Ezekyèl 32
32
1N’arweṉi gw’igôm̃i ny’impum̃a n’impum̃’imbaṉi, gw’igôm̃i ny’ôgwèli n’agwèli ambaṉi, gôntyugu nônga y’ôgwèli, inè, igamba nyi Yeôva ny’aṽyeṉi gôre myè, awulya inè: 2Ômwa w’ôma, gamb’igamba ny’edingô g’ômwanja wi Faraô, y’ôga w’Egipt! Ko bulinyè inè: Ô re kolaṉô pa n’ômwaṉa wi liyoni gôr’aṉongo; w’apegaga ga nt’are ñandô gô ntyuṽa, w’azènjèli gw’iloṽi yo, n’azugyazugy’aṉingô n’atagi mo, ko mô dwaṉe mbundwawundwaga. 3Yeṉo kambe Rerè, Yeôva, inè: Mi be sambuṉ’elôvi zam̃ gôre wè, gô nkumba y’aṉag’awenge. Wi be duro gw’elôvi zam̃. 4Mi be tigo gô ntye; mi be falo gw’intyaga; mi be pang’inyoṉi s’igôṉô sôdu gô batam̃iṉa gôre wè, na mi be jôriz’inyam̃a si ntye yôdu na wè. 5Mi be dimbiṉ’izôṉe yo gw’inômba, n’ayôny’idèdè ni ya yi be tigaṉa avila gôre wè. 6Mi be tèviza kè ntye y’akèndagèndagô wè ni ntyiṉi yo, kwanga gw’inômba, n’ambèra m’iloṽi mi be jônya g’ômwanji wo. 7Gô be nima myè wè, mi be diviṉ’ôrôṽa, ayilangany’igègèṉi ya wô; mi be puge nkômbe n’evindi, n’ôgwèli w’ayolye tô bambiz’iṉangi nyè. 8Izange yôdu y’ôrôṽa mi be jilanganya yô g’ômwanji wo, alôṽye mpiri gô ntye yo, bulye Rerè, Yeôva. 9Mi be jeṉiz’irèm̃a y’aṉag’a wenge nkaza, gô be myeza myè ijilizi so gôr’aṉongo, gw’intye si re wè ô pa mya. 10Mi be mamiz’aṉag’awenge g’ômwanji wo, n’agi maô mi be kôtô n’itya sipôlô g’ômwanji wo, gô be fwizawiza myè ôkwari wam̃ w’iwora gw’azô maô; wi be tatamiṉa egômbe zôdu ôm’edu g’ômwanja w’em̃èṉo zèmè, gô ntyugu y’ipôswi so. 11Konde yeṉo kambe Rerè, Yeôva, inè: Ôkwara w’iwora w’ôga wi Babèl wi be bya gôre wè. 12Mi be pôsunye nkondo yo n’ikwara yi ṽèmba y’igoṽi, ererya z’aṉongo; wi be tômb’ekale z’Egipt, ni nkondo yôdu ya yô yi be jilizô. 13Mi be jiliza kè inyam̃a sôdu sa yô avila g’ôzamba w’aṉingô am̃enge; zele ntyôzô y’ôma yi be sokolya waô nyèṉè, ge impondo y’inyam̃a sokolya waô. 14Vovo mi be poṉiz’aṉingô ma yô, avang’iloṽi ya yô gô pôva egolaṉi g’agali, bulye Rerè, Yeôva. 15Gô be panga myè ntye y’Egipt gô dwaṉ’ewôga, ko ntye dwaṉa kwèrô pa ni yom̃a yôdu yi re gô yô, na gô be bôla myè waôdu wi dwaṉa gô yô, vovo be mya waô inè, myè ne Yeôva. 16Ziṉo n’edingô zi be deṉô waô; awaṉ’antô w’aṉongo wi be deṉ’edingô mè; wi be deṉa zô g’ômwanja w’Egipt na g’ômwanja wi nkondo yè yôdu, bulye Rerè, Yeôva.
