Danyèl 1
1
1G’ômpum̃a w’irarô w’ipangiṉa si Yôyakim, y’ôga wi Yuda, aṽyeṉi Nebukadnezar, y’ôga wi Babèl, gô Yerusalèm, agômbiṉa yô. 2N’aveṉi Rerè Yôyakim, y’ôga wi Yuda, gw’ago mè, ni mbèy yi vagô yi nagô y’Anyambyè. N’arwaṉi Nebukadnezar vagô gô ntye yi Sinear, gô nagô y’anyambyè yè, n’aweli yè yô gô nagô y’igumba y’anyambyè yè.
3N’azômby’ôga Aspenaz, ôvangiṉi w’ivanguṉe yè inè, e ga ṽag’awèwo w’awaṉa w’Israèl avila gô mbuṽe y’ôga ntyo avila gô mbuṽe yi nam̃i, 4awanjo wi re mpèlo fo, mèpe jeṉô, avôṉô gw’imya, na gw’ikôtiza, na gw’inènja, ni ngulu gô janja gô nagô y’ôga, na wi re ko nènjô imya ni nkambiṉi yi Kalde. 5N’alôṽyagô waô n’ôga inya si ntyugw’edu, avila gw’inya s’ôga n’avila gw’ivè ny’ayongôgô yè, inè wi ga nyezô impum̃’irarô, gambèṉè gô ntyay ya yô ko waô dwaṉa gw’eṽilô z’ôga. 6Ndô avegagi gôre waô, gôr’awaṉa wi Yuda, Danyèl, Ananya, Misaèl, n’Azarya. 7Ôvangiṉi w’ivanguṉe yaô aṽèti waô ana, gôre Danyèl aṽèti yè inè, Bèltisazar, gôr’Ananya inè, Sadirak, gôre Misaèl inè, Mesak, na gôr’Azarya inè, Abèd‐Negô.
8Ndô Danyèl agenji g’ôrèm̃i wè inè, e pa bela gô fweviz’ôkuṽi wè n’inya s’ôga, ge n’ivè ny’ayongôgô ôga, n’agweni yè ôvangiṉi w’ivanguṉe inkolo inè, aṽangatyè gô fweva. 9Anyambyè avangi Danyèl gô dèng’ipôgiṉa n’imèpiṉô g’ôzô w’ôvangiṉi w’ivanguṉe. 10N’awuliny’ôvangiṉi w’ivanguṉe Danyèl inè: Mi tye reri yam̃ ôga, are kenjiṉa pa ṉwè yom̃a y’inya na y’ijonga; konde ntiṉa nde yi re yè gô jeṉ’azô maṉi n’ekèṽa vyagaṉô na m’awanjo mi re na ṉwè nkôṉa mô? Yeṉo aṉwè be dôṽy’ewônjô zam̃ gw’ererya gôr’ôga. 11N’awulinyi Danyèl Mèlzar, y’alôṽyô ne ôvangiṉi w’ivanguṉe gô penjavenje Danyèl, Ananya, Misaèl n’Azarya inè: 12Gèṉiz’inyôngô so igôm̃i ny’intyugu, ko zwè pô inya s’ebè si nyô, n’aṉingô mi jonga; 13avila vovo awè ko pôn’azô mazô n’azô m’awanjo mi ny’inya s’ôga, ko wè dendiṉ’inyôngô so ga nte be jeṉo. 14N’ayiviri yè waô ga nt’aṽambyi waô, agèṉizi yè waô igôm̃i ny’intyugu. 15Na gô ntyay y’igôm̃i ny’intyugu, azô maô m’ayeṉaṉ’ambya ni venda gw’ikuṽa vyagaṉô n’awanjo môdu m’aliwô m’anyeṉ’inya s’ôga. 16Yeṉo arômbagi Mèlzar inya n’ivè ny’arô jongyô waô, n’aveṉi yè waô inya s’ebè.
17Anyambyè aveṉ’awanjo miṉo anay avôṉô, n’ikôtiza gw’inènga sôdu, n’imya; ni Danyèl aṽènguṉag’ijeṉa sôdu n’inyiṉô sôdu. 18Gô ntyay y’intyugu s’aretyô n’ôga gôre waô gô bagô gôre yè, ôvangiṉi w’ivanguṉe aṽagi waô g’ôzô wi Nebukadnezar. 19N’ayir’ôga elombè na waô; na gôr’awanjo miṉo môdu, e pa dèng’ôma egolaṉi ga Danyèl, Ananya, Misaèl n’Azarya. Yeṉo awongyô waô gw’eṽilô z’ôga. 20Na gw’isam̃u yôdu y’imya na y’ikôtiza, y’aṽambyôgô waô n’ôga, alèngi waô n’imya igôm̃i ny’inyongo vyagaṉô n’aganga waôdu na waô wi myeza g’ômwanja w’igègèṉi w’avegagi gw’ipangiṉi sè sôdu. 21Yeṉo alwaṉi Danyèl kwanga g’ômpum̃ôlônga w’ôga Kirus.
