Danyèl 2
2
1G’ômpum̃a wi mbaṉi w’ipangiṉa si Nebukadnezar, Nebukadnezar ayinô inyinô. Iṉiṉi nyè ny’azugyazugyô, ko yè alènge ngulu yi dèw’antyôviṉô. 2N’azômby’ôga gô fwey’aganga, na waô wi myeza g’ômwanja w’igègèṉi, n’aganga w’imbwiri na mongi Kalde, gôre waô gô bulinyè inyinô sè. N’aṽyeṉi waô agum̃aṉa g’ôzô w’ôga. 3N’awulinyô waô n’ôga inè: My’ayinô nyinô, n’azugyazugy’iṉiṉi nyam̃, mi bela gô mye nyinô yiṉo. 4Mongi Kalde w’awiṉizi gôr’ôga ni nkambiṉi y’Aramea inè: Ôga, lwaṉa gô koṉako! wulye nyinô gôr’inyôngô so, ko zwè myezo ibènguṉa. 5N’ayivir’ôga awulinya mongi Kalde inè: Ôsam̃u w’aperi myè; j’aṉw’amyeza myè nyinô n’ibènguṉa sa yô, gambèṉè aṉwè be teṉô imbèy, imbèy, n’inagô saṉi si be jilizyô agalw’anyela. 6Ndô j’aṉw’amyeza myè nyinô n’ibènguṉa sa yô, gambèṉè aṉwè be dènga avila gôre myè mpagaga n’ipa, n’ôlub’ômpôlô. Sambô myezaṉi myè nyinô n’ibènguṉa sa yô. 7N’arô fwiṉizi waô gô nyongo yi mbaṉi inè: Ôga e ga wulye nyinô gôr’inyôngô sè, ko zwè bènguṉa yô. 8Awiṉiz’ôga awulya inè: Giligili, mi jeṉa inè, aṉwè bele dèng’egômbe konde aṉwè jeṉa inè, ôsam̃u w’aperi myè. 9Sambô j’aṉwè pa myeza myè nyinô, gambèṉè e be dwaṉ’iteṉiz’im̃ori gôre ṉwèdu; aṉwè bele kekiz’agamba m’inôka na m’isapila gô kamba g’ôzô wam̃ kaô gômbe y’akalwa. Sambô wulinyaṉi myè nyinô, na mi be mya j’aṉw’are ni ngulu yi myeza myè ibènguṉa sa yô. 10N’awiṉizi mongi Kalde gôr’ôga inè: E zel’ôma gô ntye are ko jolye myez’ôsam̃u wi bambyô ôga; yeṉo kè e zele du ôga, ge ôm’ômpôlô ge ôma wi ngulu are dwaṉa pa, are bambya p’ôsam̃u ôṉongo wiṉo gôr’ôgangy’edu, ôma wi myeza g’ômwanja w’igègèṉi ge mongi Kalde. 11Ôsam̃u wi bamby’ôga wi r’ôyoli; e zel’ôma wi re ko jolye myeza wô gôr’ôga, kaô inyambyè si r’ilwaṉô nyaô nyi zele gôr’aṉaga.
12Gô ntiṉa yiṉo aṽendi ôga, mbendiṉi mbe pôlômè. Azômbyi yè inè, aṉaga w’imya waôdu wi Babèl wi ga yilizô. 13Yeṉo amyezô igamba, aṉaga w’imya w’ayônyô, n’awutagi waô Danyèl n’indegô sè gô jôṉô. 14Vovo awiṉizi Danyèl n’ôkeli n’imya gôr’Aryok, egogi z’ivenjavenji y’ôga, aliwô kogwi gô jôṉ’aṉaga w’imya wi Babèl. 15Awiṉizi yè awuliny’Aryok, egogi z’ôga, inè: Ntiṉa nde yi r’igamba ny’ôga jola yeṉo? N’amyezi Aryok ndaga gôre Danyèl. 16N’ayingiṉi Danyèl gôr’ôga, agwenè inkolo inè, e ga ve yè egômbe ko yè myez’ôga ibènguṉa. 17N’agèndi Danyèl gô nagô yè, amyeze ndaga yiṉo gôr’Ananya, Misaèl, n’Azarya, indegô sè, inè, 18wi ga gwen’inkolo gô nkèngo y’Anyambyè y’ôrôṽa, ko Danyèl n’indegô sè w’ayilizô ta ni mbèy y’aṉaga w’imya wi re tigaṉa pa gô Babèl.
