Danyèl 4
4
1Nebukadnezar y’ôga, gôr’aṉongo môdu, gôr’imbuṽe, gôr’aṉaga wi nkambiny’edu, wi dwaṉa gô ntye yôdu. Am̃ènjè mi ga wuṉizyô gôre ṉwè!
2Arweṉi mbya gôre myè gô myeze lingilyô n’isam̃u yi mamô yi r’Anyambyè y’igôṉômè denda pa gôre myè. 3Mpendiṉi nde yi re lingilyô yè! ni ngulu nde yi r’isam̃u yè yi mamô! Iṉongo nyè nyi r’iṉongo nya koṉako, n’ipangiṉi sè si dwaṉa gw’ampôm̃a n’ampôm̃a.
4Myè Nebukadnezar, my’avegagi kendekende gô nagô yam̃, n’ôdwèrè gô nagô yam̃ y’ôga. 5My’ayinô nyinô, y’aryezi myè; ipikilya s’avegagi na myè g’ôdô wam̃ n’ijeṉa s’ewônjô zam̃ s’azokolyi myè. 6Yeṉo azômbyi myè inè, aṉaga w’imya waôdu wi Babèl wi ga ṽagô g’ôzô wam̃, ko waô bènguṉa myè nyinô. 7N’aṽyeṉ’aganga, na waô wi myeza g’ômwanja w’igègèṉi, na mongi Kalde, n’aganga w’imbwiri. N’awulinyi myè waô nyinô, ndô wi re myeze myè ibènguṉa sa yô. 8Ndô gô num̃uṉa aṽyeṉi Danyèl g’ôzô wam̃, aṽètyô ina nyi Bèltisazar ina ny’anyambyè yam̃, avegagi n’iṉiṉa ny’inyambyè s’ôrunda. N’awulinyi myè yè nyinô inè: 9Bèltisazar, ôvangiṉi w’aganga, my’avôrô inè, iṉiṉa ny’inyambyè s’ôrunda nyi re gôre wè, e zel’iyumbuṉô nyi re jola gôre wè, ṽènguṉa myè ijeṉa si re myè jeṉa pa gô nyinô. 10Vôna ijeṉa s’iṉiṉi nyam̃, gw’alèwagi myè g’ôdô wam̃. My’avônagi, na vôna, erere elôndwimè z’avegagi gô garegare yi ntye. 11Erere ziṉo z’arweṉ’evôlô n’ijola, idôndwa sa zô s’aziṽi kwanga g’ôrôṽa, n’ijeṉaṉa sa zô gw’im̃ôndô yi ntye yôdu. 12Ijavi sa zô s’avegag’ibya, n’ilônda ya zô imyenge; z’ayaṉag’inya gôre waôdu; inyam̃a s’ôrôve s’alèngag’iviri gô ntiṉa ya zô, inyoṉi s’igôṉô s’alwaṉagi gw’ampare ma zô, n’izôṉe yôdu y’anyezagô gô zô. 13Gw’ijeṉa s’iṉiṉi nyam̃, s’ayenyô myè g’ôdô wam̃, my’avôni, na vôna, ôm̃ori avila gôr’iṽèmbisi n’avila gôre waô wi re nkèrè azum̃iṉi avila g’ôrôṽa. 14Arôngi ni ngulu agamba yeṉo inè: Ṽegaṉ’erere, ko teṉaṉ’ampare ma zô; zugyazugyaṉ’ijavi, ko pazangaṉaṉ’ilônda: inyam̃a si ga wange avila gô ntiṉa, n’inyoṉi avila gw’ampare ma zô! 15Ndô rigaṉi mpundu ya zô gô ntye gw’iramba ya zô, ko diryaṉi yô n’azungakaṉô m’ômwanga na mi nyènyè gw’am̃aṉi m’ôrôve. Yi ga rèṽizô ne ômpèmbè w’igôṉô, ko yô dwaṉe n’am̃aṉi mi ntye, ga nte dwaṉa na mô inyam̃a. 16Ôrèm̃i wè wa mwôṉaga wi be tômbiṉô yè, ko yè pô ôrèm̃a wi nyam̃a; ni nyongo ôrwageṉô si be pyagaṉa gôre yè. 17Ndaga yiṉo yi r’ivanga nya mongi wi bèmba, iteṉiza siṉo si r’ôzômbyô wa mongi wi nkèrè, ko mongi wi re bo mya inè, Ôma w’Igôṉômè e pangiṉa gw’ipangiṉa s’aṉaga, e pa sô gôr’ôma wi tondô yè, alôṽya sô gôr’ôm’ombe pôlô vyagaṉô. 18Myè ôga Nebukadnezar, my’are jeṉa pe nyinô yiṉo. Awè, Bèltisazar, myez’ibènguṉa sa yô, gôre nè aṉaga waôdu w’imya w’iṉongo nyam̃ wi re jolye myeze myè yô: ndô awè ko jolya, konde nè ô re n’iṉiṉa ny’inyambyè s’ôrunda. —