17N’arweṉi gw’igôm̃i ny’impum̃a n’impum̃’imbaṉi, gô ntyugu y’igôm̃i ni ntyugu ôtaṉe g’ôgwèli, inè, igamba nyi Yeôva ny’aṽyeṉi gôre myè, awulya inè: 18Ômwa w’ôma, leṉa gôr’inkondo s’Egipt, avunga waô n’awaṉ’antô w’aṉongo mi ngulu, kwanga g’ôronga wi ntye, na waô wi sum̃iṉa gw’iṽemba. 19Mande e pyagaṉo n’imèpa? Zum̃iṉa ko wè dèwa na mongi w’izombè. 20Wi be pôswa gô garegare ya waô wi re jôṉô pa n’ôkwara. Ôkwara wi re pa pa; luraṉi Egipt n’inkondo sôdu sa yô! 21Ṽèmba gôre mongi wi ngulu wi be kamba gô yô avila gô garegare ya mongi wi re juwa pa, na waô wi nunguṉa yô. Izombè, yi re jôṉô pa n’ôkwara, y’asum̃iṉi, y’adèwi. 22Asur are vovo ni nkumbi yè yôdu; irôngiṉô ya yô yi re vingôvingô yô; waôdu wi re juwa pa, wi re pôsunyô pa ne ôkwara. 23Irôngiṉô ya yô yi re dôṽyô pa gw’inkôṽa s’ôronga s’iṽemba, ni nkumba ya yô yi re vingôvingô ôrôngiṉô wa yô. Waôdu wi re juwa pa, wi re pôsunyô pa ne ôkwara, waô wi tyeze ntye ya mongi wi re bo. 24Elam are vovo ni nkondo yè yôdu, vingôvingô ôrôngiṉô wa yô; waôdu wi re juwa pa, wi re pôsunyô pa ne ôkwara; wi re sum̃iṉa pa izombè gw’inkôṽa s’ôronga wi ntye, waô w’atyez’aṉaga gô ntye ya mongi wa bo, wi re twaṉa p’ibe saô gôre waô wi sum̃iṉa gw’iṽemba. 25Ôdô wè w’adôṽyô gôre mongi wi re juwa pa ni nkondo yè yôdu; n’irôngiṉô yè yi re yè vingôvingô; izombè yiṉo yôdu yi re jôṉô pa ne ôkwara, konde y’atyez’aṉaga gô ntye ya mongi wi re bo, na yi re twaṉa p’ibe saô gôre waô wi sum̃iṉa gw’iṽemba, awelyô gô garegare ya waô w’ayônyô. 26Vovo re Mesèk, Tubal, ni nkondo yaô yôdu, n’irôngiṉô yaô yi re waô vingôvingô; izombè yiṉo yôdu yi re jôṉô pa ne ôkwara, konde y’atyez’aṉaga gô ntye ya mongi wi re bo. 27Waô wi re pôswa pa avila gôr’izombè wi pa dèwa na mongi wi ngulu; wi re sum̃iṉa pa gôre mongi wi re juwa pa n’imyangi yaô y’igoṽi, wi re dimbiṉa p’ikwari yaô gô wônjô yaô, n’ibe saô si re dwaṉa pa gô pi yaô, konde w’avegag’ererya za mongi wi ngulu gô ntye ya mongi wi re bo. 28Awè kè ô be môguṉô gô garegare y’izombè, ko wè dèwa na mongi wi re jôṉô pa n’ôkwara. 29Vovo r’Edom, agi wè, n’ivangiṉi yè yôdu, y’afwelyô na waô wi re jôṉô pa n’ôkwara, vangaṉe w’alwaṉi ni ngulu. Wi re dèwa pa n’izombè, na waô wi sum̃iṉa gw’iṽemba. 30Vovo dwaṉ’ivangiṉi yi nkôṽa yi Nor, waôdu, ni mongi Sidôn, waôdu, wi re sum̃iṉa pa gôre mongi wi re juwa pa; w’arweṉi ni ntyoṉi, vangaṉe ngulu yaô y’avang’aṉaga gô tya; izombè yiṉo yi re dèwa pa na waô wi re jôṉô pa n’ôkwara, na yi re twaṉa p’ibe saô gôre waô wi sum̃iṉa gw’iṽemba. 31Faraô e be jeṉa waô, ko yè sindyô g’ômwanja wi nkondo yè yôdu, ni mbèli yè yôdu y’ayônyô n’ôkwara, bulye Rerè, Yeôva. 32Konde mi be tyez’aṉaga gô ntye ya mongi wi re bo; wi be dèwa gô garegare y’izombè, na waô wi re jôṉô pa n’ôkwara, Faraô ni nkondo yè yôdu, bulye Rerè, Yeôva.