19Egômbe mè ndaga y’amyezyô gôre Danyèl ôgwèra gô nyinô. N’azaviṉi Danyèl Anyambyè y’ôrôṽa. 20N’awiṉizi Danyèl awulya inè: Ôzaviṉô gw’ina ny’Anyambyè, avila gô koṉako agènda gô koṉako! Konde imya ni ngulu yi re gôre yè. 21Ayè kaluṉe gômbe n’isam̃u, ayè tômb’aga alwaṉiza waô, ayè p’imya gôr’aṉaga w’imya, n’ikôtiza gôre waô wi re n’ikôtiza. 22E tum̃iny’isam̃u y’ôronga na y’iyumbuṉô, avôrô ezom̃a zi re gô mpiri, n’ôzange wi dwaṉa na yè. 23Anyambyè y’ireri sam̃, mi pendyo azum̃inyo konde ô re pa pa myè imya ni ngulu, na konde ô re myeza pa myè ga nt’are zwè bambyo pa, konde ô re myeza pa zwè agamba m’iyumbuṉô m’ôga.
24Avila vovo ayingiṉi Danyèl gôr’Aryok, azômbyô n’ôga gô jiliz’aṉaga w’imya wi Babèl, agèndi yè, agamba na yè yeṉo inè: Ayiliz’aṉaga w’imya wi Babèl! Gèndya myè g’ôzô w’ôga, ko mi myez’ôga ibènguṉa.
25N’azunge kèndizi Aryok Danyèl g’ôzô w’ôga, n’agambi yè yeṉo inè: My’are dènga pa gôr’ikôte yi Yuda ôma wi be nyez’ôga ibènguṉa. 26N’ayivir’ôga awulinye Danyèl, y’aṽètyô ina nyi Bèltisazar inè: Ô re ni ngulu yi myeza myè nyinô y’ayenyô myè n’ibènguṉa sa yô? 27Ayiviri Danyèl g’ôzô w’ôga awulya inè: Ôsam̃u wi bambyô n’ôga wi r’iyumbuṉô nyi re aṉaga y’imya, ge waô wi myeza g’ômwanja w’igègèṉi, ge aganga, ge aganga w’imbwiri w’ayolye myeze nyô gôr’ôga. 28Ndô g’ôrôṽa ar’Anyambyè yi myez’ayumbuṉô, na yi re myeza pa gôr’ôga Nebukadnezar nte be twa gw’intyugu inum̃uṉa. Nyinô n’ijeṉa s’ayenyô wè g’ôdô wo ne siṉo. 29G’ôdô wo, ôga, ipikilya s’aṽyeṉi gôre wè g’ômwanja w’isam̃u yi be twa gw’intyugu inum̃uṉa; n’ayè yi tum̃iny’ayumbuṉô are myezo pa isam̃u yi be twa. 30Ndô gôre myè, iyumbuṉô nyiṉo nyi pa tum̃inyô gôre myè g’ômwanja w’imya si re na myè vyagaṉô n’aṉa ga waôdu wi re bo, ndô inè, ibènguṉa si ga myezô gôr’ôga, ko wè my’ipikilya s’ôrèm̃i wo.
31Awè ôga, w’avôni ayeṉ’ôgaṉ’ômpôlô; n’ôgaṉa mèwoṉo w’avegag’ômpuzu ômpôlô, n’ônjèlènjèlè ômpôlô; w’avegagi kum̃aṉa pa swaswo na wè, n’ebagaṉô za wô z’avegag’ererya. 32Ewônjô z’ôgaṉa wiṉo z’avegagi sika mbya ya teṉateṉa; ntôṉô ya wô n’atambe ma wô m’avegagi sika ya pupu; iwum̃u nya wô n’ambèṽèṉi ma wô m’avegagi nyènyè; 33agôlô ma wô ômwanga; intyôzô sa wô mbèy y’ômwanga ni mbèy y’iroy. 34W’avônagi, na vôna, idô ny’azodwi nyômè ôgo fo, aṽya gô bôl’intyôzô s’ômwanga na s’iroy s’ôgaṉa, anyigyanyigya sô. 35Vovo ômwanga, iroy, nyènyè, sika ya pupu na ya teṉateṉa, y’anyigyanyigyô ta, agalwa ga wulu yi pazangaṉa avila gw’ireṽiṉô ny’ilônda gw’egômbe zi nanga; n’ômpunga w’avazangaṉi yô, ko alèngô mbôra gô yô. Ndô idô ny’awôli ôgaṉa, ny’agalwi nômba mpôlô, ayônye ntye yôdu.