19Vovo Danyèl, aṽètyô nè, Bèltisazar, am̃ami v’igwèra mè, n’ipikilyi sè s’azokolyi yè. Agambi ôga awulya inè: Bèltisazar, nyinô n’ibènguṉa s’azokolyo! N’awiṉizi Bèltisazar inè: Reri yam̃, nyiṉô yi ga lwaṉe gôre mongi wi biko, n’ibènguṉa sa yô gôr’ilôvalôvi yo! 20Erere z’ayenyô wè, zi kwalw’evôlô n’eyoli, n’idôndwa sa zô s’aziṽi kwanga g’ôrôṽa, n’ijeṉaṉa sa zô gw’im̃ôndô yôdu yi ntye; 21Erere ziṉo, ijavi sa zô s’avegag’ibya, n’ilônda ya zô imyenge, z’ayaṉag’inya gôr’aṉaga waôdu, inyam̃a s’ôrôve s’alwaṉagi gô ntiṉa ya zô, n’inyoṉi s’igôṉô s’avang’alwaṉô maô gô zô, 22ne wè ôga, ô re dwaṉa p’ômpôlô ni ngulu, konde mpendiṉi yo y’apendi aluka kwanga g’ôrôṽa, n’ipangiṉi so s’ayagayagi kwanga gw’im̃ôndô yi ntye. 23Ôga ayeṉ’ôm̃ori avila gôr’iṽèmbisi n’aṉaga wi nkèrè wi sum̃iṉa avila g’ôrôṽa awulya inè: Ṽegaṉ’erere, ayiliza zô; ndô rigaṉi mpundu gw’iramba ya zô gô ntye, ko kôraṉi yô n’azungakaṉô m’ômwanga na mi nyènyè gw’am̃aṉi m’ôrôve; ko yô tèṽizô ne ômpèmbè w’ôrôṽa, na inè, yi ga lwaṉe n’inyam̃a s’ôrôve, kwanga kaô nyongo ôrwageṉô apyagaṉa gô yô. 24Siṉo ne ibènguṉa, ôga, nyiṉo n’ivanga ny’Ôma w’Igôṉômè, nyi be dwaṉa gôre reri yam̃ ôga. 25Ô be sugô avila gôr’aṉaga, ni ndwaṉi yo yi be dwaṉa n’inyam̃a s’ôrôve; ô be pango gô ny’am̃aṉi ga inyare; ô be tèṽizô ne ômpèmbè w’ôrôṽa, ni nyongo ôrwageṉô si be pyagaṉa gôre wè, kaô w’amya inè, Ôma w’Igôṉômè e pangiṉa gw’ipangiṉa s’aṉaga, na inè, e pa sô gôr’ôma wi tondô yè. 26Ôzômbyô gô tige mpundu y’erere gw’iramba y’erere wi pivya inè, ipangiṉi so si be tigaṉa gôre wè gô be tô myo inè, ayè yi pangiṉa are g’ôrôṽa. 27Sambô, awè ôga, ôrevuṉô wam̃ wi ga rondye wè! wal’ibe so vo mbyi yo n’ipavi so vo ipôgiṉi so gôr’ikuge, gambèṉè ndwaṉi yo mbya yô ko davizô.
28Isam̃u yiṉo yôdu y’alwaṉizô gôre Nebukadnezar y’ôga. 29Gô ntyay y’igôm̃i ny’agwèli n’agwèli ambaṉi, gw’arèkagi yè gô nagô y’ôga gô Babèl, 30ôga agambi awulya inè: Yiṉo arange Babèl, yi re myè nôga pa, ga nagô y’ôga, vo ngulu y’inyangi nyam̃ na vo ipenda s’ivendi nyam̃? 31Igamba nyi p’are g’ôgwaṉa w’ôga, azum̃iny’inyôy avila g’ôrôṽa inè: Ôga Nebukadnezar, mya inè, ipangiṉa si ke tômbô avila gôre wè. 32Ô be sugô avila gôr’aṉaga, ô be dwaṉa gw’ilwaṉô nyo n’inyam̃a s’ôrôve, ô be pango gô ny’am̃aṉi g’inyare; ni nyongo ôrwageṉô si be pyagaṉa gôre wè, kaô w’amya inè, Ôma w’Igôṉômè e pangiṉa gw’ipangiṉa s’aṉaga, na inè, e pa sô gôr’ôma wi tondô yè. 33Gw’igwèra mèmô igamba ny’alwaṉizyô gôre Nebukadnezar. Azugyô avila gôr’aṉaga, anyeṉi yè am̃aṉi ga inyare, ôkuṽi wè w’arèṽizyô n’ômpèmbè w’ôrôṽa, kwanga gw’avôm̃’itwe sè g’ibôwa si ngwanyoṉi, n’ifèri sè g’akôsô m’inyoṉi.
