Danyèl 3
3
1Nebukadnezar y’ôga avang’ôgaṉa wi sika ya teṉateṉa, idôndwa agôm̃i m’ikude ôrôṽa, n’ipenda kude ôrôṽa. N’alôṽyi yè wô g’ôdèdè wi Dura, gw’elele zi Babèl. 2N’arôm̃i Nebukadnezar y’ôga gô datiz’ivangiṉi, gogi, iguvèrnèr, iyèkèl’impôlô, ivenjavenji yi sika, aṉaga wi my’ivanga na waô wi teṉiz’isam̃u, n’ikômanda si lele, ko waô kènda gô saviṉ’ôgaṉa w’alôṽyô ne Nebukadnezar y’ôga. 3N’alataṉ’ivangiṉi, gogi, iguvèrnèr, iyèkèl’impôlô, ivenjavenji yi sika, aṉaga wi my’ivanga na waô wi teṉiz’isam̃u, n’ikômanda si lele, gô saviṉ’ôgaṉa w’alôṽyô ne Nebukadnezar y’ôga. 4N’arông’igende n’inyôy ivôlô inè: Vônaṉi nte sômbyô ṉwè, aṉwè aṉongo, imbuṽe, n’aṉaga wi nkambiny’edu! 5Inè, egômbe zi be jogo ṉwè inyôy nyi mpunji, ny’ôvôvô, nyi ntyambi y’igoli, nyi ñombi, ny’eleke, nyi kôrinemusi, na ny’aṉongo môdu m’abeka, aṉwè ko pôswa gô ntye, azaviṉ’ôgaṉa wi sika ya teṉateṉa w’alôṽyô ne Nebukadnezar y’ôga. 6Ôm’edu are avôswa gô ntye ko yè saviṉa e be falô pelè du gô garegare y’ezondo z’ôgôṉi wi bam̃iṉa. 7Yeṉo gw’egômbe mèzoṉo gw’ayogyô aṉongo môdu inyôy nyi mpunji, ny’ôvôvô, nyi ntyambi y’igoli, nyi ñombi, ny’eleke, nyi kôrinemusi, na ny’aṉongo môdu m’abeka, aṉongo môdu, n’imbuṽe, n’aṉaga wi nkambiny’edu w’avôswi gô ntye azaviṉ’ôgaṉa wi sika ya teṉateṉa w’alôṽyô ne Nebukadnezar y’ôga.
8Na vôna gw’egômbe mèzoṉo, awèwo wa mongi Kalde w’azusi pyèrè azoz’Iju. 9N’agambi waô awuliny’ôga Nebukadnezar inè: Ôga, lwaṉa gô koṉako! 10Ô re pa p’ôzômbyô inè, ôm’edu e be jogw’inyôy nyi mpunji, ny’ôvôvô, nyi ntyambi y’igoli, nyi ñombi, ny’eleke, nyi kôrinemusi, na ny’aṉongo môdu m’abeka, e ga vôswe gô ntye azaviṉ’ôgaṉa wi sika ya teṉateṉa, 11n’ôm’edu are avôswa gô ntye azaviṉa e be falô gw’ezondo z’ôgôṉi wi bam̃iṉa. 12Ar’Iju si re wè dôṽya pa gw’ewônjô z’isam̃u y’elele zi Babèl, Sadirak, Mesak, n’Abèd‐Negô, aṉôm̃e wiṉo wi pa jogiṉô wè, ôga; wi pa janjiṉ’inyambyè so, ge saviṉ’ôgaṉa wi sika ya teṉateṉa wi re wè dôṽya pa.
13N’aṽendi Nebukadnezar mbendiṉi mbe, n’azômbyi yè gô bage Sadirak, Mesak n’Abèd‐Negô. N’aṽagyô aṉôm̃e wiṉo g’ôzô w’ôga. 14N’agambi Nebukadnezar awulinya waô inè: Are rèti Sadirak, Mesak, n’Abèd‐Negô inè, aṉwè pa janjiṉ’inyambyè sam̃, na inè, aṉwè pa saviṉ’ôgaṉa wi sika ya teṉateṉa wi re myè dôṽya pa? 15Ndô vèṉo, lwaṉaṉi keka pa, na gw’egômbe zi be jogo ṉwè inyôy nyi mpunji, ny’ôvôvô, nyi ntyambi y’igoli, nyi ñombi, ny’eleke, nyi kôrinemusi, na ny’aṉongo môdu m’abeka, aṉwè ko pôswa gô ntye azaviṉ’ôgaṉa wi re myè panga pa; j’aṉwè pa saviṉa wô, gambèṉè aṉwè be pungô egômbe mèzoṉo gô garegare y’ezondo z’ôgôṉi wi bam̃iṉa. Anyambyè yeṉi yi re ko sungiṉa ṉwè avila g’ôgo wam̃?