36Yiṉo ne nyinô. Azwè be bulya ibènguṉa sa yô g’ôzô w’ôga.
37Awè ôga, awè ne ôga w’aga, konde Anyambyè y’ôrôṽa are po pa ipangiṉa, inyanga, ngulu n’ivenda; 38gô mbôry’edu yi dwaṉ’awaṉa w’aṉaga, inyam̃a s’ôrôve n’inyoṉi s’igôṉô, are pa pa waôdu gw’ago mo, are dôṽyo pa gô pangiṉa waôdudu: awè n’ewônjô zi sika ya teṉateṉa. 39Gô nyum̃i yo e be kum̃aṉ’iṉongw’inyèṉè, inyangô vyagaṉô n’inyo; avila vovo iṉongo ny’ararô, nyi be dwaṉe nyènyè, ko nyô pangiṉe ntye yôdu. 40Iṉongo ny’anay nyi be dwaṉ’iyoli egolaṉi g’ômwanga; ga nte nyigyanyigy’ômwanga am̃oguṉe yom̃a yôdu, nyi be nyigyanyigya am̃oguṉe yom̃a yôdu, ga ômwanga wi nyigyanyigye yom̃a yôdu. 41Ga nt’ayeṉi wè intyôzô n’im̃eṉô impôlô y’agôlô, mbèy iwôṉô ni mbèy ômwanga, iṉongo nyiṉo nyi be kerô; ndô ezom̃a zi be dwaṉa gô nyô ga ngulu y’ômwanga, konde w’ayeṉi ômwanga bunduṉô pa n’iwôṉô. 42Ga nt’avegag’im̃eṉô impôlô y’agôlô mbèy ômwanga ni mbèy iwôṉô, iṉongo nyiṉo nyi be dwaṉe mbèy jola ni mbèy dèla. 43W’ayeṉ’ômwanga bunduṉô pa n’iwôṉô, konde wi be bunduṉ’ikuṽi yaô n’injeka s’aṉaga; ndô wi ze dataṉe ta, ga nt’ar’ômwanga wi pa bunduṉô n’iwôṉô. 44Gw’intyugu s’aga wiṉo, Anyambyè y’ôrôṽa e be dôṽy’iṉongo nyi re ny’ayilizô du, nyi ze nozô gw’ipangiṉa s’iṉongw’inyèṉè; ndô e be nyigyanyigy’ayiliz’aṉongo miṉo môdu, ko nyô dwaṉa gô koṉako. 45Siṉo n’ibènguṉa s’idô nyi re wè jeṉa pa ny’arenyô avila gô nômba ôgo fo, ny’anyigyanyigy’ômwanga, nyènyè, iwôṉô, sika ya pupu na ya teṉateṉa. Anyambyè mpôlô are myeza p’ôga isam̃u yi be twa gô bôsô. Nyinô yi re giligili, n’ibènguṉa sa yô rèti.
46N’alèmb’ôga Nebukadnezar mbè azaviṉe Danyèl, n’azômbyi yè inè, Danyèl e ga vô mpagaga ni yom̃a yi nkangô. 47N’agamb’ôga gôre Danyèl awulya inè: Giligili Anyambyè yaṉi ne Anyambyè y’ôrôṽa n’Ôvangiṉi w’aga; e tum̃iny’isam̃u y’iyumbuṉô, konde w’alwaṉi ni ngulu yi myez’ôsam̃u wiṉo w’iyumbuṉô. 48N’avang’ôga Danyèl ôm’ômpôlô, avè mpagaga mpôlô, n’alôṽyè yè ôvangiṉi gô lele yôdu yi Babèl, n’ewônjô z’aṉaga w’imya waôdu wi Babèl. 49N’aṽambyi Danyèl ôga inè, e ga lôṽye Sadirak, Mesak n’Abèd‐Negô ôvangiṉi wi lele yi Babèl. Ni Danyèl avegagi gôr’ôga.
