Ezekyèl 33
33
1Igamba nyi Yeôva ny’aṽyeṉi gôre myè, awulya inè: 2Ômwa w’ôma, gamba gôr’awaṉa w’iṉongo nyo, awulinya waô inè: Ja my’abag’ôkwara w’iwora gô ntye, na j’aṉaga wi ntye w’abong’ôma avila gôre waô, ko waô dôṽyè gô tw’ôṽèmbisi waô, 3jogo ayè ajeṉ’ôkwara wi bya gô ntye, e tông’ôrombo, amyez’aṉaga; 4na jogo ayè yi jogw’inyôy’ nyiôrombo, ko yè alenda ga nt’amyezô jog’ôkwara w’abya, arômbè, gambèṉè ntyiṉi yè yi be dwaṉa gw’ewônjô zèmè. 5Are jogo pa inyôyi ny’ôrombo, ko yè alenda ga nt’amyezô; ntyiṉi yè yi be dwaṉa gôre yè; ndô jogo adenda ga nt’amyezô, gambèṉè e be sungiṉ’iṉiṉi nyè. 6Jog’ôṽèmbisi ajeṉ’ôkwara wi bya, ko yè arông’ôrombo; jog’aṉaga w’amyezô ko ôkwara jôṉ’ôm’edu avila gôre waô, gambèṉè ôma mè e be pera gô ntiṉa y’ibe sè, ndô ntyiṉi yè mi be bambya yô gôr’ôṽèmbisi. 7Yeṉo awè, ômwa w’ôma, my’are wè dôṽya p’ôṽèmbisi gôre nagô y’Israèl. Sambô vôganyô igamba nyi kogwa avila g’ôgwaṉi wam̃, ava waô ôrevuṉô avila gôre myè. 8Jogo my’abulya gôr’ôrègo inè, awè ôm’ombe, rèti ô be juwa! Ko wè agamba gô tevuṉ’ôrègo avila gô mpoṉo yè, gambèṉè ôm’ombe mèwoṉo e be juwa gw’ibe sè, ndô ntyiṉi yè mi be bambya yô gôre wè. 9Ndô jogo w’atevuṉ’ôrègo inè, e ga gogwe avila gô mpoṉo yè, ke yè agegwa avila gô mpoṉo yè, gambèṉè ayè e be juwa gw’ibe sè, ndô awè ô be danduṉ’iṉiṉi nyo.
10N’awè, ômwa w’ôma, wulya gôre nagô y’Israèl, inè: Yeṉo e kamba ṉwè, awulya inè, ipavi sazô n’ibe sazô si re gôre zwè, n’azwè bôlô n’ekèṽa g’ômwanja wa sô; sambô azwè ko dwaṉa bo sè? 11Wulinya waô nè: Ga nt’are myè bo bulye Rerè, Yeôva, inè, mi bela, arang’ijuwa s’aṉag’aṽe, ndô inè, wi ga gegwe avila gô mpoṉo yaô, ko waô dwaṉa bo. Gegwaṉi, gegwaṉi avila gw’impoṉo saṉi imbe; aṉwè ko juwa ni ntiṉa nde, aṉwè nagô y’Israèl? 12N’awè, ômwa w’ôma, wuliny’awaṉa w’iṉongo nyo inè: Ôgôre w’ôma w’ôgôre w’ayolye danduṉe yè gô ntyugu y’ipavi sè; na g’ômwanja w’ibe s’ôrègo ay’ayolye pôswe gô sô gô ntyugu yi kegwè avila gw’ibe sè; egolaṉi mèmô kè ôma w’ôgôre ay’ayolye dwaṉe bo vo ôgôre wè gô ntyugu yi fwem̃è. 13Jogo my’abulya gôr’ôgôre inè, ayè e be dwaṉa bo, jog’abekelya g’ôgôre wè, ko yè janj’ibe, gambèṉè ijanji sè s’ôgôre s’ayolye tô jônginyô, ndô g’ômwanja w’ibe sè si re yè janja pa e be juwa g’ômwanja wa sô. 14Jogo mi buliny’ôrègo inè, rèti ô be juwa, jogo akegwa avila gw’ibe sè, alend’eza zi re kwèkwè na gôre, 15jog’afwiṉize puṉu, awiṉiza kè eza z’aluô bongyô yè nkwèraga, ko yè kangaṉa gw’intyale s’em̃èṉo, ko ay’ayanj’ibe, gambèṉè e be dwaṉa bo, ay’ayolye juwe. 16Ibe sôdu si re yè janja pa s’ayolye tô jônginyô gôre yè; are denda p’eza zi re kwèkwè na gôre, rèti ayè e be dwaṉa bo. 17Awaṉa w’iṉongo nyo wi bulya nè: Mpoṉo ya Rerè yi zele gôre. Mpoṉo yaô sambô yi zele gôre. 18Jog’ôma w’ôgôre akegwa avila g’ôgôre wè, ayanj’ibe, gambèṉè e be juwa g’ômwanja wa sô. 19Na jog’ôrègo akegwa avila gw’ifwem̃i sè, alend’eza zi re kwèkwè na gôre, gambèṉè e be dwaṉa bo vo wô. 20Ndô aṉwè bulya nè: Mpoṉo ya Rerè yi zele gôre. Ô nagô y’Israèl, mi be jèkèlya ṉwè, ôm’edu ga nt’ar’impoṉo sè!
