MATIU 5
5
Tuntu ri pongkuntana
5:1-2
1Butu ndakita i Yesu waʼa ntau sondo setu, mandakemo Sira ndeku ri pongkuntana. Motunda pinca Sira, jelamo waʼa anaguru-A madadu Sira, 2ndatepuʼumo mampaguru tau seʼe ndatoʼo,
Kalindo ndaya anu monco
5:3-12
(Luk. 6:20-23)
3“Yontomo kalindo ndaya ntau anu maepe bereʼe pangkotonya pai podo montambusaka ri Pue;
Maka i Pue Ala da mamponinika tau seʼe!
4 #
Yes. 61:2
Yontomo kalindo ndaya ntau anu mapari rayanya;
Maka i Pue Ala da mampalindo raya ntau seʼe!
5 #
Pol. 37:11
Yontomo kalindo ndaya ntau anu lauka rayanya;
Maka i Pue Ala da mawaika tau seʼe pura-pura anu ndajanji!
6 #
Yes. 55:1-2
Yontomo kalindo ndaya ntau anu mampomawo mawianaka pepokono mPue Ala;
Maka i Pue Ala da mampakawongko raya ntau seʼe!
7Yontomo kalindo ndaya ntau anu mampokapuru tau ntaninya;
Maka i Pue Ala da mampokapuru tau seʼe!
8 #
Pol. 24:3-4
Yontomo kalindo ndaya ntau anu ndapakagali i mPue rayanya;
Maka tau seʼe da maincani i Pue Ala!
9Yontomo kalindo ndaya ntau anu mangkeni kasimadago ri oyo ngkasitaunya;
Maka tau seʼe da ndaʼaku i mPue Ala mewali ana-A!
10 #
1 Ptr. 3:14
Yontomo kalindo ndaya ntau anu mangkoyo kapari mpejeani ua mawianaka pepokono i mPue Ala;
tau seʼe inceʼemo tau i mPue Ala!
11 #
1 Ptr. 4:14
Yontomo kalindo ndayami komi ane ndaposari, ndajeani pai ndanuntuki ua mamponcuruka yaku. 12#2 Taw. 36:16, Pwn. 7:52 Maka waʼa nabi anu mamporiukamo komi, roomo mangkoyo kapari mpejeani anu ewancetu. Ndipakawongko-wongkomo rayami, maka bangke silinya anu ndapatokaka komi i mPue.”
Bure pai reme
5:13-16
13 #
Mrk. 9:50, Luk. 14:34-35 “Komi seʼi pura-pura da ewa bure nu lino. Ane bure bareʼemo masi, ewambeʼi da ndapampakamasi muni? Bareʼemo reʼe yowenya, jamo da ndatajika pai da naija-ija ntau.
14 #
Yoh. 8:12, 9:5 Komi pura-pura da ewa reme nu lino. Lipu anu ri wawo buyu kareʼenya bareʼe da ndakoto masambunika. 15#Mrk. 4:21, Luk. 8:16, 11:33 Bereʼe tau anu mantutuni silo nepa nasangoka gumba. Paikanya da nadika ri potunda ncilo, da naka narara waʼa ntau anu reʼe ri raya banua. 16#1 Ptr. 2:12 Da ewanceʼe seʼe komi ewa reme nu lino da merara ri suara waʼa ntau, da napangkita ntau seʼe pura-pura powiami anu madago, painaka da naunde Papami anu ri suruga.”