16N’awiṉizi Sadirak, Mesak, n’Abèd‐Negô gôr’ôga Nebukadnezar inè: Azw’azele n’isolo nyi fwiṉizo igamba gô ndaga yiṉo. 17Vôna, Anyambyè yazô yi janjiṉô zwè are ni ngulu yi sungiṉa zwè avila gw’ezondo z’ôgôṉi wi bam̃iṉa, n’ayè e be sungiṉa zwè avila g’ôgo wo, ôga. 18J’aranga yeṉo, ôga, mya inè, azw’ayanjiṉ’inyambyè so, na inè, azw’azaviṉ’ôgaṉa wi sika ya teṉateṉa wi re wè dôṽya pa.
19Vovo Nebukadnezar ayônyi n’eguṉu, n’ebagaṉô z’ôzô wè z’agalwi gôre Sadirak, Mesak n’Abèd‐Negô. Agambi yè azômbya inè, ezondo z’ôgôṉi zi ga yegô nyongo ôrwageṉô vyagaṉô ni nte jegô zô pèkèpèkè. 20Avila vovo azômbyi yè awèwo w’avegagi ni ngulu vyagaṉô gôr’isozè si mbèli yè gô kôre Sadirak, Mesak n’Abèd‐Negô, avunga waô gw’ezondo z’ôgôṉi wi bam̃iṉa. 21Aṉôm̃e wiṉo w’agôryô n’isini saô s’ikandè, n’ingoy saô, n’ingoy saô impôlô, n’ingoy saô im̃ori, avungô gô garegare y’ezondo z’ôgôṉi wi bam̃iṉa. 22Gô re nè ôzômbyô w’ôga w’avegagi jola, na inè, ezondo z’ôgôṉi z’avegagi mpyô mpôlô, ibam̃iṉa s’ôgôṉi s’ayôṉi aṉaga w’avungi Sadirak, Mesak n’Abèd‐Negô. 23N’aṉôm̃e wiṉo ararô Sadirak, Mesak n’Abèd‐Negô w’avôswi kôrô pa gô garegare y’ezondo z’ôgôṉi wi bam̃iṉa.
24Vovo ôga Nebukadnezar agôtyô n’itya sipôlô, agum̃aṉi yè nèganèga. Agambi yè awuliny’irevi yè inè: Azwè pa pung’aṉôm̃e ararô kôrô pa gô garegare y’ôgôṉi? Ayiviri waô awuliny’ôga inè: Rèti giligili, ôga, adwaṉa yeṉo! 25Awiṉizi yè awulya inè: Ndô mi jeṉ’aṉag’anay wi r’igôrô fo, wi kèndagènda gô garegare y’ôgôṉi, wi re wi ze ni nkaza; n’ebagaṉô z’ôma w’anay zi re ga ômwaṉa w’inyambyè. 26N’azusi Nebukadnezar pyèrè g’ômpômbala w’ezondo z’ôgôṉi wi bam̃iṉa, n’agambi yè awulya inè: Sadirak, Mesak n’Abèd‐Negô, inyôngô s’Anyambyè y’igôṉômè, gogwaṉi ko byaṉi! N’agogwi Sadirak, Mesak n’Abèd‐Negô avila gô garegare y’ôgôṉi.
27N’alataṉ’ivangiṉi, ivangiṉi yi nagô y’ôga, iguvèrnèr, n’irevi y’ôga; n’ayeṉi waô inè, ôgôṉi wi re pegage ni ngulu gw’ikuṽa y’aṉôm̃e wiṉo, ge itwe si wônjô yaô pezô, ge isini s’ikande yaô fwevizyô, ge aṉangô m’ôgôṉi kôza waô. 28N’agambi Nebukadnezar awulya inè: Ôzaviṉô gôr’Anyambyè yi Sadirak, yi Mesak, na y’Abèd‐Negô, yi re tôm̃a pe yenjèl yè, azungiṉ’inyôngô sè s’aṽekelyi yè, na s’avav’ôzômbyô w’ôga, av’ikuṽi yaômè inè, w’ayanjiṉe ge saviṉ’anyambyè nyèṉè, kaô Anyambyè yaômè! 29Sambô vèṉo mi dôṽy’ivanga inè, ôm’edu, iṉongw’edu, mbuṽe ge nèm̃è, yi be kambe mbe gô sir’Anyambyè yi Sadirak, na yi Mesak, na y’Abèd‐Negô, wi be teṉareṉô simbèy, n’inagô saô si be pangô inyela, konde nè e zel’anyambyè nyèṉè yi re ni ngulu yi sungiṉa ga yè. 30Avila vovo ôga avendizi Sadirak, Mesak n’Abèd‐Negô, gw’elele zi Babèl.
