyambyè yaṉi, bulye Rerè, Yeôva.
Currently Selected:
Ezekyèl 34: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Ezekyèl 34
34
1Igamba nyi Yeôva ny’aṽyeṉi gôre myè, awulya inè: 2Ômwa w’ôma, voga gô sir’ivenjavenji y’adombè y’Israèl! Voga, awulinya waô inè: Yeṉo kambe Rerè, Yeôva, inè: Azile gôr’ivenjavenji y’adombè y’Israèl yi nyez’ikuṽi yaômè! Arang’ivenjavenji y’adombè yi ga nyez’adombè? 3Aṉw’anyeṉi agali, n’aṉw’aboriz’ikuṽi yaṉimè n’ingoy s’imya y’adombè; aṉw’ajôṉ’inyam̃’impom̃i, ndô ndô aṉwè e pa nyez’adombè. 4Aṉw’azele joliza p’adombè m’avegagi dèla; aṉw’azele jinga pa mô m’avegagi n’ijogo, ge ṉwè kôriṉa mô m’avegagi bonjô pa, ge ṉwè fwiṉiza mô m’azugyô, ge ṉwè buta mô m’avegagi pera pa; ndô aṉw’are pangiṉa pa mô ni ngulu n’ôkènyè. 5N’avazangaṉô mô, konde vovo e re pegag’ôvenjavenji w’adombè; n’arweṉi mô inya gôr’inyam̃a sôdu s’iga, n’avazangaṉô mô. 6Adombè mam̃ mi bôlangaṉa gw’inômba sôdu na gw’esanômby’edu; èñ, adombè mam̃ m’avazangaṉô g’ôzô wôdu wi ntye; na vovo pegag’ôma w’agèlagèli ge buta mô. 7Sambô, aṉwè ivenjavenji y’adombè, yogoṉ’igamba nyi Yeôva! 8Ga nt’are myè bo, bulye Rerè, Yeôva, rèti gô re nè adombè mam̃ m’arweṉi nkwèragô im̃aṉô, n’adombè mam̃ m’arweṉ’inya gôr’inyam̃a sôdu s’iga, konde vovo e re pegag’ôvenjavenji, ge ivenjavenji yam̃ y’adombè yi pa kèlagèla g’ômwanja w’adombè mam̃, ndô ivenjavenji y’anyez’ikuṽi yaômè, ko w’anyez’adombè mam̃; 9sambô, aṉwè ivenjavenji y’adombè, gô ntiṉa mèyoṉo, yogoṉ’igamba nyi Yeôva! 10Yeṉo kambe Rerè, Yeôva, inè: Vôna, mi sir’ivenjavenji y’adombè! Mi be bamby’adombè mam̃ gw’ago maô, na my’arô tige waô gô nyez’adombè, ge ivenjavenji tô nyez’ikuṽi yaômè nyèṉè; mi be danduṉ’adombè mam̃ avila gw’agwaṉi maô, ko mô m’alwaṉa nyèṉè inya gôre waô. 11Konde yeṉo kambe Rerè, Yeôva, inè: Vôna, myèmè mi be penjavenj’adombè mam̃, na mi be buta mô. 12Ga nte but’ôvenjavenji w’adombè avila g’ôlembi wè w’adombè gô ntyugu yi re yè gô garegare y’adombè mè mi re pazangaṉa pa, yeṉo be buta myè adombè mam̃, aṽaga mô avila gw’imbôra sôdu si re mô pazangaṉa pa, gô ntyugu yi vindi na yi mpiri. 13Mi be baga mô avila gôr’aṉaga, n’alatiza mô avila gw’intye, ko myè baga mô gô ntye yaômè; mi be nyeza mô gw’inômba s’Israèl, pyèrè n’ambèra m’iloṽi, na gw’imbôra sôdu si ntye si dwaṉô aṉaga. 14Mi be nyeza mô gô mbôra yi r’imy’ibya, na mô mi be dwaṉa gw’inômb’indôndwi s’Israèl; vovo mi be dwaṉa mbyambye gô mbôra ya kendekende, na mi be myezô iny’ibya gw’inômba s’Israèl. 