Currently Selected:
Danyèl 2: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Danyèl 2
2
1G’ômpum̃a wi mbaṉi w’ipangiṉa si Nebukadnezar, Nebukadnezar ayinô inyinô. Iṉiṉi nyè ny’azugyazugyô, ko yè alènge ngulu yi dèw’antyôviṉô. 2N’azômby’ôga gô fwey’aganga, na waô wi myeza g’ômwanja w’igègèṉi, n’aganga w’imbwiri na mongi Kalde, gôre waô gô bulinyè inyinô sè. N’aṽyeṉi waô agum̃aṉa g’ôzô w’ôga. 3N’awulinyô waô n’ôga inè: My’ayinô nyinô, n’azugyazugy’iṉiṉi nyam̃, mi bela gô mye nyinô yiṉo. 4Mongi Kalde w’awiṉizi gôr’ôga ni nkambiṉi y’Aramea inè: Ôga, lwaṉa gô koṉako! wulye nyinô gôr’inyôngô so, ko zwè myezo ibènguṉa. 5N’ayivir’ôga awulinya mongi Kalde inè: Ôsam̃u w’aperi myè; j’aṉw’amyeza myè nyinô n’ibènguṉa sa yô, gambèṉè aṉwè be teṉô imbèy, imbèy, n’inagô saṉi si be jilizyô agalw’anyela. 6Ndô j’aṉw’amyeza myè nyinô n’ibènguṉa sa yô, gambèṉè aṉwè be dènga avila gôre myè mpagaga n’ipa, n’ôlub’ômpôlô. Sambô myezaṉi myè nyinô n’ibènguṉa sa yô. 7N’arô fwiṉizi waô gô nyongo yi mbaṉi inè: Ôga e ga wulye nyinô gôr’inyôngô sè, ko zwè bènguṉa yô. 8Awiṉiz’ôga awulya inè: Giligili, mi jeṉa inè, aṉwè bele dèng’egômbe konde aṉwè jeṉa inè, ôsam̃u w’aperi myè. 9Sambô j’aṉwè pa myeza myè nyinô, gambèṉè e be dwaṉ’iteṉiz’im̃ori gôre ṉwèdu; aṉwè bele kekiz’agamba m’inôka na m’isapila gô kamba g’ôzô wam̃ kaô gômbe y’akalwa. Sambô wulinyaṉi myè nyinô, na mi be mya j’aṉw’are ni ngulu yi myeza myè ibènguṉa sa yô. 10N’awiṉizi mongi Kalde gôr’ôga inè: E zel’ôma gô ntye are ko jolye myez’ôsam̃u wi bambyô ôga; yeṉo kè e zele du ôga, ge ôm’ômpôlô ge ôma wi ngulu are dwaṉa pa, are bambya p’ôsam̃u ôṉongo wiṉo gôr’ôgangy’edu, ôma wi myeza g’ômwanja w’igègèṉi ge mongi Kalde. 11Ôsam̃u wi bamby’ôga wi r’ôyoli; e zel’ôma wi re ko jolye myeza wô gôr’ôga, kaô inyambyè si r’ilwaṉô nyaô nyi zele gôr’aṉaga.
12Gô ntiṉa yiṉo aṽendi ôga, mbendiṉi mbe pôlômè. Azômbyi yè inè, aṉaga w’imya waôdu wi Babèl wi ga yilizô. 13Yeṉo amyezô igamba, aṉaga w’imya w’ayônyô, n’awutagi waô Danyèl n’indegô sè gô jôṉô. 14Vovo awiṉizi Danyèl n’ôkeli n’imya gôr’Aryok, egogi z’ivenjavenji y’ôga, aliwô kogwi gô jôṉ’aṉaga w’imya wi Babèl. 15Awiṉizi yè awuliny’Aryok, egogi z’ôga, inè: Ntiṉa nde yi r’igamba ny’ôga jola yeṉo? N’amyezi Aryok ndaga gôre Danyèl. 16N’ayingiṉi Danyèl gôr’ôga, agwenè inkolo inè, e ga ve yè egômbe ko yè myez’ôga ibènguṉa. 17N’agèndi Danyèl gô nagô yè, amyeze ndaga yiṉo gôr’Ananya, Misaèl, n’Azarya, indegô sè, inè, 18wi ga gwen’inkolo gô nkèngo y’Anyambyè y’ôrôṽa, ko Danyèl n’indegô sè w’ayilizô ta ni mbèy y’aṉaga w’imya wi re tigaṉa pa gô Babèl.