34Egômbe z’aretyô keka pa, myè, Nebukadnezar, my’arômbiṉ’antyo mam̃ g’ôrôṽa, n’arô fwinyi ôgu wam̃ gôre myè. N’azaviṉi myè Ôma w’Igôṉômè; my’azum̃iny’avendya ayè yi dwaṉa gô koṉako, ayè yi re ipangiṉi sè si re ipangiṉa sa koṉako, na si dwaṉa gw’ampôm̃a n’ampôm̃a. 35Alwaṉi waôdu wi ntye wi re gw’antyo mè ga nyawènyawè; e denda ga nte tondè ni mbèli y’ôrôṽa n’alwaṉi wi ntye ta; e zel’ôma wi re ko simby’ôgo wè awulinyè inè: Ô dend’ande? 36Gw’egômbe mèzoṉo, arô fwiny’ôgu wam̃ gôre myè; ivenda ny’ipangiṉi sam̃, ipendi sam̃ n’ônjèlènjèlè wam̃ w’awizyô gôre myè; irevi yam̃ n’ivangiṉi yam̃ y’arô buti myè; my’alwaṉizyô gw’ipangiṉi sam̃, ni ngulu yam̃ y’apendi kaô mpendaga. 37Ndô vèṉo, myè Nebukadnezar, mi sum̃inya, mi pendya alub’ôga w’ôrôṽa, are ijanji sè sôdu si r’ôrèti n’impoṉo sè gôre, n’ayè are ni ngulu yi sônya mongi wi kangaṉa n’ekale.
Currently Selected:
Danyèl 4: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Danyèl 4
4
1Nebukadnezar y’ôga, gôr’aṉongo môdu, gôr’imbuṽe, gôr’aṉaga wi nkambiny’edu, wi dwaṉa gô ntye yôdu. Am̃ènjè mi ga wuṉizyô gôre ṉwè!
2Arweṉi mbya gôre myè gô myeze lingilyô n’isam̃u yi mamô yi r’Anyambyè y’igôṉômè denda pa gôre myè. 3Mpendiṉi nde yi re lingilyô yè! ni ngulu nde yi r’isam̃u yè yi mamô! Iṉongo nyè nyi r’iṉongo nya koṉako, n’ipangiṉi sè si dwaṉa gw’ampôm̃a n’ampôm̃a.
4Myè Nebukadnezar, my’avegagi kendekende gô nagô yam̃, n’ôdwèrè gô nagô yam̃ y’ôga. 5My’ayinô nyinô, y’aryezi myè; ipikilya s’avegagi na myè g’ôdô wam̃ n’ijeṉa s’ewônjô zam̃ s’azokolyi myè. 6Yeṉo azômbyi myè inè, aṉaga w’imya waôdu wi Babèl wi ga ṽagô g’ôzô wam̃, ko waô bènguṉa myè nyinô. 7N’aṽyeṉ’aganga, na waô wi myeza g’ômwanja w’igègèṉi, na mongi Kalde, n’aganga w’imbwiri. N’awulinyi myè waô nyinô, ndô wi re myeze myè ibènguṉa sa yô. 8Ndô gô num̃uṉa aṽyeṉi Danyèl g’ôzô wam̃, aṽètyô ina nyi Bèltisazar ina ny’anyambyè yam̃, avegagi n’iṉiṉa ny’inyambyè s’ôrunda. N’awulinyi myè yè nyinô inè: 9Bèltisazar, ôvangiṉi w’aganga, my’avôrô inè, iṉiṉa ny’inyambyè s’ôrunda nyi re gôre wè, e zel’iyumbuṉô nyi re jola gôre wè, ṽènguṉa myè ijeṉa si re myè jeṉa pa gô nyinô. 