15Myèmè mi be nyez’adombè mam̃, na mi be dèwiza mô, bulye Rerè, Yeôva. 16Mi be buta nyô nyi re pera pa, na mi be tô fwiṉiza nyô ny’azugyô, na mi be kôriṉa nyô nyi re bonjô pa, na mi be joliza nyô nyi jogo. Ndô mô m’evenda na mi ngulu mi be jiliza mô. Mi bele penjavenja mô n’ôgôre. 17Na g’ômwanji wo, ôlembi wam̃, yeṉo bulye Rerè, Yeôva, inè: Vôna, mi be jèkèlya ntyo adombè n’adombè, ntyo idombè iṉôm̃e ni mbôṉi nôm̃e. 18Ar ’ôsam̃u ômwangô gôre ṉwè gô penjavenja mô gô ntye mbya, gôre ṉwè gô jara n’intyôzô saṉi mbèy yi re tigaṉa pa yi ntye yaṉi? na gô jong’aṉingô ma pupu gôre ṉwè gô fwevize mbèy yi re tigaṉa pa n’intyôzô saṉi? 19Adombè mam̃ mô ko nya ya yi re jarô pa n’intyôzô saṉi! 20Sambô, yeṉo kambe Rerè, Yeôva, gôre waô inè; Vôṉa mi be jèkèlya ntyo idombè ny’evenda n’idombè ny’egonga. 21Gô re nè, aṉw’asiki n’ôṽanja n’ôṽega, awôla n’imengô saṉi adombè môdu mi jogo, kaô aṉw’apazangaṉa mô, 22sambô mi be bya gô nunguṉ’ôlembi wam̃, ko w’arô kwèrô nyèṉè im̃aṉô; na mi be jèkèlya ntyo adombè n’adombè. 23Mi be dôṽy’ôvenjavenji w’adombè gô mô, n’ôvenjavenji mè e be myeza mô; wô ne nyôngô yam̃ David; ayè be nyeza mô, n’ayè e be dwaṉ’ôvenjavenji wa mô. 24Na myè, Yeôva, mi be dwaṉ’Anyambyè ya mô, ni nyôngô yam̃ David e be dwaṉ’ôvangiṉi gô mô. Myè, Yeôva, my’akambi! 25Mi be jeka na mô njeka y’am̃ènjè, na mi be pang’inyam̃’imbe gô maṉa avila gô ntye; na mi be dwaṉe njuke fo gw’itôve, alèwa gô garegare y’iga. 26Mi be panga mô n’imbôra vingôvingô gô nômbi yam̃ ôzaviṉô; mi be nogize ningô gw’egômbe za yô; vovo be noge ningô y’ôzaviṉô. 27Rere y’iga yi be jaṉ’ilônda, ni ntye yi be jaṉ’ôwongo, na mô mi be dwaṉe njuke fo gô ntye yaô, na mi be mya nè: myè ne Yeôva, gô be moguṉa myè igôrô y’impangi saô na gô be danduṉa myè mô avila gw’ago ma mongi w’ayanjiṉagô mô. 28M’arô dwaṉ’im̃aṉô nyèṉè gôr’aṉongo, ge inyam̃a si ntye nya mô; ndô mi be dwaṉe njuke fo, e zel’ôma kè wi be fweviza mô. 29Mi be dwaṉiz’ômpindi w’elum̃i gô mô; m’ayolye tô jilizô nyèṉè ne njaṉa gô ntye, ge twaṉe ntyoṉi y’aṉongo nyèṉè. 30Na mi be mya nè, myè Yeôva, Anyambyè yaô, my’are na mô, na inè, mô ne iṉongo nyam̃, mô nagô y’Israèl, bulye Rerè, Yeôva. 31N’aṉwè, adombè mam̃, adombè mi ntye yam̃, aṉwè ne aṉaga; na myè ne Anyambyè yaṉi, bulye Rerè, Yeôva.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.