19Egômbe mè ndaga y’amyezyô gôre Danyèl ôgwèra gô nyinô. N’azaviṉi Danyèl Anyambyè y’ôrôṽa. 20N’awiṉizi Danyèl awulya inè: Ôzaviṉô gw’ina ny’Anyambyè, avila gô koṉako agènda gô koṉako! Konde imya ni ngulu yi re gôre yè. 21Ayè kaluṉe gômbe n’isam̃u, ayè tômb’aga alwaṉiza waô, ayè p’imya gôr’aṉaga w’imya, n’ikôtiza gôre waô wi re n’ikôtiza. 22E tum̃iny’isam̃u y’ôronga na y’iyumbuṉô, avôrô ezom̃a zi re gô mpiri, n’ôzange wi dwaṉa na yè. 23Anyambyè y’ireri sam̃, mi pendyo azum̃inyo konde ô re pa pa myè imya ni ngulu, na konde ô re myeza pa myè ga nt’are zwè bambyo pa, konde ô re myeza pa zwè agamba m’iyumbuṉô m’ôga.
24Avila vovo ayingiṉi Danyèl gôr’Aryok, azômbyô n’ôga gô jiliz’aṉaga w’imya wi Babèl, agèndi yè, agamba na yè yeṉo inè: Ayiliz’aṉaga w’imya wi Babèl! Gèndya myè g’ôzô w’ôga, ko mi myez’ôga ibènguṉa.
25N’azunge kèndizi Aryok Danyèl g’ôzô w’ôga, n’agambi yè yeṉo inè: My’are dènga pa gôr’ikôte yi Yuda ôma wi be nyez’ôga ibènguṉa. 26N’ayivir’ôga awulinye Danyèl, y’aṽètyô ina nyi Bèltisazar inè: Ô re ni ngulu yi myeza myè nyinô y’ayenyô myè n’ibènguṉa sa yô? 27Ayiviri Danyèl g’ôzô w’ôga awulya inè: Ôsam̃u wi bambyô n’ôga wi r’iyumbuṉô nyi re aṉaga y’imya, ge waô wi myeza g’ômwanja w’igègèṉi, ge aganga, ge aganga w’imbwiri w’ayolye myeze nyô gôr’ôga. 28Ndô g’ôrôṽa ar’Anyambyè yi myez’ayumbuṉô, na yi re myeza pa gôr’ôga Nebukadnezar nte be twa gw’intyugu inum̃uṉa. Nyinô n’ijeṉa s’ayenyô wè g’ôdô wo ne siṉo. 29G’ôdô wo, ôga, ipikilya s’aṽyeṉi gôre wè g’ômwanja w’isam̃u yi be twa gw’intyugu inum̃uṉa; n’ayè yi tum̃iny’ayumbuṉô are myezo pa isam̃u yi be twa. 30Ndô gôre myè, iyumbuṉô nyiṉo nyi pa tum̃inyô gôre myè g’ômwanja w’imya si re na myè vyagaṉô n’aṉa ga waôdu wi re bo, ndô inè, ibènguṉa si ga myezô gôr’ôga, ko wè my’ipikilya s’ôrèm̃i wo.
31Awè ôga, w’avôni ayeṉ’ôgaṉ’ômpôlô; n’ôgaṉa mèwoṉo w’avegag’ômpuzu ômpôlô, n’ônjèlènjèlè ômpôlô; w’avegagi kum̃aṉa pa swaswo na wè, n’ebagaṉô za wô z’avegag’ererya. 32Ewônjô z’ôgaṉa wiṉo z’avegagi sika mbya ya teṉateṉa; ntôṉô ya wô n’atambe ma wô m’avegagi sika ya pupu; iwum̃u nya wô n’ambèṽèṉi ma wô m’avegagi nyènyè; 33agôlô ma wô ômwanga; intyôzô sa wô mbèy y’ômwanga ni mbèy y’iroy. 34W’avônagi, na vôna, idô ny’azodwi nyômè ôgo fo, aṽya gô bôl’intyôzô s’ômwanga na s’iroy s’ôgaṉa, anyigyanyigya sô. 35Vovo ômwanga, iroy, nyènyè, sika ya pupu na ya teṉateṉa, y’anyigyanyigyô ta, agalwa ga wulu yi pazangaṉa avila gw’ireṽiṉô ny’ilônda gw’egômbe zi nanga; n’ômpunga w’avazangaṉi yô, ko alèngô mbôra gô yô. Ndô idô ny’awôli ôgaṉa, ny’agalwi nômba mpôlô, ayônye ntye yôdu.