Currently Selected:
Danyèl 3: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Danyèl 3
3
1Nebukadnezar y’ôga avang’ôgaṉa wi sika ya teṉateṉa, idôndwa agôm̃i m’ikude ôrôṽa, n’ipenda kude ôrôṽa. N’alôṽyi yè wô g’ôdèdè wi Dura, gw’elele zi Babèl. 2N’arôm̃i Nebukadnezar y’ôga gô datiz’ivangiṉi, gogi, iguvèrnèr, iyèkèl’impôlô, ivenjavenji yi sika, aṉaga wi my’ivanga na waô wi teṉiz’isam̃u, n’ikômanda si lele, ko waô kènda gô saviṉ’ôgaṉa w’alôṽyô ne Nebukadnezar y’ôga. 3N’alataṉ’ivangiṉi, gogi, iguvèrnèr, iyèkèl’impôlô, ivenjavenji yi sika, aṉaga wi my’ivanga na waô wi teṉiz’isam̃u, n’ikômanda si lele, gô saviṉ’ôgaṉa w’alôṽyô ne Nebukadnezar y’ôga. 4N’arông’igende n’inyôy ivôlô inè: Vônaṉi nte sômbyô ṉwè, aṉwè aṉongo, imbuṽe, n’aṉaga wi nkambiny’edu! 5Inè, egômbe zi be jogo ṉwè inyôy nyi mpunji, ny’ôvôvô, nyi ntyambi y’igoli, nyi ñombi, ny’eleke, nyi kôrinemusi, na ny’aṉongo môdu m’abeka, aṉwè ko pôswa gô ntye, azaviṉ’ôgaṉa wi sika ya teṉateṉa w’alôṽyô ne Nebukadnezar y’ôga. 6Ôm’edu are avôswa gô ntye ko yè saviṉa e be falô pelè du gô garegare y’ezondo z’ôgôṉi wi bam̃iṉa. 7Yeṉo gw’egômbe mèzoṉo gw’ayogyô aṉongo môdu inyôy nyi mpunji, ny’ôvôvô, nyi ntyambi y’igoli, nyi ñombi, ny’eleke, nyi kôrinemusi, na ny’aṉongo môdu m’abeka, aṉongo môdu, n’imbuṽe, n’aṉaga wi nkambiny’edu w’avôswi gô ntye azaviṉ’ôgaṉa wi sika ya teṉateṉa w’alôṽyô ne Nebukadnezar y’ôga.
8Na vôna gw’egômbe mèzoṉo, awèwo wa mongi Kalde w’azusi pyèrè azoz’Iju. 9N’agambi waô awuliny’ôga Nebukadnezar inè: Ôga, lwaṉa gô koṉako! 10Ô re pa p’ôzômbyô inè, ôm’edu e be jogw’inyôy nyi mpunji, ny’ôvôvô, nyi ntyambi y’igoli, nyi ñombi, ny’eleke, nyi kôrinemusi, na ny’aṉongo môdu m’abeka, e ga vôswe gô ntye azaviṉ’ôgaṉa wi sika ya teṉateṉa, 11n’ôm’edu are avôswa gô ntye azaviṉa e be falô gw’ezondo z’ôgôṉi wi bam̃iṉa. 12Ar’Iju si re wè dôṽya pa gw’ewônjô z’isam̃u y’elele zi Babèl, Sadirak, Mesak, n’Abèd‐Negô, aṉôm̃e wiṉo wi pa jogiṉô wè, ôga; wi pa janjiṉ’inyambyè so, ge saviṉ’ôgaṉa wi sika ya teṉateṉa wi re wè dôṽya pa.
13N’aṽendi Nebukadnezar mbendiṉi mbe, n’azômbyi yè gô bage Sadirak, Mesak n’Abèd‐Negô. N’aṽagyô aṉôm̃e wiṉo g’ôzô w’ôga. 14N’agambi Nebukadnezar awulinya waô inè: Are rèti Sadirak, Mesak, n’Abèd‐Negô inè, aṉwè pa janjiṉ’inyambyè sam̃, na inè, aṉwè pa saviṉ’ôgaṉa wi sika ya teṉateṉa wi re myè dôṽya pa? 15Ndô vèṉo, lwaṉaṉi keka pa, na gw’egômbe zi be jogo ṉwè inyôy nyi mpunji, ny’ôvôvô, nyi ntyambi y’igoli, nyi ñombi, ny’eleke, nyi kôrinemusi, na ny’aṉongo môdu m’abeka, aṉwè ko pôswa gô ntye azaviṉ’ôgaṉa wi re myè panga pa; j’aṉwè pa saviṉa wô, gambèṉè aṉwè be pungô egômbe mèzoṉo gô garegare y’ezondo z’ôgôṉi wi bam̃iṉa. Anyambyè yeṉi yi re ko sungiṉa ṉwè avila g’ôgo wam̃?