Totoraka kono waʼa mpadika agama nto Yahudi
5:17-20
17“Neʼe ndisarumaka yaku seʼi maʼi da mabalisaka waʼa mpadika anu nawai i Musa pai waʼa pompaguru waʼa nabi, paikanya da mantotoraka da naka ndirata ndaya posokinya ri gori ngkamonconya. 18#Luk. 16:17 Kamonco-monconya kutoʼoka komi, sangkasae ntinuwu yangi pai lino, sako sambaʼa hurupu bara todi anu kodi mpodago ntano ri raya mpadika setu bareʼe da ndapalisi ane bareʼepa mewali pura-puranya setu! 19Inceʼe painaka bara isema anu maewa sangaya ri waʼa mpadika setu, mau podo anu kodi-kodi ntano, pai mampaguruka tau ntaninya ewanceʼe, siʼa da mewali tau anu kodi mpodago ri oyo waʼa ntau i mPue Ala. Paikanya bara isema mangalulu waʼa mpadika setu pai napaguru woʼu tau ntaninya da mowia ewanceʼe, siʼa da mewali tau anu bangke ri oyo waʼa ntau i mPue Ala. 20Mewali ndidikamo ri rayami: Bareʼe da ndikoto mewali tau i mPue Ala ane bereʼe peruumi ri waʼa guru agama pai waʼa nto Parisi ri pangawianaka pepokono i mPue Ala!”
Patada naka neʼe pasengke
5:21-26
(Luk. 12:57-59)
21 #
Pa. 20:13, Paw. 5:17 “Ndiincanimo ungka ri waʼa ntau tuʼata reʼe patada anu mantoʼo: Neʼe mepepate; bara isema anu mepepate sangaya-ngaya da ndahuku. 22Paikanya seʼi-seʼi Kutoʼoka komi, bara isema anu pasengke ri tau ntaninya da ndahuku; pai bara isema anu mampepepara yunu, sangaya-ngaya siʼa da ndapekibotusi ri suara Majalisi Agama. Pai bara isema anu mantoʼoka yunu, ‘Tengo asu’, siʼa da ndahuku i mPue Ala pai da ndatendeka ri apu naraka. 23Inceʼe puʼunya ane reʼe ri oyomi anu ntongo mampanyombaka panyombanya ri Pue Ala, pai kono naendo reʼe tau anu mampomajuʼa ndaya siʼa, 24aginya nadika riunya panyombanya ri suara lampaʼani, nepa njoʼu simadago riunya pai tau setu. Roo setu, madagomo siʼa mewalili mampanyombaka panyombanya ri Pue Ala.
25Ane rapanya reʼe anu mampekalaka komi ri Topobotusi, pai ane reʼepa tempo, pepalika jayanya da naka simadago muni komi ri kabareʼepanya jela ri suara nTopobotusi. Maka ane bareʼe, tau setu da mampepombaika komi ri Topobotusi, anu da mampepombaika komi ri pale mPolisi. Nepa Polisi da mampapesua komi ri raya ntarunggu. 26Da ndipaincani, manoto bareʼe da ndileʼo mesuwu ungka ri raya ntarunggu ane bareʼepa leso pura-pura dendami.”
Posalara
5:27-30
27 #
Pa. 20:14, Paw. 5:18 “Lawi ndiincanimo komi, reʼe totoraka anu mantoʼo: Neʼe mosalara. 28Paikanya seʼi-seʼi Kutoʼoka komi: bara isema anu mampeole sambaʼa weʼa pai mekale sawoyo ndayanya, tau setu mosalaramo ri rayanya pai weʼa setu. 29#Mat. 18:9, Mrk. 9:47 Ewanceʼe seʼe rapanya; ane matamu mokana mampapopuʼu kanawumu ri raya ncalaa, juʼimo pai tajikamo! Moruana tetaji sangaya ri parewa ngkoromu painaka siko da ndatendeka ri apu naraka, 30#Mat. 18:8, Mrk. 9:43 ane palemu mokana mampapopuʼu kanawumu ri raya ncalaa, owomo pai tajikamo! Moruana tetaji palemu sambali painaka siko da mesua ri naraka.”
Pogaʼa
5:31-32
(Mat. 19:9, Mrk. 10:11-12, Luk. 16:18)
31 #
Paw. 24:1-4, Mat. 19:7, Mrk. 10:4 “Reʼe woʼu totoraka anu ewaseʼi: tau anu mampogaʼaka rongonya, sangaya-ngaya da nawaika sura mpogaʼa. 32#Mat. 19:9, Mrk. 10:11-12, Luk. 16:18, 1 Kor. 7:10-11 Paikanya seʼi-seʼi Kutoʼoka komi: bara isema anu mampogaʼaka rongonya, seʼi bereʼe powianya anu majaʼa ewa posalara, siʼa mampapopuʼu rongonya setu mosalara ane wali mpolangkai muni siʼa. Pai bara isema anu mamporongo woʼu weʼa anu ndapogaʼaka setu, tuama setu woʼu tesua mosalara.”