21N’arweṉi gw’igôm̃i ny’impum̃a n’impum̃’imbaṉi, g’ôgwèli w’igôm̃i, gô ntyugu y’ôtaṉè y’ôgwèli y’ikôtô sazô imbwedi, inè, ôṉôm̃e, w’aluô afangi avila gô Yerusalèm, aṽyeṉi gôre myè, awulya inè: Nkala y’abôlyô! 22Ôgo wi Yeôva w’aduô dwaṉa pa gôre myè nkôlô, ayè y’afanga ṽyagaga ro; ni Yeôva aduô nunguṉ’ôgwaṉiwam̃ kwanga gw’abyè gôre myè ibanga. N’aṉunguṉ’ôgwaṉi wam̃, na myè e pa tô dwaṉ’im̃am̃u nyèṉè. 23Vovo igamba nyi Yeôva ny’aṽyeṉi gôre myè, awulya nè: 24Ômwa w’ôma, waô wi dwaṉa gw’imbôra mèsoṉo si re bundakaṉô pa gô ntye y’Israèl kamba, awulya nè, Abraam avegag’ayè dadyè, n’ayigi yè ntye; ndô azw’ar’awenge, ntye y’apenyô zwè gô jiga. 25Yeṉo wulinya waô nè: Yeṉo kambe Rerè, Yeôva, inè: Aṉwè ny’inyi saṉi ni ntyiṉa, n’aṉwè tômbiṉ’antyo maṉi gôr’ikaṉi saṉi, avôvize ntyiṉa. Gambèṉè aṉwè ko nive ntye! 26Aṉwè kum̃aṉa g’ôkwari waṉi, ayanj’isam̃u imbe, n’aṉwè fweviz’ôm’edu ômwantô w’ôrangaṉô wè. Gambèṉè aṉwè ko nive ntye! 27Yeṉo be bulinyo waô inè: Yeṉo kambe Rerè, Yeôva, inè: Ga nt’are myè bo, rèti waô wi dwaṉa gw’imbôra si re bundadaṉô pa wi be pôswa n’ôkwara; n’ayè yi re gw’iga mi be pè gô nyô n’inyam̃a; na waô wi dwaṉa gw’imbôr’injoli na gw’ibulungu wi be juwa n’evunga. 28Mi be pange ntye ewôga ko yô dwaṉa aṉaga fo; n’ekale zi ngulu ya yô zi be maṉa; n’inômba s’Israèl si be dwaṉ’ewôga, zel’ôma wi be pyagaṉa vovo. 29Vovo wi be mya nè, myè ne Yeôva, gô be panga myè ntye ewôga, ko yô dwaṉa aṉaga fo, g’ômwanja w’isam̃u yaô yôdu imbe yi re waô janja pa. 30Na g’ômwanji wo, ômwa w’ôma, awaṉa w’iṉongo nyo wi kambaṉa g’ômwanji wo pyèrè n’izira v’inagô na gw’impômbala y’inagô, agambaṉa waô na waô, ôm’edu gôre mwô’ngi yè, awulya inè: Yôgôṉi sambô, ko pôganyôṉi nt’ar’igamba nyi kogwa avila gôre Yeôva. 31Wi bya awenge gôre wè, n’iṉongo nyam̃ nyi dwaṉa g’ôzô wo; wi jogw’agambi mo, ndô waô wi pa denda mô, konde wi sèlya mô, n’irèm̃i yaô yi sônga kaô gô dèng’igumba. 32Na vôna, ô re gôre waô g’ôwemb’ômbya w’ôma wi re n’inyôy’iṽya, wi re avôrô gô bôl’ibeka. Wi jogw’agambi mo, ndô waô wi pa denda mô. 33Gô be tw’isam̃u yiṉo, — vôna, yi bya! — vovo be mya waô inè: ôvogisi are dwaṉa pa gôre waô.