Currently Selected:
Ezekyèl 32: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Ezekyèl 32
32
1N’arweṉi gw’igôm̃i ny’impum̃a n’impum̃’imbaṉi, gw’igôm̃i ny’ôgwèli n’agwèli ambaṉi, gôntyugu nônga y’ôgwèli, inè, igamba nyi Yeôva ny’aṽyeṉi gôre myè, awulya inè: 2Ômwa w’ôma, gamb’igamba ny’edingô g’ômwanja wi Faraô, y’ôga w’Egipt! Ko bulinyè inè: Ô re kolaṉô pa n’ômwaṉa wi liyoni gôr’aṉongo; w’apegaga ga nt’are ñandô gô ntyuṽa, w’azènjèli gw’iloṽi yo, n’azugyazugy’aṉingô n’atagi mo, ko mô dwaṉe mbundwawundwaga. 3Yeṉo kambe Rerè, Yeôva, inè: Mi be sambuṉ’elôvi zam̃ gôre wè, gô nkumba y’aṉag’awenge. Wi be duro gw’elôvi zam̃. 4Mi be tigo gô ntye; mi be falo gw’intyaga; mi be pang’inyoṉi s’igôṉô sôdu gô batam̃iṉa gôre wè, na mi be jôriz’inyam̃a si ntye yôdu na wè. 5Mi be dimbiṉ’izôṉe yo gw’inômba, n’ayôny’idèdè ni ya yi be tigaṉa avila gôre wè. 6Mi be tèviza kè ntye y’akèndagèndagô wè ni ntyiṉi yo, kwanga gw’inômba, n’ambèra m’iloṽi mi be jônya g’ômwanji wo. 7Gô be nima myè wè, mi be diviṉ’ôrôṽa, ayilangany’igègèṉi ya wô; mi be puge nkômbe n’evindi, n’ôgwèli w’ayolye tô bambiz’iṉangi nyè. 8Izange yôdu y’ôrôṽa mi be jilanganya yô g’ômwanji wo, alôṽye mpiri gô ntye yo, bulye Rerè, Yeôva. 9Mi be jeṉiz’irèm̃a y’aṉag’a wenge nkaza, gô be myeza myè ijilizi so gôr’aṉongo, gw’intye si re wè ô pa mya. 10Mi be mamiz’aṉag’awenge g’ômwanji wo, n’agi maô mi be kôtô n’itya sipôlô g’ômwanji wo, gô be fwizawiza myè ôkwari wam̃ w’iwora gw’azô maô; wi be tatamiṉa egômbe zôdu ôm’edu g’ômwanja w’em̃èṉo zèmè, gô ntyugu y’ipôswi so. 11Konde yeṉo kambe Rerè, Yeôva, inè: Ôkwara w’iwora w’ôga wi Babèl wi be bya gôre wè. 12Mi be pôsunye nkondo yo n’ikwara yi ṽèmba y’igoṽi, ererya z’aṉongo; wi be tômb’ekale z’Egipt, ni nkondo yôdu ya yô yi be jilizô. 13Mi be jiliza kè inyam̃a sôdu sa yô avila g’ôzamba w’aṉingô am̃enge; zele ntyôzô y’ôma yi be sokolya waô nyèṉè, ge impondo y’inyam̃a sokolya waô. 14Vovo mi be poṉiz’aṉingô ma yô, avang’iloṽi ya yô gô pôva egolaṉi g’agali, bulye Rerè, Yeôva. 15Gô be panga myè ntye y’Egipt gô dwaṉ’ewôga, ko ntye dwaṉa kwèrô pa ni yom̃a yôdu yi re gô yô, na gô be bôla myè waôdu wi dwaṉa gô yô, vovo be mya waô inè, myè ne Yeôva. 16Ziṉo n’edingô zi be deṉô waô; awaṉ’antô w’aṉongo wi be deṉ’edingô mè; wi be deṉa zô g’ômwanja w’Egipt na g’ômwanja wi nkondo yè yôdu, bulye Rerè, Yeôva.
