SAKARIA 6
6
Pepatongawa kono aopo kareta mpoʼiwali
6:1-8
1Kurata woʼu pepatongawa anu ntaninya. Sangkani seʼi kukita aopo kareta mpoʼiwali mesuwu ungka ri oyo radua buyu tambaga. 2#Pepat. 6:4, 5 Waʼa ngkareta setu nanoʼo teradua nyara, anu kaʼisa radua nyara mawaa, anu karadua radua nyara maeta, 3#Pepat. 6:2 anu katatogo radua nyara mabuya pai anu kaʼaopo nanoʼo radua nyara loba. 4Meoasi yaku ri malaʼeka setu kutoʼo, “Tua, nunjaa posokinya waʼa ngkareta mpoʼiwali setu?”
5 #
Pepat. 7:1
Mesono sira ndatoʼo, “Tau seʼe da njoʼu ri aopo payompo yangi, ane roomo njoʼu mancuara i Pue tumpu ntana pai yangi. 6Kareta mpoʼiwali anu nanoʼo nyara maeta da njoʼu ri Babeli utara. Nyara buya da njoʼu ri kasoyoa pai nyara loba da njoʼu ri negara selata.”
7Butu mesuwu nyara anu loba setu, ndakita bareʼemo rodo tau seʼe da malaimo mamparesa lino! Malaimo kojo tau seʼe. 8Roo setu meboo malaʼeka ri yaku ndatoʼo, “Nyara anu njoʼu ri Babeli setu mampakamandamo karau ndaya i mPue.”
Songka da mampatokaka i Yosua makota
6:9-15
9I Pue mawai nuntu seʼi ri yaku, 10Ndatoʼo, “Timamo panyomba anu nawai i Heledai, Tobia pai Yedaya, waʼa ntau anu nepa mewalili ungka ri kareʼe mpantawani ri Babeli. Ganggaramo nakeni panyomba ntau seʼe setu ri banua i Yosia ana i Sepanya. 11Ungka ri wuyawa pai salaka anu nawai ntau seʼe setu, powiamo sambaʼa makota pai patakamo ri woʼo i nTadu mPanyomba Bangke Yosua ana i Yosada. 12#Yer. 23:5, 33:15, Sak. 3:8 Toʼoka siʼa Yaku Pue Anu Makuasa mantoʼo, ‘Tau anu ndatoʼo I Wayonya da mowua tetalanya ri kareʼenya pai siʼa da mangawangu Banua i mPue. 13Siʼamo anu mangawangunaka Banua-Ku pai da mangarata pebangkei ewa sambaʼa mokole, pai siʼa da mamparenta palilinya. Sambaʼa tadu mpanyomba da maawei siʼa pai tau seʼe da motetala mpodago sangkani-ngkani.’ 14Makota setu da ndidika ri Banua-Ku da ndapampatiendo i Heledai, i Tobia, Yedaya, pai i Yosia. 15Waʼa ntau da rata ungka ri kalwanya da mantulungi pawangunaka Banua-Ku. Ane roomo pombangunaka setu, nepa da naincani ntau seʼe ka-Yakunya Pue Anu Makuasa mampokaumo siko njoʼu ri tau seʼe. Pura-pura setu da tepewali anu monco kojo tau seʼe mawianaka waʼa ncongka-Ku, Pue Ala pue ntau seʼe.”
Currently Selected:
SAKARIA 6: LAIPMF
Highlight
Share
Compare
Copy
Want to have your highlights saved across all your devices? Sign up or sign in