Currently Selected:
Ezekyèl 33: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Ezekyèl 33
33
1Igamba nyi Yeôva ny’aṽyeṉi gôre myè, awulya inè: 2Ômwa w’ôma, gamba gôr’awaṉa w’iṉongo nyo, awulinya waô inè: Ja my’abag’ôkwara w’iwora gô ntye, na j’aṉaga wi ntye w’abong’ôma avila gôre waô, ko waô dôṽyè gô tw’ôṽèmbisi waô, 3jogo ayè ajeṉ’ôkwara wi bya gô ntye, e tông’ôrombo, amyez’aṉaga; 4na jogo ayè yi jogw’inyôy’ nyiôrombo, ko yè alenda ga nt’amyezô jog’ôkwara w’abya, arômbè, gambèṉè ntyiṉi yè yi be dwaṉa gw’ewônjô zèmè. 5Are jogo pa inyôyi ny’ôrombo, ko yè alenda ga nt’amyezô; ntyiṉi yè yi be dwaṉa gôre yè; ndô jogo adenda ga nt’amyezô, gambèṉè e be sungiṉ’iṉiṉi nyè. 6Jog’ôṽèmbisi ajeṉ’ôkwara wi bya, ko yè arông’ôrombo; jog’aṉaga w’amyezô ko ôkwara jôṉ’ôm’edu avila gôre waô, gambèṉè ôma mè e be pera gô ntiṉa y’ibe sè, ndô ntyiṉi yè mi be bambya yô gôr’ôṽèmbisi. 7Yeṉo awè, ômwa w’ôma, my’are wè dôṽya p’ôṽèmbisi gôre nagô y’Israèl. Sambô vôganyô igamba nyi kogwa avila g’ôgwaṉi wam̃, ava waô ôrevuṉô avila gôre myè. 8Jogo my’abulya gôr’ôrègo inè, awè ôm’ombe, rèti ô be juwa! Ko wè agamba gô tevuṉ’ôrègo avila gô mpoṉo yè, gambèṉè ôm’ombe mèwoṉo e be juwa gw’ibe sè, ndô ntyiṉi yè mi be bambya yô gôre wè. 9Ndô jogo w’atevuṉ’ôrègo inè, e ga gogwe avila gô mpoṉo yè, ke yè agegwa avila gô mpoṉo yè, gambèṉè ayè e be juwa gw’ibe sè, ndô awè ô be danduṉ’iṉiṉi nyo.
10N’awè, ômwa w’ôma, wulya gôre nagô y’Israèl, inè: Yeṉo e kamba ṉwè, awulya inè, ipavi sazô n’ibe sazô si re gôre zwè, n’azwè bôlô n’ekèṽa g’ômwanja wa sô; sambô azwè ko dwaṉa bo sè? 11Wulinya waô nè: Ga nt’are myè bo bulye Rerè, Yeôva, inè, mi bela, arang’ijuwa s’aṉag’aṽe, ndô inè, wi ga gegwe avila gô mpoṉo yaô, ko waô dwaṉa bo. Gegwaṉi, gegwaṉi avila gw’impoṉo saṉi imbe; aṉwè ko juwa ni ntiṉa nde, aṉwè nagô y’Israèl? 12N’awè, ômwa w’ôma, wuliny’awaṉa w’iṉongo nyo inè: Ôgôre w’ôma w’ôgôre w’ayolye danduṉe yè gô ntyugu y’ipavi sè; na g’ômwanja w’ibe s’ôrègo ay’ayolye pôswe gô sô gô ntyugu yi kegwè avila gw’ibe sè; egolaṉi mèmô kè ôma w’ôgôre ay’ayolye dwaṉe bo vo ôgôre wè gô ntyugu yi fwem̃è. 13Jogo my’abulya gôr’ôgôre inè, ayè e be dwaṉa bo, jog’abekelya g’ôgôre wè, ko yè janj’ibe, gambèṉè ijanji sè s’ôgôre s’ayolye tô jônginyô, ndô g’ômwanja w’ibe sè si re yè janja pa e be juwa g’ômwanja wa sô. 14Jogo mi buliny’ôrègo inè, rèti ô be juwa, jogo akegwa avila gw’ibe sè, alend’eza zi re kwèkwè na gôre, 15jog’afwiṉize puṉu, awiṉiza kè eza z’aluô bongyô yè nkwèraga, ko yè kangaṉa gw’intyale s’em̃èṉo, ko ay’ayanj’ibe, gambèṉè e be dwaṉa bo, ay’ayolye juwe. 16Ibe sôdu si re yè janja pa s’ayolye tô jônginyô gôre yè; are denda p’eza zi re kwèkwè na gôre, rèti ayè e be dwaṉa bo. 17Awaṉa w’iṉongo nyo wi bulya nè: Mpoṉo ya Rerè yi zele gôre. Mpoṉo yaô sambô yi zele gôre. 18Jog’ôma w’ôgôre akegwa avila g’ôgôre wè, ayanj’ibe, gambèṉè e be juwa g’ômwanja wa sô. 19Na jog’ôrègo akegwa avila gw’ifwem̃i sè, alend’eza zi re kwèkwè na gôre, gambèṉè e be dwaṉa bo vo wô. 20Ndô aṉwè bulya nè: Mpoṉo ya Rerè yi zele gôre. Ô nagô y’Israèl, mi be jèkèlya ṉwè, ôm’edu ga nt’ar’impoṉo sè!