17N’arweṉi gw’igôm̃i ny’impum̃a n’impum̃’imbaṉi, gô ntyugu y’igôm̃i ni ntyugu ôtaṉe g’ôgwèli, inè, igamba nyi Yeôva ny’aṽyeṉi gôre myè, awulya inè: 18Ômwa w’ôma, leṉa gôr’inkondo s’Egipt, avunga waô n’awaṉ’antô w’aṉongo mi ngulu, kwanga g’ôronga wi ntye, na waô wi sum̃iṉa gw’iṽemba. 19Mande e pyagaṉo n’imèpa? Zum̃iṉa ko wè dèwa na mongi w’izombè. 20Wi be pôswa gô garegare ya waô wi re jôṉô pa n’ôkwara. Ôkwara wi re pa pa; luraṉi Egipt n’inkondo sôdu sa yô! 21Ṽèmba gôre mongi wi ngulu wi be kamba gô yô avila gô garegare ya mongi wi re juwa pa, na waô wi nunguṉa yô. Izombè, yi re jôṉô pa n’ôkwara, y’asum̃iṉi, y’adèwi. 22Asur are vovo ni nkumbi yè yôdu; irôngiṉô ya yô yi re vingôvingô yô; waôdu wi re juwa pa, wi re pôsunyô pa ne ôkwara. 23Irôngiṉô ya yô yi re dôṽyô pa gw’inkôṽa s’ôronga s’iṽemba, ni nkumba ya yô yi re vingôvingô ôrôngiṉô wa yô. Waôdu wi re juwa pa, wi re pôsunyô pa ne ôkwara, waô wi tyeze ntye ya mongi wi re bo. 24Elam are vovo ni nkondo yè yôdu, vingôvingô ôrôngiṉô wa yô; waôdu wi re juwa pa, wi re pôsunyô pa ne ôkwara; wi re sum̃iṉa pa izombè gw’inkôṽa s’ôronga wi ntye, waô w’atyez’aṉaga gô ntye ya mongi wa bo, wi re twaṉa p’ibe saô gôre waô wi sum̃iṉa gw’iṽemba. 25Ôdô wè w’adôṽyô gôre mongi wi re juwa pa ni nkondo yè yôdu; n’irôngiṉô yè yi re yè vingôvingô; izombè yiṉo yôdu yi re jôṉô pa ne ôkwara, konde y’atyez’aṉaga gô ntye ya mongi wi re bo, na yi re twaṉa p’ibe saô gôre waô wi sum̃iṉa gw’iṽemba, awelyô gô garegare ya waô w’ayônyô. 26Vovo re Mesèk, Tubal, ni nkondo yaô yôdu, n’irôngiṉô yaô yi re waô vingôvingô; izombè yiṉo yôdu yi re jôṉô pa ne ôkwara, konde y’atyez’aṉaga gô ntye ya mongi wi re bo. 27Waô wi re pôswa pa avila gôr’izombè wi pa dèwa na mongi wi ngulu; wi re sum̃iṉa pa gôre mongi wi re juwa pa n’imyangi yaô y’igoṽi, wi re dimbiṉa p’ikwari yaô gô wônjô yaô, n’ibe saô si re dwaṉa pa gô pi yaô, konde w’avegag’ererya za mongi wi ngulu gô ntye ya mongi wi re bo. 28Awè kè ô be môguṉô gô garegare y’izombè, ko wè dèwa na mongi wi re jôṉô pa n’ôkwara. 29Vovo r’Edom, agi wè, n’ivangiṉi yè yôdu, y’afwelyô na waô wi re jôṉô pa n’ôkwara, vangaṉe w’alwaṉi ni ngulu. Wi re dèwa pa n’izombè, na waô wi sum̃iṉa gw’iṽemba. 30Vovo dwaṉ’ivangiṉi yi nkôṽa yi Nor, waôdu, ni mongi Sidôn, waôdu, wi re sum̃iṉa pa gôre mongi wi re juwa pa; w’arweṉi ni ntyoṉi, vangaṉe ngulu yaô y’avang’aṉaga gô tya; izombè yiṉo yi re dèwa pa na waô wi re jôṉô pa n’ôkwara, na yi re twaṉa p’ibe saô gôre waô wi sum̃iṉa gw’iṽemba. 31Faraô e be jeṉa waô, ko yè sindyô g’ômwanja wi nkondo yè yôdu, ni mbèli yè yôdu y’ayônyô n’ôkwara, bulye Rerè, Yeôva. 32Konde mi be tyez’aṉaga gô ntye ya mongi wi re bo; wi be dèwa gô garegare y’izombè, na waô wi re jôṉô pa n’ôkwara, Faraô ni nkondo yè yôdu, bulye Rerè, Yeôva.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.