36Yiṉo ne nyinô. Azwè be bulya ibènguṉa sa yô g’ôzô w’ôga.
37Awè ôga, awè ne ôga w’aga, konde Anyambyè y’ôrôṽa are po pa ipangiṉa, inyanga, ngulu n’ivenda; 38gô mbôry’edu yi dwaṉ’awaṉa w’aṉaga, inyam̃a s’ôrôve n’inyoṉi s’igôṉô, are pa pa waôdu gw’ago mo, are dôṽyo pa gô pangiṉa waôdudu: awè n’ewônjô zi sika ya teṉateṉa. 39Gô nyum̃i yo e be kum̃aṉ’iṉongw’inyèṉè, inyangô vyagaṉô n’inyo; avila vovo iṉongo ny’ararô, nyi be dwaṉe nyènyè, ko nyô pangiṉe ntye yôdu. 40Iṉongo ny’anay nyi be dwaṉ’iyoli egolaṉi g’ômwanga; ga nte nyigyanyigy’ômwanga am̃oguṉe yom̃a yôdu, nyi be nyigyanyigya am̃oguṉe yom̃a yôdu, ga ômwanga wi nyigyanyigye yom̃a yôdu. 41Ga nt’ayeṉi wè intyôzô n’im̃eṉô impôlô y’agôlô, mbèy iwôṉô ni mbèy ômwanga, iṉongo nyiṉo nyi be kerô; ndô ezom̃a zi be dwaṉa gô nyô ga ngulu y’ômwanga, konde w’ayeṉi ômwanga bunduṉô pa n’iwôṉô. 42Ga nt’avegag’im̃eṉô impôlô y’agôlô mbèy ômwanga ni mbèy iwôṉô, iṉongo nyiṉo nyi be dwaṉe mbèy jola ni mbèy dèla. 43W’ayeṉ’ômwanga bunduṉô pa n’iwôṉô, konde wi be bunduṉ’ikuṽi yaô n’injeka s’aṉaga; ndô wi ze dataṉe ta, ga nt’ar’ômwanga wi pa bunduṉô n’iwôṉô. 44Gw’intyugu s’aga wiṉo, Anyambyè y’ôrôṽa e be dôṽy’iṉongo nyi re ny’ayilizô du, nyi ze nozô gw’ipangiṉa s’iṉongw’inyèṉè; ndô e be nyigyanyigy’ayiliz’aṉongo miṉo môdu, ko nyô dwaṉa gô koṉako. 45Siṉo n’ibènguṉa s’idô nyi re wè jeṉa pa ny’arenyô avila gô nômba ôgo fo, ny’anyigyanyigy’ômwanga, nyènyè, iwôṉô, sika ya pupu na ya teṉateṉa. Anyambyè mpôlô are myeza p’ôga isam̃u yi be twa gô bôsô. Nyinô yi re giligili, n’ibènguṉa sa yô rèti.
46N’alèmb’ôga Nebukadnezar mbè azaviṉe Danyèl, n’azômbyi yè inè, Danyèl e ga vô mpagaga ni yom̃a yi nkangô. 47N’agamb’ôga gôre Danyèl awulya inè: Giligili Anyambyè yaṉi ne Anyambyè y’ôrôṽa n’Ôvangiṉi w’aga; e tum̃iny’isam̃u y’iyumbuṉô, konde w’alwaṉi ni ngulu yi myez’ôsam̃u wiṉo w’iyumbuṉô. 48N’avang’ôga Danyèl ôm’ômpôlô, avè mpagaga mpôlô, n’alôṽyè yè ôvangiṉi gô lele yôdu yi Babèl, n’ewônjô z’aṉaga w’imya waôdu wi Babèl. 49N’aṽambyi Danyèl ôga inè, e ga lôṽye Sadirak, Mesak n’Abèd‐Negô ôvangiṉi wi lele yi Babèl. Ni Danyèl avegagi gôr’ôga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.