Currently Selected:
Danyèl 1: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Danyèl 1
1
1G’ômpum̃a w’irarô w’ipangiṉa si Yôyakim, y’ôga wi Yuda, aṽyeṉi Nebukadnezar, y’ôga wi Babèl, gô Yerusalèm, agômbiṉa yô. 2N’aveṉi Rerè Yôyakim, y’ôga wi Yuda, gw’ago mè, ni mbèy yi vagô yi nagô y’Anyambyè. N’arwaṉi Nebukadnezar vagô gô ntye yi Sinear, gô nagô y’anyambyè yè, n’aweli yè yô gô nagô y’igumba y’anyambyè yè.
3N’azômby’ôga Aspenaz, ôvangiṉi w’ivanguṉe yè inè, e ga ṽag’awèwo w’awaṉa w’Israèl avila gô mbuṽe y’ôga ntyo avila gô mbuṽe yi nam̃i, 4awanjo wi re mpèlo fo, mèpe jeṉô, avôṉô gw’imya, na gw’ikôtiza, na gw’inènja, ni ngulu gô janja gô nagô y’ôga, na wi re ko nènjô imya ni nkambiṉi yi Kalde. 5N’alôṽyagô waô n’ôga inya si ntyugw’edu, avila gw’inya s’ôga n’avila gw’ivè ny’ayongôgô yè, inè wi ga nyezô impum̃’irarô, gambèṉè gô ntyay ya yô ko waô dwaṉa gw’eṽilô z’ôga. 6Ndô avegagi gôre waô, gôr’awaṉa wi Yuda, Danyèl, Ananya, Misaèl, n’Azarya. 7Ôvangiṉi w’ivanguṉe yaô aṽèti waô ana, gôre Danyèl aṽèti yè inè, Bèltisazar, gôr’Ananya inè, Sadirak, gôre Misaèl inè, Mesak, na gôr’Azarya inè, Abèd‐Negô.
8Ndô Danyèl agenji g’ôrèm̃i wè inè, e pa bela gô fweviz’ôkuṽi wè n’inya s’ôga, ge n’ivè ny’ayongôgô ôga, n’agweni yè ôvangiṉi w’ivanguṉe inkolo inè, aṽangatyè gô fweva. 9Anyambyè avangi Danyèl gô dèng’ipôgiṉa n’imèpiṉô g’ôzô w’ôvangiṉi w’ivanguṉe. 10N’awuliny’ôvangiṉi w’ivanguṉe Danyèl inè: Mi tye reri yam̃ ôga, are kenjiṉa pa ṉwè yom̃a y’inya na y’ijonga; konde ntiṉa nde yi re yè gô jeṉ’azô maṉi n’ekèṽa vyagaṉô na m’awanjo mi re na ṉwè nkôṉa mô? Yeṉo aṉwè be dôṽy’ewônjô zam̃ gw’ererya gôr’ôga. 11N’awulinyi Danyèl Mèlzar, y’alôṽyô ne ôvangiṉi w’ivanguṉe gô penjavenje Danyèl, Ananya, Misaèl n’Azarya inè: 12Gèṉiz’inyôngô so igôm̃i ny’intyugu, ko zwè pô inya s’ebè si nyô, n’aṉingô mi jonga; 13avila vovo awè ko pôn’azô mazô n’azô m’awanjo mi ny’inya s’ôga, ko wè dendiṉ’inyôngô so ga nte be jeṉo. 14N’ayiviri yè waô ga nt’aṽambyi waô, agèṉizi yè waô igôm̃i ny’intyugu. 15Na gô ntyay y’igôm̃i ny’intyugu, azô maô m’ayeṉaṉ’ambya ni venda gw’ikuṽa vyagaṉô n’awanjo môdu m’aliwô m’anyeṉ’inya s’ôga. 16Yeṉo arômbagi Mèlzar inya n’ivè ny’arô jongyô waô, n’aveṉi yè waô inya s’ebè.
17Anyambyè aveṉ’awanjo miṉo anay avôṉô, n’ikôtiza gw’inènga sôdu, n’imya; ni Danyèl aṽènguṉag’ijeṉa sôdu n’inyiṉô sôdu. 18Gô ntyay y’intyugu s’aretyô n’ôga gôre waô gô bagô gôre yè, ôvangiṉi w’ivanguṉe aṽagi waô g’ôzô wi Nebukadnezar. 19N’ayir’ôga elombè na waô; na gôr’awanjo miṉo môdu, e pa dèng’ôma egolaṉi ga Danyèl, Ananya, Misaèl n’Azarya. Yeṉo awongyô waô gw’eṽilô z’ôga. 20Na gw’isam̃u yôdu y’imya na y’ikôtiza, y’aṽambyôgô waô n’ôga, alèngi waô n’imya igôm̃i ny’inyongo vyagaṉô n’aganga waôdu na waô wi myeza g’ômwanja w’igègèṉi w’avegagi gw’ipangiṉi sè sôdu. 21Yeṉo alwaṉi Danyèl kwanga g’ômpum̃ôlônga w’ôga Kirus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.