10Vôna ijeṉa s’iṉiṉi nyam̃, gw’alèwagi myè g’ôdô wam̃. My’avônagi, na vôna, erere elôndwimè z’avegagi gô garegare yi ntye. 11Erere ziṉo z’arweṉ’evôlô n’ijola, idôndwa sa zô s’aziṽi kwanga g’ôrôṽa, n’ijeṉaṉa sa zô gw’im̃ôndô yi ntye yôdu. 12Ijavi sa zô s’avegag’ibya, n’ilônda ya zô imyenge; z’ayaṉag’inya gôre waôdu; inyam̃a s’ôrôve s’alèngag’iviri gô ntiṉa ya zô, inyoṉi s’igôṉô s’alwaṉagi gw’ampare ma zô, n’izôṉe yôdu y’anyezagô gô zô. 13Gw’ijeṉa s’iṉiṉi nyam̃, s’ayenyô myè g’ôdô wam̃, my’avôni, na vôna, ôm̃ori avila gôr’iṽèmbisi n’avila gôre waô wi re nkèrè azum̃iṉi avila g’ôrôṽa. 14Arôngi ni ngulu agamba yeṉo inè: Ṽegaṉ’erere, ko teṉaṉ’ampare ma zô; zugyazugyaṉ’ijavi, ko pazangaṉaṉ’ilônda: inyam̃a si ga wange avila gô ntiṉa, n’inyoṉi avila gw’ampare ma zô! 15Ndô rigaṉi mpundu ya zô gô ntye gw’iramba ya zô, ko diryaṉi yô n’azungakaṉô m’ômwanga na mi nyènyè gw’am̃aṉi m’ôrôve. Yi ga rèṽizô ne ômpèmbè w’igôṉô, ko yô dwaṉe n’am̃aṉi mi ntye, ga nte dwaṉa na mô inyam̃a. 16Ôrèm̃i wè wa mwôṉaga wi be tômbiṉô yè, ko yè pô ôrèm̃a wi nyam̃a; ni nyongo ôrwageṉô si be pyagaṉa gôre yè. 17Ndaga yiṉo yi r’ivanga nya mongi wi bèmba, iteṉiza siṉo si r’ôzômbyô wa mongi wi nkèrè, ko mongi wi re bo mya inè, Ôma w’Igôṉômè e pangiṉa gw’ipangiṉa s’aṉaga, e pa sô gôr’ôma wi tondô yè, alôṽya sô gôr’ôm’ombe pôlô vyagaṉô. 18Myè ôga Nebukadnezar, my’are jeṉa pe nyinô yiṉo. Awè, Bèltisazar, myez’ibènguṉa sa yô, gôre nè aṉaga waôdu w’imya w’iṉongo nyam̃ wi re jolye myeze myè yô: ndô awè ko jolya, konde nè ô re n’iṉiṉa ny’inyambyè s’ôrunda. —
19Vovo Danyèl, aṽètyô nè, Bèltisazar, am̃ami v’igwèra mè, n’ipikilyi sè s’azokolyi yè. Agambi ôga awulya inè: Bèltisazar, nyinô n’ibènguṉa s’azokolyo! N’awiṉizi Bèltisazar inè: Reri yam̃, nyiṉô yi ga lwaṉe gôre mongi wi biko, n’ibènguṉa sa yô gôr’ilôvalôvi yo! 20Erere z’ayenyô wè, zi kwalw’evôlô n’eyoli, n’idôndwa sa zô s’aziṽi kwanga g’ôrôṽa, n’ijeṉaṉa sa zô gw’im̃ôndô yôdu yi ntye; 21Erere ziṉo, ijavi sa zô s’avegag’ibya, n’ilônda ya zô imyenge, z’ayaṉag’inya gôr’aṉaga waôdu, inyam̃a s’ôrôve s’alwaṉagi gô ntiṉa ya zô, n’inyoṉi s’igôṉô s’avang’alwaṉô maô gô zô, 22ne wè ôga, ô re dwaṉa p’ômpôlô ni ngulu, konde mpendiṉi yo y’apendi aluka kwanga g’ôrôṽa, n’ipangiṉi so s’ayagayagi kwanga gw’im̃ôndô yi ntye. 23Ôga ayeṉ’ôm̃ori avila gôr’iṽèmbisi n’aṉaga wi nkèrè wi sum̃iṉa avila g’ôrôṽa awulya inè: Ṽegaṉ’erere, ayiliza zô; ndô rigaṉi mpundu gw’iramba ya zô gô ntye, ko kôraṉi yô n’azungakaṉô m’ômwanga na mi nyènyè gw’am̃aṉi m’ôrôve; ko yô tèṽizô ne ômpèmbè w’ôrôṽa, na inè, yi ga lwaṉe n’inyam̃a s’ôrôve, kwanga kaô nyongo ôrwageṉô apyagaṉa gô yô. 24Siṉo ne ibènguṉa, ôga, nyiṉo n’ivanga ny’Ôma w’Igôṉômè, nyi