Pontandokoro
5:33-37
33 #
Tad. 19:12, Pai. 30:2, Paw. 23:21 “Lawi ndiincanimo reʼe totoraka ungka maʼi tau tuʼata anu mantoʼo: neʼe malewa janji, nunjaa anu roomo nujanji ri pontandokoro ri suara mPue Ala, sangaya-ngaya da nuwianaka. 34#Yak. 5:12, Yes. 66:1, Mat. 23:22 Paikanya seʼi-seʼi Kutoʼoka komi: neʼe kojo boi montandokoro komi, mamposabi yangi, maka yangi inceʼemo gadera mPoparenta mPue Ala; 35#Yes. 66:1, Pol. 48:3 neʼe ndiposabi lino, maka lino perontada mbitia; bara ndiposabi Yerusale, maka inceʼe lipu Mokole Bangke. 36Neʼe montandokoro komi mamposabi woʼomi, maka bareʼe ndikoto mampakabuya bara mampakaeta wuyuami mau santoko. 37Ganamo ane nditoʼo ‘Io’ bara ‘Bareʼe’ – maka pau anu meruu ungka njairia inceʼe ungka ri Majaʼa popuʼunya.”
Patada kono pombepesawaki
5:38-42
(Luk. 6:29-30)
38 #
Pa. 21:24, Tad. 24:20, Paw. 19:21 “Lawi ndiincanimo woʼu reʼe totoraka anu ewaseʼi: mata ndasawanika mata, ngisi ndasawanika ngisi. 39Paikanya seʼi-seʼi Kutoʼoka komi: neʼe ndipesawaki tau anu majaʼati komi. Paikanya ane natoposaka ntau pidimu tondo mokana, papaliukamo napantoposaka woʼu pidimu tondo kaii. 40Pai ane reʼe tau anu mampogiluka komi ri Topobotusi da napaleʼo mantima bajumi, waika woʼu paubami. 41Ane reʼe to poparenta anu mariso siko da mangkeni rengkonya saoyo kilo kalawanya, kenika radua oyo kilo kalawanya. 42Ane reʼe tau anu merapi ri siko, waika. Neʼe woʼu nupomanongo tau anu moncabo ri siko.”
Mampotowe iwali
5:43-48
(Luk. 6:27-28,32-36)
43 #
Tad. 19:18
“Lawi ndiincanimo reʼe woʼu totoraka anu ewaseʼi: potowemo waʼa yunumu pai pobanciikamo waʼa iwalimi. 44Paikanya seʼi-seʼi Kutoʼoka komi: potowemo waʼa iwalimi pai pekakaika waʼa ntau anu majeani komi, 45da naka komi mewali ana mPapami ri suruga. Maka i Pue Ala mampapebete reme gala ntau anu madago powianya pai gala ntau anu majaʼa powianya. Ewanceʼe seʼe Sira mampatudu uja gala ntau anu monco powianya pai gala ntau anu majaʼa powianya woʼu. 46Paikanya ane podo tau anu mampotowe komi anu ndipotowe, nunjaamo powiami anu da ndasili i mPue Ala? Ara banya waʼa ntoponduru asele woʼu mowia ewanceʼe? 47Pai ane podo waʼa yunumi anu ndiseko mpodago, nunjaamo peruumi? Waʼa ntau anu bareʼe maincani i Pue Ala ewanceʼe seʼe powianya! 48#Tad. 19:2, Paw. 18:13 Papami ri suruga mampotowe pura-pura tau. Da ewanceʼe woʼu komi.”
Currently Selected:
MATIU 5: LAIPMF
Highlight
Share
Compare
Copy
Want to have your highlights saved across all your devices? Sign up or sign in