21N’arweṉi gw’igôm̃i ny’impum̃a n’impum̃’imbaṉi, g’ôgwèli w’igôm̃i, gô ntyugu y’ôtaṉè y’ôgwèli y’ikôtô sazô imbwedi, inè, ôṉôm̃e, w’aluô afangi avila gô Yerusalèm, aṽyeṉi gôre myè, awulya inè: Nkala y’abôlyô! 22Ôgo wi Yeôva w’aduô dwaṉa pa gôre myè nkôlô, ayè y’afanga ṽyagaga ro; ni Yeôva aduô nunguṉ’ôgwaṉiwam̃ kwanga gw’abyè gôre myè ibanga. N’aṉunguṉ’ôgwaṉi wam̃, na myè e pa tô dwaṉ’im̃am̃u nyèṉè. 23Vovo igamba nyi Yeôva ny’aṽyeṉi gôre myè, awulya nè: 24Ômwa w’ôma, waô wi dwaṉa gw’imbôra mèsoṉo si re bundakaṉô pa gô ntye y’Israèl kamba, awulya nè, Abraam avegag’ayè dadyè, n’ayigi yè ntye; ndô azw’ar’awenge, ntye y’apenyô zwè gô jiga. 25Yeṉo wulinya waô nè: Yeṉo kambe Rerè, Yeôva, inè: Aṉwè ny’inyi saṉi ni ntyiṉa, n’aṉwè tômbiṉ’antyo maṉi gôr’ikaṉi saṉi, avôvize ntyiṉa. Gambèṉè aṉwè ko nive ntye! 26Aṉwè kum̃aṉa g’ôkwari waṉi, ayanj’isam̃u imbe, n’aṉwè fweviz’ôm’edu ômwantô w’ôrangaṉô wè. Gambèṉè aṉwè ko nive ntye! 27Yeṉo be bulinyo waô inè: Yeṉo kambe Rerè, Yeôva, inè: Ga nt’are myè bo, rèti waô wi dwaṉa gw’imbôra si re bundadaṉô pa wi be pôswa n’ôkwara; n’ayè yi re gw’iga mi be pè gô nyô n’inyam̃a; na waô wi dwaṉa gw’imbôr’injoli na gw’ibulungu wi be juwa n’evunga. 28Mi be pange ntye ewôga ko yô dwaṉa aṉaga fo; n’ekale zi ngulu ya yô zi be maṉa; n’inômba s’Israèl si be dwaṉ’ewôga, zel’ôma wi be pyagaṉa vovo. 29Vovo wi be mya nè, myè ne Yeôva, gô be panga myè ntye ewôga, ko yô dwaṉa aṉaga fo, g’ômwanja w’isam̃u yaô yôdu imbe yi re waô janja pa. 30Na g’ômwanji wo, ômwa w’ôma, awaṉa w’iṉongo nyo wi kambaṉa g’ômwanji wo pyèrè n’izira v’inagô na gw’impômbala y’inagô, agambaṉa waô na waô, ôm’edu gôre mwô’ngi yè, awulya inè: Yôgôṉi sambô, ko pôganyôṉi nt’ar’igamba nyi kogwa avila gôre Yeôva. 31Wi bya awenge gôre wè, n’iṉongo nyam̃ nyi dwaṉa g’ôzô wo; wi jogw’agambi mo, ndô waô wi pa denda mô, konde wi sèlya mô, n’irèm̃i yaô yi sônga kaô gô dèng’igumba. 32Na vôna, ô re gôre waô g’ôwemb’ômbya w’ôma wi re n’inyôy’iṽya, wi re avôrô gô bôl’ibeka. Wi jogw’agambi mo, ndô waô wi pa denda mô. 33Gô be tw’isam̃u yiṉo, — vôna, yi bya! — vovo be mya waô inè: ôvogisi are dwaṉa pa gôre waô.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.