MARAKUSI 4
4
Nuntu mporapa tau mancawu inii
4:1-9
(Mat. 13:1-9, Luk. 8:4-8)
1 #
Luk. 5:1-3
Mompaguru woʼu i Yesu ri wiwi nDano Galilea. Ua sondo mpodago tau anu malimbu-limbu Sira, inceʼe puʼunya painaka mepone Sira ri duanga motunda njairia, duanga setu lawi njau molanto-lanto ri rano, tau sondo mekakore ri wingke. 2Maria ngaya anu ndapepaguruka i Yesu ri tau seʼe ndakeni ri nuntu mporapa. Ewanceʼi pampaguru-A tau seʼe.
3“Ndipedongeka! Reʼe sambaʼa topojamaa njoʼu mancawu inii. 4Sindara mponcawunya, reʼe inii anu tudu ri jaya. Ungka lairia jela tonci mantungkusi pura-pura inii setu. 5Reʼe woʼu anu tudu ri tana kewatu, anu sakodija tananya, inii setu ronga tuwu ua pongoli tananya, 6paikanya butu naindo ndeme, waʼa metinya setu montepuʼu malele, rantani mangau pai mate ua bareʼe loʼuka pokalenya. 7Reʼe woʼu inii anu tudu ri oyo ndui. Rui setu tuwu pai mangangkaʼuwi inii anu tuwumo rantani mate. 8Paikanya reʼe woʼu inii anu tudu ri tana anu maboko. Inii setu tuwu, rantani mowua maria kojo wuanya, reʼe anu togompuyu reʼe anu onompuyu, pai reʼe anu saatu ngkani kasondonya painaka inii anu ndasawu.”
9Pusa ndatuntu nuntu mporapa setu, ndatoʼo i Yesu, “Komi motalinga, ndipedongeka!”
Wenu painaka i Yesu mompaguru ri nuntu mporapa
4:10-12
(Mat. 13:10-17, Luk. 8:9-10)
10Ri tempo ngkatepatani i Yesu, jelamo waʼa ntau anu roo madonge pompaguru-A sangkani-ngkani pai anaguru-A sampuyu pai radua. Naperapi ntau seʼe da naka ndatotoraka posoki nuntu mporapa seʼe. 11Ndatoʼo i Yesu ri tau seʼe, “Komi roomo ndawaika kaloʼe da maincani rahasia kono kaʼ ewambeʼinya Poparenta i mPue Ala. Paikanya waʼa ntau ntaninya ndapaguru ri nuntu mporapa, 12#Yes. 6:9-10 da naka,
‘Mau napeole ntau seʼe,
paikanya bareʼe da nakita,
da napedongeka mpaliu,
paikanya bareʼe narata ndaya ntau seʼe,
inceʼi mewali da naka neʼe nakita pai narata ndaya ntau seʼe.
Pai neʼe jela ri Pue Ala
painaka bareʼe da ndakitanaka salaanya.’ ”
I Yesu mantotoraka nuntu mporapa tau mancawu inii
4:13-20
(Mat. 13:18-23, Luk. 8:11-15)
13Ungka lairia ndatoʼo i Yesu ri tau seʼe, “Ane bareʼe ndirata ndaya nuntu mporapa seʼi, ewambeʼi da ndiparata ndaya nuntu mporapa anu ntaninya? 14Toponcawu inii inceʼemo tau anu mampobambarika nuntu ungka ri Pue Ala. 15Inii anu tudu ri tana mpeni inceʼemo waʼa ntau anu madonge nuntu ungka ri Pue Ala kono poparentaa. Madonge mpinca jela i Majaʼa narabusi anu tepomuya ri raya ntau seʼe. 16Inii anu tudu ri tana kewatu inceʼemo waʼa ntau anu madonge pai mantarima nuntu setu pai natarima ri kawongko ndayanya. 17Paikanya nuntu setu bareʼe mokale ri raya ntau seʼe, painaka bareʼe ntani masae. Butu napomberataka ntau seʼe kapari bara pejeani ua nuntu setu, liu-liu meuranaka tau seʼe. 18Inii anu tudu ri oyo ndui setu, inceʼemo waʼa ntau anu madonge nuntu setu, 19paikanya napoʼipu da katuwu ntau seʼe pai maʼai napampodaraya da sugi. Pamposawoyonya da mampotumpu mpengaya-ngaya inceʼe anu lau ri raya ntau seʼe. Inceʼe puʼunya Nuntu anu ungka ri Pue Ala bereʼe kasoanya da tuwu ri raya ntau seʼe, painaka bareʼe mowua. 20Pai inii anu tudu ri tana maboko setu inceʼemo waʼa ntau anu madonge nuntu setu pai natarima, maria anu napowuaka ntau seʼe, reʼe anu togompuyu, reʼe anu onompuyu, reʼe anu saatu ngkani kamaria mbuanya.”