16N’awiṉizi Sadirak, Mesak, n’Abèd‐Negô gôr’ôga Nebukadnezar inè: Azw’azele n’isolo nyi fwiṉizo igamba gô ndaga yiṉo. 17Vôna, Anyambyè yazô yi janjiṉô zwè are ni ngulu yi sungiṉa zwè avila gw’ezondo z’ôgôṉi wi bam̃iṉa, n’ayè e be sungiṉa zwè avila g’ôgo wo, ôga. 18J’aranga yeṉo, ôga, mya inè, azw’ayanjiṉ’inyambyè so, na inè, azw’azaviṉ’ôgaṉa wi sika ya teṉateṉa wi re wè dôṽya pa.
19Vovo Nebukadnezar ayônyi n’eguṉu, n’ebagaṉô z’ôzô wè z’agalwi gôre Sadirak, Mesak n’Abèd‐Negô. Agambi yè azômbya inè, ezondo z’ôgôṉi zi ga yegô nyongo ôrwageṉô vyagaṉô ni nte jegô zô pèkèpèkè. 20Avila vovo azômbyi yè awèwo w’avegagi ni ngulu vyagaṉô gôr’isozè si mbèli yè gô kôre Sadirak, Mesak n’Abèd‐Negô, avunga waô gw’ezondo z’ôgôṉi wi bam̃iṉa. 21Aṉôm̃e wiṉo w’agôryô n’isini saô s’ikandè, n’ingoy saô, n’ingoy saô impôlô, n’ingoy saô im̃ori, avungô gô garegare y’ezondo z’ôgôṉi wi bam̃iṉa. 22Gô re nè ôzômbyô w’ôga w’avegagi jola, na inè, ezondo z’ôgôṉi z’avegagi mpyô mpôlô, ibam̃iṉa s’ôgôṉi s’ayôṉi aṉaga w’avungi Sadirak, Mesak n’Abèd‐Negô. 23N’aṉôm̃e wiṉo ararô Sadirak, Mesak n’Abèd‐Negô w’avôswi kôrô pa gô garegare y’ezondo z’ôgôṉi wi bam̃iṉa.
24Vovo ôga Nebukadnezar agôtyô n’itya sipôlô, agum̃aṉi yè nèganèga. Agambi yè awuliny’irevi yè inè: Azwè pa pung’aṉôm̃e ararô kôrô pa gô garegare y’ôgôṉi? Ayiviri waô awuliny’ôga inè: Rèti giligili, ôga, adwaṉa yeṉo! 25Awiṉizi yè awulya inè: Ndô mi jeṉ’aṉag’anay wi r’igôrô fo, wi kèndagènda gô garegare y’ôgôṉi, wi re wi ze ni nkaza; n’ebagaṉô z’ôma w’anay zi re ga ômwaṉa w’inyambyè. 26N’azusi Nebukadnezar pyèrè g’ômpômbala w’ezondo z’ôgôṉi wi bam̃iṉa, n’agambi yè awulya inè: Sadirak, Mesak n’Abèd‐Negô, inyôngô s’Anyambyè y’igôṉômè, gogwaṉi ko byaṉi! N’agogwi Sadirak, Mesak n’Abèd‐Negô avila gô garegare y’ôgôṉi.
27N’alataṉ’ivangiṉi, ivangiṉi yi nagô y’ôga, iguvèrnèr, n’irevi y’ôga; n’ayeṉi waô inè, ôgôṉi wi re pegage ni ngulu gw’ikuṽa y’aṉôm̃e wiṉo, ge itwe si wônjô yaô pezô, ge isini s’ikande yaô fwevizyô, ge aṉangô m’ôgôṉi kôza waô. 28N’agambi Nebukadnezar awulya inè: Ôzaviṉô gôr’Anyambyè yi Sadirak, yi Mesak, na y’Abèd‐Negô, yi re tôm̃a pe yenjèl yè, azungiṉ’inyôngô sè s’aṽekelyi yè, na s’avav’ôzômbyô w’ôga, av’ikuṽi yaômè inè, w’ayanjiṉe ge saviṉ’anyambyè nyèṉè, kaô Anyambyè yaômè! 29Sambô vèṉo mi dôṽy’ivanga inè, ôm’edu, iṉongw’edu, mbuṽe ge nèm̃è, yi be kambe mbe gô sir’Anyambyè yi Sadirak, na yi Mesak, na y’Abèd‐Negô, wi be teṉareṉô simbèy, n’inagô saô si be pangô inyela, konde nè e zel’anyambyè nyèṉè yi re ni ngulu yi sungiṉa ga yè. 30Avila vovo ôga avendizi Sadirak, Mesak n’Abèd‐Negô, gw’elele zi Babèl.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.