SAKARIA 9
9
Pobotusi ri waĘĽa negara samposori Isaraeli
9:1-8
1 #
Yes. 17:1-3, Yer. 49:23-27, Am. 1:3-5 #Yes. 23:1-18, Yeh. 26:1–28:26, Yo. 3:4-8, Am. 1:9-10, Mat. 11:21-22, Luk. 10:13-14 Ewaseʼi nuntu i mPue. Sira mangabotusimo da mangahuku tana Hadara pai kota Damasi. Banya podo waʼa lemba nto Isaraeli, paikanya ibukotanya Siria i Pue tumpunya. 2Hamati anu motida pai Hadara Sira seʼe tumpunya, ewanceʼe seʼe kota Tiru pai Sidoni sangkani pai kaloʼe waʼa ntaunya. 3Tiru mangawangumo waʼa bentenya pai mampasambaka wuyawa anu sondo pai salaka, painaka jamo ewa aga-aga anu biasa ewa rangiʼi pai loge ri jaya. 4Paikanya i Pue da mampapewali siʼa kaasi-asi. Pura-pura kakoreʼe ngkota setu da ndatajika ri tasi pai kota setu da pura nakoni apu.
5 #
Yes. 14:29-31, Yer. 47:1-7, Yeh. 25:15-17, Yo. 3:4-8, Am. 1:6-8, Sep. 2:4-7 Kota Asikelo pai Gasa da mangkita pai da maeka. Ekero da mangangkita woʼu painaka paya pura-pura pampomata-matanya. Gasa da tetaji mokolenya pai Asikelo da mewali njii bemoreʼe tau mampeari. 6Asido da napeari banca anu sigalo. Ndatoʼo i mPue, “To Pelisiti anu mekiunde setu da Kuropu. 7Tau seʼe bareʼe da mangangkoni wayawo anu ntongo madaa-daa bara pangkoni ntaninya anu kamonconya bemaya ndakoni. Pura-pura tau anu ntongo totaʼapa da mewali tau-Ku pai da ndareke ewa santila ungka ri lemba Yahuda. Ekero da mewali anggota waʼa ntauku da ewa Yebusi owi. 8Yaku da mangajagai tana-Ku pai da mangayawati wʼa ncurodado ntau mencua anu da malempo. Bareʼe da kuwai waʼa ntopojeani mampowatua waʼa ntau-Ku. Maka Kukitamo kapari ntau seʼe.”
Mokole anu da rata
9:9-10
9 #
Mat. 21:5, Yoh. 12:15 Ee bangani Sioni, pakawongkomo rayamu!
Ee bangani Yerusale, ponggoramo!
Peolemo! Mokole rata mangkeni penangi!
SiĘĽa Mokole anu mayoa anu mangkeni katesorepaka.
Paikanya Sira lauka raya, Sira rata
mampelamba kalide, sambaĘĽa kalide anu mangurapa.
10 #
Pol. 72:8
NdatoĘĽo i mPue,
“Waʼa ngkareta mpoʼiwali ungka ri Eparai da kutajika,
pura-pura nyara ri Yerusale da Kupapaya
pai pura-pura pana da Kulesaki.
Mokolemu da mamposongkaka kasimadago ri oyo waĘĽa banca.
Ungka ri tasi sambaka njoĘĽu ri tasi sambaka siĘĽa da makuasa,
ungka ri Koro Eparata rata ri tando lino.”
Pawali wangu muni katedikanaka ntau i mPue Ala
9:11-17
11 #
Pa. 24:8
NdatoĘĽo i mPue ri waĘĽa ntaua,
“Ua pojanji anu kupareʼe pai komi
pojanji anu ndaraasika daa mpanyomba anu ndapanyombaka,
da kulapasaka waĘĽa mpalilimu
anu maepe pari ri pantawani
ewa tau anu manawu ri raya ntibubu anu mangau.
12Pewalilimo ee waĘĽa ntau anu ndataji,
seĘĽi-seĘĽi komi reĘĽemo pampomata-mata.
Pewalilimo ri kareĘĽe mpetatondomu,
Yaku bareĘĽe bali-bali mangadonco komi.
Pedongeka, komi da kudonco ruangkani karianya
ua waĘĽa ngkapari ua ndiepemo.
13Yahuda da kupake ewa pomakoje,
pai Isaraeli ewa mata mpana anu jamo da ndapepanaka.
Bangani Siono da kupake ewa penai;
pai penai setu da kuungku waʼa nto Yunani.”
14I Pue da mampapamara koroa ri waĘĽa ntau-A
ewa pesindi ngkila da pesupalaka waĘĽa mata mpanaa.
I Pue Anu Ndate ri Peawanya da mantawuisi surupeta petondoni mpopaungku,
nepa melinja ri raya lompiu ungka ri selata.
15WaĘĽa ntau-A manoto da ndapangkariani,
inceĘĽe painaka waĘĽa iwali da nanangi ntau seĘĽe.
Da ewa pekiu ntau anu mayangu ua manginu,
ewanceĘĽe seĘĽe pekiu ntau seĘĽe ri pombetoto.
Ewa daa mpanyomba anu ndabubu ri wawo lampaĘĽani
ewanceĘĽe seĘĽe da katebubu daa iwali ntau seĘĽe.
16Ane ratamo eo setu, i Pue da mancorepaka waĘĽa ntaua,
da ewa topongkambi mancorepaka bimbanya ungka ri karugi.
Tau seĘĽe da merara ri tana i mPue,
da ewa paramata makota anu mengkido-ngkido.
17Da maĘĽai ngkalese tana i mPue setu raneonya.
MaĘĽai ngkalese pai meawa!
Njairia anggoro pai gandu da tuwu malimbokori,
mampopuĘĽu waĘĽa mpemuda terangani karosonya.
Currently Selected:
SAKARIA 9: LAIPMF
Highlight
Share
Compare
Copy
Want to have your highlights saved across all your devices? Sign up or sign in