Silo anu ndasangoka gumba
4:21-25
(Luk. 8:16-18)
21 #
Mat. 5:15, Luk. 11:33 Tondanya, ndatoʼo woʼu i Yesu, “Ara reʼe tau anu mantutuni silo nepa nasangoka gumba, bara nadika ri ara langka ngkayore? Ara bareʼe da nadika ri potundanya? 22#Mat. 10:26, Luk. 12:2 Bareʼe dareʼe anu tesambuni anu bareʼe da tongawa; pai bereʼe anu ndasambunika anu bareʼe da tebaanaka. 23Inceʼe puʼunya, ane motalinga, pedongeka!”
24 #
Mat. 7:2, Luk. 6:38 Ndatoʼo woʼu i Yesu, “Ndiparindayamo anu ndidonge seʼi! Pontubu anu nditubuka tau ntaninya inceʼe seʼe anu da ndatubuka i mPue Ala komi pai da meruu woʼu karatenya. 25#Mat. 13:12, 25:29, Luk. 19:26 Maka tau anu reʼemo anunya da ndarangani woʼu, meruu kasondonya; paikanya tau anu bereʼe anunya, sako anu reʼe sakodi ri siʼa da ndatima woʼu.”
Nuntu mporapa kono inii anu tuwu
4:26-29
26Ndasumparaka woʼu i Yesu popatuntua ndatoʼo, “Ane i Pue Ala moparenta ewa mokole, katedikanakanya maya ndapaporapaka ewa sambaʼa tau anu mancawu inii ri bondenya. 27Mawengi yore siʼa; bangke reme membangu, nakita iniinya tuwu kakobangke-bangke. Paikanya bara ewambeʼi katuwunya rantani bangke bareʼe naincani ntau setu. 28Tanamo setu ngkalionya anu mampapowua; uyu-uyunya tokonya, nepa mesuwu koenya nepa metondaraka wuanya. 29#Yo. 3:13 Pai ane matasamo gandu setu da natepuʼumo ntau mampota, maka jelamo turo mpomota.”
Nuntu mporapa wuku nambo
4:30-34
(Mat. 13:31-32,34, Luk. 13:18-19)
30Meoasi i Yesu ndatoʼo, “Ane i Pue Ala moparenta, da ewa nunjaa maya ndapasiwiaka? Nunjaa anu maya da tapasiwiaka ri ndapampetotorakaka? 31Ane i Pue Ala moparenta katedikanakanya ewa nuntu mporapa seʼi: Reʼe tau sambaʼa mantima wuku nambo saogu napomuya. Wuku nambo inceʼemo wuku mpinamuya anu maʼai kakodinya ri wawo lino seʼi. 32Paikanya ane tuwumo, siʼamo anu bangke ungka ri waʼa mpinamuya. Madago potinale ndaʼanya lese da naposea ntonci ri lerunya.”
33Ewanceʼemo ndapamparata i Yesu patada i mPue Ala ndakeni ri nuntu mporapa ri gori mpangkoto ntau seʼe da marata ndaya. 34I Yesu mampake nuntu mporapa ane mampaguru waʼa ntau setu. Paikanya ane jamo waʼa anaguru-A pai Sira, nepa ndawali ntotorakaka tau seʼe pura-pura.
I Yesu mampapeʼonto ngoyu marimbo
4:35-41
(Mat. 8:23-27, Luk. 8:22-25)
35Ngkinowia ri eo setu seʼe, ndatoʼo i Yesu ri waʼa anaguru-A, “Ndikaligamo taposumomba ri sambote ndano.” 36Meʼulayamo waʼa anagurua ri raya duanga, maka i Yesu lawi laumo ri raya duanga setu. Ndapalaikamo waʼa ntau sondo ri wingke ndano. Moduangamo i Yesu pai waʼa anaguru-A. Ri wingke setu lau woʼu waʼa duanga anu ntaninya. 37Bareʼepa masae poduanga ntau seʼe mewuimo ngoyu marimbo, duanga montepuʼumo narumpa ndopo pai mariamo ue mesua ri raya duanga rantani mosu bukemo. 38I Yesu lintu yore ri londe duanga. Nalike waʼa anaguru-A Sira, natoʼo ntau seʼe, “Guru bareʼe ndilinga, kita da malatumo?”
39Membangu i Yesu ndaburangkasi ngoyu setu, nepa ndatoʼoka rano, “Karodo, kalenemo!” Mandamo ngoyu, pai lotomo rano. 40Nepa ndatoʼo i Yesu ri waʼa anaguru-A, “Ara wenu painaka maeka rayami? Ara wenu painaka bareʼe ndiaya yaku?”
41Maekamo raya ntau seʼe painaka mombepeoasi tau seʼe natoʼo, “Isema kojo kamonconya tau seʼi, sako ngoyu pai ropo medonge ri Sira?”
Currently Selected:
MARAKUSI 4: LAIPMF
Highlight
Share
Copy
Want to have your highlights saved across all your devices? Sign up or sign in