be dwaṉa gôre reri yam̃ ôga. 25Ô be sugô avila gôr’aṉaga, ni ndwaṉi yo yi be dwaṉa n’inyam̃a s’ôrôve; ô be pango gô ny’am̃aṉi ga inyare; ô be tèṽizô ne ômpèmbè w’ôrôṽa, ni nyongo ôrwageṉô si be pyagaṉa gôre wè, kaô w’amya inè, Ôma w’Igôṉômè e pangiṉa gw’ipangiṉa s’aṉaga, na inè, e pa sô gôr’ôma wi tondô yè. 26Ôzômbyô gô tige mpundu y’erere gw’iramba y’erere wi pivya inè, ipangiṉi so si be tigaṉa gôre wè gô be tô myo inè, ayè yi pangiṉa are g’ôrôṽa. 27Sambô, awè ôga, ôrevuṉô wam̃ wi ga rondye wè! wal’ibe so vo mbyi yo n’ipavi so vo ipôgiṉi so gôr’ikuge, gambèṉè ndwaṉi yo mbya yô ko davizô.
28Isam̃u yiṉo yôdu y’alwaṉizô gôre Nebukadnezar y’ôga. 29Gô ntyay y’igôm̃i ny’agwèli n’agwèli ambaṉi, gw’arèkagi yè gô nagô y’ôga gô Babèl, 30ôga agambi awulya inè: Yiṉo arange Babèl, yi re myè nôga pa, ga nagô y’ôga, vo ngulu y’inyangi nyam̃ na vo ipenda s’ivendi nyam̃? 31Igamba nyi p’are g’ôgwaṉa w’ôga, azum̃iny’inyôy avila g’ôrôṽa inè: Ôga Nebukadnezar, mya inè, ipangiṉa si ke tômbô avila gôre wè. 32Ô be sugô avila gôr’aṉaga, ô be dwaṉa gw’ilwaṉô nyo n’inyam̃a s’ôrôve, ô be pango gô ny’am̃aṉi g’inyare; ni nyongo ôrwageṉô si be pyagaṉa gôre wè, kaô w’amya inè, Ôma w’Igôṉômè e pangiṉa gw’ipangiṉa s’aṉaga, na inè, e pa sô gôr’ôma wi tondô yè. 33Gw’igwèra mèmô igamba ny’alwaṉizyô gôre Nebukadnezar. Azugyô avila gôr’aṉaga, anyeṉi yè am̃aṉi ga inyare, ôkuṽi wè w’arèṽizyô n’ômpèmbè w’ôrôṽa, kwanga gw’avôm̃’itwe sè g’ibôwa si ngwanyoṉi, n’ifèri sè g’akôsô m’inyoṉi.
34Egômbe z’aretyô keka pa, myè, Nebukadnezar, my’arômbiṉ’antyo mam̃ g’ôrôṽa, n’arô fwinyi ôgu wam̃ gôre myè. N’azaviṉi myè Ôma w’Igôṉômè; my’azum̃iny’avendya ayè yi dwaṉa gô koṉako, ayè yi re ipangiṉi sè si re ipangiṉa sa koṉako, na si dwaṉa gw’ampôm̃a n’ampôm̃a. 35Alwaṉi waôdu wi ntye wi re gw’antyo mè ga nyawènyawè; e denda ga nte tondè ni mbèli y’ôrôṽa n’alwaṉi wi ntye ta; e zel’ôma wi re ko simby’ôgo wè awulinyè inè: Ô dend’ande? 36Gw’egômbe mèzoṉo, arô fwiny’ôgu wam̃ gôre myè; ivenda ny’ipangiṉi sam̃, ipendi sam̃ n’ônjèlènjèlè wam̃ w’awizyô gôre myè; irevi yam̃ n’ivangiṉi yam̃ y’arô buti myè; my’alwaṉizyô gw’ipangiṉi sam̃, ni ngulu yam̃ y’apendi kaô mpendaga. 37Ndô vèṉo, myè Nebukadnezar, mi sum̃inya, mi pendya alub’ôga w’ôrôṽa, are ijanji sè sôdu si r’ôrèti n’impoṉo sè gôre, n’ayè are ni ngulu yi sônya mongi wi kangaṉa n’ekale.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.